شەو و شێعر

پەچەے و پەرچەمی و پرچی سیا هەر دەڵێی مانگەشەوە ڪوڵمی تیا لادە دەسرۆڪەیی هەورے لە جەبین دەرڪەوێ شەمس وقەمەر؛نوورو زیا لێوے تۆئاوی بەقا من خزرم فەیزے تۆڕەحمەت و من سەوزەگیا مەمخەرە هاوییەیی هەوڵی فیراق دەستی من دامەنی تۆ ڕۆژی قیا "گێل"ئەگەرتورڪی،"تەعال"ئەرعەڕەبی "بێ"ئەگەر ڪوردے؛ئەگەر فورسی" بیا" سەرے فەرهادم و دندووڪی قوڵنگ دەستی مەجنوونم و داوێنی چیا دوور لەتۆ ئیدے مەپرسە قــــوربان حاڵی" نالی" ڪە نەمردو نەژیا! 🔹مامۆستا نالی @hevyan

من نیشتمانێکم هەیە.... تەلیسمی گەردوونە لە قەڵادزێدا ئەیکوژن و بەڵام لە "ئامەد"دا زیندوو ئەبێتەوە لە هەڵەبجەدا سەری ئەبڕن و بەڵام لە کەرکووکدا ئەژێتەوە لە هەولێردا لە قەنارەی ئەدەن و لە ورمێدا بەرزەوپێ ڕاست ئەبێتەوە من نیشتماێکم هه‌یه‌ حه‌وت په‌راسووی له‌ هه‌موو نیشتمانه‌کانی دیکه‌ی ئه‌م دنیایه‌ زیاتره‌! نه‌ قه‌واره‌ و نه‌ حاڵ و نه‌ ماڵ و نه‌ چه‌تر و نه‌ شووره‌ و نه‌ ئه‌ندامه‌ له‌ کۆمه‌ڵی نه‌ته‌وه‌ یه‌کگرتووه‌کاندا و نه‌ پولێکی هه‌یه‌ له‌ سندوقی دراوی ده‌وڵه‌تاندا و نه‌ ئاڵا و نه‌ زرێپۆش و نه‌ فڕۆکه‌ و که‌چی ماوه‌و که‌چی ئه‌ژی و که‌چی هه‌یشه‌! ✍ #شێرکۆ_بێکەس @hevyan

#وەرگێڕان مرۆڤە مەزنەکان لە هەڵۆ دەچن . هەتا بەرزتر دەبنەوە کەمتر بەرچاو دەکەون . سزای ئەو بەرزفڕییە تەنیایییەکی قووڵە . #ئیستانداڵ و. #زاهێد_بابامیری @hevyan

جوانترین شت لەم دونیایەدا خەیاڵ کردنی مرۆڤەکانە، چونکە تێیدا مرۆڤ بۆ چەند ساتێک بە هەموو ئاواتەکانی دەگات ! #بەختیار_عەلی @hevyan

عومری بێحاسڵی من چوو بە عەبەس ئەمەکم ھەرچی ھەبوو چوو بە عەبەس میھری بێمیھری ڕوخت گیراوە لە منی سایە سیفەت چوو بە عەبەس قەسدی یاریتە لەکن بەزمی ڕەقیب یاری من! خۆت مەکە بەدخوو بە عەبەس خانەیی دڵ کە خەرابە، چ بڵێم بە خەیاڵت کە: بفەرموو، بە عەبەس! نالی ئەو غونچە دەمە بێزارە مەکە ماچی دەمی، ئەرجوو، بە عەبەس 🔹مامۆستا نالی @hevyan

کەڵە پیاوی کوردستانەکەم مامۆستا جەلال مەلکشا نەمر @hevyan

کەڵە پیاوی کوردستانەکەم مامۆستا جەلال مەلکشا نەمر @hevyan

زستانێ بوو چوومە خەیاڵی بەفرەوەو قووڵ داچووم و دڵم بەستی و تیا مامەوە! لە بەهاردا هەڵەکۆکێک بە ئەسپایی منی هێنایە دەرەوە و لەگەڵ خۆیدا پێشکەشی کردم به بسکی شۆڕەژنێک! #شێرکۆ_بێکەس @hevyan

ئاوازی خۆشی دڵداری ئاو ھەڵدێری ژوانی یاری مانای ژیانی چەند ڕەنگینە جوانی کاتی زۆر شیرینە لەنجەی یارم بەرەو کانی ئێوارانە ڕازی جوانی ئەپڕژێنێ بەناو دێدا ئەم نەغمەیە کەم بە کوێدا ئاوایە تاوی گەرمی دڵداری ئاوایە ڕەمز و نازی نازداری مانای ژیانی 🔹سواره ئیلخانی زاده @hevyan