FARUQ_UZ

#muftiy_minbari 🌙 ОТАНГИЗГА НАСИҲАТ ҚИЛМАНГ 🎙 Шайх Нуриддин Холиқназар ҳазратлари 🌐 https://t.me/+ZgkOZopwJwc3ZWEy

Оқиллар уч хил бўлади: Дунё уни тарк қилмай туриб, дунёни тарк этган киши; Яратувчисига йўлиқмай туриб Уни рози қилган киши; Қабрга тушишидан олдин уни обод қилган киши. Сиз ҳам оқиллардан бўлинг! @mehrob_uz

"Дунё ишлари чала қолади" деб Роббингни тарк этма! Зеро, мозорлар ишлари чала қолганлар билан тўладир... Жалолиддин Румий https://t.me/shahrixontaziya

Зубайр ибн Аввом розияллоҳу анҳу санади билан ривоят қилинган ҳадислар 97. Яъиш ибн Валид ибн Ҳишом Зубайр ибн Аввомдан, у Расулуллоҳ соллаллоҳу алайҳи васалламдан ривоят қилади: "У зот соллаллоҳу алайҳи васаллам бундай дедилар: "Сизга аввалги ўтган умматлар (мубтало бўлган) касаллик: ҳасад ва нафрат ўрмалаб кириб келади. Нафрат – бу қирувчидир. Мен нафрат сочни қиришини – айтаётганим йўқ, у динни қиради (йўқ қилади)". Сўнгра яна дедилар: "Муҳаммаднинг жони қўлида бўлган Зот номи билан қасамки, то мўмин бўлмагунингизча жаннатга кирмайсиз. Бир-бирингизга муҳаббатли бўлмас экансиз, мўмин бўлмайсиз". Кейин яна қўшимча қилиб: "Амал қилсангиз, сизни ўзаро муҳаббатли қиладиган ишнинг хабарини бераймий?" дедилар. "У қандай амал экан, Эй Аллоҳнинг Расули" дейишди. "Саломни орангизда кенг тарқатинг", дедилар. Муснади Кеший китобидан. @mehrob_uz

Мол-дунёга муносабат Дунёдан олиш учун ҳаракат қилиш жоиз, лекин дунёга муҳаббат қўйиш ман қилинган*. Дунёни энг суюкли нарса, деб ҳисоблашдан қайтариш комил раҳмат ҳисобланади. Аллоҳ таоло буни қуйидагича баён қилган: «(Эй Муҳаммад:) «Агар ота-оналарингиз, болаларингиз, ака- укаларингиз, хотинларингиз, қариндошларингиз, касб билан топган молларингиз, касод бўлишидан қўрққан тижоратингиз, ёқтирган масканларингиз Аллоҳдан, Пайғамбаридан ва Унинг йўлидаги жиҳоддан севимлироқ бўлса, унда Аллоҳ Ўз амрини келтиргунча кутаверинглар, Аллоҳ итоатсиз қавмларни ҳидоятга бошламайди», денг» (Тавба сураси, 24-оят). Изоҳ: * Ислом мол-дунёга тўрт эътибордан қарашни таълим берган: 1. Мол неъмат. Неъматга эса шукр қилиш, яъни уни берган Зотга миннатдорчилик изҳор этиш лозим. 2. Мол зарурат, яъни эҳтиёждир. Заруратни эса амалга ошириш, яъни эҳтиёжи миқдоридаги молни жамлашга уриниш лозим. 3. Мол омонат. Омонатга эса риоя қилиш, яъни зое бўлмаслигига эътиборли бўлиш лозим. 4. Мол фитна. Фитнадан эса эҳтиёт бўлиш, яъни ундан сақланиш лозим. @mehrob_uz

​​КОМА ҲОЛАТИДАГИ ИНСОНДАН МАХСУС ЖИҲОЗНИ УЗИШНИНГ ҲУКМИ #кома ❓1264-CАВОЛ: Комага тушиб қолган инсондан сунъий ҳаёт бериб турадиган мосламани қачон узишга шаръан рухсат этилади? 💬 ЖАВОБ: Бисмиллаҳир Роҳманир Роҳим. Бу саволга жавоб бироз тафсилотга эга. Халқаро Ислом Фиқҳи Академияси ҳижрий 1407 йил, 8-13 сафар/милодий 1986 йил, 11-16 октябр кунлари бўлиб ўтган учинчи мажлисида инсон жисмидан ҳаётни тутиб турувчи жиҳозларни олиш ҳақидаги масалани кўриб чиқиб, бу масала бўйича мутахассисларнинг баёнотларини диққат билан ўрганиб чиққан ва муноқаша ва фикр алмашувлардан кейин бир овоздан қуйидаги қарорларни қабул қилинган: يعتبر شرعًا أن الشخص قد مات وتترتب جميع الأحكام المقررة شرعًا للوفاة عند ذلك إذا تبينت فيه إحدى العلامتين التاليتين: - إذا توقف قلبه وتنفسه توقفا تامًا وحكم الأطباء بأن هذا التوقف لا رجعة فيه. - إذا تعطلت جميع وظائف دماغه تعطلًا نهائيًا، وحكم الأطباء الاختصاصيون الخبراء بأن هذا التعطل لا رجعة فيه. وأخذ دماغه في التحلل، وفي هذه الحالة يسوغ رفع أجهزة الإنعاش المركبة على الشخص وإن كان بعض الأعضاء كالقلب مثلا لا يزال يعمل آليًا بفعل الأجهزة المركبة " والله أعلم. Яъни: “Қуйидаги икки аломатдан бири аниқ бўлса, шаръий жиҳатдан бемор ўлган деб эътиборга олинади ва унга вафотга оид ҳукмлар жорий бўлади: 1. Беморнинг юраги ва нафаси батамом тўхтаса ва шифокорлар юрак уриш ва нафас олиши қайта ишга тушмайди деб қатъий таъкидлашса. 2. Бемор миясининг барча вазифаларининг фаолияти бутунлай тўхтаса ва мутахассис шифокорлар унинг мия фаолияти қайта ишга тушмаслигини қатъий таъкидлашса ва миянинг емирилиши бошланган бўлса. Мана шу ҳолатда беморга уланган ҳаётни тутиб турувчи жиҳозни олишга рухсат берилади. Бунда гарчи юрак каби айрим аъзолар жиҳоз ёрдамида ишлаб турган бўлса ҳам ҳукм шундай”. Шуни ҳам қўшимча қилиш керакки, мия фаолияти тўлиқ тўхтагани билан, агар жиҳозни олгандан кейин юрак ва нафас олиш табиий равишда амалга ошаётган бўлса, мазкур одам ўлганга ҳукм қилинмайди. Валлоҳу аълам. Ўзбекистон мусулмонлари идораси Фатво маркази. 🔗 Улашинг: @diniysavollar ♻️Дўстларингизга ҳам улашинг!!! Muslimun.uz https://taplink.cc/muslimun.uz @muslimunuzportal @andijonhanafiylari

Донишманд деди: «Гапнинг яхшиси – қисқа, аниқ ва чўзилмагани. Акс ҳолда зериктиради». Изоҳ. Гапда мақсад аниқ бўлса, унинг ифодаси ҳам аниқ бўлади. Аниқлик бўлмагани учун гап чўзилиб кетади. Ҳар бири нечта гапларга мазмун бағишлайдиган кўп маъноларни битта жумлага гўзал тарзда жойлаш жавомиъул калим дейилади. Қуръон ва ҳадис бошидан охиригача шу услубда баён қилинган, шу услубда қалбларни ҳайратга солган, шу услубда ақлларни лол қолдирган. Шу услуб, шу санъат жозибаси олиму уламони, адибу удабони тинимсиз ўзига чорлаган, тафаккур қилишга ундаган. “Унвонул баён”дан. @mehrob_uz

Ассалому алайкум! Хайрли тонг! 🍃 🕊 🌷 🍃 🕊 🍃 Аллоҳим бугунги кунингизни хайли ва барокатли қилсин! 🤲 ☘️ 🌾 🌷 ☘️ 🌾 🌷 Расулуллоҳ соллаллоҳу алайҳи васаллам: «Ким эрталаб ёки кечқурун: سُبْحَانَ اللهِ وَبِحَمْدِهِ ☘️«Субҳаналлоҳи ва биҳамдиҳи»,☘️ (Аллоҳга ҳамд айтиш билан Уни айбу нуқсонлардан поклаб ёд этаман), деб юз марта айтса, қиёмат куни бирор киши ундан афзал бўлмайди. Фақат ана шу киши айтганидек ёки ундан ошириб айтсагина, бўлиши мумкин», дедилар. Имом Муслим ривоятлари. Каналга аъзо бўлинг: https://t.me/joinchat/AAAAAD-ZGmdHp-O75FyVsg

Энг оғир жазо Ҳар бир жиноятнинг жазоси бор. “Шунча одам гуноҳ қиляпти-ю, лекин жазо олмаяпти-ку?” дейишга шошилманг. Жазо деганда ҳар бир гуноҳкорнинг бошига самодан тушадиган бир чақмоқ ё шунга ўхшаш бало назарда тутилмаган. Ҳамма жазо ҳам Фиръавнники сингари денгизда чўкиш, Қорунники сингари ер ютиш бўлавермайди. Фиръавн ва Қорунга берилган жазолар Жабборнинг интиқомидир. Булардан ҳам баттар жазолар бор. Шулардан бири Аллоҳ бандасининг гуноҳи туфайли унинг қалбини Ўзидан тескари қилиб қўйишидир. Бунда банда тирик бўлса-да, қалби ўлади. Олдидан жаноза кўтариб ўтилса-да, титрамайди, тафаккур қилмайди. Қуръон оятларини эшитса-да, таъсирланмайди. Йиллар ўтади-ю, аммо ибодат қилмайди. Азонни эшитади, лекин масжидга бормайди. Рамазонлар келиб-кетади, аммо уни ғанимат билмайди. Истиғфор айтиб, кўздан надомат ёшлари оқмаслиги, қўллар дуога кўтарилмаслиги, тиллар тасбеҳ, зикр айтмаслиги – булардан ортиқроқ жазо борми?! Раббимизнинг эшиги бизга ёпилиб қолиши энг қаттиқ жазодир, аслида! Аллоҳ асрасин! @mehrob_uz

🕓NAMOZ VAQTLARI: 📆17-maydan  23-may kunigacha. (Andijon vaqti bilan) ☀️QUYOSH 4:55 📝 “𝐀𝐡𝐥𝐢𝐧𝐠𝐢𝐳𝐧𝐢 𝐧𝐚𝐦𝐨𝐳 (𝐨ʻ𝐪𝐢𝐬𝐡) 𝐠𝐚 𝐛𝐮𝐲𝐮𝐫𝐢𝐧𝐠 𝐯𝐚 (𝐨ʻ𝐳𝐢𝐧𝐠𝐢𝐳 𝐡𝐚𝐦) 𝐮𝐧𝐠𝐚 (𝐧𝐚𝐦𝐨𝐳𝐠𝐚) 𝐛𝐚𝐫𝐝𝐨𝐬𝐡𝐥𝐢 𝐛𝐨ʻ𝐥𝐢𝐧𝐠!” ᴛᴏʜᴀ sᴜʀᴀsɪ 132-ᴏʏᴀᴛ 🫥Yaqinlaringizga ham ulashing! 📱Ijtimoiy tarmoqlarda bizni kuzating: 🚀Telegram 📷Instagram