Хикоялар,Танланган Асарлар

Вилоятга йул олдим . Асаримиз вакти узгаради... Биз билан колинг!

#хайрли_кеч Ҳар бир ўтган кунимиз нималаридир билан эсимизда қолади... Бугун сиз учун шундай кун бўлсинки, сиз кутган ва кутмаган хурсандчиликлари билан бир умрга ёдингизда қолсин! Хар бир вазият содир бўлиши қисман бўлсада ўзимизга боғлиқ... Шундай экан, ўй-хаёлларингизни яхшиликка, миннатдорчиликка, хурсандчиликка қаратингки зоҳири хам хайрли бўлсин. Окшомингиз марокли ўтсин Қадрдон! Хикоялар,Танланган Асарлар

#ЁНИНГДАМАН...: 7-қисм МУАЛЛИФ ШАМСИНУР Лазиз илк бор қизни қаршисида довдиради. Телефонига эса онасидан хабар келди. «Дурдонани дўконларга олиб бор. Бирор нарса олиб бер қимматроғидан. Картангга пул ташлаб қўйдим». Лазиз онасини яхши тушунди. Қизни кўнглини олиш керак. -Ўқишингиз битай дедими? -Ҳали буни ўйлаб кўрмадим. Магистратурада ёки иккинчи мутахассислик бўйича ўқиш ниятим бор. -Ўқиб нима зарил. Қанча пул керак бўлса тўйдан кейин ўзим таъминлайман. -Қандай қилиб? Дурдона жиддий савол берди. -Узумини енгуу боғини суриштирманг. Лазиз кулиб қўйди. -Мен эса ўша боғдан ўзим узиб егим келади. -Ооо мана бу гап зўр бўлди. Шу учун бир қадаҳ ичмасангиз бўлмас. Лазиз шампан виносини бокалларга қуя бошлади. -Афсус бу таклифингизни қабул қилолмайман. Мен ичган аёлларни ҳушламайман. Ва аёллар ичишига қаршиман. -Буни нимаси ёмон? -Аёлларга назокат, нафосат ярашади. Ароқ эса ана шу нафисликка доғ туширади. -Унда сизни фикризга қўшиламан. Қиммат таомлар,қиммат ресторан барчаси кўнгилдагидек кечди. Кейин эса Лазиз қизни қимматлиги билан донг таратган аёллар кийим дўконига олиб борди. Дурдона ҳудди бари шундай бўлиши керакдек бориб ўзига ёққан кийимни танлай кетди. Лазиз унинг дид билан танлашига маҳлиё бўлиб тураверди. -Мана буларни ўраб беринг. Дурдона йигитни пули етадими йўқми ўйламай энг қимматларини танлаганди. Лазиз Дурдона касса олдига борганда ўрнидан турди. Кассир қиз пулини айтгач ичидан қиринди ўтганча картасини кассирга узатди. -Кетдикми? -Ҳа кетдик. Машинага ўтиришгач Дурдона чиройли табассум қилганча йигитга рахмат айтди. -Рахмат сизга Лазиз. Одатда кўпчилик қизлар Лазизга «Лазиз ака» деб мурожаат қиларди. Дурдона эса қуруққина қилиб Лазиз дея қолди. -Яна қачон кўришамиз? Йигит қизга умидвор нигоҳлар ила боқди. -Бир ҳафта шу ерда бўламан. Истаган вақтиз. 🌿🌿🌿🌿 Наргиза Лазиздан бошқа қиз билан учрашувга чиққанини эшитди. -Лазиз ака нега рад этолмадиз? -Асалим йиғлама бу шунчаки онамни хоҳиши эди. -Мен... Мен сизсиз қандай яшайман. -Мен сени севаман. Аммо онамни феълини айтганман сенга. Мени ҳам бошқа иложим йўқ. Ўша кунги суҳбатдан сўнг Наргиза Машхурахонга қўнғироқ қилди. -Алло. -Ассалому алайкум. -Ким бу? -Мен... Мен Наргизаман. -Наргиз яхшимисиз? -Мен ўйлаб кўрдим. Таклифизга розиман. -Қизиқ қанақа таклиф? Машхура ўзини билмаганга олди. -Ҳалиги... Ишлаш таклифи. -Ҳа уми... Ҳмм мен рақам айтаман ёзиб олинг. Ўзим эмас бир танишим юборади ишга. У ерга кетган қизлар икки минг Ақш долларигача ишлаяпти экан. Ана қизларга берилган имконият. -Хўп айтинг. Машхура рақам ва исмни айтгач хайрлашишди. Наргиза эса вақтни қўлдан бой бермай айтилган рақамга қўнғироқ қилди. Салом аликдан сўнг мақсадга ўта қолди -Мен Машхура опадан олдим рақамизни. Иш бўйича. -Аҳа тушунарли. Эртага Висола гул дўконини олдига келинг ўша ерда ҳужжатларизни расмийлаштирамиз. Офисимиз бор . Паспорт эсдан чиқмасин. -Хўп. 🌿🌿🌿 Муниса ичига чироқ ёқса ёришмасди. Тўй ҳаракати бошланиб кетган. Элдордан эса на қўнғироқ бўлар, на хабар бор эди. Холаси яъни бўлажак қайнонаси Мунисни атрофидан айланиб ўргиларди. Матоларни ҳам аслини олиб келганди . Аммо қизгинани ҳеч чеҳраси очилмади. Охирги кунларда унга ҳаво етмаётгандек туйиларди. Бугун ҳам касалхонада зўрға ўтирди.

#ЁНИНГДАМАН...: 6-кисм Акасининг тергашлари ҳам Наргизани қарорини ўзгартиролмади. У Лазизнинг данғилама уйида маликалардек яшашни орзу қила бошлади. -Муниса мен бир қарорга келиб бўлдим. -Сен аҳмоқ наҳот холамни куйдириб кетишингни тушунмасанг. -Ойимни рози қилгач кетаман. -Мен ўша олифта Лазизингга умуман ишонмайман. Кўзлари ўйноқи. Қизларни кўрса бас. Илжайишни қўймайди. -Мунис у мени севади. -Ҳих севармиш. Уни яхшилаб суриштир, сина кўрасан қанақалигини. -Ҳатто уни онаси олдимга келди. Сизни келин қиламан, менга ёқдиз. Аммо сиз мен айтгандақа сарпо қилолмайсиз, танишларимни олдида уялиб қолмай деди. -Сени чиндан келин қилгиси келса, сарпони нима аҳамияти бор. Одамларни гапига қулоқ солиш керакмикан? -Лазизни онаси тўғри айтди. Бунақа обрўли аёл, ўзига мос келин қилсам дейдида. -Наргиза бу ишни охири ёмон. Кўзингни оч. Наргизга эса бу гаплар чивин чаққанчалик ҳам таъсир қилмади. У аллақачон шоҳона уйда яшашни кўз олдига келтириб ширин энтикиб қўярди. 🌿🌿🌿 Лазиз қанча уринмасин Нилуфарни яқинига ҳам йўлай олмади. Бу қиз ёш бўлишига қарамай анчагина пишиқ эди. Лазизни неча бора ер билан битта қилиб ташлади. -Нилуфар шошманг сизда гапим бор. -Уффф жонга тегдингиз. Биласизми шуни. Итга ҳам тур йўқол деса кетади. Сиз эса... Билмадим нима деб аташни. Лазизни қўли мушт бўлиб тугилди. Муштумдеккина қиз унга шундай деб турса. -Сиздек қизга шу гап ярашармикан? -Нима ярашиш ярашмаслигини ўзим ҳал қиламан. Нилуфар сумкасини елкасига осганча дугоналарига қўшилиб жўнаб қолди. Бу Лазизни биринчи бор изза қилиши эмас. Лазиз қизни бошини айлантирсам аламимни оламан дея тишини тишига қўйиб юрибди. Машинасига ўтирганди ҳамки онасидан қўнғироқ бўлди. -Эшитаман -Лазиз сартарошга бориб ўзингга қара, бутикка бориб тузукроқ бирор нима ол. Бугун Раъно билан гаплашгандим. Дурдона ўқишдан қайтяпти. Учрашув белгиладим. -Хўп ойи. Дурдона Лазизни ойиси таърифлагандек осмондаги ой. Оппоқ юзларига катта катта қоп-қора кўзлари ярашиб турарди. Киприклари шунчакар қуюқки унга зеб беришга ҳожат йўқ. Бурни ўзига ҳос камчиликлардан ҳоли. Лаби эса ғунчадек ҳуснига ҳусн қўшади. Қаҳваранг сочлари учи қўнғироқсимон бўлиб уни жудаям гўзал қилиб кўрсатарди. Лазиз расмни кўрибоқ уни жуфти сифатида қабул қилиб бўлганди. Дурдона замонавий тарбия кўрган бўлиб кийиниши ҳам шунга монанд эди. Машхурахон энг қиммат ресторанни икки ёш учун банд этиб қўйганди. Лазиз онаси айтгандек ўзига қараб айтилган манзилга йўл олди. Ўттиз дақиқа кутганидан сўнг моделлардек юриш қилиб Дурдона ташриф буюрди. Лазиз ўрнидан туриб қизга пешвоз чиқди -Салом, мен Лазизман. -Ҳўш шунга нима бўпти. Мен Дурдонаман. Қизнинг кескин менсимай берган жавоби Лазизни эс ҳушини ўзига келтирди. Қиз унга яқин келганда ҳаммаёқни қизнинг қиммат атири ҳиди тутиб кетди. -Сиз билан учрашув белгилашганди. -Вой узр, мен сизни шилқимлардан деб ўйлабман. Ассалому алайкум. -Ваалайкум салом. Келинг. Лазиз стулни тортиб қизни ўтириши учун жой кўрсатди. -Ташаккур. -Яхшимисиз? -Яхши рахмат. Ўзиздан сўрасак? Дурдона синчков нигоҳлари билан Лазизга тик қараб турарди. Хикоялар,Танланган Асарлар

#ЁНИНГДАМАН...: 5-кисм Наргиза кун бўйи Машхурани гапларини ўйлаб юрди. Унинг ўйчанлиги онасини ҳавотирга солди. -Наргиз бундоқ ўтирчи , нима бўлди сенга? Овқат бошида ҳам тўғри ўтирмадинг? -Ойи мен чет элга ишлагани кетмоқчиман. -Бу гап қаердан чиқди? -Ойи мен яхшилаб ўйлаб шу қарорга келдим. Роҳатой опани жахли чиқиб кетди. -Сен аҳмоқ... Нима деяётганингни ҳеч ўйлаб кўрдингми? Қиз бола бошинг билан чет элда нима гап бор? -Ойи мен яхши яшашни хоҳлайман. Бизни туришимизни қаранг... Алмисоқдан қолган идишлар. Эски гилам. Шу ҳам яшашми? Мен данғиламма ҳовлида энг сўнгги мебеллар билан тўлдирилган хоналарда яшашни истайман. -Ношукр, тўрт муччанг соғлом. Кимдан кам,кимдан кўп яшаяпсан. Ким сени миянгни захарлади? Мен буни тагига етаман. Четга бориш фикрини эса ҳаёлингдан чиқариб ташла. Агар... Икки қулоғинг билан эшитиб ол. Агар мен бехабар ниманидир бошласанг қаттиқ пушаймон бўласан. Рохатой опа асабийлашганча қизини хонасидан чиқиб кетди. У ўзини қўярга жой тополмасди. Ўғли устахонадан кеч қайтади. Уни келишини пойлаб ўтирди. Агар эри Ғулом акага айтса қизини уриб нетиб юрмасин. Яхшиси ўғли билан ҳал қилади. Бугун буюртмалари кўп эканми Усмон жуда кеч қайтди. -Ўғлим чарчамаган бўлсанг сенда гапим бор. -Ҳозир юз қўлимни ювиб келай гаплашамиз. Усмон тезда юз қўлини ювиб онасини ёнига келди. -Ўғлим... Шу десанг Наргиза ўзгариб қолган. Чет элга ишга кетаман деяпти. -Қизизни жуда эркалатиб юбордиз. Нима деса хўп дейсиз. Бу ҳам яна бир эркалиги. Ўзим гаплашиб қўяман. -Гаплаш, иложи бўлса уни ким йўлдан ураётганини аниқла. -Муниса билан гаплашмадизми? -Шу эсимга келмапти. -Сиз Муниса билан гаплашинг, мен Наргизани ўзим тўғри йўлга соламан. -Майли болам чарчагансан дамингни ол. Қолгани эртага бўлади. 🌿🌿🌿 Муниса қанча қаршилик қилмасин барибир онаси опамни хафа қилмай дея совчиларга розилик билдирди. Ўша куни қизгина тонггача йиғлаб чиқди. -Бунча аза тутдинг? Элдор ёмон йигит эмаску. Онаси жиғибийрон бўларди. -Мен уни акам деб биламан. Умр йўлдошим сифатида кўролмайман. -Кўникасан. Ҳеч нима қилмайди. Мунисани тақдирга тан беришдан бошқа иложи қолмади. Бугун мажбуран учрашувга чиқди. Элдор ҳам бу унашувни хоҳламагани тунд қиёфасидан маълум эди. -Ассалому алайкум. -Ваалайкум. Улар жим қолишди. Гапиришга гап топилмасди. -Элдор ака илтимос холамни фикридан қайтаринг. Сиз йигит кишисиз қўлиздан келади. -Нега шуни олдинроқ айтмадинг? -Мен... Рози бўлмайдилар деб ўйладим.

#ЁНИНГДАМАН...: 4-қисм МУАЛЛИФ ШАМСИНУР -Ким келибди? -Бир аёл, менимча бирорта бойни хотини. Дахшааат, кўрсанг оғзинг очилади. -Нега? -Эеэ бор ундан кўра ўзинг чиқ. Ҳамкасби Наргизни ўзини чиқариб юборди. Наргиз ким келганини ўйлаганча ташқарига чиқди. Чиқиши билан унинг олдига сўнгги модада кийинган,бўйнида қалингина тилла занжир, сочлари калта кесиб сариққа бўялган, ўзига ўта оро бериб олган, тўлачадан келгани учун кийимлари ҳам баданига ёпишиб турган аёл келди. -Сиз Наргизми? Аёл яқин келганда қимматбаҳо атир иси ҳаммаёқни тутди. -Ассалому алайкум. Ҳа мен. -Мен Лазизни онасиман. Наргиз жойида бир муддат қотди. Ичига титроқ кирди. -Мен... Менда ишиз бормиди? Биз... -Ҳаммасини биламан. Сиз билан ёлғиз гаплашиб олсак. -Хўп майли. Наргиз касалхонани ён томонига аёлни олиб ўтди. Ўриндиқларга ўтиришди. -Наргиз мен майдалашиб ўтиришни ёмон кўраман. Наргиз унга ҳайрон қаради. Аслида аёлни бу туришида Лазизни онаси дейиш гумон эди, кўпроқ Лазизни опаси дейилса тўғри бўларди. Пул нималарга қодир эмас, бу аёл ҳам бир қанча косметологик муолажалар олгани кундек равшан. -Ўғлим сизни қаттиқ севиб қолган. Аммо мени ҳам орзу ҳавасим бор. Дўстимдан кўра душманим кўп. Сизни ҳам, уйизни ҳам, сиз ҳақингизда барча маълумотларни ҳам яхши биламан. Ўзингжз жуда яхши қизсиз. Лекин шароитингиз бизни шароитга тўғри келмайди. Тўйда қанчаси келини қанақа, сарпоси,мебели қанақа деб ғийбатга мавзу кутиб туришибди. Мен эса улар олдида изза бўлишни истамайман. Сиз бу шароитизда барибир мен айтган мебелдан олиб беролмайсиз. Шунга бир таклифим бор. Хўп десангиз чет элда қизларни олиб кетиб ишлатувчи дугонам бор. Неча неча қизларни ишлаб ўзига сепни додасидан қилишга ёрдам берди. Сиз ҳам у билан бориб ўзингизга мен хоҳлагандек мебелу, сарполар қилинг. Ана ундан кейин Лазизжон билан тўйизни қиламиз. Очиғи ўғлимни ҳам қийналаётганини кўриб жим қараб туролмадим. Агар таклифим маъқул бўлса мана рақамим. Наргиза аёлни қўлидан ташриф қоғозини олди. -Танлов ўз қўлингизда. Менсизга таклиф айтдим ҳолос. Хайр. Машхура машина калитини ўйнаганча киборларча юриш билан касалхонани тарк этди. Наргиз қўлидаги ташриф қоғозига қараганча нима қиларини билмай турарди. Чет элга ишга кетиш... Бу айтишга осон. Онаси билан дадаси ҳеч қачон рози бўлишмайди. 🌿🌿🌿 Муниса бугун келган совчилар яна Элдордан эканини эшитди. Онаси кейинги сафарда розилик берамиз деди. -Ойи Элдор акани ўзи рози эмас чоғи. -Нега бунақа деяпсан? -Бу ҳаммаси холамни ишлари. Бир ой ичида бирор марта ҳам телефон қилмадику. -Ҳали ҳеч гапдан ҳеч гап йўқ нега сенга телефон қилади . -Мендан ҳам фикримни сўраши керакку -Биз турганда сендан сўрармиди? Опам зўр аёл. Сенга ҳам ўз қизидек муносабатда. -Шундайку, лекин қариндошлар никоҳи доимам яхшиликка олиб келмаган. Аввал қон топшириб ирсий яқинликни текширтирардик. Агар қон тўғри келмаса бефарзандлик, ёки ногирон фарзанд туғилиш эҳтимоли бор. Ойи фотиҳа қилмасдан шуни текширтирайлик -Қаёқдаги гапларни айтасан. Мана Шарофат холангни ўзи ҳам аммамни ўғлига тегкан. Икки қиз, бир ўғли бипбинойидек, ваҳима қилма. Хикоялар,Танланган Асарлар

Лекин Автобуслар соат 10:00 гача текин экан (Тошкентда) 😁 Хикоялар,Танланган Асарлар

Хаттоки Бугун хам дам олмай ишлайдиган инсонлар бор 😢

#ЁНИНГДАМАН...: 3-қисм МУАЛЛИФ ШАМСИНУР Элдор ўқишда юравериб Рушана исмли жувонга илакишиб қолганди. Эрга тегиб бир йил ўтмай ажралган бу аёлга қишлоқдан келган Элдордек кўркам йигит жуда маъқул бўлганди. Бир курсда ўқишлари ҳам айни муддао бўлди. Йигитни бошини макру, ҳийлалари билан айлантириб қўйдию, унинг фикру ҳаёлини эгаллаб олди. Ҳозир эса Шарофат опа ана шу Рушанадан ўғлини тезроқ айнитиб Мунисага уйлантириш пайида. Муниса оғир босиқ, қўли ширин пазанда қиз, яна синашта ҳам. Кўз олдида катта бўлган. Келининг бўлса шундай бўлсада, Элдор эса қаёқдаги жувонга илакишиб неча бор Шарофат опани қон босимини оширди. Қудрат ака уйига кирар экан диванда бошини рўмол билан қаттиқ танғиб олган аёлига кўзи тушди. -Ҳа онаси, нима бўлди бошингни боғлаб олибсан? -Билиб туриб сўрайсиз, анави эркатойиз гапимга кирмаяпти. Агар эртага уйга қайтмаса бораман Тошкентга. -Келмайман дедими? Бу ёқда тўй бошлаб қўйдик. Ишқилиб хато қилиб бир қизни куйдирмасак бўлди. -Мунисага уйланса никоҳ иситади. Шундай қиз кимгаям ёқмайди. Сизам кўпам уни гапига хўп деявермай қаттиқ туриб олинг. Қаттиққўл бўлсангиз зарар қилмайди. Етади шунча эркига қўйганимиз. -Ҳа бўпти, сен айтганча бўла қолсин 🌿🌿🌿 Наргизни ишдан чиқишида Лазиз олиб кетадиган бўлди. -Ўзингга келдингми? -Ҳмм. -Яна нега қовоғинг солиқ? -Нега бўларди, билиб туриб сўрайсиз-а? Атайин қиласизми дейман. -Наргиз, яна бошлама. -Онангизни кўндирдизми? -Онам бир бой дугоналарини қизига совчи бўлмоқчи. Топиб олган гапи тенг тенги билан дейди. Наргизни кайфияти буткул тушиб кетди. У Лазиз бой оиладан эканини яхши билади. Аммо бу таҳлит камситиламан деб ўйламаганди. -Мен сизга олдин ҳам айтганман, кимни боласи бўлиб туғилиш мени қўлимда эмас деб. Нима қилай мен ҳам. Ота онам ҳалол меҳнат қилиб ўстиришди. Улар ҳам қўлларидан келганча ҳаракат қилишди. Бўлди шундай экан муносабатларга нуқта қўямиз. -Наргиз сени севаман. Мен сенсиз яшолмиман. -Ўрганасиз. Кўникасиз. Наргиз машинадан тушиб тез-тез юрганча такси тўхтатди. Лазиз эса телефонини олиб онасига қўнғироқ қилди. -Ойи энди буёғига ўзиз ҳал қилмасангиз бўлмайди. -Нима бўлди, ўзинг ҳал қиламан дегандингку. -Ўхшамайди шекилли. -Бўпти, қизни рақамини бер. -Юбориб қўяман. Лазиз онасига рақамни юборгач уйига йўл олди. Наргиза эса кўз ёшлари юзини ювганча яёв кетиб борарди. У Лазизни жонидан ортиқ севиб қолган. Лазиз билан боғлиқ қанча орзулари бор эди уни. Уйларига яқин қолганда дарвозага разм солди. Оддий дарвоза, ҳеч қандай безакларсиз, уйи ҳам бир қаватли ғиштин уй. Деразаларини эл қатори пластик ромларга алиштиришган. Оддийгина уй бўлса ҳам ҳаммаёқ саранжом. Онаси Роҳатой опа тиниб тинчимас аёл. Келини ҳам ўзига ўхшади. Уйларига кирган одамни баҳри дили очилади. Шундай оиладан келин олишни эса Лазизни онаси истамаяпти. Наргиза уч кун телефонини ўчириб қўйди. Ишидан ҳам жавоб олиб ҳеч қаерга чиқмади. Унинг наздида дунё тугагандек, Лазизсиз ҳаёт йўқдек. Тўртинчи куни ишга чиққанида уни сўраб келишганини айтишди. #давоми_бор... АСАР ХАКИДА ФИКР ВА МУЛОХАЗАЛАРИНГИЗНИ КАММЕНТДА КОЛДИРИНГ! УНУТМАНГ СИЗНИНГ ХАР БИР БОСГАН РЕАКЦИЯНГИЗ ХАЛ КИЛУВЧИ АХАМИЯТГА ЭГА!

#ЁНИНГДАМАН...: Наргиза уйга боргач барча ишини тинчитиб ишга отланди. У ҳамшира эди. Оилада тўрт киши ота онаси ва акаси яшашарди. Акаси дурадгор. Уйланган. Наргиза эса тунги сменда ишларди. Бугун ҳам ишга жўнади. У аслида Лазизни шифохонада учратган. Қандайдир жанжалга аралашиб калтак еб жароҳат олганди. Ўша кундан бошлаб иккови севишганларга айланишди. Бунга ҳам уч ой бўлибди. Наргиза ҳолаваччаси Муниса билан бирга ишларди. Бугун навбатчиликда ҳам бирга ишлашади. -Наргиз намунча кеч қолдинг? -Салом, Муниса яхшимисан? Ишларим чиқиб қолди. Бошлиқ кемадими? -Йўқ келмапти. Бўл тез халатингни кий. -Хўп. Муниса Наргизадан бир ёш кичик. Аммо улар бир синфда ўқишган. Бугун Мунисанинг ҳам кайфияти йўқ. -Муниса сен нега ҳўмрайиб олдинг? -Наргиз дадам Элдор акага рози бўлмоқчилар. -Ваааув зўрку. Тошкентга кетаркансада кейин? -Элдорни у ерда севгани бир деб ўйлайман. -Севгани бўлса холам сенга совчи бўлиб келармиди? Биласанку холам ўғлини айтганини қилиб юради. Наргизанинг онаси учта қиз эдилар. Уларнинг каттаси Шарофат опа кичик синглисини қизи Мунисани ўғлига олиб бермоқчи. Шу йўл билан опа сингиллик ришталарини янада мустаҳкамлаш ниятида эди. -Кўнглим ғаш. -Ҳар нарсани ўйлама. Ҳолам тилла аёл. Ҳаттоки ўғли кетворган. Жон деб тегардим. -Сен шундай дейсанда. Менгаям маъқул. Шундай чиройли эринг бўлса йўқ демайсанку. Ҳа айтганча, анови Азизмиди, Лазизмиди нима бўлди? -Уффф шуни сўрамасанг. -Айт энди . -Онаси рози бўлмаяпти. Биласанку бойвачча. Бизни ўзига тенг кўрмаяпти. -Онаси рози бўлмаса, қаршиликлар билан тегканингдан кейин кунингни кўрсатса нима қиласан? Ундан кўра қизиғида тамом қил. -Сенга айтиш осон... Наргиза стол устига бошини қўйиб олди. -Мен... Мен уни севаман. Усиз яшолмасам керак. -Аҳмоқ қиз,айтгандим гаплашма ўша билан деб. -Эеэе бор ишинга бироз тинч қўй. Муниса шарт ўрнидан турди. -Яхши ҳалиям эслатдинг бешинчи палатадаги беморни осма уколига қарашим керак эди. Муниса шошганча чиқиб кетди... 🌿🌿🌿 Элдорни хонадонида доимги мавзу. -Она уйланмайман Мунисага. -Бас қил. Шарофат опа телефонни овозини баланд кўтарганча ўғлига бақирди. -Ойи сиз тушунмаяпсиз. -Сен тирранча менга гапингни ўтказма. Эртага йўлга чиқ. Йўқса бориб ўша мегажинни сочини юлиб, шармандасини чиқараман. -Рушана ёмон қиз эмас. Наҳот уни қабул қилиш қийин? -Қабул қилмайман. Мен обрўйимга қаёқдаги бузуқи тўғри келмайди. Агар шу тартибда давом этсанг, берган оқ сутимга рози эмасман. Шарофат опа жахл билан телефонни ўчириб диван устига отиб юборди.