Mina Traditional medicine

ስፕብስክራይብ ያድርጉ ።ይማሩ ጤናዎን ይጠብቁ

በድሬዳዋ እና በዙሪያው ያላችሁ ወዳጆቸ ለመጀመሪያ ጊዜ የመጀመሪያውን ቅርንጫፍ በድሬዳዋ መክፈቴን ሳበስር በጣም ደስ እያለኝ ነው ። ይሄው በወንድሞቸ ምክር ከብዙ ንግግር በኃላ ቅርንጫፍ በድሬዳዋ ሳቢያን እሸት ሆቴል ፊት ለፊት መክፈቴን እነግራችሁዋለሁ ። አትታመሙ !!! ከታመሙ ግን ኑ ተፈጥሮን በተፈጥሮ እናክማለን !!!!!!! ሚና የባህል ህክምና 0920525200 0994777777 0929686868

  MENU ሐገርኛ የባህል ህክምናን የማዘመን ሂደት — January 27, 2023      ኢትዮጵያ በብዝሃ ሕይወት ስብጥር፤ በእምቅ የሀገረሰብ እውቀት ክምችትና ተያያዥ ጠቀሜታ ባላቸው መድኃኒታማ እጽዋት ብዛት በዓለም ከታወቁ አገሮች መካከል በግንባር ቀደምትነት ትጠቀሳለች። በዓለም አቀፍ ደረጃ ከተለዩት ከ50 ሺ ለመድኃኒትነት የሚውሉ እጽዋቶች መካከልም ስድስት ሺ ያህሉ በኢትዮጵያ እንደሚገኙ ከኢትዮጵያ ሕብረተሰብ ጤና ኢንስቲትዩት ያገኘነው መረጃ ያሳያል። ከዚህ ውስጥም አንድ ሺ የሚሆኑት ለመድኃኒትነት የሚውሉ የእጽዋት ዓይነቶች ሲሆኑ፤ 240ዎቹ አገር በቀል መሆናቸውን ነው የዘርፉ ተመራማሪዎች የሚያስረዱት። ሀገሪቱ እነዚህን ሀገር በቀል እፅዋቶችን ለመድሃኒትነት ጥቅም ላይ በማዋል ረገድም ረጅም ዘመናትን ማስቆጠሯን ሰነዶች ያመለክታሉ። በተለይም የሀገሪቱ ከ80 በመቶ በላይ የሚሆኑ ዜጎች ኑሯቸውና የጤና አጠባበቃቸው በባህላዊ ሕክምና እና መድኃኒት ዙሪያ የሚያጠነጥን መሆኑ ከዕፅዋቶቹ ጋር ያለውን ጥብቅ ቁርኝት ያመለክታል። ይሁንና በተለይም የዘመናዊ ህክምና መስፋፋት ጋር ተያይዞ እፅዋቶችን ለህክምና የመጠቀሙ ባህል እየተዳከመ ስለመምጣቱ ይነሳል። በዚህ ረገድ በአውሮፓ እንደጀርመን፤ በኢዢያ ደግሞ ቻይና እና ህንድ የመሳሳሉት ሀገራት ያላቸውን የእፅዋት ሀብትም ሆነ ባህላዊ ህክምና ከማሳደግ ባሻገር ለሀገር ኢኮኖሚ እድገት በከፍተኛ ደረጃ እየተጠቀሙ ካሉ የዓለም ሀገራት መካከል ይጠቀሳሉ። በተለይም በቻይና ዘርፉ ከዘመናዊ ሳይንስ ጋር በመተሳሰሩና ለተጠቃሚዎች ምቹ በመደረጉና ወደ ተለያዩ ዓለም ሃገራት ጭምር በመላክ ለሀገራቸው ኢኮኖሚ የጀርባ አጥንት ሆኖ እያገለገለ ነው የሚገኘው። ቻይና በባህላዊ ህክምና እጅግ እየተራመደች ያለች ሀገር በመሆንዋም የባህል ህክምና ኢንስቲትዩት፤ በጣም የተደራጀ የባህል ህክምና እና መድሀኒት ፣ ኢንሳይክሎፒዲያ (የባህል መዝገባ ቃላት)፤ በሙያው በየጊዜው የሰለጥኑ እና እውቅና የተሰጣቸው ዶክተሮችና የመታከሚያ ቦታዎችን በማዘጋጀት ከፍተኛ ተጠቃሚ ሆናለች። ከዚህ አኳያ ኢትዮጵያ ምንም እንኳን የበርካታ እፅዋቶች ባለቤት ብትሆንም ከዘርፉ የሚገባትን ጥቅም እያገኘች አይለም። ይልቁንም ከዘመናዊ ህክምና መስፋፋት ጋር ተያይዞ የምዕራብውያኑ እውቀትና ተሞክሮ በማምጣት ያላትን እምቅ ሀብትም ሆነ እውቀት እየጣለች እንደምትገኝ ነው በዘርፉ የተሰማሩ አካላት የሚናገሩት። ይህ ሁኔታ በእጅጉ ከሚያስቆጫቸው ሰዎች መካከል የሚና ባህል ህክምና ማዕከል ባለቤትና ስራ አስኪያጅ የሆኑት ኡስታዝ ኑሩ ጀማል አንዱ ናቸው። የባህል ህክምናውንም ሆነ በዕፅዋት ላይ ያላቸውን ጥልቅ እውቀት ያገኙት ከአባታቸው መሆኑት የሚናገሩት እኚሁ ሰው ‹‹ያለንን ሰፊ የተፈጥሮ ሀብት አለማወቃችን ብቻ ሳይሆን ለዘርፉ ትኩረት ባለመስጠታችን የምዕራባውያኑ ሸቀጥ ማራገፊያ መሆናችንን ሳስብ ያንገበግበኛል›› በማለት ይገልፃሉ። ባለፉት ሁለት አስርተ -ዓመታት ከጎንደር እስከ አዲስ አበባ ድረስ በባህላዊ ህክምና ዘርፍ የሰሩት ኡስታዝ ኑሩ ከባህላዊ ህክምናው ባሻገር ዘመናዊ ሳይንስንም ጭምር በማጥናት ለዘርፉ እድገት ከፍተኛ አስተዋፅኦ እያበረከቱ የሚገኙ ሰው ናቸው። ግለሰቡ ለዚህም ይረዳቸው ዘንድ ቡሬ ግብርና ኮሌጅ በመግባት እፅዋት ሳይንስ ያጠኑ ሲሆን ከአባታቸው የተረከቡትን በአረብኛ ቋንቋ የተፃፉ የእፅዋትና ባህላዊ ህክምና መጻህፍትን በማንበብ አቅማቸውን አጎልብተዋል። ከዚህም ባሻገር እነዚህን መጻህፍትን ወደ አማርኛ በመተርጎም በማህራዊ መተግበሪያዎች አማካኝነት ለህብረተሰቡ ተደራሽ አድርገዋል። ከልጅነታቸው ጀምሮ ከአባታቸው እግር ስር እየተከተሉ የባህል ህክምና እውቀት እየቀሰሙ ያደጉት ኡስታዝ ኑሩ በተለይም ባህላዊ እውቀቱን ከዘመናዊ ሳይንስ ጋር በማጣመር በተለያዩ ህመም ውስጥ ያሉ ለአካባቢያቸው ነዋሪዎች አገልግሎት በመስጠት ፤ በባህል ህክምናም ሆነ በሃኪሞቹ ዙሪያ ያለውን የተዛባ አመለካከት በመቀየር፤ በመድሃቶቹ ፈዋሽነት ላይ ያሉ ጥርጣሬዎችን በማጥራት ረገድ ከፍተኛ የሆነ ስራ እያከናወኑ ነው ያሉት። እንደ ኡስታዝ ኑሩ ማብራሪያ፤ በኢትዮጵያ የባህል ህክምና የጀመረበት ጊዜ በውል ባይታወቅም የሺ ዘመናት ታሪክ እንዳለው በዘርፉ የተፃፉ ጥንታዊ መጻህፍት ያስረዳሉ። ባህላዊ ህክምና የሕረተሰቡን ብቻ ሳይሆን የከብቶችንም ጤና በመጠበቅ ትልቅ ባለውለታ የሆነ ዘርፍ ነው። ከአፄ ኃይለስላሴ ጀምሮ የባህል ህክምና በሕግ እንዲመራ ተሞክሮ ነበር። ይሁንና ዘርፉ ካለው ፋይዳ አንፃር የሚገባውን ትኩረት አልተሰጠውም። በተለይ የደርግ መንግሥት መምጣቱን ተከትሎ የባህል ህክምና የሚሰጡ የህብረተሰብ ክፍሎች ላይ ጫና ማሳደርና የመሳሰሉት ችግሮች ነበሩበት። ከዚሁ በላይ ግን ጊዜው እየሰለጠነ በመጣ ቁጥር አብዛኛው ማህበረሰብ የአባቶችን የቀደመ እውቀት በመተው ወደ ምዕራባውያኑ እውቀትና ህክምና ላይ ማተኮር መጀመሩ የዘርፉ እድገት እንዲያሽቆለቁል ምክንያት እንደሆነ ኡስታዝ ኑሩ ያስረዳሉ። ‹‹በዚህ ትልቅ እሴታችን ዙሪያ አባቶቻችን ሰንደው ያዘጋጇቸው በርካታ መጻህፍት አሉ፤ ነገር ግን እነዚህን መጻህፍት አዋራቸውን አራግፈን እንዳንጠቀም ብዙ መሰናክሎች አሉብን›› ይላሉ። እንደኡስታዝ ኑሩ ማብራሪያ፤ ጀርመን ከኢትዮጵያም ሆነ ከሌሎች የአፍሪካ ሀገራት እፅዋቶችን በመውሰድና ባህላዊ እውቀት በመቀመር ከፍተኛ ደረጃ ደርሳለች። ጀርመን በቅርቡ 3ሺ 500 የሚደርሱ ባህላዊ መድሃኒቶችን ገበያ ላይ አውላለች። የዘመናዊ ህክምና ባለቤት የምትባለው አሜሪካም 1 ሺ800 የሚሆኑ የዕፅዋት መድሃኒቶችን ለገበያ አቅርባለች። ኢትዮጵያ ከዚያ በላይ ሀብት ቢኖራትም ያሏትን መጻህፍቶች በህገመጥ መንገድ ወደውጭ በመውጣታቸውና ለዘርፉ በቂ ትኩረት ባለመሰጠቱ ከዘርፉ ከሚገባትን ጥቅም እንዳታገኝ አድርጓታል። ቻይናም የራሷ ባህል እና ጥንታዊ እውቀት ለማሳደግ በጣም ብዙ ጥረት ማድረጓን ያነሳሉ። ‹‹ቻይና በባህል ህክምና ዘርፉ ዩኒቨርሲቲ እስከማቋቋም ደርሳለች። በዩኒቨርሲቲው 60 በመቶ ባህላዊ፤ 40 ደግሞ ዘመናዊ ትምህርት ነው የሚሰጠው› ይላሉ። ጀርመንም በተመሳሳይ ለባህላዊ ህክምና ትምህርት ከፍተኛ ትኩረት እንደምትሰጥ አንስተው፤ ‹‹በጀርመን ማንኛው ዶክተር የስራ ፈቃድ የሚሰጠው በባህል ህክምና ዘርፍ ፈተና ወስዶ ፈተናው ማለፍ ሲችል ብቻ ነው›› ሲሉ ይጠቅሳሉ። በዚህ ረገድ ኢትዮጵያ የተለያየ የአየር ፀባይ እና እንደየአካባቢው የሚበቅሉ በርካታ መድሃኒትነት ያላቸው እፅዋቶች ቢኖሯትም ዘርፉ ለሀገር ኢኮኖሚ እድገት ከመጠቀም ወደኋላ ቀርታለች። ‹‹ሱዳን ብትሄጂ ግን እንደሁኔታው የሚመች የአየር ፀባይ የለም። እኛ ደግሞ በተቃራኒው የአየር ፀባይም ሆነ መድሃኒታማ እፅዋቶች ባለሀብቶች ነን። ግን ደግሞ ፈጣሪ አሟልቶ የሰጠንን ሀብት በአግባቡ መጠቀም አልቻልንም›› ይላሉ። ለዚህ ደግሞ በዋናነት በኢትዮጵያ የምዕራብውያኑ ተፅዕኖ በመዋጥ የራስን እወቅት፤ ታሪክ ቅርስና ማንነት በመተው የሌሎችን ከፍተኛ ወጪ በማውጣት የመጠቀም ልምዱ በመጎልበቱ እንደሆነ ያስረዳሉ። ‹‹ይህ ደግሞ አሁንም በሌሎች ሀገራት ላይ ጥገኛ እንድሆን ከማድረጉም ባሻገር በእጃችን ያለውን አቅም እያጣነው ነው ያለነው›› ሲሉ ስጋታቸውን ይገልፃሉ። በዚህም ምክንያት ሀገሪቱ ከመካከለኛ ገቢ ካላቸው ጋርም ተርታ መሰለፍ ያለመቻሏንና ዛሬም በሌሎች ሀገራት ጥገኛ በመሆን ለከፍተኛ የውጭ ምንዛሬም እየተዳረገች መሆኑን ነው ያመለከቱት።

ፍርማሲ በቤተዎ #79     አስገራሚ 7 የእንቁላል የጤና ጥቅሞች እነዚህ አስገራሚ የጤናማ እንቁላል እውነታዎች ናቸው፦ 1:; ለመፈጨት ቀላል ነው እንቁላል ፍርፍር ወይም ቅቅል ከተመገብነው በኋላ ለከርሳችን/ሆዳችን ቀላል ነው ወይም አይከብድም፡፡ ሰውነታችን በሽታ የመከላከል አቅሙ እንዲጨምር ያደርገዋል፡፡ 2:  ለጡት ካንሰር የመጋለጥ እድልን ይቀንሳል የተለያዩ ጥናቶች እንደሚያሳዩት በሳምንት ቢያንስ 6 እንቁላል መመገብ በጡት ካንሰር የመጋለጥ እድላችንን በ44% ይቀንሳል፡፡ 3:  ለአይን ጤንነት ይጠቅማል! ሁለት ካሮቲኖይድ፣ ሉቲይን እና ዜክሳንቲን የጠራ እይታ እንዲኖረን እና አይናችን ጤናማ እንዲሆን ይረዱናል፡፡ እንቁላል ተመጋቢ ከሆኑ ከካታራክት እና ከፀሃይ ጐጂ ጨረር ከመጋለጥ ይከላከልልዎታል፡፡ 4:የፀጉር እና ጥፍር ጤንነትን ለመጠበቅ በሰልፈር (ድኝ) የበለፀገ አሚኖ አሲድ በእንቁላል ውስጥ ይገኛል፡፡ የጥፍር ጤንነትና ጥራትን ይጨምራል፡፡ ሌሎች ሚኒራሎች እንደ ብረት፣ ዚንክ እና ሴሊኒየም ለፀጉር ጤንነት የበኩላቸውንድርሻ ይወጣሉ። 5:  የሰውነት ክብደትን ያመጣጥናል የሰውነት ክብደታቸውን መጨመር የሚፈልጉ ሰዎች እንቁላል ትክክለኛ ምርጫ ሲሆን በፕሮቲን ይዘቱ በጣም የበለፀገ ነው፡፡ እንቁላል የምንጠቀም ከሆነ ከመጠን በላይ እንዳንመገብ አስተዋጽኦ ያደርጋል ስለዚህ በቀላሉ የሰውነት ክብደታችንን አመጣጠንን ማለት ነው። 6:  አጥንታችን ጠንካራ እንዲሆን ያደርጋል ካልሲየም በሰውነታችን እንዲመጠጥ እና እንዲዋሃድ ቫይታሚን ዲ (Vitamin D) በጣም አስፈላጊ ነው፡፡ እንቁላል ከፍተኛ የቫይታሚን ዲ፣ ፎስፈረስና ካልሲየም መጠን አለው እነዚህ በአንድነት በመሆን የአጥንት ችግርን ይከላከላል። 7:  ለአእምሮ ጤንነት አስፈላጊ ነው! እንቁላል ክሎሪንን ለአእምሮ በመመገብ ጤንነቱን ይጨምራል/ይጠብቃል፡፡ ክሎሪን መልዕክት አስተላላፊ በመሆን ያገለግላል፡፡ በእቁላል አስኳል ውስጥ የሚገኝው ፎሌት የተባለው ንጥረ ነገር የነርቭ ሴሎችን በመጠበቅ አእምሮ ተግባሩን በትክክል እንዲወጣ ያደርገዋል። ሚና ባህላዊ ህክምና አድራሻ :-ቤተል አደባባይ፣ ወደ አየር ጤና በሚወስደው መንገድ፣ በግ ተራ ዝቅ ብሎ ፣መኪና ማሰልጠኛው አካባቢ 0920525200 0994777777

ፋርማሲ በቤትዎ # 78 የአፕል ፍሬ ዘጠኝ ጥቅሞች :- - በሰውነት ደም ወሳጅ ቧንቧዎች ውስጥ የሚሰበሰበውን ኮሌስትሮልን ይዋጋል። - በሰውነት አካል ውስጥ መርዞችን ያስወግዳል ፣ቫይረሶችን ያጠቃል። - ከባድ የሆድ ድርቀት እና ተቅማጥን ያክማል። - ሳል ያረጋጋል ፣ የአክታ ፈሳሽን እንዲኖር ያረጋል ። ለከባድ  በሽታዎች ውስጥ ጠቃሚ ነው ምክንያቱም ሽፋኑ pectin ይዟል። - የሃሞት ጠጠርን ለማፍረስ ይረዳል - ጥርስን ያጸዳል እና ድድ ያጠናክራል ምክንያቱም ኦክሌሊክ አሲድ ይዟል - ፀረ-ኦስቲዮፖሮሲስ ምክንያቱም ቦሮን ይዟል - የሳንባዎችን አሠራር ያጠናክራል ፣ የሳንባ ካንሰርን አደጋ ይቀንሳል። - በባክቴሪያ የበለፀገ ፋይበር በውስጡ ይዟል ።ቆዳን ለማንፀባረቅ ይረዳል። የካንሰር እጢዎችን የሚዋጋ በ citrus የበለፀገ ነው ። ሚና ባህላዊ ህክምና አድራሻ :-ቤተል አደባባይ፣ ወደ አየር ጤና በሚወስደው መንገድ፣ በግ ተራ ዝቅ ብሎ ፣መኪና ማሰልጠኛው አካባቢ 0920525200 0994777777

ኢብነልቀይም አላህ ይዘንለት እንዲህ ይላል ??!! ከመጠን በላይ መተኛት የሚያመጣው ጉዳት :- ፊትን ቢጫ ያደርገዋል፣ ልብን ይዘጋል፣ አይንን ያቃጥላል፣ ስንፍና ያመጣል፣ እና አንድን ሰው ለመስራት ሰነፍ ያደርገዋል። በሰውነት ውስጥ እርጥበት በመፍጠር ቁርጥማት እንዲመጣ ያደርጋል። ኢብኑል ቀይም አላህ ይዘንለት 📚 ጢበ ነበዊይ  ገጽ 374

ፋርማሲ በቤተዎ # 76 🥬የጥቅል ጎመን ጥቅሞች :- 🥬ጥቅል ጎመን የማዕድን እና የቪታሚኖች ማዕድን ነው። ጥቅል ጎመን ለሰውነታችን አስፈላጊ በሆኑ ማዕድናት እና ንጥረ ነገሮች የበለፀገ በመሆኑ ብዙ ባህሪያት ጥቅሞች አሉት። ጥቅሞቹ በግሪካዊው ሐኪም ሂፖክራተስ ፣ በሸይኽ ኢብኑ ሲና ሌሎችም በሰፊው ተብራርቷል ። ፈረንሳዮች ሰውነታቸውን ለማጠንከር እና ከበሽታዎች ለመከላከል በዋና ዋና ምግባቸው ላይ ይጨምሩት ነበር። 🥬በጥቅል ጎመን ውስጥ ያሉት ንጥረ ነገር ዝርዝር :- በቅርብ ጊዜ የተደረጉ ጥናቶች በጎመን ላይ የተካሄዱ ጥናቶች እንደሚያመለክቱት የሚከተሉትን ንጥረ ነገሮች ይዟል። * ካልሲየም * ፎስፈረስ * ሰልፈር * ፖታስየም * ማግኒዥየም * መዳብ * ብረት * አዮዲን * ቫይታሚን ኤ. የቡድን ቫይታሚኖች B * ቫይታሚን ሲ * ቫይታሚን ኬ * ቫይታሚን ዲ ንጥረ ነገሮችን ይዟል 🥬ጥቅሞች:- ጎመን ክሎሮፊል ይዟል።ይህም አረንጓዴ ቀለም በደም ውስጥ ሂሞግሎቢን ለማምረት ይረዳል። በዚህ ምክንያትጥቅል ጎመንን ልጆች እና ሴቶች እንዲሁም የሰውነት መታወክ እና የደም ማነስ ባሕርይ ምልክቶች የሚሠቃዩ ሰዎች ጠቃሚ ምግብ ነው።. አጠቃላይ ድካም ፣ ራስ ምታት ፣ ማዞር እና በሰውነት ሕብረ ሕዋሳት ላይ ሽፍታ እንደ የዓይን እና የከንፈር ለሚከሰቱ ችግሮች ፈውስ ነው ። በጥቅል ጎመን ስብጥር ውስጥ የተካተቱት ንጥረ ነገሮች የጡንቻ ሴሎችን ለማደስ እንደሚረዱ ጥናቶች አረጋግጠዋል። በጣም አስፈላጊ ከሆኑት የጥቅል ጎመን የሕክምና ባህሪያት መካከል, በሚከተሉት የፓቶሎጂ ሁኔታዎች ውስጥ ጠቃሚ ምግብ መሆኑን እጥቅሳለሁ። * የመተንፈሻ አካላት በሽታዎች እና አስም ለማከም * የስኳር በሽታ የስኳር መጠንን ለመቀነስ ስለሚረዳ * የሰውነት ማሳከክ ፣ በዘይት የተቀባ የጎመን ቅጠሎችን መጭመቂያ በመጠቀም ፣ ከአንድ ሰአት ላልበለጠ ጊዜ ፣ ​​የጉዳቱ ቦታ መታከም አለበት ። በቀን ከ2-4 ኩባያ የሚሆን ጎመን የተቀቀለ ውሃ በመጠጣት የሆድ ድርቀት ለማስወገድ *የድምፅ መጎርነን የጎመን ጭማቂን ከማር ጋር መጠጣት ወይንም በአፍ መጉመጥመጥ ይመከራል ።እ ድምፁን ለማሻሻል ለሚፈልግ ሰው እንዲወስዱት ይመከራል። https://m.facebook.com/Mina-Traditional-medicine-ሚና-ኑሩ-113105746994513/?ref=opera_speed_dial እንደ አማራጭ ተጠቀሙበት ለተጨማሪ ማብራሪያ ሚና የባህል ህክምና አ/አ ቤተል ቶታል ማደያ አካባቢ ጃካራንዳ ካፌ ጀርባ 0920525200 ባለሙያ እያማከራችሁ መድሃኒቶችን በቤት ውስጥ ያዘጋጁ https://t.me/minatraditional ሸር በማድረግ ላልደረሰው እናድርስ

ፋርማሲ በቤተዎ # 75 #የሩዝ ውሃ መጠጣት የሚያስገኘው ጥቅም :- ቀደም ባሉት ጊዜያት ለመናገር የዘገየ ልጅ የተቀቀለ የሩዝ ውሃ ይጠጣ ነበር። ነገር ግን በጊዜ ሂደት እነዚህን ውጤታማ የህዝብ የምግብ አዘገጃጀት ዘዴዎች ረሳን። ቀናት አለፉ እና ሳይንስ የዚህን ተወዳጅ አሰራር ትክክለኛነት አረጋገጠ። ጥናቶች እንዳረጋገጡት የሩዝ ውሃ በቫይታሚን ቢ6 የበለፀገ ሲሆን ይህም በጣም አስፈላጊው ቫይታሚን ህፃኑ እንዲናገር እና በንግግር ውስጥ የሚዘገይ ነገርን ለማስወገድ የሚረዳ ነው። እንዲሁም የቃላቶቻቸውን እና የቋንቋ እውቀትን ይሻሽላል። የሩዝ ውሃ ሌሎች ጥቅሞች አሉት:- 1- ለወጣቶች እና ለአዋቂዎች ለተቅማጥ በጣም ውጤታማ የሆነ ህክምና ነው። 2- ከፍተኛ መጠን ያለው ካርቦሃይድሬትስ እና ቫይታሚን ስላለው ለደካሞች ሃይልን ይሰጣል። 3- ጸጉርዎን እና የራስ ቆዳዎን አዘውትረው ካጠቡት ለፀጉር ማራዘሚያ በጣም ጥሩ ነው። ጸጉርዎ በጣም ይረዝማል። 4- ትኩሳት በሚኖርበት ጊዜ ለልጁ የሚሆን ምግብ ሰውነታችን የሙቀት መጠኑን እንዲቀንስ ይረዳል። 5- መቧጨር ፣ የቆዳ በሽታ ፣ አለርጂ ፣ እና ዳይፐር እብጠት ቢከሰት ልጁን በእሱ ይታጠብ ፣ በጣም ውጤታማ። https://m.facebook.com/Mina-Traditional-medicine-ሚና-ኑሩ-113105746994513/?ref=opera_speed_dial እንደ አማራጭ ተጠቀሙበት ለተጨማሪ ማብራሪያ ሚና የባህል ህክምና አ/አ ቤተል ቶታል ማደያ አካባቢ ጃካራንዳ ካፌ ጀርባ 0920525200 ባለሙያ እያማከራችሁ መድሃኒቶችን በቤት ውስጥ ያዘጋጁ https://t.me/minatraditional ሸር በማድረግ ላልደረሰው እናድርስ

የጡት ካንሰር አሁን አሁን በሀገራችን እጅግ እየበዛ የመጣ በሽታ ሲሆን በጊዜው ባለመታወቁ ምክንያት ብዙ ሴቶች እና እናቶችን እየወሰደ ይገኛል ። - የጡት እብጠት ወይም ከተለምዶ ለየት ያለ ውፍረት - የጡት መጠን ፣ ቅርፅ እና መልክ መለወጥ - የጡት ቆዳ መቀያየር ለምሳሌ የመደብዘዝ - የጡት ጫፍ እንደ አዲስ መገልበጥ - የጡት ጫፍ ዙሪያ መላጥ ፣ መቀረፍ እና መቁሰል - የጡት መቅላት ወይም የጡት ቆዶ መጎርጎድ የመሳሰሉት ናቸው። እንዴት እንከላከል ? ችግሩ ከተከሰተ በኃላ ምን ምን ነገሮችን እንጠቀም ? የሚሉትን ጉዳዮች በሰፊው እመጣለሁ