Иннокентьев Алексей Михайлович

👏🏻Ньурба улууһун баһылыга Алексей Иннокентьев өрөспүүбүлүкэ олохтоохторун Үрүҥ Тунах Ыһыаҕынан эҕэрдэлээтэ #туймаадаыһыаҕа #ысыахтуймаады @nvk_sakha

Туймаада ыһыаҕар бэс ыйын 30 күнүгэр СӨ Ил Дарханын бирииһигэр "Дьөһөгөй" ипподромҥа ат сүүрдүүтэ буолар. Манна Ньурба улууһуттан 3 ат кыттаары бэлэмнэнэр. Бүгүн АГАТУ базатыгар баран сүүрүүк аттарбыт туруктарын билистим. Деленджер, Бархан уонна Эллизиум туруктара этэҥҥэ, көрүүлэрэ-истиилэрэ үчүгэй. Ат сүүрдүүтүн 2400 м дистанциятыгар призовой фондата 5 мөл.солк. Манна 10 ат сүүмэрдэнэн илин-кэлин түсүһүө, кинилэр кэккэлэригэр биһиги Деленджербыт.

Ытыктабыллаах Евгений Николаевич! Эйигин «Ньурба оройуона» МО дьаһалтатын, депутаттарын Сэбиэтин, уопсастыбаннаһын уонна тус бэйэм ааппыттан өрөгөйдөөх үбүлүөйгүнэн истиҥник эҕэрдэлиибит! Эн олоҕуҥ – талан ылбыт суолуҥ устун эрэллээхтик айаннаан, идэтийии уонна үлэҕэ эппиэтинэстээхтик сыһыаннаһыы үтүө холобура буолар. Маннык түбүктээх үлэҕэ сылдьан, дьоҥҥор-сэргэҕэр үтүө-сүбэҕин, ыллыктаах тылларгын тиэрдэ тураргын, киһи быһыытынан майгыгын, эрчимҥин сыаналыыбыт. Өссө да өр сылларга таһаарыылаахтык үлэлээн, сахабыт сирин суолталаах сүрүн соруктарын туһугар инникитин элбэх үлэни ыытыаххар саарбахтаабаппыт. Эйиэ­хэ ситиһиини, дьолу-соргуну, чөл туругу баҕарабыт!

Бэҕэһээ күүтүүлээх 8-с "Азия оҕолоро" Спортивнай Оонньуулар үөрүүлээх Дьокуускайга аһыллыыта буолла. Тыһыынчанан киһи араас дойдулартан стадиоҥҥа кэлэн, быһа эфир нөҥүө көрдүлэр. Биһиги сиэмминээн бу улахан тэрээһин аһыллыытыгар сылдьан астынныбыт. Бастакы Президеммит Михаил Ефимович Николаев инникини өтө көрөн саҕалаабыт Оонньууларын далааһына сырыы аайы тупсан, географията кэҥээн иһэриттэн киэн туттабыт. "Азия оҕолоругар" Ньурба улууһуттан саха сирин сүүмэрдэммит хамаандатыгар 4 эдэр спортсмен киирдэ, культурнай тэрээһиннэргэ 100 тахса талааннаах оҕолорбут кытталлар, маны таһынан волонтерскай, сырдатар-иһитиннэрэр эйгэҕэ, араас дойдулартан кэлбит хамаандалары арыаллаан илдьэ сылдьарга сүүрбэччэ ыччаттарбыт үлэлииллэр. Оҕолорбутугар, ыччаттарбытыгар ситиһиилэри баҕарабын!

Бүгүн Дьокуускайга Намныыр суол 21 км Ньурбаттан төрүттээх биир дойдулаахтарбытыгар анаан улууспут төрүттэммитэ 200 сылынан ыһыах тэрийдибит. Дьокуускайга Ньурбаттан төрүттээх тыһыынчанан киһи олорор, баһыйар үгүстэрэ дойдуларын ыһыаҕар сылдьыбатахтара ыраатта, онон бүгүн элбэх ыалдьыт кэлэ сырытта. "Ньурба оройуонун Бочуоттаах олохтооҕо" бочуоттаах бэлиэни, Махтал суруктары туттартаатым. Культурнай, спортивнай тэрээһиннэр, хорчуоппа, нэһилиэктэр түһүлгэлэрэ үлэлээтэ. Биир дойдулаахтарбыт бүгүҥҥү тэрээһинтэн дуоһуйан, астынан тарҕастылар.

Бэс ыйын 17-18 күннэригэр улууспут төрүттэммитэ 200 сыллаах үбүлүөйүгэр анаммыт Удьуор утума ыһыахпыт буолла. Монголия, Кыргызстан, Узбекистан курдук ыраах сирдэртэн ыалдьыттар, СӨ Правительствотын бэрэссэдээтэлин солбуйааччыта Георгий Михайлович Степанов, кэллиэгэлэрим Чурапчы улууһун баһылыга Степан Анатольевич Саргыдаев, Хаҥалас улууһун баһылыга Олег Валериевич Иринеев, ыаллыы Сунтаар улууһун баһылыга Анатолий Васильевич Григорьев, Үөһээ Бүлүү улууһун баһылыга Валерий Валерьевич Николаев, атын улуустар делегацияларынан кэлэн күндү ыалдьыт буоллулар. Икки күн устата түһүлгэлэринэн араас культурнай, спортивнай тэрээһиннэр, Кымыс иһиитин сиэрэ-туома ыытылыннылар. Халлааммыт оруобуна туран биэрэн дьон-сэргэ астына-дуоһуйа ыһыахтаата, бука бары түмсэн, кыынньар кымыс ыймахтаан, арыылаах алаадьы амсайан, күөх окко көччүйэ оонньоон, күрэс былдьаһан, оһуокайдаан, кылыһахтаах тойугу истэн алгыстанан үрүҥ күнү көрсөн күүс-сэниэ ыллыбыт.

Уважаемые медицинские работники и ветераны здравоохранения Нюрбинского района! Сердечно поздравляем вас с профессиональным праздником! От работы медиков зачастую зависит не только здоровье, но и судьба человека. На вас возлагают большие надежды и доверяют самое дорогое – свою жизнь. Нередко от врачей ждут настоящего чуда, счастливого спасения. И наши медицинские работники оправдывают такие высокие ожидания. В нашем районе активно реализуется национальный проект «Здравоохранение», в рамках которого были приобретены техника, современные оборудования, которое позволяет на качественном уровне проводить медосмотры жителей нашего района всех возрастов. Сейчас строится новый лечебный корпус, который будет введен в 2025 году. Медицинские работники Нюрбинского района достойно выполняют свой профессиональный долг. Примите слова искренней признательности за ваш профессионализм, мужество, стойкость, самоотдачу и преданное служение избранному делу. Слова особой благодарности хотелось бы выразить ветеранам здравоохранения, чей самоотверженный труд, верность высокому призванию, талант и неоценимый практический опыт многие годы служат людям. От имени всех жителей Нюрбинского района благодарим вас за заботу о здоровье населения, желаем вам, вашим родным и близким благополучия, душевного покоя, мира, добра и уверенности в завтрашнем дне! Глава МР «Нюрбинский район» А.М. Иннокентьев Председатель Совета депутатов Н.М. Михайлова

Ньурба улууһун депутаттарын 11-с уочараттаах сессията буолла. 2024 сылга АЛРОСА АХ киирэр дивиденд суотугар ыытыллар тэрээһиннэри көрдүбүт. Марха (Ньурба) улууһа төрүттэммитэ 200 сылынан сибээстээн Ньурба улууһун Бочуоттаах олохтооҕо ааты ылар дьон ахсаанын 10-тан 15-кэ диэри улаатыннарыахха диэн ылынныбыт. Итиэннэ уопсастыбаннас көҕүлээһинин өйөөн, балаҕан ыйын 9 күнүн Марха эбэ күнүнэн биллэрилиннэ.

Улаханнык убаастыыр киһибит, аҕа сүбэһиппит, Түмүк нэһилиэгин баһылыгынан таһаарыылаахтык, бэриниилээхтик үлэлээбит, Түмүк нэһилиэгин, Ньурба улууһун Бочуоттаах олохтооҕо, “Гражданскай килбиэн” бэлиэ хаһаайына, Бүлүү улууһун бэтэрээннэрин Сэбиэтин бэрэссэдээтэлэ Герасим Алексеевич Солтуев соһуччу күн сириттэн күрэммитинэн дьиэ кэргэнигэр, чугас дьонноругар, үөлээннээхтэригэр дириҥ кутурҕаммын тиэрдэбин.

Бүгүн сааскы халаан уутун содулларын тула КЧС түмүктүүр мунньаҕа буолан ааста. Хоромньуну ааҕыы түмүктэнэн материальнай уонна харчынан төлөбүрдэр оҥоһулла тураллар. Билиҥҥи туругунан тустаах дьоҥҥо 600 тыһ.солк. кээмэйдээх төлөбүр түстэ. Мунньахха халаан кэмигэр туора турбакка күүс-көмө, өйөбүл буолбут тэрилтэлэргэ, урбаанньыттарга, волонтердарга улуус дьаһалтатын, депутаттар Сэбиэттэрин аатыттан Махтал суруктары туттартаатым.