Multaqa-😍 الملتقى 💖

"اللَّهُمَّ لا تَدَعْ لَنَا ذَنْبًا إِلاَّ غَفَرْتَهُ، وَلا هَمًّا إِلاَّ فَرَّجْتَهُ، وَلا دَيْنًا إِلاَّ قَضَيْتَهُ، وَلا مَرِيضاً إِلاَّ شَفَيْتَهُ، وَلا مُبْتَلَى إِلاَّ عَافَيْتَهُ، وَلا ضَالاً إِلاَّ هَدَيْتَهُ، وَلا غَائِباً إِلاَّ رَدَدْتَهُ، وَلا مَظْلُوماً إِلاَّ نَصَرْتَهُ، وَلا أَسِيراً إِلاَّ فَكَكْتَهُ، وَلا مَيِّتاً إِلاَّ رَحِمْتَهُ، وَلا حَاجَةً لَنَا فِيهَا صَلاحٌ وَلَكَ فِيهَا رِضاً إِلاَّ قَضَيْتَهَا وَيَسَّرْتَهَا بِفَضْلِكَ يَا أَكْرَمَ الأَكْرَمِينَ."

المبسوط بجد؛ مش فاضي يغيظ حد ويثبت له إنه مبسوط أكتر منه. الشاطر بجد؛ مش فاضي يحسس غيره إنه أشطر منه. اللي في علاقة حلوة بجد؛ مش فاضي يوصل لغيره قد إيه هو مبسوط في العلاقة اللي متونس بناسه بجد؛ مش فاضي يوصل لباقية الناس قد إيه هو متونس. اللي فاضي ده فاضي من جواه.. مش حاسس بأي حاجة جواه.. وعشان يقنع نفسه بأي حاجة.. بيحاول يقنع غيره الأول.

مساء الخير، انا بس كنت عايز اقول، بحب اوي لما اكون نايم أو قافل واصحي الاقي شخص باعتلي كذا رساله ف توقيتات مختلفه بحس اللي هو يعني انت فاكرني وانا مش موجود ؟ كل شويه بتخش تبعت حاجه حتي وانا مش هرد ؟ علي بالك ♥️! تصبحى على حاجات من دى 😂💛

كان -ﷺ- رقيقُ القلب، حسنُ العِشرة، يترفَّق بأصحابِه، يألف النَّاس ويألفونه، لا ينطق بفُحشٍ ولا يعيبُ على أحدٍ، ولا يعيب حتى طعامًا، ليِّن الجانب، لا يرُدُّ سائلًا، و ليس بفظٍ ولا غليظ. صَلُّوا۟ عَلَیۡهِ وَسَلِّمُوا۟ تَسۡلِیمًا.

_عارف يعني ايه يقين ؟ =يعني لما الدنيا كلها بتبقي ملغبطه والظروف اللي حوليك صعبه جدا بس انت واثق أنها هتتعدل ، رغم انك مش عارفه إزاي ولا حتي أمتي بس متاكد إن ربنا مش هيسيبك وأنه هيغير حالك باحسن من اللي بتتمناه فقط ثق فالله❤️⁩

طقم شاي للرجالة اللي بتتخانق في دماغي

مش كُل ما نفسك تقولك يلا تقولها يلا..

الانسان عنده ٣٠ سنة، يعني قول تقريبا قرأ سورة الكهف حوالي ٥٠٠ مرة مثلا، ومازلت أول ما بوصل لآية "قل هل ننبئكم بالأخسرين أعمالا، الذين ضل سعيهم في الحياة الدنيا وهم يحسبون أنهم يحسنون صنعًا" مبقدرش انقل للآية الل بعدها علطول، بسكت شوية وبحس بقبضة ف قلبي وبقوله : يارب ابعتلي أي اشارة إن الآية دي لا تنطبق عليا ! الآية دي بالنسبالي أكتر رعبا من كل آيات العذاب والنار وعقاب ربنا. متخيل انت تمشي الرحلة كلها وانت فاكر انك ماشي صح؛ وبتحسن الصنع كمان، وف الآخر تكون موهوم ! يارب .. يارب لا تجعلنا منهم يارب، ولو الانسان موهوم فوّقه. تعديل للبوست : انا عارف ان الآية نزلت للمشركين والله، لكن بالنظر لوضعنا الحالي فنحن أحق بالخوف ..

السلام عليكم ورحمة الله وبركاته هتفضل تايه لحد ام تظبط عبادتك ، هتفضل مش مرتاح لحد ام تظبط علاقتك بربنا ، هتفضل كل اللى انت بتعمل ف نظرك مش كافى لحد ام تخلص كل فروض ، أنت هنا علشان تعبد ربنا وشوية حجات كمان ،كونك مش شايف دا فأنت محتاج تبص ف الاتجاه الصحيح ، كل نجاحات الدنيا هتنتهى فى لحظة واحدة وهى لحظة الموت طالت او قصرت فهى حتما جاى ... تعالى بقا واحدة واحدة نتكلم عن الاتجاه دا بدايته العقيدة، لو فهمت عقيدتك صح كل ما جاى من التكليف اللى هى الفروض هتبقا سهلة ، لازم تدرك يعنى اى ربنا ، من ربك اللى هتتسال عليها دا مش سأل وبس كدا من ربك ...!؟؟ انت لم ترد هتقول الله ، انت عملت بالكلمة دا والجواب دا ولا لا عرفت كل اسماء وصفات الله ولا لا عرفت كل أمر ربنا امرك بيه ولا جدلت وحورت عرفت ان ربنا امرك بالصلاة خمس مرات ف معاد محدد وبشكل فروض عليك عملت كدا ولا لا ، عرفتى انى ف حجاب وليه مواصفات معينة عملت كدا ولا لا ، انت مدرك وقتها إنك هتجواب كدا وانت مش عامل بالكلمة دا يبقا صدقنى انت مضحكوك عليك ، شفايفك هتبقا ك الجبال الا من يسر الله الجواب أقف شفايفك كدا وحاول ترد ..من ربك ، يا صاحبى من ربك ، تخيلت مفيش اعمل بالكلمة دا شبابك اللى انت فرحان بيه دا كلها ٢٠ ، ٣٠ سنة وخلاص انت نفسك فاكر ايه من ٢٠١٩ احنا دخلين على ٢٠٢٥ هتلاقى ولا شى مش مصدق اصلا اننا عيشنا كل دا بلاش تغرك الحياة الدنيا طيب ما دينك ...؟! الاسلام صح كدا بسيطة وسهلة جدا ، دا الا انت فاكره لكن الحقيقة المرة انت عملت اى للإسلام، عملت اى وانت كل يوم تسمع سب الدين ومش بترد عملت اى وانت نفسك بتشوف كل يوم اخواتك ف غزة بيحصل فيهم اى وانت مش قادر تقاطع مش قادر تدعى ليه انت عملت اى علشان ربنا يسر ليك الجواب دينى الإسلام، عملت اى يا صاحبى للجواب دا اقعد كدا مع نفسك وفكر ربنا هيسر ليك الجواب دا علشان عملت كذا ولو مش لقيت فانقذ نفسك ، عملت اى وانت مكسوف تنشر حاجة من الاسلام علشام مش يقولوا عليك شيخ اكنها شتيمة انت دفعت عن الاسلام نشرت اى حاجه ترفعها عن الإسلام دينك دا شاف منك اى بجد يا صاحبى انت مسلم اها اسما فقك ولا فعلا كمان ، انت عارف هتقدر تفيد دينك فين بظبط كل واحد فينا عارف قدراته وسقف الممكن كبير جدا مش انا اللى هقولك تعمل اى بس انا بفكرك وبفكر نفسى الجواب على الأسئلة بالأفعال وليس وبلسان فادرك ما فاتك💔 طيب ما نبيك، محمد صلى الله عليه وسلم بس زى ما اتفقنا مش بسهولة دا خالص مشيت على طريقه عملت اى انت علشان تجواب ، النبى دا رسول ب اى شكل بينك وبين نفسك كدا السنن بتعمل منها قد اى ، بلاش دا بتصلى عليه قد اى ، بلاش كل دا انت نفسك لو وقفت بين يد حبيبك هيكون راضى عندك وعن أفعالك ولا لا شكل شعرك وشكل يومك وانتى شكل لبسك رسولك هيكون راضى عندك ولا اى ، اكد أجزم اننا مقصرين اووى فى الطريق الا رسول الله، هترد ازاى يا صاحبى على السوال وانت مقصر فى حقه ، هتردى ازاى وانت متعرفش اصلا كلامه وأحاديثه رسولك بالاسم كدا بس يبقا صدقنى وقتها مش هتعرف ترد تخيل الموقف وانت مش عارف ترد على ٣ أسئلة وقولى حاسس ب اى ....💔💔 شير للرسالة

جميلة الدُنيا وأنا جنبك يا أطيب رٌكن في الزحمة🫂🤍

مفيش راجل طبيعي هيبقي قدامه انه يرجع من الشغل يلاقي مراته لابسه لبس حلو ومستنياه بصنية مكرونة بالبشاميل ويسيبها، عشان يروح يختار واحده سايباله أكل في التلاجة عشان عندها اجتماع ومشغولة.

عارف انت البنات اللى ملهاش فى الحب بس مش عاوز تتجوز صالونات 😂

تخيل تلاقي شخص على مقاس أمنياتك بالظبط، هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك. شخص تقاسمهُ خوفك، فيقاسمك الطمأنينة. تخيل شخص على مقاس قلبك!

مش بقتنع بكلمة " وحشتيني " اللي بتيجي بعد نص الليل .. ولا بأي شعور بيجي ف اللحظة اللي بتكون فيها لوحدك ومفيش حد جنبك .. - جرب كده حد يوحشك الساعة 8 الصبح و أنت رايح الشغل .. أو الساعة 2 الضهر وحواليك ناس..! أو في الوقت اللي بتكون فيه تعبان من الدوشه والزحمة..! أو في الوقت اللي بتكون فيه خارج مع صحابك و مبسوط..! أو في الوقت اللي بدأت تكتب فيه حاجة معينة..! - بس في الأوقات دي مشاعرك بتكون حقيقية مش مجرد شعور بالفراغ 💙

أنا عارف إنه مش وقته بس البطة بقت بألف جنيه و البطه التانيه بقت بـ ٢ مليون جنية

يارب استرها عليا انا فلاحه والله امبارح كنت قاعده في كافيه بشرب قهوه وطلبت تشيز كيك بالتوت المهم ف بقول للويتر هو ليه كأنه في جبنه ؟ قالي نعم يفندم قولتله حاسه بطعم الجبنه والله قالي حضرتك ما هو اسمه تشيز كيك قولتله ما انا عارفه ده اي علاقته بالموضوع قالي هو حضرتك بتقولي اي د ،ده انتي شكلك متعلمه حتي قالي يفندم تشيز يعني جبنه وكيك يعني كيكه واضحه اهي وبصراحه لا اخفي عليكم سر انا بقالي سنتين تلاته باكل تشيز كيك وعمري ما ركزت في اسمه ولا اعرف أنه بيتحط في جبنه

_ إذا كان للرجال الحور العين فـِ الجنة إحنا لينا إيه بقى ! =انتِ ليكي حاجات كتيرة فـِ الجنة💛. لما هتعرفيها هتحسي أن قلبك هيطير من مكانه🥺💛🕊 نعيم النساء فـِ الجنة💛🕊 1/ الجمال ..😌💛🕊 إن الله سبحانه وتعالى يكافئ المرأة الصالحة الطائعة بأن تكون أكثر جمالاً من آلحور العين ..💛🕊 2/ الشباب ..💛🕊 لأن المرأة تحب أن تكون شابة فالمرأة ستظل فـِ سن العذرية ، ويظل الرجل فـِ سن ثلاثة وثلاثين سنة🕊 3/ الحُلي ..😌🍭 إن النساء يحببن االحلي و المجوهرات ، وفـِ الجنة يكون حجم اللؤلؤة الواحدة فـِ تاجها خير من الدنيا و ما عليها ..💛🕊 4/ الثياب..💛🕊 آلمرأة فـ الجنة لا تبلى ثيابها ، وتتكون فساتينها من رقائق فوق بعضها سبعون رقيقة من ألوان مختلفة .. من وراء هذه آلرقائق يرى مخ ساقها ، فهي فساتين لا توصف ، منها مٱ هو من ورق شجر آلجنة و منها ما هو من النور .💛🕊 5/ الزواج ..💛 الزواج فـِ الجنة سيكون له شكل آخر...سيكون معكِ زوجك..💛🕊 فإن الله ينزع الغيرة و الغل من قلوب المؤمنين فِـ الجنة ، فلا تشعر المرأة بالغيرة من الحور العين .😚💛🕊 ولقد ورد أن المرأة إذا رأت زوجها مع آلحور العين تضحك🤭💛💛🕊 فيبدو منها نور يشع .. فيقول زوجها سبحان الله ما أشد هذا النور أهو ملك كريم💛؟! فيقال : لا ، بل هو نور زوجتك التي ضحكت ، فيصير حبه لها أشد من الحور العين .💛💛💛💛💛👀 كل هذا النعيم..💛👑 تخيلي معي صباحُكِ الأول فـِ الجنّة فـِ قصرِ متعدّد الأدوار .. من الدّر والجواهر 💛🙊 لكِ أنتِ .. أنتِ وحدكِ !💛💛💛 جالسةٌ فـِ غرفتكِ الشفافة التي يُرى ظاهرها من باطنها و تنظرين لنفسكِ وكأنكِ القمر ليلة البدر..🍒 لباسكِ من سندس وإستبرق وحرير و عليكِ أساور من ذهب😌☁ تنظرين لأشيائكِ .. فإذا مشطك من ذهب وعطرك المسك !💛💭 تُطِلّين فـتنظرين إلى النعيم وبناء الجنة العظيم💛🦋 لبنةٌ من ذهب ولبنة من فضّة ! بلاطها المسك ! حصاؤها اللؤلؤ والياقوت ! والتربة زعفران😌💛💛🕊 تنظرين للخيام .. وأيّ خيام تلك مجوّفة من اللؤلؤ ، لها ألف بابٍ من ذهب😌💛🕊 يُدخل عليكِ من كل باب بهديةٌ من الله عزّ وجل ..💛💛💛💛🕊 تنظرين إلى الكنوز ، الأنهار .. وقد تبدّلت عليك السماوات والأرض ! 💛🕊 أنهارٌ من لبن ، أنهارٌ من عسل ، وأنهارٌ من خمر وأنهارٌ من ماءٍ شديد الصفاء ..💛🕊 أرضياتٌ على مد البصر من اللؤلؤ وكثبانٌ من المسك و أشجارٌ أغصانها الذهب وأوراقها من الزمر.💛🕊 فاللهـم أجـعلـنـا من أهـل الـجـنـة 🥺💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛💛🕊

أسبوع ‏الميدتيرم ده بيعلمك حاجات كتيرة جدًا جدًا، بيعلمك الصبر والإصرار؛ يعني كل يوم تذاكر وبعدين تروح الإمتحان يتحط عليك، ترجع وتنسي اللي حصل فيك وتبدأ تذاكر المادة اللي بعدها وتروح تاني يوم يتحط عليك تاني وهكذا يعني لمدة أسبوع كامل، مفيش احساس خالص الصراحة!

تقبل الرفض و حب نفسك و انزل الچيم و متفكرش تفكير كارثي و قرب من ربنا و اتبسط بالمتاح و متتعشمش في وجود حد و متعرفش حد انه مميز عندك و خلي دايماً ريحتك حلوه و استنى المترو المكيف و متصاحبش حد من اسيوط و قلل ملح و سكر و اشرب ميه كتير و تقبل الرفض

حقيقي أمتع لحظات في اليوم و انا بشرب كوباية الشاي بعد الأكل او بعد الشغل ، ناس كتير فاكرة اننا بنبالغ في التقييم.. بس دي حقيقة ياجماعة وقت الفرحه هتلاقيه جنبك وقت الحزن هتلاقيه جنبك هو الوحيد اللي باقيلك ، الشاي هو أفضل مشروب في تاريخ مصر بفارق محترم ، ومع كامل احترامي طبعا للقهوة بس هي معندهاش نفس استمرارية الشاي و مستواها مش ثابت في المناسبات الكبيرة عكس الشاي اللي بيقدم مستويات محترمة وأداء ثابت خصوصاً تحت الضغط الجماهيري.