E3dady Channel

ممنوع مناعاً باتاً ارسال لينكات اي جروبات واتس اب على الجروب المشترك و اللي هيخالف القانون هيتعمل له / لها بان من الجروب

شباب دي القناه الوحيده والمعترف بيها والجروب المرتبط ب القناه هو الجروب الوحيد والمعترف بيه اي قنوات او جروبات خارجيه مش تبعنا الل ماسك القناه والجروب مناديب ومندوبات الدفعات السابقه واحنا مش مسؤولين عن اي حاجه بتحصل فيهاا ومتدخلوش اي جروبات خارجية حتى لو مع حد أكبر لإنها مضيعة للوقت واي جروب هيتعمل حتى لو للمذاكرة و يكون مشترك اللي هيتعمله بان من القناه و الجروب

الكلام خاص #بالبنين فقط دكتور حنفي بيقول عند عمو ابراهيم اللي بتحجزوا عنده كراسة الفيزياء العملي احجزوا عنده كتاب الوصفيه #وفاء_كامل

ورش العباسية هتبدأ من الاسبوع الجاي ان شاء الله

بنات جروب a بكره اجازة جروب b عندكم سكشن وصفية ل سكاشن 6،7،8،9 مع م. حازم الساعه 8:30 وسكشن 10 مع م. عمر الساعه 8:30

جدول ثلاثاء #جروب_أ ٨:٣٠ ص ميكانيكا ١٢:٣٠ م إنتاج ٢:٠٠ م رسم (مش هتحتاج الأدوات) #جروب_ب ٨:٣٠ ص فيزياء ١:٠٠ م رسم (مش هتحتاج الأدوات) ٢:٠٠م إنتاج

#بنين مبدئيا كده فيه بكره محاضرة رسم للجروبين ١:٠٠ م #جروب_ب ٢:٠٠ م #جروب_أ الأسبوع ده بس استثنائي بعد كده هتمشوا على الجدول مش هتحتاجوا أدوات

*القرآن الكريم* - مفيش محضرات قرآن طبعا ممكن بس حد يخش مرة يقولكوا المنهج وغالبا مفيش حد بيخش - الامتحان بيكون الترم التاني شفوي وتحريري *الدرجات* - القرآن 100 درجة - 50 تحريري - 50 شفوي *ملاحظات* - منهج القرآن خمس اجزاء من الاحقاف للناس - ابدأ راجع القرآن من دلوقتي - متكسلش وابدأ راجع من دلوقتي عشان متتزنقش وخصوصا لو ناسي - قبل الامتحان ابقى شوف الامتحانات القديمة وامتحانات الكليات التانية الي هيكونوا امتحنوا والمواضع المهمة - الشفوي ممكن يبقى قبل امتحانات الترم التاني وممكن بعدها #بوستات_تعريف_لاعدادي #المواد

*فيزياء 2* - مادة من مواد الترم التاني - مادة الفيزيا مادة الاغلب بينجح فيها والدكتور بيساعدك تنجح فيها بس الصعب فيها التقدير بس عدد مش قليل بيجيب ج.ج و م فمتقلقش وذاكر بس - الفيزياء فيها عملي *الدرجات* - فيزياء 2 100 درجة - 60 فاينل - 40 اعمال السنة - اعمال السنة بتتقسم - 20 على الشيتات وبحث الدكتور بيطلبوا منكم - 20 على الفزياء العملي - مفيش سكاشن فيزياء في عملي بس - مفيش درجات غياب للمحضرات غالبا *دكتور المادة* - دكتور محمود فرج *المذاكرة والملاحظات* - المنهج عبارة عن (الكهربية الساكنة والمجال الكهربي-تطبيقات على المجال الكهربي-الجهد الكهربي-المكثفات-البحث) -الدكتور ممكن يزود او يقلل في المنهج حسب طول الترم - وبيكون كله بالعربي - محاضرة الفيزيا قد تكون طويلة ومملة والشرح مش احسن حاجة بس احضرها عشان تكتب ورا الدكتور لانه بيجيب اسئلة من المحاضرة بتاعته مش في الكتاب ممكن تتفق انت وصحابك كل مرة واحد فيكم يروح ويقعد قدام الدكتور على طول ويكتب كل الكلام الي بيقوله بس الاضمن ليك تروح انت وتكتب - مهم جدا تهتم بحضور العملي وامتحان العملي وتحل الشيتات والبحث عشان درجتهم شبه مضمونة إن شاء الله فمتضيعهاش - حتى لو حضرت المحاضرة ممكن متفهمش فعليك باليوتيوب والافضل في الشرح على اليوتيوب دكتور محمد اسماعيل ودكتور ياسر البطاوي - الامتحان اغلبه معتمد على الفهم حتى الحجات النظري بتيجي معتمدة على الفهم يمكن بس يجيب سؤال او اتنين حفظ زي سؤال تعريف - نظام الامتحان الدكتور بيقوله بالتفصيل فمتقلقش - افضل مصدر للمذاكرة محاضرات اليوتيوب وإن كانت الفيديوهات شرح للفيزيا بالانجليزي واحنا منهجنا عربي بس الشرح واحد وهتفهم - بعدها الكتاب والمحاضرات - وانت بتذاكر في الكتاب يستحسن يبقى معاك ورق او كشكول تلخص فيه كل القوانين عشان هتفيدك جدا - بينطلب منك شيتات بتسلمهم يوم امتحان العملي اخر الترم اهتم بيهم وحلهم بعد ما تذاكر عشان مهمين جدا *الفاينل* - اول حاجة لازم تكون فاهم بإنك تكون بتحضر المحضرات او بتشوف يوتيوب - لو خلاص فاهم ذاكر من الكتاب وشوف المحضرات والحجات الي الدكتور بيزودها وذاكر البحث الي عملته - بعدين تحل كتاب السولفيد بيكون فيه مسائل الشيتات ومسائل زيادة وبيجي منه في الامتحان فمهم تحله - يوم الامتحان تصحى بدري تراجع القوانين الي لخصتها *العملي* - مهم جدا الحضور وتجرب بإيدك - في كتاب تاني بيبقى مطلوب تشتروه ومينفعش تخشوا من غيره وبيكون فيه شرح التجارب وبتحط فيه النتايج وانت بتجرب - بيبقى فيه امتحان عملي قبل الامتحانات باسبوع نظام الامتحان بيبقى نظري وعملي فلازم تفهم وتحفظ النظري بتاع كل تجربة #بوستات_تعريف_لاعدادي #المواد

#جروب_أ #جروب_ب الاتنين مفيش حاجة للجروبين🔥

*رياضيات 2* - مادة من مواد الترم التاني *الدرجات* - رياضيات 2 100 درجة - 70 فاينل - 30 اعمال سنة - اعمال السنة بتتوزع على الميدتيرم والحضور في السكاشن والمحضرات والكويزات والشيتات الي بتطلب منكم كل سيكشن *دكاترة المادة* - دكتور محمد مهنا عميد الكلية - دكتور احمد عطية *المذاكرة والملاحظات* - المنهج عبارة عن (التكامل-تطبيقات التكامل-المصفوفات-القطاعات المخروطية) -المنهج كله بالانجليزي - مهم تحضر المحضرات والسكاشن وتكتب كل حاجة ورا الدكتور والمعيد او تصور السبورة(ماعدا دكتور مهنا ممنوع تصور) ولما تروح تذاكر وتبيض المحاضرة او السيكشن - ولما تروح تذاكر وتبيض المحاضرة او السيكشن - دا هيخليك فاهم المنهج بنسبة كويسة طول الترم وناقص بس الحل - بيبقى في كويز وشيت كل سكشن سلم الشيتات كلها ومتفوتش حاجة منها وسلم برضو الكويز حتى لو مش حالل فيه - راجع المحاضرة والسيكشن قبل الكويز وحل في الكويزات على قد ما تقدر وركز فيها عشان الباشمهندسين بيجيبوا اسئلة محتاجة تفكير شوية - لو مش فاهم حاجة معينة او نسيت وعاوز تفتكر يبقى ساعتها شوف المحاضرات يوتيوب دكتور عماد عبدالحفيظ وبرضو دكاترة الكلية شارحين اغلب المنهج فيديوهات - الدكتور بيديكم شيتات بيكون فيها اسئلة كتير على الشابتر ومبيطلبهاش منكم حاول تحلها مع نفسك - بيبقى في ملازم شرح حجات مهمة دكتور مهنا بيديهالكم بتكون مهمة جدا جدا لازم تذاكروهم *الميد تيرم* - قبل الميد تيرم حاول تبدأ تلم الرياضة قبلها باسبوع مثلا - وهيكون اهم حاجة بالنسبالك ملازم م.فايز تذاكرها كويس جدا هي والاسئلة الي فيها وبرضو لو في ملازم لدكتور مهنا ذاكرها بعد ملازم م.فايز - اول ما تخلصها تشوف امتحانات الميدتيرم القديمة وهتلاقي ملزمة ل م.فايز محلول فيها الامتحانات القديمة - ولو خلصتها ولسه في وقت ممكن تراجع الشيتات او لو مكنتش حليتها قبل كده تحلها - اعمل كل الي عليك قبل الميد ولو قدر الله ومتوفقتش في الميد متتحبطش وتزعل معاك الفاينل اهم وعليه درجات اكتر فتعمل اقصى ما عندك عشان تعوض في الفاينل *الفاينل* - نفس الكلام قبل الفاينل بأسبوعين تلم الرياضة كلها - وبرضو اهم حاجة ملازم م.فايز وملازم دكتور مهنا - لو خلصتها تشوف امتحانات الفاينل القديمة وهتلاقي ملزمة ل م.فايز محلول فيها الامتحانات القديمة - لو خلصتها برضو تراجع الشيتات او تحلها لو محلتهاش قبل كده - يوم الامتحان سواء ميد او فاينل تصحى بدري شوية وتراجع القوانين والحجات الي بتنساها - لازم تحل كتير وخصوصا قبل الامتحان سواء ميد او فاينل - ذاكر المنهج اول بأول عشان صعب تلمه لو راكمته #بوستات_تعريف_لاعدادي #المواد

*تطور التكنولوجيا* - مادة من مواد الترم التاني - التطور مادة سهلة إن شاء الله ومادة امتياز ترفع بيها مجموعك بس لازم تذاكرها صح *الدرجات* - التطور 100 درجه كلهم في الفاينل *دكتور المادة* - دكتور احمد عطية *المذاكرة وملاحظات* - احضر اول محاضرة واكتب الاسئلة المهمة فيها وحدد الحجات الي الدكتور شرحها بس - بعد كده لو الدكتور كمل محضرات يبقى احضرها برضو ولو خلاها اونلاين يبقى احسن - شرح الدكتور سواء محضرات او لو الدكتور بعتلكم المحضرات اونلاين مهم جدا وهو ده بس المقرر الي عليكم والباقي مش مهم - الدكتور بيبعتلكم اسئلة على كل باب الاسئلة دي مهمة جدا والامتحان مبيخرجش عنها حتى لو اتغيرت صيغة السؤال - احفظ الاسئلة كويس ومتزودش على نفسك حاجة الدكتور مشرحهاش - سؤال واحد بس عن الفلوتشارت بيكون فهم بس بيجي سهل إن شاء الله - الدكتور مبيحبش الهبد في الاجابة او الحشو - بالنسبة للمذاكرة فمثلا بعد ما الدكتور يشرح المحاضرة او يبعتها فيديو تسمعها وتحدد الحجات الي الدكتور بيقولها بس في المحاضرة (مثلا بتكون فقرة عشر سطور والدكتور بيقول في المحاضرة سطرين بس هما دول بس الي مطلوبين منك في الاجابة) - بعدين تحفظ اجابات الاسئلة كويس (برضو تحفظ الجزء الي الدكتور قاله في المحاضرة بس من الاجابة) - الفلوتشارت لازم تفهمها وتحل عليها على الاقل الامثلة بتاعت الدكتور في المحاضرة تحلها من غير ما تشوف الحل - ليلة الامتحان تلم المنهج كله وتراجع الاسئلة ويوم الامتحان اصحى قبل الامتحان ب ٦ سعات مثلا وراجع المنهج كله تاني عشان لو نسيت حاجة تفتكرها - شوف امتحان اخر سنتين عشان تعرف نظام الامتحان وإن شاء الله بيكون سهل لو حفظت كويس وفهمت الفلوتشارت #بوستات_تعريف_لاعدادي #المواد

جدول الأحد: #جروب_أ : ٨:٠٠ ص محاضرة وصفية في مدرج الدور الأرضي (مدرج أ) محاضرة الحاسب الدكتور لسه مردش عليا فمش عارف هيكون فيه محاضرة ولا لا لما يرد هبلغكم بإذن الله #جروب_ب : ٨:٠٠ ص محاضرة ميكانيكا مدرج الدور التاني (مدرج ب) ١٢:٣٠ م محاضرة وصفية مدرج الدور الأرضي (مدرج أ) ٢:٠٠ م محاضرة رياضة مدرج الدور الأرضي (مدرج أ)

جدول الاحد بنات محاضرة رياضه الساعه 8:30 سكشن رياضه الساعه 10:30 بس مش اكيد البشمهندس قال ممكن يدخل وممكن لا سكشن وصفية مع م. عمر لفصول 1،5 الساعه 12:30 محاضرة الحاسب بكره في المدرج هنعرفكم معادها ان شاء الله بالتوفيق

*العقيدة والاخلاق* - مادة العقيدة هي نفس مادة التوحيد مع اختلاف الاسم بس - مادة من مواد الترم التاني - العقيدة مادة سهلة إن شاء الله ومادة امتياز ترفع بيها مجموعك *الدرجات* - العقيدة 100 درجه كلهم في الفاينل *دكتور المادة* - السنة الي فاتت كان دكتور محمد فارس *المذاكرة وملاحظات* - مش لازم تحضر المحاضرة وتكتفي بريكورد المحاضرة بس تبقى ضامن إن حد هيسجلك تسجيل واضح ويبعتهولك - الدكتور بيحدد المنهج الي هتمتحنوا فيه اخر محاضرة خالص - الكتاب واحد لكل كليات الجامعة وإن شاء الله مش هيتغير الي بيتغير بس الكمية والموضوعات الي الدكتور هيشرحها من الكتاب - لو هتحضر المحضرات سجل للدكتور والدكتور غالبا مبيرفضش التسجيل ومهم التسجيل عشان في بعض الحجات الدكتور بيزودها او بيشرحها بطريقة مختلفة عن الكتاب - ذاكر من الكتاب ومن تسجيل المحضرات واي حاجة الدكتور يقول عليها في المحاضرة مهمة ركز عليها واي سؤال الدكتور يقوله في المحضرات مهم - بالنسبة للمذاكرة فمثلا بعد ما الدكتور يشرح حاجة تروح تبيض المحاضرة او تسمعها على الاقل ومضيعش وقت كبير في العقيدة وقبل الامتحانات حاول تلمها كلها وليلة الامتحان برضو تلمها ويوم الامتحان اصحى بدري قبل الامتحان ب ٦ سعات على الاقل راجع المنهج كله تاني - ممكن تلم المنهج ليلة الامتحان بس منصحكش خالص عشان المنهج بيكون طويل وهيتعبك في الحفظ وعشان لو حصل ظروف وقتها - الحجات دي مش لازم تمشي عليها لو كنت بتذاكر المواد الشرعية في ثانوي واعدادي بطريقة معينة وماشية معاك كويس ذاكر بنفس الطريقة الي كنت بتذاكر بيها وسيبك من الكلام ده - شوف امتحانات السنين الي فاتت لنفس الدكتور ولو في امتحان للدكتور لكلية تانية قبل امتحانكم فبرضو مهم تشوفوه #بوستات_تعريف_لاعدادي #المواد

السلام عليكم ورحمة الله.☘️ شباب إن شاء الله أنا بجمع ادوات لطلبة إعدادي والفئة المستهدفة الغير قادرين علي الشراء بسبب الحالة المادية أو اللي والدهم متوفي.. وانا فعليا معايا عدد منهم حاليا.. وطبعا انتم عارفين الاسعار هذا العام صعبة جدا، فإذا مساعدتهم واجب علينا بما نقدر عليه، بل شرف لنا أن نكون تحت عنوان مفرجي الكرب عن المسلمين.🍂 وبما أن بتوع نظم سواء بنين او بنات مش محتاجين الادوات فياريت اللي يقدر يجيب اي حاجة يجبها وتبقي إن شاء الله في ميزان حسناته وسببا في التوفيق له وتيسير الطرق له، ويكفي انك بذلك تيسير علي مسلم كربة وتعين اخاك المسلم قال(صلي الله عليه وسلم):" والله في عون العبد ما دام العبد في عون اخيه".❤️🌺 وبالنسبة لباقي الاقسام اي حد يقدر يجيب ولو شئ قليل يعني لو حتي اللوح يجيبها لا تستصغرن من المعروف شيئا ولو كان قليلا.☘️ فياريت اللي يقدر يقدم أي شئ فلا يتأخر فعسي أن تكون تلك المنجية.🤍✨ اللي إن شاء الله حابب أن يساعد يبقي لما يقابلني يعطني ما لديه لو عارفني مش عارفني يبقي يتركها في مكتبة طنط اللي بجوار قسم نظم باسم يوسف ويأكد عليها أن يوسف بس هو اللي يأخذهم وهي عارفني شكلا.👍🏻 وياريت نخلص الموضوع خلال هذا الأسبوع علشان هيشتغلوا فيه. وجزاكم الله كل خير.❤️

الحمد لله على رحمته عباده بعبده وخليله المصطفى سيدنا رسول الله ﷺ اللهم صل وسلم وبارك عليه وعلى آله عدد خلقك ورضا نفسك وزِنة عرشك ومداد كلماتك! اللهم إنك قلت :" لئن شكرتم لأزيدنكم" ، فزدنا له حبا ومنه قُربا، وعليه تعرفا، واجعلنا على نور سنته وصراط هدايته ومتابعته، لا نغيب عن نوره، ولا نحتجب عن شهوده ﷺ .