𝐷𝐸𝑃𝑅𝐸𝑆𝑆𝐼𝑂𝑁⃤

أنا بقولك الكلام ده عن قناعة تامة ومن خلال تجارب كتير شوفتها قدام عيني.. مفيش شخص "حقيقي" هيضيع منك .. مفيش شغلانة كويسة وفيها خير ليك بابها هيتقفل في وشك ، مفيش أي شيء في الدنيا فيه خير ليك ومناسب ليك ربنا هيبعدك عنه!! كل اللي بيروح مكانش حقيقي ، مكانش مناسب ، مكانش لايق عليك ولا هينفعك قدام!! ريح نفسك ، مفيش فرص ضايعة ، كل اللي فاتك مش بتاعك..

أعتقد إن الميزة الرئيسية في الحُب -إن كان صادق- هتكون الميزة اللي تخليه مُختلف عن أي شعور آخر زي التعود أو التعلق، إن الحب بالتحديد لا يمكن كسره بعيب في الحبيب، يعني يبقى المُحب مُحبًا مهما لقىٰ. أعتقد إن هو ده الأمان اللي بيخلفه الحُب، إنك تكون عارف إنه هتتحب بعيوبك، بالجزء السيء منك سواء بقصد أو من غير قصد، وإنه المُحب صبور على حبيبه مهما تعددت سيئاته، حليم، غفور لكل الزلات. لكن الحُب المشروط بشيء ده حُب ناقص، حُب معيب، سهل الكسر، مع بعض الخنق هيموت، مش هيقدر يعيش، لو شوية أزمات مرِّت بيه هينهار، لإنه من البداية مبني على شيء أو صفة، أو على عدم وجود صفة.. أتمنى تكونوا فهمتوا قصدي، ولو مفهمتوش؟ مِش مُهم..

افكاري بتتغير كل سنة عن اللي قبلها ويمكن من سنة واحده بس كنت بقول ان أي شخص بيتخلي عن حد فهو توكسيك والمفروض الانسان يعافر في اي علاقه فحياته . بس لأ توصلّت لحاجة وهي إن الانسان بيقدر يتخلّي عن اي حد بدون تأنيب ضمير لما يبدأ يفوق ويحب نفسه ويقدّر ذاته، علي سبيل المثال، انا الشخص دا عزيز عليا جدا بس معاملته مش مريحاني وبالتالي العلاقه دي مؤذية ليا فَ لا شكرا انا استاهل احسن من كدا . الحياة صعبه كفايه لوحدها فالانسان لو مش محاط بناس تهوّن عليه الطريق وتحسسه بقيمته يبقي بلاش منها العلاقه دي خالص.

الإنسان فرحان بـ ٤ أيام عيد ومش عايزهم يخلصوا! تخيل إن في الجنة أيامنا كلها هتبقى عيد، رؤية الله، وأنس الأحبة، ووصل الأرحام، ووجوه ناضرة مبتسمة، وملابس من سندس وإستبرق ،لا مهام تقضى، ولا عمل تقيل على القلب، ولا عيون تبكي، ولا فراق! لك الحمد يا ربّ على نعمة الإسلام ولك الحمد على شعائرك. يا ربّ نسألك الجنة ونعيمها.. لبيك إن العيش عيش الآخرة ♥️

‏ الأرض تتهيأ ليوم عرفة، والسماء لاستقبال الدعوات.. عسى أن يجعل الله لقلوبنا من الجبر نصيب، وأن يقرّ أعيننا بما نتمنى، أن نؤتى ما نُحبّ، وأن نُهلِّل مُرحِّبين بأمانينا.. عساها تُقبل في عرفة، وعسانا نُجبر في عرفة. ♡︎

طوال حياتي وأنا أرفض رجالًا يتوددون إليّ أتحجج بدراستي مرة بأن الوقت ليس مناسبًا أو أنني ليس لدي ما أقدمه لأحد لكن الحقيقة أنني أخاف كيف أُلقي نفسي في جمرة نار كهذه! قلبي به ما يكفي من ندبات لن يتحمل أخرى. على الجانب الآخر أبكي كل ليلة لأنني لا أجد أحدًا حولي من أقاسم معه تعب الأيام، توتري من كل الأشياء همومي الثقيلة، ونفسي التي لم أعد أعثر عليها أدعو الله كل ليلة أن يمنحني شخصًا واحدًا يتفهم قلقي الدائم ويمنح قلبي الأمان يحتضن كل خوفي إلى أن أطمئن وحتى تهدأ نفسي معه.

المرة الوحيدة اللي رسول الله موقفش لفاطمة يستقبلها لما تدخل عليه .. هي يوم وفاته! لما موقفش عرفت انه خلاص كدا رسول الله هيتوفى متخيلين يعني ايه أب تدخل عليه بنته فيقوم يقف لها ويحضنها .. دا مش أب بس دا نبي .. مش بيمدلها ايده تبوسها وهو قاعد ! اي رحمة وأي ود هذا طب عارفين دخل مرة على فاطمة وهي بتطحن القمح مع سيدنا علي في الطاحونة .. كانوا مقسمين الشغل .. هي تصب القمح وهو يطحن وبعدين هو يصب القمح وهي تطحن .. وكان معروف ان علي وفاطمة فقراء دخل حبيب الله وحبيبنا عليها لقاها هي اللي بتطحن .. ودي مهمة شاقة .. عمل ايه يا ترى؟! قال لسيدنا علي اتأذن لي أن آخذ مكان فاطمة ! بيستأذنه انه ياخد من فاطمة .. وبدأ هو اللي يطحن وعينه بتدمع عشان صعبت عليه فاطمة .. افخر وأشرف اني انتسب لأمة هذا الرجل صلى اللهم عليه وبارك وسلم ❤

البوست دا لو حد قراه عِندك هيخليك تشيل جبال من حسنات بإذن الله وكُلنا مُحتاجِينها الصراحة فلا تغفلوا!. - ‏سُبْحَانَ اللَّهِ وَبِحَمْدِهِ , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏لا إله إلا الله , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏الله أكبر , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏أستغفر الله وأتوب إليه , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته.

‏كنت أعتقد أنني سأصبح بخير عندما أكتم في قلبي وأتخطى أوقاتي السيئة ولحظات انهياري وحدي ، ولكن اكتشفت أنني وصلت لأسوأ مرحلة نفسية لم أتخيلها قط وهشاشة لم تكن يومًا من طبعي .

عارفين ايه الأسوأ من الكُره الصريح؟؟ "الاستكتار" حقيقي أبشع حاجه ممكن تكون موجودة في أي إنسان ؟ الاستكتار يعني حد مستكتر عليك عيشتك مستكتر عليك شغلانة كويسة مستكتر عليك علاقة مرتاح فيها مستكتر عليك حب الناس ليك مستكتر إنك عايش في حالك مستكتر لبسك ، أكلك ، مكانك ، عوض ربنا ليك .. وممكن يجي قدامك يقولك قد ايه هو مبسوط وطاير من الفرحة عشانك ؟ ربنا يكفينا شر اللي كارهين لينا الخير، واللي باصين في رزقنا و حياتنا ومستكترين علينا أي فرحة ، ويكفينا شر النظرة، ويحفظنا بحفظه، ويحصّنا بعنايته..