Madjit Malikovich Karimov

Davlat test markazida mavjud vakant lavozimlarga ochiq tanlov ✅ Davlat test markazi Prezident huzuridagi Davlat xizmatini rivojlantirish agentligi bilan hamkorlikda quyidagi vakant lavozimlarga ochiq mustaqil tanlov e’lon qiladi: 👉 Test sinovlarining kompyuter tahlili va axborotlashtirish boshqarmasi boshlig‘i; 👉 Chet tilini bilish darajasi bo‘yicha sinov natijalarini hisoblash va sertifikat berish bo‘limi boshlig‘i; 👉 Chet tillarni bilish darajasining pedagogik o‘lchovlarini rivojlantirish bo‘limi bosh mutaxassisi; 👉 Axborot-kommunikatsiya texnologiyalari bo‘limi bosh mutaxassisi; 👉 Test materiallarini chop etish va shakllantirish bo‘limi bosh mutaxassisi; 👉 Chet tilini bilish darajasi bo‘yicha sinov natijalarini hisoblash va sertifikat berish bo‘limi yetakchi mutaxassisi; 👉 Umumta’lim fanlari bo‘yicha test topshiriqlarini shakllantirish bo‘limi bosh mutaxassisi (biologiya fani bo‘yicha); 👉 Umumta’lim fanlari bo‘yicha test topshiriqlarini shakllantirish bo‘limi bosh mutaxassisi (nemis tili fani bo‘yicha); 👉 Umumta’lim fanlari bo‘yicha test topshiriqlarini shakllantirish bo‘limi bosh mutaxassisi (matematika fani bo‘yicha). 📌 Tanlovda ishtirok etish uchun nomzodlar Davlat fuqarolik xizmatchilari vakant lavozimlarining yagona ochiq portali orqali ro‘yxatdan o‘tishlari, vakant bo‘lgan lavozimga so‘ralgan hujjatlarni elektron shaklda taqdim etishlari zarur. 📆 Hujjatlar 2022-yil 16-aprelgacha (shu kuni ham) qabul qilinadi. 👨‍💻 Hujjatlarni elektron yuborish tartibi bo‘yicha videoqo‘llanma; 🖥 Yagona identifikatsiya tizimi — id.egov.uz saytidan ro‘yxatdan o‘tish bo‘yicha videoqo‘llanma. Davlat test markazining rasmiy sahifalari: Telegram | Facebook | Instagram | YouTube

⚡️ e-DTM tizimida yangi xizmat ✅ Davlat test markazining rasmiy telegram boti (@e_dtm_bot) takomillashtirilib, botga yangi xizmat qo‘shildi. 📚 Endilikda e-DTM tizimi (@e_dtm_bot telegram boti) orqali majburiy va mutaxassislik fanlaridan yangi test topshiriqlarini sotib olish mumkin. 👨‍💻 Buning uchun “Diagnostik test materiallari” bo‘limidan “Pulli test materiallari (yangilangan baza)” ni tanlash lozim. 📋 Bunda majburiy yoki mutaxassislik fanlaridan biri bo‘yicha bitta variant narxi 3 000 so‘mni tashkil etadi va foydalanuvchilarga o‘zlari tanlagan fanlar bo‘yicha yangi test topshiriqlari taqdim etiladi. Izoh: foydalanuvchilar oldingidek bepul test materiallaridan ham foydalanishlari mumkin. Davlat test markazining rasmiy sahifalari: Telegram | Facebook | Instagram | YouTube

Ingliz tili imtihonlarini elektron tarzda o‘tkazish uchun ishlab chiqilgan dastur aprobatsiyadan o‘tkazildi 📆 2022-yil 5-aprel kuni Davlat test markazi tomonidan ingliz tili imtihonlarini kompyuterda elektron tarzda o‘tkazish uchun maxsus ishlab chiqilgan dastur aprobatsiyasi o‘tkazildi. 📌 Dastur aprobatsiyasi Buxoro, Navoiy, Xorazm, Samarqand va Sirdaryo viloyatlarida tashkil etildi. 📚 Unda ingliz tilini bilish darajasini aniqlash test sinovlarini kompyuterda elektron tarzda o‘tkazish uchun ishlab chiqilgan dastur sinovdan o‘tkazildi. ❇️ Aprobatsiyaga akademik litseylar va umumta’lim maktablarining bitiruvchi sinf o‘quvchilari jalb etilib, jami 70 nafar o‘quvchi ishtirok etdi. Davlat test markazining rasmiy sahifalari: Telegram | Facebook | Instagram | YouTube

❗️ Navoiy davlat konchilik va texnologiyalar universitetida tashkil etiladigan bakalavriat ta’lim yo‘nalishlari va magistratura mutaxassisliklari ro‘yxati e’lon qilindi

⚡️ Samarqandda tibbiyot instituti universitet sifatida qayta tashkil etildi Qo‘hna Samarqandda universitetlar safi kengaymoqda. ❗️ Bu safar joriy yil 1 mart kuni Prezidentimiz tomonidan qabul qilingan “Samarqand davlat tibbiyot universitetini tashkil etish va sohada kadrlar tayyorlash tizimini yanada takomillashtirish to‘g‘risida”gi PQ–188-son qaroriga asosan Samarqand davlat tibbiyot instituti Samarqand davlat tibbiyot universiteti etib qayta tashkil etildi. 🔰 Qaror bilan universitet tarkibida quyidagilar faoliyat yuritadi: ▫️Reabilitologiya va sport tibbiyoti ilmiy-tadqiqot instituti; ▫️Universitetning ko‘p tarmoqli klinikasi va ixtisoslashgan bolalar xirurgik klinikasi; ▫️Mikrobiologiya, virusologiya, yuqumli va parazitar kasalliklar ilmiy-tadqiqot instituti va uning klinikasi; ▫️Neyroxirurgiya va neyroreabilitatsiya ixtisoslashtirilgan ilmiy-amaliy markazi; ▫️Immunologiya, allergologiya va inson genomikasi ilmiy markazi. 📌 Universitet bitiruvchi bosqich talabalari uchun poliklinikalar va klinik bazalarda 6 oylik malakaviy amaliyot ko‘rinishidagi subordinaturani joriy etish huquqiga ega. Manba: https://t.me/huquqiyaxborot

Samarqandda universitetlar soni yana bittaga ko‘paydi ❗️Huquqiy axborot internet nashrining xabariga ko‘ra, Samarqand veterinariya meditsinasi instituti negizida Samarqand davlat veterinariya meditsinasi, chorvachilik va biotexnologiyalar universiteti tashkil etildi. Bu haqda 2022-yil 31-mart kuni Prezidentning PQ–187-son qarori qabul qilingan. ✅ Qarorda qayd etilishicha, Universitetda veterinariya, chorvachilik, biotexnologiya, agrotexnologiya, agroiqtisodiyot tarmoqlari uchun oliy ma’lumotli kadrlar tayyorlanadi. ✅ Universitet Boshqaruv kengashi ta’lim yo‘nalishlari va mutaxassisliklar uchun ta’lim davomiyligi muddatlarini belgilaydi. ✅ Universitet Veterinariya va chorvachilikni rivojlantirish davlat qo‘mitasi tizimida faoliyat yuritadi. ✅ Ta’limning amaliyot bilan uyg‘unligini ta’minlash uchun Universitetda Veterinariya klinikasi va kasalliklar diagnostikasi texnoparki tashkil etildi. ✅ Universitetga sohada 5 yillik stajga ega xodimlar tavsiyanoma asosida o‘qishga tavsiya etilganda, to‘lov-kontrakt miqdori kunduzgi ta’lim yo‘nalishidagi to‘lov-kontrakt (stipendiyasiz) miqdoriga tenglashtiriladi. 📌 Shular bilan bir qatorda, mazkur qaror bilan yana: 👉 Qarshi irrigatsiya va agrotexnologiyalar institutida 2022-2023-o‘quv yilidan “Chorvachilik mahsulotlarini qayta ishlash texnologiyasi” ta’lim yo‘nalishida kadrlar tayyorlanadi; 👉 Qamashi xizmat ko‘rsatish texnikumi negizida Qamashi veterinariya meditsinasi texnikumi tashkil etildi. 👉 2022-2023-o‘quv yilidan veterinariya va biotexnologiya yo‘nalishlari uchun “El-yurt umidi” jamg‘armasidan har yili alohida kvota ajratiladi. Manba: https://t.me/huquqiyaxborot

🎧📗 Chet tilidan tinglab tushunish va o‘qish ko‘nikmalarini baholash bo‘yicha malaka oshirish kursi ✅ Chet tilidan tinglab tushunish va o‘qish ko‘nikmalarini baholash bo‘yicha navbatdagi malaka oshirish kursi 6-apreldan boshlanadi. 📆 Malaka oshirish kursi 48 soatga mo‘ljallangan bo‘lib, 6-15-aprel kunlari onlayn tarzda bo‘lib o‘tadi. ⏳ Unda tinglovchilarga chet tilidan tinglab tushunish va o‘qish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi. 📋 Malaka oshirish kursini muvaffaqiyatli tamomlagan talabgorlar shartnoma asosida Davlat test markaziga ekspert sifatida jalb etilishi mumkin. 👨🏻‍💻 Malaka oshirish kursida ishtirok etish istagini bildirgan talabgorlar 6-aprel kuniga qadar quyidagi havola orqali onlayn ro‘yxatdan o‘tib, to‘lovni (540 000 so‘m) amalga oshirgan holda kursda ishtirok etishlari mumkin: https://docs.google.com/forms/d/1dK6X1q1CvUuDfDeArpL16CnSf2S8rY3jYCnZXBzeWzI ☎️ Murojaat uchun telefon: (95) 507-70-72. Ilmiy markazning telegram kanali: 👉 @dtmilmiymarkaz 👈

“O‘qituvchilar uchun Aptis” mock test 📆 2022-yil 9-aprel kuni Davlat test markazida (Toshkent shahrida) “O‘qituvchilar uchun Aptis” mock test sinovi o‘tkaziladi. 📌 Test sinovi Toshkent shahrida Davlat test markazi binosida 2 smenada tashkil etiladi va 1-smena 09:00 da, 2-smena esa 11:00 da boshlanadi. 👩‍🏫 Bunda har bir smena uchun 40 nafardan talabgor ro‘yxatdan o‘tib, test sinovida ishtirok etishi mumkin. 👨‍💻 Test sinovida ishtirok etish istagini bildirgan talabgorlar quyidagi havola orqali onlayn ro‘yxatdan o‘tishlari mumkin: https://docs.google.com/forms/d/1TfnTGmhWYSOnrdKVfPsjumO5qLNePfYK6j9kS46UCUQ ✅ Test sinovida ishtirok etish bepul bo‘lib, har bir smena uchun dastlabki ro‘yxatdan o‘tgan 40 nafardan talabgor test sinovida ishtirok etish imkoniyatiga ega bo‘ladi. Ilmiy markazning telegram kanali: 👉 @dtmilmiymarkaz 👈

Davlat test markazida korrupsiyaga qarshi kurash bo‘yicha ochiq tadbir bo‘lib o‘tdi 2022-yil 1-aprel kuni Davlat test markazida “Korrupsiya-taraqqiyot kushandasi” mavzusida navbatdagi seminar va ochiq muloqot o‘tkazildi. Batafsil: https://dtm.uz/post/view/korrupsiyaga-qarshi-kurash-bo-yicha-ochiq-tadbir Davlat test markazining rasmiy sahifalari: Telegram | Facebook | Instagram | YouTube