كرونيكات جزائرية🌸

❤️حبيبي عسكري❤️ الحلقة التاسعة: -نورسين: ايه على جدها، تكون تقرا دوكا، خليني نلم الدار ونطيب الغدا لأبو عضلات، يجي مايلقاهش يايما ياكلني انا فاتت لشومبرتها وحلت البالكون تدخل الشمس، سيقتها مبعد فاتت للدوش وزادت التواليت، كملت حست بروحها عرقت، طلت على الغدا وراحت تعمل دوش، شافت فالساعة كانت 11:30 بعد مدة خرجت لابسة دوبياس بلو سيال والمنشفة على شعرها، شافاتو قدامها خارج من الكوزينة عيطت مرة وحدة، جبدت المنشفة من شعرها دارتها على روحها وفاتت تجري ✨️نوفل✨️ -دخلت للدار هاز القضيان لقيت حسها ماكاش غير الكوكوط على النار، حطيت القضبان وجيت خارج شفتها خارجة من الدوش، تفاجأت باللي شفتو، كانت لابسة دوبياس بلو، مافيبالهاش انا جيت، زربت خبات روحها بالمنشفة وراحت تجري لبيتها دخل لبيتو، الحال معجبوش راح يطبطب عليها -نوفل: اخرجي نهدر معاك نورسين: (ياربي كيفاش نقابلو) اوك دقيقة راني جاية لبست فيزو فالسومو وتريكو طويل فالنوار، فتحت الباب شافاتو مغشش ووجهو مايتفسرش -نورسين: نعم -نوفل: انت اليوم جزتي لشمبرتي؟ نورسين حرذت راسها بلا -نوفل: وعلاه يالالا، ماراهيش جزء من الدار، ماتنيطوايي فيها وماتشوفي حوايجي والا موسخين؟ واشنو تاكلي وترقدي هذا ماكان -نورسين: مافي باليش، انا قلت بالاك ماتحبش ندخل ليها -نوفل: علاش مانحبش؟ انت واش هو دورك فالدار؟ -نورسين: ماعليه دوكا ندخل ليها نوفل خبط يدو للحيط، جات في بالو تصويرة سامي، حس روحو بزاف يضغط عليها خرج للصالون وهي جازت لشمبرتو تعملها نوفل: "سامحني ياخويا سامي، مالازمش نضعف قدامها، هذي أمانة تاعك نحافظ عليها، والا قسيت عليها ماشي معناتها انا صعيب ولكن خايف، خايف من اللي راح يكون" كملت من شمبرتو وخرجت، راحت حطت لغدا...