𝐀𝐃𝐀𝐁𝐈𝐘𝐎𝐓𝐈 𝐁𝐔𝐙𝐔𝐑𝐆𝐎𝐍🥀🍁| АДАБИЁТИ БУЗУРГОН |
Kanalga Telegram’da o‘tish
¤ Ҳикмат ¤ Панд ¤ Шеър ¤ Байт ¤ Ғазал ¤ Андеша (аз бузургони олами классик ва ирфон)
Ko'proq ko'rsatish1 173
Obunachilar
+124 soatlar
Ma'lumot yo'q7 kun
+1630 kun
Postlar arxiv
Агар рӯзи ба дониш дарфузудӣ,
Зи нодонон тангрӯзитар набудӣ.
#Саъдӣ
Ҷумла хашм аз кибр хезад, аз такаббур пок шав,
Гар нахоҳӣ кибрро, рав, бе такаббур хок шав!
Хашм ҳаргиз барнахезад ҷуз зи кибру мову ман,
Ҳар дуро чун нардбон зер ору бар афлок шав!
Ҳар куҷо ту хашм дидӣ, кибрро дар хашм ҷӯ,
Гар хушӣ бо ин ду морат, худ бирав, Заҳҳок шав!
Гар зи кибру хашм безорӣ, бирав кунҷе бихусб,
В-ар зи кибру хашм дилшодӣ, бирав, ғамнок шав!
Хашми сагсорон раҳо кун, хашм аз шерон бибин,
Хашм аз шерон чу дидӣ, сар биниҳ, шишок шав!
Луқмаи ширин, ки аз вай хашм ангезад, махур,
Луқма аз лавлок гиру бандаи лавлок шав!
Рав, ту қассоби ҳаво шав, кибру кинро хун бирез,
Чанд бошӣ хуфта зери ин ду саг?! Чолок шав!
#Мавлоно_Балхӣ
Repost from БӮСТОНИ ОРИФОН
Боз о, боз о, ҳар он чӣ ҳастӣ, боз о,
Гар кофиру габру бутпарастӣ, боз о.
Ин даргаҳи мо даргаҳи навмедӣ нест
Сад бор агар тавба шикастӣ, боз о.
Абӯсаид Абулхайр.
@davlatobod1
Бигзор гадо бошам , дар хоки Ватан бошам,
Дар банди ҷафо бошам, дар хоки Ватан бошам.
Бигзор ки ғам бинам, сад дарду алам бинам,
Аз ҳаҷр адо бошам, дар хоки Ватан бошам.
Гар ёр шавад душман, меҳраш биканад аз ман,
Маҳруми вафо бошам, дар хоки Ватан бошам.
Парво накунам аз дард, рангам ҳама гардад зард,
Мӯҳтоҷи даво бошам, дар хоки Ватан бошам.
Бо қомати хамхурда , бор ҳам натавон бурдан,
Дар даст асо бошам , дар хоки Ватан бошам.
Ҳарчанд кашам хорӣ, рафтам ба раҳи зорӣ,
Розӣ зӣ Худо бошам, дар хоки Ватан бошам.....
#Устод_Халилӣ
Аз шабнами ишқ хоки одам гил шуд,
Сад фитнаву шӯр дар ҷаҳон ҳосил шуд.
Сари наштари ишқ бар раги руҳ заданд,
Як қатра аз он чакиду номаш дил шуд....
Ҳар чи гул дидам канораш хор буд,
Сарву раъно шохааш бебор буд.
Кас намедонад ба ҷуз наққоши ишқ,
Ки чи розе дар дили паргор буд...
Repost from ЧАРОҒИ МАЪРИФАТ 📚
Шайтон 2 вазифа дорад!
Қабл аз гуноҳ ва баъд аз гуноҳ:
Қабл аз гуноҳ:
Гуноҳро дар назарат кучак ҷилва медиҳад
Ва раҳмати Парвардигорро бузург ҷилва медиҳад
Баъд аз гуноҳ:
Гуноҳро дар назарат бузург ҷилва медиҳад
Ва раҳмати Парвардигорро кучак ҷилва медиҳад
https://t.me/charoghi_marifat
Repost from ЧАРОҒИ МАЪРИФАТ 📚
Ба Ҳасани Басрӣ (раҳимаҳуллоҳ) гуфта шуд:
Фалонӣ Қуръонро ҳифз мекунад.
Гуфт: балки Қуръон уро ҳифз мекунад...
https://t.me/charoghi_marifat
Гоҳе гумон намекунӣ, вале хуб мешавад,
Гоҳе намешавад, ки намешавад, ки намешавад,
Гоҳе бисоти ишқ худаш ҷӯр мешавад,
Гоҳи дигар таҳия ба дастур мешавад.
Гаҳ ҷӯр мешавад худи он бе муқаддима
Гаҳ бо дусад муқаддима ноҷӯр мешавад
Гоҳе ҳазор давра дуо беиҷобат аст,
Гоҳе нагуфта қуръа ба номи ту мешавад.
Гоҳе гадои гадоӣ, бахт ба ту ёр нест
Гаҳ тамоми шаҳр гадои ту мешавад.
Гоҳе барои ханда дилам танг мешавад,
Гоҳе дилам тарошаи аз санг мешавад.
Гоҳе тамоми обии ин осмони мо
Якбора тира гаштаву беранг мешавад.
Гоҳе нафас ба тезии шамшер мешавад,
Аз ҳар чи зиндагист дилам сер мешавад.
Гӯйӣ ба хоб буд ҷавониямон гузашт
Гоҳе чӣ зуд фурсати мо дер мешавад
Коре надорам куҷоӣ, чи мекунӣ?
Бе ишқ сар макун, ки дилат пир мешавад!
#ҚАЙСАР_АМИНПУР
📚#Сеҳри_сухан
✍#Сиддиқ_Қутбӣ
Калом ханҷаре нест, набояд бошад.
Калом ва забон, сарпаноҳе аст дар баробари танҳои ва марг.
Вожаҳо шӯълаҳои хурде ҳастанд, то ба ёрии онҳо фосилаҳои ҳавлнок ва равобити яхбастаро чорае кунем.
Аз калом ханҷар насозем.
Ин чи ҳунаре ва маҳорати беқадре аст, ки мавҳибат волои каломро дастмояе барои таън ва таъарруз*, тарду хордошт*, хастан* ва захми кардану талхкомии ҳамдигар созем?
Вожаҳо омодаанд то чароғи дӯстӣ барафрӯзанд, ниҳоли меҳр биншонанд, андуҳи одамиро таскин бошанд.
Вожаҳоро чӯби оташфурӯзиҳои дилозор насозем .
Мавҳибат* арҷманди забонро дар пои дӯсти ва ошнои харҷ кунем.
Ба савдоҳои тиҳимоя ки ба номи ҳақиқатанду ба коми иноният* , забонро табоҳ накунем.
Гуфтугуе ки моро ба зиндагӣ матбӯътар мерасонад, азҷодаи вожаҳои убус* намегузарад.
Рухсораи вожаҳо дар овори хашму дуруштии мо , зишту торик мешавад.
*мавҳибат- ато ва бахшишҳо, эҳсонҳо
таън ватаарруз- захми кардан , зуровари
*тард- рондан, гурезондан.
*хордошт- ҳақир шумурдан
*хастан- халонидан
*убус- туршрӯи
Нисбати ишқ ба ман, нисбати ҷон аст ба тан, Ту бигу ман ба ту муштоқтарам, ё ту ба ман?
Зиндаам бе ту,ҳаминқадр ки дорам нафасе,
Дар ҷудоӣ натавон гуфт, ба ҷуз оҳ сухан.
Баъд аз ин дар дили ман, шавқи раҳоӣ ҳам нест
Ин ҳам оқибати аз қафас озод шудан..
Боз бо гиря ба оғӯши ту бармегардам
Чу ғарибе ки худашро бар бигардонад ба ватан
Ту агар Юсуфи худро нашиносӣ, аҷаб аст,
Эй кӣ чашми ту бино шуда ба як пероҳан.
✍#Нодир_Иброҳимӣ
📚#Оташ_бидуни_дуд
Аз ишқ бояд сухан гуфт, ҳамеша бояд аз ишқ сухан гуфт.
Ишқ дар лаҳза падид меояд, дӯст доштан дар имтидоди замон.
Ин асоситарин тавофут байни ишқ ва дӯст доштан аст.
Ишқ меъёрҳоро дарҳам мерезад;
дӯст доштан бар пояи меъёрҳо бино мешавад.
Ишқ ногаҳон ва нохоста шӯъла мекашад;
дӯст доштан аз шинохтан ва хостан сарчашма мегирад.
Ишқ қонун намешиносад;
дӯст доштан авҷи эҳтиром ва маҷмуъае аз қавонуни оътифист.
Ишқ фаврон мекунад, оташфишон, ва шараҳ мекунад , чун обшорӣ азим;
дӯст доштан орому сокин ҷори мешавад.....
* имтидод - бо мурури вақт, замон
*оътифи- робитаҳои эҳсосоти
*фаврон- фаввора
*шараҳ- шаршара
Дунё маталаб, ки дар талаб мемирӣ,
Аз рӯз макун шиква, ки шаб мемирӣ.
Бо оби дари хона қаноат бинамо,
Дарё маталаб, ки ташналаб мемирӣ.
#ХАЙЁМ
Repost from ЧАРОҒИ МАЪРИФАТ 📚
Ин ҷамоатро, ки мебинӣ басе бозингаранд,
Вақти ғам бо ҳам ғарибанд, вақти шодӣ ёваранд.
Чунки пои судашон ояд ба рузе дар миён,
Дар фуруши одамон аз тоҷирон, тоҷиртаранд!
✍🏻Шайх Бедил
https://t.me/charoghi_marifat
Repost from 𝐀𝐃𝐀𝐁𝐈𝐘𝐎𝐓𝐈 𝐁𝐔𝐙𝐔𝐑𝐆𝐎𝐍🥀🍁| АДАБИЁТИ БУЗУРГОН |
Гул дар бару май дар кафу маъшуқ ба ком аст,
Султони ҷаҳонам ба чунин рӯз ғулом аст.
Гӯ, шамъ маёред дар ин ҷамъ, ки имшаб ,
Дар маҷлиси мо моҳи рухи дӯст тамом аст.
Дар мазҳаби мо бода ҳалол аст, валекин ,
Бе рӯи ту, эй сарви гуландом, ҳаром аст.
Гӯшам ҳама бар қавли наю нағмаи чанг аст,
Чашмам ҳама бар лаъли лабу гардиши ҷом аст.
Дар маҷлиси мо атр маёмез, ки моро ,
Ҳар лаҳза зи гесуи ту хушбӯй машом аст.
Аз чошнии қанд магӯ ҳеҷу зи шаккар ,
3-он рӯ, ки маро аз лаби ширини ту ком аст.
То ганҷи ғамат дар дили вайрона муқим аст,
Ҳамвора маро кӯи харобот мақом аст.
Аз нанг чӣ гӯй, ки маро ном зи нанг аст ,
В-аз ном чӣ пурсӣ, ки маро нанг зи ном аст.
Майхораву саргаштаву риндему назарбоз,
В-он кас, ки чу мо нест дар ин шаҳр, кадом аст?
Бо мӯҳтасибам айб магӯед, ки ӯ низ,
Пайваста чу мо дар талаби айши мудом аст.
Ҳофиз, манишин бе маю маъшуқ замоне,
К-айёми гулу ёсуману иди сиём аст.
#ҲОФИЗБаски дорам дар назар он моҳи хушманзар тараф,
Мешавад мижгон зи рашкам пеши ҳамдигар тараф.
Толеи шӯридаро чуз дилсиёҳӣ чора нест,
Сояро дар об ҳам бошад кудурат дар тараф.
Суҳбати дунфитратон равшандилонро хиҷлат аст,
Шӯъла дудомез шуд, гардад ба чӯби тар тараф...
Мардумонро хона аз мижгони ман дар об рафт,
Тарсам, ин барқи сияҳ тўфон кунад бо ҳар тараф.
Ҳоҷӣ, захми тири ӯ бар рӯйи дил носур монд,
Бозаш он бераҳм месозад сари ханҷар тараф.
#ҲОҶӢ_ҲУСАЙНИ_КАНГУРТӢ
Ассалому алайкум дӯстони азизам !
Як ғазали бисёр зебо аз ашъори Саъдии бузургвор тақдими шумо.
Ваҳ, ки ҷудо намешавад нақши ту аз хаёли ман,
То чӣ шавад ба оқибат дар талаби ту ҳоли ман.
Нолаи зеру зори ман зортар аст ҳар замон,
Баски ба ҳаҷр медиҳад ишқи ту гӯшмоли ман.
Нури ситорагон ситад рӯи чу офтоби ту,
Дастнамои халқ шуд қомати чун ҳилоли ман.
Партави нури рӯи ту ҳар нафасе ба ҳар касе
Мерасаду намерасад навбати иттисоли ман.
Хотири ту ба хуни ман рағбат агар чунин кунад,
Ҳам ба муроди дил расад хотири бадсиголи ман.
Баргузарию нангарӣ, боз нигар, ки бигзарад
Фақри ману ғанои ту, ҷаври ту в-эҳтимоли ман.
Чарх шунид нолаам, гуфт, манол, Саъдиё,
К-оҳи ту тира мекунад оинаи ҷамоли ман.
Repost from 𝐀𝐃𝐀𝐁𝐈𝐘𝐎𝐓𝐈 𝐁𝐔𝐙𝐔𝐑𝐆𝐎𝐍🥀🍁| АДАБИЁТИ БУЗУРГОН |
Аз Ҳазрати Абдуллоҳ ибни Умар (разияллоҳу анҳумо) ривоят мекунанд, ки гуфтанд:
Паёмбар ﷺ фармуданд:
"Мӯъмине, ки миёни мардум мегардаду ба озори онҳо сабр мекунад, беҳтар аз он касест, ки миёни мардум намегардаду ба озорашон сабр намекунад"
📚Адаб-ул Муфрад - Имом Бухорӣ (раҳимаҳуллоҳ) 📙Сунани Ибни Моҷа - 4032https://t.me/charoghi_marifat
