Дөрес сүзгә җавап юк!

Дөньяны үзгәртәсең килсә, үзеңнән башла. Джо Уайдер

Язмыш сиңа елмайсын өчен, башта аңа үзеңнең яхшы кәефеңне бүләк ит.

Кеше дөрес яшәсә генә озын гомерле була. Кеше генә түгел, җәмгыять тә шулай. Мөхәммәт Мәһдиев

Үз халкының тарихын белмичә яши торган адәм, нинди генә байлыкта һәм рәхәттә яшәсә дә, бу дөньяның матурлыгын тулысынча күрә алмас. М. Максут

Кеше уйлап тапкан кораллар арасында иң көчлесе һәм иң хәтәре булып калучысы — сүз.

Телне афәттән саклар өчен иң җиңел юл — мәгънәсез халыктан аулак булу, аш-су мәҗлесләренә йөрмәү вә мәгънәсез кешеләргә катышмау. Ризаэтдин Фәхретдин

Тормышның кыска икәнен исеңдә тотып яшә. Гораций

Без бары тик югалтырга курыккан кешеләргә генә ачуланабыз, алар белән генә талашабыз, үпкәләшәбез...

Әгәр кеше надан булса, аннан котыла алмый: надан профессор, надан академикка хәтле күтәрелеп була, әмма наданлык кала. Мөхәммәт Мәһдиев

Максатка ирешү өчен бер генә нәрсә кирәк: алга бару. Оноре де Бальзак

Югалтмас өчен кадерен белергә кирәк.

Белемне Кытайга барып булса да алыгыз. Хәдис

Уңышсызлыклардан курыкмаган кеше генә зур уңышка ирешә ала. Роберт Кеннеди

Ире белән талашса да, зирәк хатын аңа ашау әзерләр. Үз сүзе дөрес булса да, зирәк ир барып хатынын үбәр.

Үзең бер тамчы җылы бирмәгән килеш, дөнья салкын дип зарланма.

Вакыт үтү белән үзеңә таба адым ясамаучыларга тартылудан туясың икән...

Үз-үзенә булышмаучы кешегә булышырга тырышу мәгънәсез. Үзе күтәрелергә теләмәгән кешене баскычтан менәргә мәҗбүр итеп булмый.

Үзгәреш — сәламәт психика күрсәткече ул.

Хатын-кыз ул чәчәк кебек. Ә ир-ат — бакчачы. Бары тәрбия кылып, су сибеп, кайгыртып торганда гына, чәчәк хушланыр, күз явын алырдай матурланыр! Иң тырыш бакчачының бакчасында, иң гүзәл чәчәк булыр!

Әгәр бу тормышта барын да татып карарга телисең икән, яхшы, намуслы һәм әхлаклы булып кара.