دكان السعادة.

مساءُ الخَير. المنهَجية أفضل من العشوائية (لكن العشوائية أفضل من التوقُف!) ولو سِرتَ على الدربِ حَبوًا وتعثَّرت وتأخرت (لا تتوقف!) فكما قالوا: (أن تصِل مُتأخِرًا خَيرٌ لك مِن أن لا تصل) -تذكَّر دَومًا أنَّ جُل خُطواتك هي البداية (وما تأخرَ مَن بدأ) -وتذكَّر أنَّ الإستمرارية ولو بالقليل بعَون الله ستُتحقق لكَ الوصول يوما.. وإن مُت قبل أن تصل! لا بأس =فالعِبرة بالبذل والسير على الطريق لا الوصول لنهايَته! أخيرًا وليس آخِرًا "السَير على طريقِ الوصولِ= (وصـول") وكما قال رسول الله: "عرَفتَ فالزَم" -د. أحمد عبد المنعم.

يطمئني كلام د.أبو موسى: "اجتهادك + غباءك = يزيدك أجرًا عند الله" وأهدهد نفسي بقول د.أحمد عبد المنعم "العشوائية أفضل من التوقف" ويُذهِب عني جلد الذات قول الشيخ ناجي: "تروح وتيجي لله، العلم والفهم دول فتوح من الله، تيجي أو لأ.. مش بتاعتك" ويقلقني قول د.هدى: "حطّ المِزاج على الرف وقوم من النوم شوية.. مسيرنا ننام النومة الأبدية" وأتصبر بقول أ. بدر آل مرعي: "من خير النِعم، أن يؤتى الإنسان قلبًا لا تُعطلُه الأحزان عن السَّعي" وأستبشر لقول م.أيمن: "سقف الممكن مذهل" • منقول

براحتك خالص الناس بتموت و الأكونتات بتاعتهم بتعيش شوف أنت عايز الأكّونت بتاعك يعيش بعدك إزاي؟ يعيش وهو عليه صور نساء، وأغاني ومحرمات!! طب وميزانك اللي هيبقى كله سيئات لو مش هتتعظ من الموت هتتعظ من إيه تاني؟ هدانا الله و إياكم.

خبر موت أي حد في نفس سنَّك، حد كان معاك في يوم الأيام مُرعب جدًا حقيقي، وأحنا بنجري على مُغريات الحياة و فجأة تلاقي إن الاختبار خِلص!! ويلا الحساب ويا ترىٰ عملت إيه في حياتك !!! حاجة تخليك تعيد شريط حياتك كله تاني وتبدأ تفكر أنت مين وبتعمل إيه فعلًا!!! "قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ" كلنا عارفين كويس إننا كده كده هنموت مش حاجة مفاجأة يعني، الدنيا دي ما هي إلا دار اختبار كل واحد بيؤدي فيها دوره وأعماله وخلاص آخرنا هنموت ونتحاسب على الأعمال دي والخلود إما في الجنة أو إما في النار والعياذ بالله! افتكروا دايمًا إن الموت هو الحقيقة الوحيدة في حياتنا، والحاجة اللي محدش عارف هتبقى إمتى و إزاي ف "لكل أجل كتاب". عيش في الدنيا على الهدف اللي ربنا خلقك عشانه، إنك جاي فيها عشان تعبده حق عبادته وتبني لنفسك مكان في الجنة وبس... مكان في الجنة وبس!!!!! ربنا يرحمنا ويرحم أمواتنا ويسكنهم فسيح جناته، ربنا يكتبلنا حُسن الختام، ولا يأخدنا إلا وهو راضٍ عنّا، ويرزقنا حسن العمل في الدنيا، ويرزقنا الفردوس الأعلى من الجنة، آمين

ادعوا لصديقتنا آية بالرحمة والمغفرة وأن يثبتها الله عند السؤال ويسكنها فسيح جناته.

يا ربّ أعن! يا ربّ بارك في الوقت والجُهد، دعواتكم علشان الحالة صعبة ومفيش مادة راضية تخلص 😭

فاينل ماسكلو ٢ اللي الإند بتاعه كان ليلة ٢٧، وقتها كنت مزنوقة في ٥ مواد والدُعاء علشان لو ليلة القدر، وحاجة مُنتهى العبث، دعواتكم فاينله يعدي على خير علشان الحالة صعبة 😭 دعواتكم لينا بالتيسير والتوفيق والبركة في الوقت والجُهد، ونطلع بصحة ونفسية كويسة من فترة الامتحانات دي 😭

- مش عارف أذاكر خالص، الوقت ضيق والمنهج كبير عليا = هل دا مبرر إنك تسيب الكتاب خالص! - لا بس نفسى مقفولة، مش عارف أبدًا لأنى عارف إنى مهما أذاكر مش هخلص ال عليا = ومين قال إنك لازم تخلص اللي عليك! ربنا بيحاسب على قدر السعى والنية مش النتيجة، ربنا مش هيحاسبك على كام فصل ذاكرته وإنما هيحاسبك على قد التعب اللي واجهته، هيكافئك على قد إصرارك إنك تكمل فى وقت يأسك، جرب ولو لمرة تؤمن إن الأمور بيد الله وإنك قادر بدعائك وسعيك تحقق اللي نفسك فيه 🤍 . -اللَّه يسدد خُطانا جميعًا وييسَّر لنا كُل صَعب ، وبَارِك لنَا في الوَقت والجُهد يَا رَب .

إنتَ اللي بتُختبَر مش العكس!

بمناسبة البوستات بتاعت أنا حسبتها خلاص وحلمي ضاع ‏لَيسَ لكَ مِن الأمرِ شَيء آل عمران- ١٢٨. قُل إنَّ الأمرَ كُله لِلّٰه آل عمران- ١٥٤.