↝ dámelen

Әлемде ақша мен тұрмыстың жайы маңызды болмаса, бір бұрышта кітап оқып, жазатынымды армансыз жазып отыра беретін едім.✨

«Норвег орманын» оқып бастадым. Деталь өте көп екен. Бұрын қараған анимелерім көз алдыма келіп жатыр.

1 маусымда 22-ге толатыныма әлі сенбеймін. Осы жолы сыйлыққа көп кітап алғым келеді.🤭

Орындап барып ойланатынымыз-ай. Кейінгі кезде бұрын қуантқан нәрселер көңілімді көтермей жүр. Өз көңіліңді көтермекке талпынасың, бірақ оның жарамдылық мерзімі аз уақытқа ғана. Қайтадан сол сары уайымға толы сүрлеу жолға түсесің. Жақындарыңмен сөйлесу де көмектеспейді. Осындайда аз қуаныштың дәмі қаттырақ, қанығырақ сезіледі екен.

Ауылға барып, ата-анамның қасында болып қайттым. Еркеледім, ойнадым, аунап-қунап, мауқымды бастым. Осы сапарыма разымын.✨

Ертең бұйырса емтихан. Ал мен ұйықтай алмай жатырмын. Емтиханды емес, мүлде басқа нәрселерді уайымдап🤧

«Тарих батырларымыз жайында емес, қайдан келгеніміз, қайда баратынымыз туралы болуы тиіс». Әлихан Жақсылық «Нотр-Дамда құлшылық жасау керек пе?»

📕 «Абыл мен Қабыл» 👤 Мақсат Мәлік 📖 220 бет Сиам егіздері жайлы қазақ тілінде жазылған шығарма оқып па едіңіз? Автор шығармасына «Абыл мен Қабыл» атты діни аңызды негіз етіп алады, бірақ қайталамай, керсінше өз авторлық шешімін ұсынады. «Таңсәрі», «Талтүс», «Алагеуім» және «Түн қараңғысы» атты төрт бөлімде кейіпкерлердің отыз үш жылдық ғұмыры баяндалады. Тақырыбы – сиам егіздерінің ішкі қақтығысқа толы тағдыры. Идеясы – аңызға жаңаша өң беру, өмірге көзқарасы екі түрлі егіздердің образы арқылы ақ пен қара, жақсылық пен жамандық қайшылығын көрсету. Ең әуелі, жазушы қазақ әдебиетіне сиам егіздерін – жаңаша образдарды сыйлады. Мұнда хронотоп (уақыт пен кеңістік) шартты, тұрақсыз. Лирикалық шегініс көп. Қабылдан гөрі, Абылды жаныңа жақын тартасың. Себебі Абылдың ішкі монологы берілгенде, егізі сырттай сипатталады. Бұл шығарманың психологизмін қанық қылып тұр. Романда мистикалық сарын көп. Балгерлік, түс көру, мифологиялық кейіпкер – Бекторының есімі берілуі және тағы да басқа. Өзімен-өзі қосылып кететін радио, қарғаға тіл бітуі, Абылдың шарана кезінде есін білуі, ала жіптің егіздердің өлтіруі секілді миға сыймайтын элементтер де бар. Шығарманың әлеуметтік әлеуеті де зор. Цирктегі аңдар құқығы, ізгілік, саясаттың көзбояушылығы, сыбайлас жемқорлық секілді өзекті мәселелер қозғалады. Соңы не болар екен деп қызыға оқыған мен секілді оқырман үшін күтпеген авторлық шешім болуы мүмкін. Алайда осы ерекше көркемдік тәсілдер, астарлы ойлар арқылы жазушы көп нәрсені жеткізе білді, таптаурындарды бұзып, шекарадан шыға білді. Оқырман көкейінде төңкеріс жасай алды. #оқығаным

Бүгін біздің бір-бірімізге ұқсайтынымызды тағы бір адам айтты.🤍

Екі күн қатарынан театрға бардым. Көзім де, көңілім де тойып қайтты. Музыкалық жас көрермен театры бұл жолғы сапарларында «Орал, біз біргеміз!» ұранын қазық етті. Рухани қолдау болды. «Гауһартас»-ты екінші рет тамашаладым. «Қоштасқым келмейді»-нің айтар әні де, әңгімесі де көп екен. Ойлы сөздер ойға қонды. Әртістің сезімі, толғанысы жұқты. «Мен не істер едім?» деген ойға қаласың.