Akyretke_meenet

​​🔴 КАДЫР ТҮНДӨ ДҮЙНӨДӨН МУРУН АКЫРЕТТИ СУРА Мусулман адам Рамазан айында, айрыкча акыркы он түнүндө көп дуба кылуусу зарыл. Айрыкча Кадыр түнгө байланыштүү сүннөттө келген дубаны көп айтканы жакшы.    Күндөрдүн биринде Аиша энебиз пайгамбарыбыздан ﷺ: «Оо, Аллахтын элчиси! Эгер мен Кадыр түн кайсы түнү экенин билип калсам, эмне деп айтайын?» – деп сураганда, ал мындай деп айт деген:  «Аллахумма иннакя аъфуввун, тухиббуль аъфва, фаъфу аъннии (Оо, Аллах! Чындыгында Сен Кечирүүчүсүң. Кечиргенди жакшы көрөсүң, мени кечир)». (Тирмизи, 3513) ￣￣￣￣￣￣￣￣￣￣￣￣ Ибну Касир ﴾رحمہ الله تعالــﮯ﴿ айтты:  «Бардык убакта дуба кылуу сүннөт. Рамазан айында, анын акыркы он түнүндө, айрыкча так түндөрүндө көбүрөөк кылуу зарыл. Ушул дубаны көбүрөөк айтуу сүннөт: «Аллахумма, иннакя аъфуввун, тухиббуль афъва, фаъфу аъннии». («Тафсир» Ибну Касир, 8/472) Ибну Каййим ﴾رحمہ الله تعالــﮯ﴿ айтты:  «Эгерде Ал сени кечирсе, анда сага муктаждыктарың суратпастан келет». («Минхаж аль-Каасидин», 1/343) Имам Абдулхамид ﴾رحمہ الله تعالــﮯ﴿ айтты: «Кадыр түн дүйнө үчүн эмес, динди максат кылыш үчүн берилген. Көпчүлүк адамдар «эгер Кадыр түндүн кайсы түнү болорун билсем, анда дүйнөнү сурамакмын» деп кыялданышат. Кимде ушундай ой пайда болгон болсо, анда ал тообо кылсын. Аллах таала ﷻ улуу Китебинде мындай деп айткан: «Ким акырет эгинзарын кааласа, Биз анын эгинзарын көбөйтүп беребиз. Ал эми ким дүйнө эгинзарын кааласа, Биз ага андан беребиз, бирок ал үчүн акыретте үлүш жок». (Шуура сүрөөсү, 20-аят) Биз муну менен кайсы бир адамдын Аллах таала жаратып койгон себептерди аткарып, дүйнөгө жетүүгө болгон аракетин туура эмес дебейбиз. Биз акыретти коюп, дүйнөнү гана ойлогон адамдын кылганын туура эмес дейбиз. Алар акыретти эсине албай, дүйнөнү гана сурайм деп кадыр түндү күтүп турушат». («Аасар аль-Имам Абдулхамид», 2/329)

ТАРАВИХ/ ТАХАЖУД НАМАЗЫНДА АТА-ЭНЕҢЕ ДУБА КЫЛГАНЫҢ. АЛАРГА АТАП ОН ТӨӨ СОЙГОНДОН ДА ЖАКШЫРААК.

💓ОЙГОН ЖҮРӨГҮМ ... ⠀ Оо, менин, алсыз болгон жүрөгүм,  ойгон! ⠀ Караңгылык дүйнөсүнө чөмүлүп, Жараткандын жарыгын көрбөй, сезбей калган  жүрөгүм, ойгонсоң эми! Ойгонуп, ойлонуп, оюңду тазалап, ниетиңди тууралап, ыкласыңды, ыйманыңды бекемдеп, жан дүйнөңдү, наспсиңди тарбиялап, жүрөгүңдү Рамазандын аруу, касиеттүу нуру менен сугарып, Аллах жакшы көрүп, жакшылыгы менен сыйлап, жакшылыгы менен күтүп алган кулдарынын катарында бол! ⠀ Он бир ай кайдыгер болгонуң жетээр. Ооба, сен ойгон! ⠀ Сен ушунчалык дүйнө иштерине берилдиң,  напсимдин каалосуна жетеленип,  жалкоолуктан амалдарым өтө аз болду... ⠀ Эй, менин, күнөөгө баткан жүрөгүм, ойгон эми! Бул  Рамазан мен үчүн акыркысы болуусу мүмкүн. ⠀ Жүрөгүмдүн Ээси болгон,  Йа, Раббым! Сага чын жүрөгүмдөн кайрыламын!  Бул,  Рамазан айынын  кадырын жүрөгүмө сездирип, аягына  чейин орозосун толук кармоого күч - кубат бергин, ырайым- мээримиңе бөлөнүүнүп, "кечиримдим сени менин сүйүктүү кулум, Мен сага ыраазым, Раяан бейиши сага ачык кире кой! " - деген   кулдарыңдын катарында мени, ата - энем, бир туугандарымды, жакындарымды болууну   насип кылгын... Амиин! ⠀ 🤗Кармаган орозоңуздар кабыл болсун, Жараткандын жакшы көргөн жакшылары! ⠀