انفصام

بيني و بينك انا ظالم و عدلت فينا.

محمد سعيد لما قال : "عارف تستاهلى حد غيرى بس لسه شايف، ان انتى ملكى مهما قولتى ببقى خايف تختارى تمشى وقت ما تلاقينى تايه". هنا هو رمى اخر كارت ليه وأعلن استسلامه بأنه خلاص بقى عارف ان هو الطرف المؤذى ف العلاقه وان هى تستاهل حد غيره بس بردوا لسه متعشم ف فرصه تانيه لسه باقى ع كل حاجه حلوه الايام والذكريات بحلوها ومرها.. شايف انه يستحق فرصه تانيه وده إلى كلنا بنستناه من شخص بنحبه او عزيز علينا أن منمحيش المحبه عشان غلطه بالعكس احنا نحاول ع قد ما نقدر نمحي الغلطه عشان المحبه..! قالها انا لسه شايف ان انتى ملكى مهما قولتى ببقا خايف تختارى تمشى وقت ما تلاقينى تايه وهنا بين ضعفه بأن هو مش متقبل فكره انها تبقا لغيره وان هى تسيبه وتمشى وقت ضعفه، هو مش مستغني ولا بايع هو مال وكلنا بيجى علينا وقت ونميل وساعتها بنحتاج كتف نتسند عليه ده حقى وحقك ربنا خلقنا بالفطره دى اننا دايما محتاجين سند..حد يدعمنا ويشجعنا ع كل حاجه حتى لو تافها، يحبنا بعيوبنا قبل مميزاتنا، حد وقت ما نضعف يدلنا ع الحلو الي جوانا حتى لو معمى عن عيونا، حد يدعمنا بسبب وبدون سبب ويعرفنا انه بيحبنا بافعال لأننا شبعنا كلام ومبقاش يأثر ..! خوفك من أن حد بتحبه يسيبك ويمشى بيبقا عباره عن جمر من نار جواك انك تعتاد ع وجود حد ف حياتك بتحكيله أدق تفاصيلك، تسمعه مع بعض نفس الاغنيه شخص يكون غالي عليك لدرجه ممكن تصحيه الفجر عشان تقوله انا زهقان وانت وحشتني، بص السطر ده ف الكتاب حسيته بيوصفك، تكلمه تقوله عايزك ف موضوع مهم ولما تكلمه تحكيله ازاى مات بطل روايتك..كل دى تفاصيل وذكريات بتسيب أثر جوانا مهما قولت انه مش فارق معاك بيفضل سايب علامه وشرخ كبير جواك... شخص ضيعت معاه أغلى حاجه ف الدنيا وهي وقتك بذكريات حلوه ووحشه، فكره البعد مؤلمه بلاش تكون هى الحل الأول بالنسبالنا نحاول نبقى ع بعض ومنخليهاش حل اساسا..! اسندوا بعض وحبوا بعض وسامحوا مفيش حد فينا مبيغلطش ومحدش فينا معصوم من الخطأ كل واحد فينا بيجى عليه وقت ويميل ساعتها بيحتاج شخص جنبه بيكونله ساعتها الدنيا كلها كلنا نستحق اننا نتحب وكلنا نستحق مركب الود ترسى ع شطنا..❤️ ودعينى وسيبى ورده فوق جفونى. ♥️

وڪنت اطعمه قمح فؤادي براحتي عجباً ڪيف بات يرضيه فتات الطريق ؟

26-oct الحياة قاسية .

‏فرط التفكير كثيراً يعزز الميول الإنتحارية.

لقد علمتُ أنكَ حسمت قرارك بالإبتعاد مسبقًا حينَ حاولت أن أشرح لكَ الأمر وبدوت مصرًا علىٰ عدم الفهم.

لدي الكثير ممّا أود قوله لكنّ روحي واهنة، واهنةٌ لدرجة أنّها لا تحمل وزن الكلمات.