Rashid Xo‘jamov | she'rlar

👁 Жигар азоби ✍️ Одатда саҳифаларимда хайриялар эълон қилмайман, кейинги илтимосларни рад этишга хижолат бўламан. Аммо ҳамкасбимизнинг мураккаб вазиятида жим туролмадим. Азизлар, бир инсон бизнинг кўмагимизга жуда муҳтож! ☘️ 3 нафар фарзанднинг отаси Шуҳрат Суяров Сирдарёнинг 30 йиллик журналисти. Фарзандларини ўзи каби зиёли қилиш учун институтларда ўқитмоқда. Бугун Шуҳрат аканинг ҳаётида синовли кунлар ўтмоқда. У “Жигар циррози” хасталигининг оғир босқичи билан курашяпти. Шифокорларнинг айтишича, зудлик билан Ҳиндистонда жигар кўчириш амалга оширлиши керак. Бу амалиёт учун эса 30 минг ақш доллари зарур. Бу оддийгина оила учун жуда катта маблағ. 💦 Томчилардан уммон ҳосил бўлгандай оз-оз миқдорда бўлса ҳам етарли суммани йиғишимиз мумкин. Моддий имконингиз бўлмаса, дуоларингизда эсланг! ✅ Лавҳадаги 9860122463651978 рақамли пластик карта ва телефон Шуҳрат Суяровга тегишли. Илтимос, постни тарқатишга ҳам кўмак беринглар. Аброр Зоҳидов @az_sss

РАҚС Нега шу шеъни эшитдим, энди бу кайфиятдан нима қутқаради?!.. * 🎙️Дилноза Кубаева ✍️Гулжамол Асқарова @R_Xojamov

Eng yosh va eng tajribali shoirlar. Chatjildi. Oʻzingizga qoʻshib oling. Mazza qilib kuzatib yurasiz. https://t.me/addlist/JbNeHZTGX2k0ZDc6

ЖАВОБИ ЙЎҚ ҚЎШИҚ Балки, нотавонман, Ё ақли қосир... Ахир ёрадими бошни дўлана?! Мана бу қоғозлар қисирдан-қисир, Мана бу ҳайкаллар ютган тилини! Кечалар элакда эланди сабр, Оташин шиорлар оҳимиз ютди... онали хорлар-у йўқсил бевалар, Отали етимлар қолди бу юртда. Мен сени умримни савдога қўйган Бебақо бозоринг учун севардим. Мен сени ёлғонлар доғида куйган Ифорсиз гулзоринг учун севардим. Мен сени гўдакнинг тилидан олган Энг тоза изҳорим учун севардим. Мен сени тупроқдан туброқда қолган Отамнинг мозори учун севардим. Энди нима қолди: икки қисим хок, Ўзини унутган бир эски қасам... Ҳур қуш қулоғимга шивирлар ғамнок: “Истасанг шу ватан, истамасанг ҳам!” Бу яна қай ҳашам учун келган бож? Наҳот тўйдирмади жолаларимиз! Биз-ку кечирамиз (бошқа на илож), Бизни кечирарми болаларимиз?.. _ 16.02.2023 Рашид ХЎЖАМОВ

ОРЗУ Ғам ёмғири ёғди ўттиз тўққиз йил, Бир азим дарёнинг шиддати тинди. Минг йиллик оғочдек кўнглим беҳосил, Толесизлик дедим, толемга кўндим. Сендан улоқдим-у, сени қўмсадим, Қудуққа оҳ урсам, исмим қайтади. Хатларни чўктирдим, Сўзларни ёқдим — Энди севсанг бўлар мени қайтадан. Тушларим мунажжим, Ўйлар — мусаввир, Қани, одамлардек хаёл сурсайдим... Ғам ёмғири ёғди ўттиз тўққиз йил, Келсайдинг, мен қирққа кирсайдим. ___ 11.08.2023 ✍ Рашид ХЎЖАМОВ

* * * Қайдадир тун сиёҳ кокилин эшар, Тоғларда эзади ҳарир кўксини. Қайдадир жайронлар ўйнаб юришар, Фақат мен яшайман Ўксиниб. Қайдадир минора қанот қоқади, Ҳис этиб танида шамол жисмини. Зарафшон қайгадир лойқа оқади, Фақат мен яшайман Ўксиниб. Қайдадир тулпорлар фазога етар Томоша қилгани товус рақсини. Қақнуслар оловлар қўйнида ётар, Фақат мен яшайман Ўксиниб. Қайдадир сайҳонда ўтлар қовушар, Қайдадир йўқотар офтоб кўзини. Қайдадир нам тортиб унар товушлар, Фақат мен яшайман Ўксиниб. Қайдадир капалак шафақни кўрар, Нурланиб сезади бахтнинг исини. Қайдадир бир санам мени деб яшар, Фақат мен яшайман Ўксиниб. ✍Абдували Қутбиддин 🎙Рашид Хўжамов T.me/audio_page

Butun dunyoda har toʻrtinchi odam toza sanitar suv iste’mol qilmaydi… Oʻzbekistonda har 1 daqiqada 9 sotix maydon qurgʻoqchil yerga aylanmoqda… TOʻLIQ SUHBATNI KOʻRISH

ҚАСД Надир ҳосил бу мубҳам ўйдан, Инграётган битта сўз ахир. Мен жонимни гаровга қўйдим, Келмасин деб кўнглингга оғир. Ҳижрон билан басма-бас ўсди хун руҳимнинг тоқат қояси. Юрагимнинг қоқ ўртасида қайнаб турар вулқон муттасил. Кундан кунга торман, дор, чида, Сўнгги лаҳза, қамишлар, ёнинг!.. Бошламоқ-чун барин бошидан Охирига етдим дунёнинг. 28.07.2023 __ ✍️ Рашид ХЎЖАМОВ