ጥበብ ሚዲያ/Tebeb Mediya

ዳይ ወደ ተግባር የምትፈልገውን ለማግኘት ምን ማድረግ እንዳለብህ ማሰብ እንጀመርክ አውቃለው...እህቴ አንቺም ማቀድ እንደጀመርሽ አልጠራጠርም። ግን መቼ ነው ወደ ተግባር የምንገባው? ምግብ የበላ እንጂ ለመብላት ያሰበ አይጠግብም እኮ! መድሀኒቱ የዋጠ እንጂ ስለ መድሀኒቱ አብዝቶ ያወቀ አይድንም እኮ! ማወቅ ማሰብ ማቀድ አሪፍ ቢሆንም ተግባር ከሌለው ግን በዜሮ ነው ሚባዛው! ዳይ ወደ ተግባር!!! ኢትዮጵያዊነት የማይነቃነቅ ፅኑ መሠረት: ዘመን የማይሽረው ማንነት : የማይቋረጥ ጅረት ነው!!! https://t.me/joinchat/Urba9CCiKuJeMDCN

#ምክር ☞ "ማዘንበል ማለት መውደቅ አይደለም" ☞ "መውደቅ ማለት መሰበር አይደለም" ✍ በፈጣሪ ተስፋ አትቁረጥ፤ ምክንያቱም ቀና ሊያደርግህ ቀን አለውና፡፡ 🙌መልካም ምሽት ለሁላችን🙌 ኢትዮጵያዊነት የማይነቃነቅ ፅኑ መሠረት: ዘመን የማይሽረው ማንነት : የማይቋረጥ ጅረት ነው!!! https://t.me/joinchat/Urba9CCiKuJeMDCN

በህይወት ውስጥ ትልቁን ለውጥ የሚፈጥሩት ትናንሽ ነገሮች ናቸው፤ ዝሆን ገጭቶት የሞተ ሰው ታውቃላችሁ? በትንሿ የወባ ትንኝ ግን ተነክሶ የሞተ ነፍ ነው። ታዲያ እንደ ቀላል የምታየው ቸልተኛ ፀባይህ ምን እንደሚያሳጣህ የምታውቀው ዘግይተህ ነው። በቀን ውስጥ አደርጋለው ያልከውን ሳታደርግ ቀጣዩን ቀን አትጀምር! አለዛ ከነገ ላይ እየሰረክ ነው፤ ስንፍናን ማሸነፍ ቀንህን ከማሳመር ነው የሚጀምረው። ኢትዮጵያዊነት የማይነቃነቅ ፅኑ መሠረት: ዘመን የማይሽረው ማንነት : የማይቋረጥ ጅረት ነው!!! https://t.me/joinchat/Urba9CCiKuJeMDCN

ለስሜትህ ጊዜ ስጠው 🗒🗒📜🗒🗒 አንድ ስሜት ሲሰማህና አንድን ነገር ለመናገር ወይም ለመተግበር ስታስብ ወዲያውኑ ከማድረግ ይልቅ ከሁኔታው ዞር በማለት ጊዜ ብትሰጠው ይመረጣል ። "ጊዜና ትእግስት ታላላቅ ተዋጊዎች" በመባል ይታወቃሉ ። ጊዜ ስሜትን ያበርዳል ፣ ነገሮችን ወደ ግልጽነት ያመጣል ፣ እውነት እንዲወጣ እድል ይሰጣል...ወዘተ ። ይህንን ፣ ጊዜ የተሰኘ ግሩም መሳርያ ለመግዛት ገንዘብ አያስፈልገንም ፣ የውስጥ ጽንአትና አርቆ ማሰብ እንጂ ። የስሜት ግለት ባለበት ሁኔታ ውስጥ ባደረከው ነገር እንጂ ከማድረግ በተቆጠብክበት ነገር አትጸጸትም ። 📖📖📖 ለምሳሌ አንድ ሰው አንድን በስሜትህ ላይ ጫና የሚጥል ነገር ተናግሮህ "ውሳኔህን ንገረኝ" ሲልህ...እዚያውመልስ ከመስጠት ይልቅ ጥቂት ቀናት ስጠኝና መልስ ይዤ እመጣለሁ ማለት የበለጠ ስኬታማ ያደርግሃል ። ይህ "ጊዜን የመግዛት" ጥበብ ከሁኔታው ገለል ብለህ ለማሰብ ፣ ሰዎችን ለማማከርና ሁኔታውን ለማመዛዘን ጊዜን ይሰጥሃል ። ቀደም ብለን ለመመልከት እንደሞከርነው ስሜትህ በጋለበትና እንዲሁም የማሰብና የማመዛዘን ብቃትህ አናሳ በሆነበት ሰዓት ምላሽን ለመስጠት መጨናነቅ ውጤታማነትህን ጠባብ ያደርገዋል ። ኢትዮጵያዊነት የማይነቃነቅ ፅኑ መሠረት: ዘመን የማይሽረው ማንነት : የማይቋረጥ ጅረት ነው!!! https://t.me/joinchat/Urba9CCiKuJeMDCN

ሰው ሆይ! የሚጎዳህ ሀብትህ አይደለም፣ ድኽነትህም አይደለም። ሰው የሚጎዳው ክፉ ልብ ነው። ክፉ ልብ ደግሞ በሀብትም ሀብት በማጣትም የሚመጣ አይደለም። ክፉ ልብ ሌሎች ክፉ ልቦች ይወልዳል። እሳት እሳትን እየወለደ ብዙ ዕንጨቶችን እንደሚበላ ኹሉ ክፉ ልብም እንደዚህ ነው። አንተ ሰው! ይህን ማወቅ ትወዳለህን? ክፉ ምግባር ወይም በጎ ምግባር በተፈጥሮ የሚገኙ አይደሉም። እነዚህ ኹለቱ ከክፉ ልብ ወይም ከመልካም ልብ የሚገኙ ናቸው። https://t.me/joinchat/Urba9CCiKuJeMDCN

አስተሳሰብህ ከ አለባበስህ የበለጠ ሲያምር ፣ መልካምነትህ ከምትቀባው ሽቶ የበለጠ ሲያውድ፤ ስነ-ምግባርህ ከመልክህ የበለጠ ሲማርክ፤ የዝነጣ ጣሪያ ላይ ደርሰሃል ማለት ነው። ከምር!! ምን ግዜም በጎ በጎውን አስብ ። ቃላቶችህም በጎ ይሁኑ፤ ምክንያቱም በጎ ቃላት ወደ በጎ ባህሪ ይመራሀል። በጎ ባህሪ ካለህ ወደ ጥሩ ልምድ ይለወጣል ። ጥሩ ልምድ ደግሞ ህይወትህን ወደ መልካም ጎዳና ይመራዋል። https://t.me/joinchat/Urba9CCiKuJeMDCN

ሚዛኑ / ዲያቆን ዳንኤል ክብረት / አንድ ቅቤ አምራች ገበሬና ዳቦ አምራች ነጋዴ እንደ አጋጣሚ ድግስ ላይ ተገናኝተው ያወራሉ፡፡ በጨዋታቸው በጣም ስለተግባቡ ከዚህ በኋላ አጋጣሚ ፈጥረው ለመገናኘት ይስማማሉ፡፡ ነጋዴው ጠዋት ጠዋት 300 ግራም ዳቦ ሲልክለት ገበሬው ደግሞ ማታ ማታ 300 ግራም ቅቤ ሊልክለት ተስማሙ፡፡ በዚህ መልኩ ብዙ ጊዜ ከቆዩ በኋላ ነጋዴ የቅቤ መጠን እየቀነሰ መሄዱን አየ፡፡ በመጨረሻም ሚዛን ላይ ሲያስቀምጠው 150 ግራም ሆኖ አገኘው፡፡ በዚህም በጣም አዘነ፤ ተበሳጨም፡፡ ገበሬውንም አስጠራው፡፡ ሌሎች ሰዎች እንዲያዳምጡት አድርጎ ‹ከተስማማነው ውጭ የቅቤውን መጠን ለምን ቀነስከው?› ሲል ጠየቀው፡፡ ገበሬውም ‹እኔ ፈጽሞ አልቀነስኩትም› ሲል በአግራሞት መለሰ፡፡ ነጋዴውም ቅቤውን በሚዛን ለክቶ አሳየው፡፡ 150 ግራም ነው፡፡ ገበሬውም አዘነ፡፡ ‹እኔ ቤት ውስጥ የ300 ግራም መለኪያ የለኝም፡፡ አንተ ጠዋት ዳቦውን ስትልክልኝ በእጅ ሚዛኑ አንደኛው ሰሐን ላይ አደርገዋለሁ፤ ከዚያም ቅቤውን በሌላኛው ሚዛን አስቀምጠዋለሁ፡፡ ልክ ከዳቦው ጋር እኩል ሲመዝኑ በዕቃ አዘጋጅቼ እልክልሃለሁ› አለው፡፡ ወዲያውም ጠዋት የላከለትን ዳቦ አውጥቶ ሚዛኑ ላይ አስቀመጠው፡፡ ዳቦው 150 ግራም ነበር የሚመዝነው፡፡ ነጋዴው አፈረ፡፡ ‹የምታገኘው ለሌላው ባደረግከው ልክ ነው፡፡ 150 ሰጥተህ 300 ልታገኝ አትችልም፤ እባብ ሰጥተህ ርግብ፣ ድንጋይ ሰጥተህ ዳቦ፣ እሬት ሰጥተህ ማር ልታገኝ አትችልም፤ አንተ ብቻ ብልጥ ልትሆን አትችልም፤ ማሾውን አጥፍተህ ብርሃን ልታገኝ አትችልም፤ ሌላው ገድለህ አንተ በሰላም ልትኖር አትችልም› አለው ገበሬው፡፡ ማንኛውም ድርጊት ተመሳሳይና ተመጣጣኝ የሆነ ምላሽ አለው፡፡ አንተ እዚህ ለብቻህ ቤትህ ውስጥ ሆነህ ክፉ ስታደርግ ሌላውም በቤቱ ብቻውን ሆኖ ክፉውን ይመልስሃል፡፡ ‹እዛም ቤት እሳት አለ› እንዳሉት ነው አለቃ ገብረ ሐና፡፡ አንተ ጎመድ ይዘህ ከወጣህ ሌላውም አያቅተውም፤ አንተ ገጀራህን ከሳልክ ሌላውም ይስላል፤ አንተ የሌላውን ወገን ስታፈናቅል፣ ያኛውም ያንተን ወገን ያፈናቅላል፡፡ ዛፍ ቆርጠህ ዝናብ፣ በካይ ጋዝ እየለቀቅክ የተስተካከለ የአየር ንብረት አትጠብቅ፡፡ ተፈጥሮም በሰጠሃት መጠን ነው የምትመልስህ፡፡ በዓለም ላይ ሚዛኑ አንድ ነው፤ ተመዛኞቹ ግን ይለያያሉ፡፡ እዚህ ካጎደልክ፣ እዚያም ያጎድሉብሃል፡፡ እዚህኛው ዩኒቨርሲቲ የዚያኛው ልጅ አለ፤ እዚያኛው ዩኒቨርሲቲም የአንተ ልጅ ይገኛል፡፡ እዚህ የአንተ ወገን ብዙኃኑን ይዟል፣ እዚያ ግን አናሳ ነው፡፡ እዚህ አናሳ የሆነው ደግሞ እዚያ ብዙ ይሆናል፡፡ የብዙኃን ወገን በሆንክበት ቦታ አናሳው ካሰቃየህ፣ አናሳ በሆንክበት ቦታ ደግሞ ብዙኃን ያሰቃዩሃል፡፡ እዚህ ባለ ሥልጣን እንደሆንከው እዚያ ተራ ትሆናልህ፡፡ የሚያዋጣው በሚዛኑ ልክ ትክክለኛውን ማድረግ ብቻ ነው፡፡ https://t.me/joinchat/Urba9CCiKuJeMDCN

በሕሟማቱ ++ ራስህን_ፈልገው ++ 👉 ፍልስፍና አይደለም😳 (የተሰማኝ ነው።) ወዳጄ ሆይ እባክህን ጌታችን ከተያዘበት ሐሙስ ማታ እስከ ተቀበረበት ዓርብ ያለው ክስተት ውስጥ ራስህን ፈልገው፡፡ በዚያ ከነበሩት ሰዎች አንተ ማንን ትመስላለ? ወዳጅ አየመሰለ የሚሸጠው ይሁዳ አንተ ነህ? ወይንስ ፈርቶ የሚክደውን ጴጥሮስን? የአንተ ጠባይ በእነዚያ ሃያ ሰዓታት ውስጥ ከነበሩት ሰዎች ማንን ይመስላል? ጌታን አስረው እያዳፉ የወሰዱትን ትመስላለህ? በሐሰት የሚመሰክሩበት ውስጥ ነህ? ወይንስ ያለ ጥፋቱ አስረው ከሚያንገላቱት ውስጥ ነህ? ያለ ህግ አግባብ በግፍ ከፈረዱበት ውስጥ ነህ? ወይስ ገዢዎችን ለማስደሰት ብለው በጥፊ ከሚመቱት ውስጥ ነህ? እንደ ጲላጦስ አይነት ዳኛ ትሆን? ንጹሕ መሆኑን እያወቅህ ገርፈኸው ይሆን? ይሰቀል ሲባል አብረው ከሚጮኹት ትሆን? ከሄሮድስ ጭፍሮች ጋር ስቀህበታል ወይንስ ከገሊላ ሴቶች ጋር አልቀስህለታል? ወዳጄ ሆይ በዕለተ ዓርብ ከነበሩት አንተ ማንን ትመስላለህ? የቀኙ ወንበዴ ነህ ወይንስ የግራው ፣ የቆምከው ከሰደቡት ጋር ነው ወይንስ ከእናቱ ጋር ? https://t.me/joinchat/Urba9CCiKuJeMDCN

ማመን አለማመን 📖📖📖 አለማመን ከማመን ይልቅ ከባድ ሆኖ ነው ያገኘሁት።ሰው ሲያምን አንዴ ነው፤ያንን እምነት መጠበቅም ማበላሸትም እምነት የተጣለበት ሰው ሀላፊነት ነው።ስለዚህ ያመነ ሰው ኑሮውንና ስራውን በሰላም መምራት ይችላል።አለማመን ግን በየደቂቃው ና በየቅፅበቱ ስጋትን የሚፈጥር፣ግንኙነትን ና ፍቅርን የሚያቀጭጭ አረም ነው።የማያምን ሰው የጥርጣሬውን ትክክለኛነት ለማራጋገጥ የሚያባክነው ገልበትና ጊዜ ለስራ ቢውል ብዙ ውጤት ባስገኘ ነበር።በዚህም የተነሳ እምነት በጠፋበት ትዳር፣ቤተሰብና ህብረተሰብ ውስጥ ብክነትና ክስረት ይበዛል።መተማመን ደግሞ የብልፅግና የፍቅር መሰረት፣የደስታ ዛፍ፣የሰላም ሌማትም ነው።ከዚህ በተጨማሪም የጠፋን እምነት ለመመለስ የፈሰሰን ውሀ ለማፈስ ከመሞከር ያላነሰ ስለሚከብድ እምነትን በታማኝነት መጠበቁ የጠፋ እምነትን ለመመለስ ከሚከፈለው ዋጋ በሺህ እጥፍ ያንሳል።ይህ ማለት ግን የተሰበረ እምነት አይጠገንም ማለት አይደለም። https://t.me/joinchat/Urba9CCiKuJeMDCN

በጣም አትጥበቅ በጣምም አትላላ 📜📜📜 " ማጥበቅም ሆነ ማላላት ትርጉም የለውም! አስተውል በእጅህ የያዝከው የክር መሳርያ አለ ክሩን ካላላህው ስትነቀንቀው ወይም ክሩን ስትፈትገው ብትውልም የምትፈልገውን ሙዚቃ ማድመጥ አትችልም ክሩን በጣም ካጠበከውም ስታነዝረው ይበጠሳል እንጂ የምትፈልገውን ዜማ ላይሰጥህ ይችላል ። ፧ የሰውም ልጅ ልክ እንደዚህ ነው የራሱን ህይወት ራሱ በሚጫወተው መሳርያ እራሱ በሚመርጠው ዜማ ይቃኘዋል ። በኋላ ቀር አመለካከቶች ከረገብክም ሆነ የኔ ብቻ ነው ትክክል በሚል ብሂል ከረር ብለህ ከጠበቅህ ፍፃሜህ ትርጉም አልባ ነው ። እራስህ የያዝከው መሳርያ በአግባቡብ ከተወጠረ የምትመሰጥበትን ዜማ እንደሚሰጥህ ሁሉ ራስህ አጨዋወቱን ያበላሸህው ዜማ ደግሞ መልሶ አንተኑ ያደነቁርሃል ። በጣም አትጥበቅ በጣምም አትላላ ። " ፧ https://t.me/joinchat/Urba9CCiKuJeMDCN