Istanbul Boshkonsulxonasi

✔️Istanbul shahrida O'zbekiston Respublikasi Prezidenti huzuridagi Ijtimoiy himoya milliy agentligi direktori Mansurbek Olloyorov hamda Turkiya Oila va ijtimoiy xizmatlar vaziri Mahinur Özdemir Göktaş o'rtasida uchrashuv bo'lib o'tdi. Uchrashuv yakunida ikki tashkilot o‘rtasida ijtimoiy xizmatlar sohasida hamkorlik to‘g‘risida o‘zaro anglashuv memorandumi imzolandi.

Сурхондарё вилояти, Ангор туманидаги  кўриш қобилиятида нуқсонлари бўлган болалар учун ихтисослаштирилган “Нурли маскан” мактаб-интернати ўқувчиларига ҳомийлик кўмагини кўрсатган, Истанбулда фаолият кўрсатувчи Ўзбек саноатчилари ва тадбиркорлари жамияти раҳбари, Golden moda фирмаси таъсисчиси Фурқат Алимжановга бугун Бош консулхонамизда Ўзбекистон Республикаси Ички ишлар вазирлигининг ташаккурномаси ва эсдалик совғаси тантанали равишда топширилди. Хайрия мақсадида амалга оширилган ҳар бир саҳоватпеша ватандошимиз халқимизнинг ардоғидадир.  

2024-yil 15-may kuni Turkiya Respublikasining rasmiy gazetasida Turkiya Respublikasi Hukumati va O‘zbekiston Respublikasi Hukumati o‘rtasidagi ayrim muhim hamkorlikka oid qonunlar, bitimlar va protokollar Parlament tomonidan qabul qilinganligi e’lon qilindi: 1. O‘zbekiston Respublikasi Hukumati bilan Turkiya Respublikasi Hukumati o‘rtasida O‘zbekiston Respublikasida Turkiya hamkorlik va muvofiqlashtirish agentligi faoliyati to‘g‘risidagi Bitim; 2. O‘zbekiston Respublikasi Hukumati bilan Turkiya Respublikasi Hukumati o‘rtasida jinoyatchilikka qarshi kurashda hamkorlik qilish to‘g‘risidagi Bitim; 3. O‘zbekiston Respublikasi Hukumati bilan Turkiya Respublikasi Hukumati o‘rtasida huquqni muhofaza qilish sohasida o‘qitish bo‘yicha hamkorlik to‘g‘risidagi Protokol; 4. O‘zbekiston Respublikasi Hukumati bilan Turkiya Respublikasi Hukumati o‘rtasida harbiy hadli Bitim; 5. O‘zbekiston Respublikasi Hukumati bilan Turkiya Respublikasi Hukumati o‘rtasida mudofaa sanoati sohasida hamkorlik to‘g‘risidagi Bitim; 6. O‘zbekiston Respublikasi Hukumati bilan Turkiya Respublikasi Hukumati o‘rtasida mahkumlarni topshirish to‘g‘risidagi Bitim; 7. O‘zbekiston Respublikasi Hukumati bilan Turkiya Respublikasi Hukumati o‘rtasida mehnat migrantlari va ularning oila a’zolari huquqlarini himoya qilish to‘g‘risidagi Bitim.

Turkiya parlamentida O’zbekiston haqida nutq so’zlagan Adolat va taraqqiyot hamda Yaxshi (İYİ) partiyalari deputatlari Osman Mesten va Buğra Kavunju chiqishlari. … O’zbekiston ham Turkiyaning yaralariga kelajakda malham bo’ladi… Buğra Kavunju Buni halqimiz 2023 yildagi zilzilada namoyish etgan

✅‼️Муҳим хабар!!! Оҳирги пайтларда Консуллик йиғимлари (тўловлари) бўйича кўплаб фуқаролардан шикоятлар келиб тушмоқда. Фуқароларнинг норозилигига асосий сабаб ватандошларнинг аксарият қисми ҳужжатларни тайерлашда тегишли бюролар хизматидан фойдаланишлари, ва бу ҳам ўз навбатида қўшимча ҳаражатларни келтириб чиқариши ва ҳаттоки бир хил ҳолатларда консуллик ҳаракатлари учун ундириладиган асосий йиғим нархидан 2-3 баробарга қимматга тушишини кузатиш мумкин. ❌Шу ўринда, Бош консулхона бирор бир хизмат кўрсатиш бюроси билан бирга иш олиб бормаслигини ва улар томонидан белгиланган хизмат тўловларига ҳам жавобгар эмаслигини эслатиб ўтади. ✅Бугунги кунда консуллик йиғимлари бўйича тарифлар қуйидагича: 1. Ватанга қайтиш гувоҳномасини расмийлаштириш; ⁃ 1-16 ёшгача 10 АҚШ доллари, ⁃ 16 ёшдан юқориларга 60 АҚШ дол. 2. Хорижга чиқиш биометрик паспортини расмийлаштириш. - 1-16 ёшгача 20 АҚШ дол. - 16 ёшдан ошганлар учун 170 АҚШ дол. 3. Нотариал харакатлар учун тўлов 35 АҚШ дол (автомобилни бошқариш ва сотишга ишончнома бундан истисно) 4. Хужжатларни ҳақиқийлигини ва уларни қабул қилувчи давлат қонунларига мувофиқлигини аниқлаш ва тасдиқлаш (onay) 40 АҚШ дол. 5. Барча турдаги маълумотномалар 40 АҚШ дол. (истисно тариқасида вафот этган инсоннининг жасадини қариндошлари томонидан Ватанга олиб кетиш учун мўлжалланган маълумотномадан давлат божи ундирилмайди) 6. Ўзбекистон Республикаси фуқаролигидан чиқиш тўғрисидаги аризани рўйхатдан ўтқазиш - 120 АҚШ дол. 7. Хужжатларни талаб қилиш учун (диплом, ҳайдовчилик гувоҳномаси) - 70 АҚШ дол. 8. Виза бўйича тўловлар визанинг тури ва муддатига қараб белгиланади. Барча тўловлар Бош консулхонанинг ҳисоб рақамига банк орқали тўланади. ❗️‼️Ўз ўрнида, фуқароларга керакли ҳужжатларни ўзлари томонидан тўлдириш орқали маълум бир маблағларни тежаб қолиш мумкинлигини эслатиб ўтамиз. ✅Консуллик хизматлари, ҳакида Бош консулхонанинг ўзида ёки интерактив консуллик хизматлари веб-порталида consulate.mfa.uz орқали олишингиз мумкун.

Turkiya parlamenti, 2024-yil, 8-may, Özbekiston haqida, notiq Osman Mesten

▫️Inson xotira bilan tirik, qadr bilan ulug'. 🔹9 may - "Xotira va qadrlash kuni". O'tganlarni, ularning xayrli ishlarini, jasoratini yodga olmoq, e'zozlamoq xalgimizga xos ezgu fazilatlardandir. 🔸O'z ozodligi, erkinligi, tinch hayoti yo'lida kurashib, behisob qurbonliklar bergan ota-bobolarimiz jasorati tarixiy xotiramizdan hech qachon o'chmaydi. 🇺🇿Bayramingiz muborak!

РАСМИЙ ХАБАР   Жорий йилнинг 6 май куни Ўзбекистон ва Туркия ИИВ ҳамкорлигида амалга оширилган тезкор тадбир натижасида фирибгарлик ва одам савдоси жиноятини содир этишда айбланаётган,  1979 йилда Самарқанд вилоятида туғилган  РАХИМОВ ОЗОД САДУЛЛОЕВИЧ Истанбул шаҳрининг Фатих туманида қўлга олинди. Маълумот учун, О.Рахимов Самарқанд вилоятида фуқароларнинг кўп миқдордаги пул маблағларини Фирибгарлик йўли билан ўзлаштиришда, шунингдек Истанбул шаҳрида бўлган даврида 2022-2023 йиллар мобайнида бир қанча Ўзбекистон ва Тожикистон фуқароларини Туркия-Испания-Никарагуа-Мексика йўналиши бўйлаб АҚШга юборишни ваъда қилиб, фирибгарлик йўли билан уларнинг ҳар биридан 10-15 минг АҚШ доллари олиб, ваъдасини бажармасдан, ўзининг шахсий манфаатларига ишлатиб юборганликда айбланмоқда. Ушбу шахснинг жиноий хатти-ҳаракатларидан жабр кўрган ватандошларимиздан Бош консулхонага ёки Ўзбекистон Республикаси Ички ишлар вазирлигига хабар бериш сўралади. Жиноий жавобгарликдан қочибхорижий давлатларда, шу жумладан Туркияда яшириниб юрган ҳар бир шахсга нисбатан жиноий таъқиб изчил равишдадавом эттирилади ва жиноят учун жавобгарлик принципи қатъий таъминланади. Шу билан бирга, кейинги вақтларда АҚШ, Канада ёки Европа давлатларга бориш учун виза расмийлаштириб бериш важи билан фирибгарлик содир этилиши ҳолатлари юзасидан Бош консулхонамизга келаётган мурожаатлар сони ортганлигини инобатга олиб, фуқаролардан фирибгарларга алданиб қолишдан ОГОҲ БЎЛИШЛАРИНИ СЎРАЙМИЗ.

Bugun 7-may kuni Turkiya Respublikasi Parlamenti (TBMM) yalpi yig’ilishida o’zini nafaqat Yaxshi partiya vakili sifatidagina emas, balki ota-bobolari Farg’ona viloyatidan kelgan o’zini Turkistonlik deb atagan Bug’ra Kavunjuning nutqi katta e’tibor tortdi. Bug’ra Kavunju bobolari bosmachi harakatlarga qo’shilib sovet bosqiniga qarshi mustaqillikni himoya qilgan avlod vakili sifatida nutqini ochdi. Turkiya-O’zbekiston munosabatlarini do’st bo’lib emas, taqdir va kelajagini birga quradigan millatlar ekanligini ta’kidladi. B.Kavunju o’z nutqida so’nggi yillarda bir necha millyon suriyalik qochqinlarni o’z bag’riga olishidan baxtiyor bo’lib, tili turk, madaniyati turk, tarixi turk bo’lgan va yaxshi niyatda kelgan qardoshlarimizni kelishidan rohatsizlik his etilishini keskin qoraladi. Turkiya Jumhuriyatini ilk boshda O’zbekiston, qolaversa barcha turkiy xalqlar bilan birga bo’lishga chaqirdi. Bugun G’arbning Florentsiyasiga qarshi Samarqand va Buhoroni qo’yishga majburmiz. Bugun Alisher Navoiyni, Horazmiyni, Farg’oniyni, Beruniyni butun dunyoga bu ota-bobolarimizni kim ekanligini birgalikda ko’rsatishimiz davr taqozosidir. Turkiyaning O’zbekiston hukumati bilan imzolangan strategik hamkorlik bo’yicha shartnomani moddama-modda qo’llab quvvatlaymiz. Turk tadbirkorlarini yanada O’zbekiston iqtisodiyotiga investitsiya kiritishga, Afg’oniston bilan chegara yaqinida tashkil etilayotgan erkin savdo hududida faol savdo ishlarini yo’lga qo’yishga chaqirdi. Yana bir husus turk-o’zbek o’rtoq universitetini ochish orqali ilmiy-madaniy sohada aloqalarining rivojlanishiga olib kelishi ta’kidlandi. Turkiya O’zbekistonning ilk mustaqillik yillarida birinchilardan bo’lib tan olganligi, yaralariga qanda malham bo’lgan bo’lsa, O’zbekiston ham yaqin vaqtlar ichida rivojlanib Turkiyaning yaralariga malham bo’lishiga shubhasi yo’qligini bildirdi. Turkiya Buyuk Millat Majlisida tomirida o’zbek qoni oqayotgan Bug’ra Kavunjuni nutqini X-ijtimoiy tarmog’idagi sahifasi orqali videosini tamosha qilishingiz mumkin.