Mr Freeman

Бутун дунё билади, 18 ёшга тўлмаган бола ҳали ўзи учун, ўзини хатти-ҳаракати, сўзлари учун жавоб беролмайди, шунинг учун вояга етмаган болани жиноий жавобгарликка тортишмайди. Дунё стандарти бўйича шунақа. 18+ деган нарсалар ҳам бекорга чиқмаган. Бола шўхлик қилса, уни кўнглини билиш керак, балки қанақангидир травмаси бордир, ёки уйидаги оилавий муаммолардан чарчагандир, бола ўз аламини атрофдан олади, табиатан шунақа, чунки у бола. Бу сизлар оқлаётган кап-катта молдек эркаклар эса бу болани баттар қийнаб, жисмоний куч ишлатади. Бунақаларни ҳеч қачон тушунишга ва оқлашга ҳаракат қила олмайман. Қолаверса, ҳеч бир одам бировни боласини “тарбиялашга” ҳаққи йўқ. Шу болани бир азобда катта қилган ота-онаси, шуни ҳурматини қилсин ҳеч бўлмаса. Мактабларда болаларни “эсини киритиб қўйиш”ни турли усуллари бор, ота-онасини олдида уришиб берсин, директор қабулига киритсин, мактабдан чиқариб ташлаш билан қўрқитсин, жаа бўлмаса синфда қолдирсин. Хуллас, мактаб ота-оналарни боласини тарбиясига қаттиққўл бўлишга ундаши керак. Жисмоний куч ишлатиш эса ожизликдан бошқа нарса эмас. Агар болалар билан ишлолмаса, демак, у учунмас экан бу иш, шунчаки, буни тан олиб, тинчгина ўз касбини ўзгартирсин. Яхшиям, давлат қонун ва тартиби бундай зўравонларни “тушунишга” мўлжалланмаган, бу жамиятга қўйиб берса, болалар, аёллар ёки тилсиз ҳайвонларга ўхшаш кучсизроқ қатламга нисбатан доимий куч ишлатиб, уларни “тарбия” қилмоқчи бўлади. Йўқ. Қонун ҳамма учун баробар. Шу видеодаги ўқитувчини жиноий жавобгарликка тортиш масаласи кўриб чиқиляпти экан, жазосини олса ҳам керак. Ўзи болаларнимас, шу болаларга жисмоний куч ишлатиб, буни нормал ҳисоблайдиган одамларни “тарбиялаш” керак. Давлат тўғри томонда.

Одамлар қаторига киришинг учун пулинг кўп бўлиши керак, дейишади. Қайси одамлар қаторига? Пулинг бўлмаса қаторига қўшмайдиган одамлар қаторигами?

Ўзбекистон МТЖ Жаҳон чемпионати олдидан иккига бўлиниб, ўзи билан ўзи ўртоқлик ўйини ўтказяпти. Каннаваро бир томондан жамоасига қандай ҳужум қилишни ўргатса, бошқа томондан стадионни нариги четига югуриб бориб қандай ҳимояланишни айтяпти. Шарҳловчиларга ҳам гап йўқ, имкони борича жиддий шарҳлашяпти бу комедияни)

Сизлар просто тушунмайсизлар-да, болалар жуда шўх бўлган, ўқитувчига ҳам осонмас…

Бир носталгия қилайлик, насинемсин. Ёшлик давримиздаги қўшиқлардан ташанглар, бунинг учун шу пост остида special майдон қибераман)

Трамп яна кечки дориларини ичишни унутибди

Craig David ҳам келаркан Самарқандга

Доимгидек, давлат муаммонинг оқибатлари билан курашмоқда, сабаблари билан эмас. Ана шу вояга етмаган болаларга ижарага автомобиль бераётган фирмалар тиқилиб ётибди. Катта рейд ва тозалаш ишлари орқали биттада бу ишларга барҳам берса бўлади, лекин бу бизнесни орқасида казо-казолари бор, шекилли.

Мақолани тўлиқ ўқимаган бўлсам-да, сарлавҳасидан кимдир янги квартира хоҳлаётганини тушунгандай бўлдим)

Шу хотинга пул тўлаб, боласини топширадиган ота-оналардан “ота-оналик” ҳуқуқини олиб қўйиш керак.

Тошкент шаҳар ҳокимининг “битта дарахт кесилганига, трагедия ясаб олиш шарт эмас”, деган гапини кўпчилик негадир ҳейт қиляпти. Ман ўзим ҳам тушунмадим нимагалигини. Манимча, ҳокимбува тўғри гапларни гапирган. Видеода шу мавзуга батафсил тўхталганман.

Бориш керак

Эрондаги норозилик намойишларига атаб ёзилган шеър экан. Тахминий таржимаси қуйидагича (қофияга туширолмадим): Кўчаларда бемалол рақс тушмоқ учун, Кечки бўсаларни қўрқмай қучмоқ учун. Синглим, сенинг синглинг, сингилларимиз учун, Мияларнинг чиришига қарши турмоқ учун. Пулсизликдан уялиб яшаётганлар учун, Маъноли ҳаёт кечириш соғинчи учун, Ахлат титиб юрган боланинг орзулари учун, Бу иқтисодий дастур учун. Заҳарланган ҳаво учун, Вали Асрдаги сарғайган дарахтлар учун, Пируз номли йўқолиб бораётган гепардлар учун, Хўрланиб ўлдирилган бегуноҳ итлар учун. Бевақт тўкилган кўзёшлар учун, Шу лаҳзаларнинг такрори учун, Кулган чеҳралар учун, Мактаб ўқувчилари, талабалар ва ёруғ келажак учун. Аёл, ҳаёт ва эркинлик учун, Озодлик учун, озодлик учун.