🎙 فکـري درسـونه / Fikree Darsona 📚

مسجد ته د نافعو علومو د زده کړې په مقصد ورتلل په اسلام کې ستر عبادت ګڼل شوی چې هر ځل ورتګ د يوه پوره او قبول شوي حج په اندازه اجر لري، لکه چې رسول الله صلّی الله عليه و سلّم فرمايي: عن أبي أمامة قال: قال رسول الله صلّی الله عليه و سلّم: «مَنْ غَدَا إِلَی الْمَسْجِد لَا يُرِيْدُ إِلَّا لِيَتَعَلَّمَ خَيْراً أَو يُعَلِّمَه کَانَ لَه أَجْرُ مُعْتَمِرِ تَامِّ الْعُمْرَةِ، فَمَنْ رَاحَ إِلَی الْمَسْجِدِ لَا يُرِيْدُ إِلَّا لِيَتَعَلَّمَ خَيْراً أو يُعَلِّمَه کَانَ لَه أَجْرُ مُعْتَمِرِ تَامِّ الحِجَّةِ». ژباړه: (څوک چې د سهار لخوا مسجد ته يوازې په دې اراده لاړ شي د خير علم زده کړي او یا یې بل چا ته وروښيي نو هغه ته به د هغه عمره کوونکي د داسې عمرې په اندازه اجر ورکړای شي چې د هغې يې ټول واجبات او سنن یې پرځای کړي وي، او څوک چې د ماسپښين لخوا مسجد ته يوازې په دې اراده لاړ شي د خير علم زده کړي او یا یې بل چا ته وروښيي، نو هغه ته به د هغه حج کوونکي د داسې حج په اندازه اجر ورکړای شي چې د هغه ټول واجبات او سنن یې پرځای کړي وي). له پورتني مبارک حديث څخه ښکاري چې په مسجد کې د دين او خير زده کړه پخپله ستر عبادت دی، او مسجد د عبادت تر څنګ د زده کړې اساسي ځای هم دی چې بايد په سم ډول د دين د تعليم لپاره وکارول شي. 📚مدرسه او مبارزه ص: ٤٦٧ ✍مولوي عبدالهادي مجاهد