مقٺطفاٺ مولعيَ•

قد ارتفع قبل البترول السمنت وزيوت الطبخ مابش حاجه جديده احنا في بلاد الارتفاع حتى قيام الساعه

يرفعو البترول ولا حتى إن شاء الله يرفعو الهندليز على أساس لو نزلت الألف الريال حق البترول عتصبح الحياة رغد وسعادة والعصافير تزقزق هجعونا بحجر الله

بالنسبه لعيد 26سبتمبر قدو يدي لي الضيق على ماتشتو يا حكومة صنعاء تشتو نعيد عيدنا تشتو نصوم صمنا تشتو نتعامل بالهجري اتعاملنا تشتو نلغي سبتمبر ونحسب اغسطس ستين يوم حسبنا الذي يريحكم احنا نعمله، والله مانشتي نوجع لكم قلب ولا نزعلكم بحاجههههه

اذي يجلس يسألني أمانه أنت قد شاركت بجبهه شُف ياحبيب انا هذا التصريح لأول مرّه شاصرّح به واكشفه أمام الجميع أنا طبعاً ماناش مهوّك ساع بعضهم أسير جبهه واجي افعل صوري بروفايلات وانا عرض دبابه أو مدرّعه محروقه بولّاعه واجلس أتمنن وادري العالم اني سرت جاهدت بجبهه واستشهدت واشتي مقابلها وظايف ومناصب ونفقات وطقم وإيكي غُماري هدية لان أنا وبصماتي أسطّرها بميادين العزه والشرف بصمت تام ولله عز وجل بس الصدق مارضيوش هم يخلوني أتحرّك الجبهه بتوجيهات من مكتب السيد شخصيّاً يحافظو عليا سع عيسى الليث بس مش خوفاً عليا مابلّا مدري منو السنوه اذي طابز بي عندهم وقلهم انتبهو هذا في قصف بيت عفاش نزل الصاروخ جنبه وندع حمله رِجل ماوقّفوه إلا في أرحب هذا عيضوّي لنا اذي في الجبهات من أول طلقه ورجعت أبيع لي وسايد وسلامتكم المهم كيف أخوكم رجًال سريع في الحمله !

قلك جهز نفسك بعدالتحرير تحذوف منشوراتك من عيحذفلك 12ألف منشور قرح لك إثنين مطاريق وجزعتلك

لنتصرو أنصارلله خير وبركةوسيادة منتصروش قدناحريف بجملةأنا إلا شاقي وسايد مع دمعة خفيفه

قدو وقت يرسلوا لنا الوفدالعماني مه ليكن ماعنستقبلهم الالما نكمل مارب

ماذلحين خلاص الخير جايي وحكومة صنعاء عتصرف الرواتب واكراميات وماعد عتتغدو الا لحم وتتعشوا بروست

ايام قليلة سينتهي كل هذا الضجيج عن الحرب والسيطرة واخبار الانتصارات من الطرفين والتكذيب والتخوين بعدها حسام يطلق شيرين بعدها سنحتفل بذكرى ثورة 26 ويكون زخم ثوري المحطون من الحرب والمستفيد باسمع ايوب بعدها نتضامن مع المعتقلين وبعدها حسام يرجع شيرين وننسى كل هذا ضيييق

يا رب اجعل مرضه تكفيراً ورفعةً له، وأبدل ألمه راحة، وتعبُه عافية دعواتكم لة 🚶

بيضحك ويتكلم وهو نووم 💔 يا رب لا توجعني في أبني يا رب اشفيه وعافيه

الام : يبني اشرب العلاج عشان تبخر الابن : ماعه ماعه حرام ما اذوووق الام : يبني لا تديليش الجنان اشرب هو طعمه حالي الابن : ماااأاااعه حرام ما اذوووق، باباه قلها تشتي تشربني العلاج وطعمه شوع الاب : هيه قومي البسي البالطوه نشله العياده نضرب له ابره الابن : خلاص خلاص انا عتشرب العلاج حق صميل

اسوا شعور حين يمرض ولدك 💔💔 تتقفل الدنيا في وجهك ولا عاد تدرى ايش تفعل شعور مؤلم قلدني الله، امس ما اقدرت ارقد من وجعه، و تمنّيت لو المرض فيني ولا في ابني، جلست ساهر لليوم الثاني كنت ابسره يتألم ويتقطع قلبي لطفك يا الله بأبني 💔 ابني فلذة كبدي عندي ثقةكبيرة بالله سيتعافى ويقوم بالسلامة

ما بتستحيش على نفسك لما ياذن فجر ويصلوا ويكملوا وأنت جالس تأنتر وتبسر ريلزات #صلاة_الفجر

ياخي مابش قبله ورب الكعبه ممتغط صورة جاهل ضايق أين البرائه والبشاشه ليش الكذب خلوكم صريحين بدون استغلال لمصالحكم التجارية وركب الترندات

المهم احنا في حرب و كوارث والأزرق جالس يقشط محلات صنعاء بيستغل غياب الدولة

بعيد عن المقطع الفيديو والطفل هذا 👆 بس اطفال هذا الايااام عندهم هرمونات القطط ما يقروش

الحمار ليش يدخل يده وايش نزله لاعرض القفص لاحول ولا قوة الا بالله مسكين رحمته والله قهر لاكن المفروض انهو داري انه حيوان مفترس ليش يدخل يده طبعا الولد مشهو مستوعب بيقول اينهي يدي لاحولا ولاقوة إلا بالله امانه غثيت عليه والله أمس من حديقة الحيوان في صنعاء