Piskent jome masjidi | Rasmiy kanal

#munosabat #bank #islom #moliya 🌙 МУНОСАБАТ: ИСЛОМИЙ МОЛИЯ РИВОЖИДА ЯНГИ ДАВР  

⏺Марказий банк ҳузурида юртимизда исломий молия соҳасини тизимли ривожлантириш, унинг ҳуқуқий ва институционал асосларини мустаҳкамлаш мақсадида Исломий молия кенгаши ташкил этилгани ҳақида хабар берилган эди.

✅Мазкур янги тузилма исломий хизматлар кўрсатувчи банклар ва микромолия ташкилотлари, Омонатларни кафолатлаш агентлиги ҳамда Марказий банк назоратидаги бошқа муассасалар фаолиятини мувофиқлаштирувчи коллегиал (жамоавий) орган сифатида иш олиб боради.

💬Эътиборли жиҳати, Кенгаш таркиби ислом ҳуқуқи соҳасида чуқур билим ва бой тажрибага эга бўлган Ўзбекистон мусулмонлари идораси Фатво маркази уламолари ҳамда техник экспертдан иборат 5 нафар аъзони қамраб олган. Бу эса мамлакатимизда исломий молия хизматларини халқаро талаблар ва шаръий қоидалар асосида ривожлантириш, инвесторлар ишончини мустаҳкамлаш ҳамда аҳоли ва тадбиркорлар учун муқобил молиявий хизматлар кўламини кенгайтиришда муҳим омил бўлиб хизмат қилади. 📰 Маълумот ўрнида таъкидлаш жоизки, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуси билан 2022 йили ташкил этилган Диний идора қошидаги Фатво маркази нафақат Марказий Осиёда, балки МДҲ давлатлари орасида ҳам мақоми жиҳатидан ягона марказ саналади. ✅ Бугунги кунда марказда Муфтий ҳазрат бошчилигида 20 нафар етук уламо еттита асосий илмий ва амалий йўналишда самарали фаолият олиб бормоқда. 💬 Шунингдек, Марказ ҳузуридаги диний савол-жавобларга ихтисослашган Колл-марказ ва медиа тармоқлари орқали мўмин-мусулмонларнинг мурожаатларига мунтазам ва тезкор жавоб қайтариб келинмоқда. ⚡️ Қайд этиш жоизки, марказ нафақат юртимиз фуқаролари, балки хорижда меҳнат қилаётган ёки таҳсил олаётган ватандошларимиз билан ҳам мустаҳкам алоқа ўрнатган. Хусусан, 2025 йилдан бошлаб чет элдаги юртдошларимизнинг диний-маърифий ва молиявий саволларига ижтимоий тармоқлар орқали тўғридан-тўғри жавоб бериш тизими йўлга қўйилди.

📩 Кунига ўртача 1000 дан ортиқ мурожаатни қабул қилаётган Фатво маркази ўтган фаолият даврида бир миллиондан ортиқ саволга шаръий ва асосли жавобларни тақдим этди. Шунингдек, 3 жилддан иборат “Фатволар тўплами”, “Фиқҳ ва ақидага оид ихтилофли масалалар ечими”, “Эътиқодга оид зарур масалалар” каби долзарб мавзулардаги 10 дан зиёд китоб нашр этилди.

✅Ўзбекистон мусулмонлари идораси Фатво маркази уламоларининг Марказий банк ҳузуридаги Исломий молия кенгашида иштирок этиши эса юртимизда тадбиркорлик ва молия тизимининг ривожида янги даврни бошлаб беради, иншо Аллоҳ.

🤲 Аллоҳ таоло юртимизда исломий молия соҳасидаги янги ислоҳотларни бардавом ва хайрли қилсин! ✅Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг https://t.me/joinchat/AAAAAEGj0hkBXGlopIDbXA

Abdulloh ibn Isodan rivoyat qilinadi: “Menga xabar qilinishicha, kim Duxon surasini juma kechasi - imon keltirgan, tasdiqlagan holida - o'qisa, tong otganida gunohlari kechirilgan bo'ladi. @fitratuz

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 24-ИЮЛ, 1448 - ҲИЖРИЙ САФАР ОЙИНИНГ 10-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:33 ⏱️БОМДОД - 04:35 (ўқилиш вақти) ⏱️ҚУЁШ - 05:09 ⏱️ПЕШИН - 13:00 ⏱️АСР - 17:50 ⏱️ШОМ - 19:55 ⏱️ХУФТОН - 21:25 🔗 Улашинг: https://t.me/diyonatli

#Ibratli_rivoyatlar MANFAATSIZ ILM 📝 Tarjimon: Jaloliddin Nuriddinov 🎙 Suhandon: Muhammad Nur ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

1.  Аллоҳ таолонинг амрига бўйсуниш учун. Аллоҳ таоло бундай марҳамат қилади: “Эй имон келтирганлар! Аллоҳга ва (Унинг) Расулига итоат этингиз!” (Анфол сураси, 20-оят). Бу маънодаги оят Қуръони каримда такрор-такрор келган. 2. Аллоҳ таолонинг муҳаббатига сазовор бўлиш учун. Аллоҳ таоло бундай марҳамат қилади: “Айтинг (эй, Муҳаммад!): “Агар Аллоҳни севсангиз, менга эргашингиз. Шунда Аллоҳ сизларни севади ва гуноҳларингизни мағфират этади. Аллоҳ кечирувчи ва раҳмлидир” (Оли Имрон сураси, 31-оят). Ҳасан Басрий раҳматуллоҳи алайҳ айтадилар:

“Бандаларнинг Аллоҳга бўлган муҳаббатларининг аломати Расулуллоҳ соллаллоҳу алайҳи ва салламнинг суннатларига эргашишдир”.

3. Фарз амалларда йўл қўйилган камчиликларнинг ўрнини тўлдириш учун. 4. Бидъат, залолатга берилиб кетишдан сақланиш учун. Расулуллоҳ соллаллоҳу алайҳи васаллам: “Сизнинг ичингизда икки нарсани қолдирдим. Агар уларни маҳкам тутсангиз, ҳеч адашмайсиз. Булар – Аллоҳнинг китоби ва Менинг суннатимдир”, деганлар (Имом Молик ривояти). Аллоҳ таоло барчамизга Расулуллоҳ соллаллоҳу алайҳи васалламнинг суннатларига эргашимизга ва унда бардавом бўлишимизга тавфиқ ато этсин! Даврон НУРМУҲАММАД   ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Qurilishiga start berilgan Toshkent – Samarqand yangi avtomagistrali, Nurafshonda tamal toshi qo‘yilgan Kelajak texnologiyalari markazi va boshqa keng ko‘lamli bunyodkorlik ishlari Toshkent viloyatini Yangi O‘zbekiston iqtisodiy va texnologik taraqqiyotining qudratli tayanchiga aylantiradi. — @fitratuz

#САВОЛ_ЖАВОБЛАР НАМОЗ ИЧИДА СОАТГА ҚАРАШ САВОЛ: Ҳозирда ақлли соатлар телефонга уланади ва хабарлар келганда соатда кўринади. Намоз ўқиётган вақтда хабарларни бехосдан ўзи хоҳламаган ҳолда ўқиса ёки рақамларга кўзи тушиб қолса, намоз бузилмайдими? ЖАВОБ: Бисмиллаҳир Роҳманир Роҳим. Бундай ҳолатда кўзингиз тушиб қолиши ёки ичингизда (дилингиз билан) ўқишингиз билан намоз бузилмайди. Аммо хабарни ёки соатни тилга чиқариб ўқиб қўйсангиз, намозингиз бузилади. Чунки намоз ичида гапириш уни бузади. Намоз банданинг Робби билан муножоти бўлгани учун, уни ўқиш давомида атайлаб соатга қарамаслик керак. Муножотда атрофга аланглаш, турли нарсаларга қараш хушуга путур етказади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#muftiy_minbari Ҳадялашинг, муҳаббатли бўласиз 🎙 Шайх Нуриддин Холиқназар ҳазратлари 👤Facebook 🎥Youtube ✈️Telegram 📸 Instagram Дўстларингизга ҳам улашинг https://t.me/joinchat/AAAAAEGj0hkBXGlopIDbXA

#Ҳадис Аллоҳнинг меҳрибонлиги Расулуллоҳ соллаллоҳу алайҳи васаллам айтадилар: "Ким бир яхшиликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни Ўз ҳузурида унга ўнта яхшиликдан етти юз бараваргача қилиб, ундан ҳам бир неча баравар кўп қилиб ёзади. Ким бир ёмонликни кўнгилга тугса-ю, уни қилмаса, Аллоҳ буни Ўз ҳузурида унга тўлиқ бир яхшилик деб ёзади. Агар шуни кўнгилга тугиб, кейин уни қилса, Аллоҳ буни унга биргина ёмонлик деб ёзади". Имом Бухорий, Имом Муслим ривояти. 👤Facebook 🎥Youtube ✈️Telegram 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

#Bosh_imom_minbari  ВАФОТ ЭТГАН КИШИ ҲАМ ҲОЖИ МАҚОМИДА БЎЛАДИМИ? Дониёр домла Икромов Тошкент вилояти бош имом-хатиби @Doniyor_domla_uz https://t.me/+Pcr4a5gVZhQyODZi

#xabar #tuhfa #magistr 📄 ИЛК БИТИРУВЧИ МАГИСТРЛАРГА ПРЕЗИДЕНТ ТУҲФАСИ ТОПШИРИЛДИ ⏺Имом Бухорий номидаги Тошкент ислом институтининг илк магистрантларига диплом топшириш тантанали маросими бўлиб ўтди. 🇺🇿Тадбирда Ўзбекистон Республикаси Президентининг диний-маърифий масалалар бўйича маслаҳатчиси Музаффар Комилов, Дин ишлари бўйича қўмитаси раиси Содиқжон Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, вазирликлар, идоралар вакиллари, таниқли уламо ва имом-хатиблар, ўқитувчи ва талабалар, соҳа фахрийлари ҳамда ОАВ вакиллари иштирок этди.

🗣Сўзга чиққан нотиқлар кейинги йилларда муҳтарам Президентимизнинг ташаббуслари билан диний-маърифий соҳада олиб борилаётган изчил ислоҳотлар натижасида диний таълим ва илмий-тадқиқот йўналишида мисли кўрилмаган тарихий натижаларга эришилгани алоҳида эътироф этилди.

🗂Шунингдек, битирувчи магистрантлар юртимиз ва хорижий нашрларда 52 та илмий мақола нашр эттиргани, “Саҳиҳи Бухорий”, “Сунани Термизий”, "Тафсири Насафий", "Ҳидоя", "Ақоиди Насафий" каби мўътабар манбалар бўйича 53 та илмий ижозат шаҳодатномаси олгани, барчасининг умумий ўзлаштириш кўрсаткичи 90% дан юқори бўлгани, тил бўйича маҳаллий ва халқаро сертификатлар билан бирга рақамли технологиялар, 3D моделлаштириш ва халқаро Ислом молияси ҳужжати (CPSS) соҳиби эканлари юқори баҳоланди.

🤩 Мана шундай юксак натижаларни қўлга киритган битирувчи магистрларга Президент маслаҳатчиси Музаффар Комилов Давлатимиз Раҳбарининг 20 миллион сўмдан пул мукофоти сертификатларини тантанали равишда топширди.

✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Зинокорнинг дуоси қабул бўлмайди Бисмиллаҳир Роҳманир Роҳийм. Аллоҳ таолога битмас-туганмас ҳамду санолар бўлсин. Пайғамбаримизга мукаммал ва батамом салавоту дурудлар бўлсин. Бузуқликнинг зарари қаҳатчилик ва очарчилик шаклида зоҳир бўлади. Ёмғир ёғмаслиги, сувнинг озайиши, экинга зарар етиши, қимматчилик, ҳосилнинг кам бўлиши — бу офатларнинг барчаси зино сабабидандир. Ҳадиси шарифда бундай дейилади: مَا مِنْ قَوْمٍ يَظْهَرُ فِيهِمُ الزِّنَا إِلَّا أُخِذُوا بِالسَّنَةِ «Қайси қавмда зино кенг тарқалса, улар қаҳатчиликка мубтало қилиб қўйилади» («Мишкоти шариф»). Зинонинг офати фақат зинокорнинг ўзига урмайди. Унинг зарари ижтимоийдир. Зинокорлик кўпайган сари қаҳатчиликнинг кўлами ва шиддати ҳам ортаверади. Аллоҳ сақласин! Дуолар қабул бўлмай қолади. Зино шу даражада оғир гуноҳки, зинокорнинг дуоси қабул бўлмайди. Ҳазрати Усмон ибн Абул Ос розияллоҳу анҳу ривоят қилган ҳадиси шарифда Расулуллоҳ соллаллоҳу алайҳи васаллам бундай деганлар: تُفتَحُ أَبْوَابُ السَّمَاءِ نِصْفَ اللَّيْلِ فَيُنَادِي مُنَادٍ: هَلْ مِنْ دَاعٍ فَيُسْتَجَابَ لَهُ هَلْ مِنْ سَائِلٍس فَيُعْطَى هَلْ مِنْ مَكْرُوبٍ فَيُفَرَّجَ فَلَا يَبْقَى مُسْلِمٌ يَدْعُو بِدَعْوَةٍ إِلَّا اسْتَجَابَ اللهُ عَزَّوَجَلَّ لَهُ إِلَّا زَانِيَةً. «Кечанинг ярмида осмон эшиклари очилади. Шунда бир нидо қилувчи: «Бирор дуо қилувчи борми? Унинг дуоси қабул қилинади. Бирор сўровчи борми? Унга ато этилади. Ғамга ботган борми? Унинг ғами кетказиб қўйилади. Қай бир мўмин-мусулмон дуо қилса, Аллоҳ унга ижобат этади. Фақатгина зинокорнинг дуоси қабул бўлмайди» (Имом Табароний ривояти). Демак, ҳадиси шарифнинг хабарига кўра, зинокорнинг дуоси қабул бўлмайди. Баракадан маҳрум бўлади. Қуръони каримда баракага ҳақдорлар фақат иймон аҳли ва тақво эгалари экани қарор қилиниб, бундай дейилган: «Агар шаҳар-қишлоқ аҳли иймон келтирганларида ва тақво қилганларида эди, албатта, уларга осмону ердан баракотларни очиб қўяр эдик. Лекин улар ёлғонга чиқардилар, бас, уларни касб қилган нарсалари туфайли тутдик» (Аъроф сураси, 96-оят). Ҳазрат Абдулмажид Дарёободий раҳматуллоҳи алайҳ ушбу оятнинг тафсирида бундай дейдилар:

«Бу оятдан кўринадики, тақводор мўминларнинг ҳожатлари ғойибдан раво қилиб қўйилади. «Осмону Ернинг баракоти»дан мурод ишларнинг охири эътиборидан баракотли ва фойдали бўлган барча нарсалардир. «Баракот дарвозаларини очиб қўйиш»дан мурод ҳар ишда осонлик пайдо қилишдир»

(«Тафсири Мажидий»). Демак, юқоридаги гаплардан маълум бўладики, гуноҳкорлар ва бузуқ кишилар баракадан маҳрум қилиб қўйилар экан. «Бадназарлик ва зинодан сақланиш» китоби асосида тайёрланди 👤Facebook 🎥Youtube ✈️Telegram 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

#Muslim_podcast  📱🗣HАQ YOʼL VA АDАSHGАN IZLАR

⚡️ BUGUN АNGLАMАSАK, ERTАGА KECH BOʼLАDI ⚡️ 🎙 Ekspertimiz Аbdugʼofur domla Niyozqulov quyidagi savollarga javob berdilar:

1. ISLOMDА HАQ JАMOАT DEGАNDА NIMАNI TUSHUNISH KERАK❓ 2. ULAMOLAR NAZDIDA AHLI SUNNA VAL-JAMOA KIMLAR❓ 3. АHLI SUNNА VАL-JАMOА QАNDАY VUJUDGА KELGАN❓ 4. AHLI SUNNA VAL-JAMOA QADAR (TAQDIR) MASALASINI QANDAY TUSHUNTIRADI❓ 5. GʼАYBGА OID АQIDАVIY MАSАLАLАRGА CHUQUR KIRISH ODАMNI АDАSHTIRАDIMI❓ 6. ALLOHNING QUDRATI BORASIDA TAFAKKUR QILING, UNING ZOTI BORASIDA EMAS... 7. TAQDIR BITIB QO‘YILGAN BO‘LSA INSONDA TANLASH IXTIYORI BORMI❓ 8. ALLOHNING ZOTIY SIFATI HAQIDA BAHSLASHGAN KISHIGA... 9. AHLI SUNNA VAL-JAMOA HAQ BO‘LSA, NEGA MAZHABLAR TO‘RTTAGA BO‘LINGAN❓ 10. "ALBATTA MENING UMMATIM 73 FIRQAGA BO‘LINADI" – BU HADISNING MAʼNOSI NIMA❓ 11. ADASHGAN TOIFALAR KIMLAR❓ 12. QANDAY JAMOALARDAN EHTIYOT BO‘LISH KERAK❓ 13. АHLI SUNNА VАL-JАMOА QАNDАY QILIB JАMIYATDА BIRDАMLIKNI TАʼMINLАYDI❓ 🎞 Toʼliq👉FULL HD: https://www.youtube.com/watch?v=XnauMXsGjgk 📝 Din ishlari bo‘yicha qo‘mitaning xulosasi asosida tayyorlandi. 🥺Telegram|🛍Instagram|🤪Facebook|😍YouTube 📲Sahifalarimizga obuna boʼling va ulashing! ✅ 🧐 @Muslim_Podcast_uz

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 23-ИЮЛ, 1448 - ҲИЖРИЙ САФАР ОЙИНИНГ 9-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:33 ⏱️БОМДОД - 04:30 (ўқилиш вақти) ⏱️ҚУЁШ - 05:09 ⏱️ПЕШИН - 13:00 ⏱️АСР - 17:50 ⏱️ШОМ - 19:56 ⏱️ХУФТОН - 21:30 🔗 Улашинг: https://t.me/diyonatli

#xabar #magistr #xatmona 🗣Тошкент ислом институти магистратура таълим босқичининг илк битирувчиларига диплом топшириш маросими ✅ Ўзбекистон мусулмонлари идораси Матбуот хизмати 📱ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

#dolzarb #sehr 💥СЕҲР БОР НАРСАМИ? ☄️ Бугунги кунда ҳам кўпчиликни ташвишга солаётган, жамиятимизда долзарб бўлиб турган бир мавзулардан бири сеҳр ва фолбинлик!

❗️Қуръони Каримда Аллоҳ таоло бизни сеҳр ва ундан келадиган зарарлардан огоҳлантирган бўлса-да, афсуски, баъзи инсонлар ҳамон бу каби ирим-сиримларга ишониб, ўз ҳаётларини хавф остига қўйишмоқда.

🤔 Хўш, сеҳр ўзи нима? Унинг илдизлари қаерга бориб тақалади?

🔥Сеҳр – бу табиат қонунларига зид бўлган, ғайритабиий кучлар ёрдамида амалга ошириладиган ишлардир. Унинг тарихи жуда қадимга бориб тақалади.

💡 Бугунги "Мушоҳада" кўрсатувимизда айнан шу мавзуни чуқурроқ таҳлил қиламиз.

✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#xabar #magistr #xatmona ⏺Тошкент ислом институтининг илк магистрлари хатмона тадбири бўлиб ўтади ✅Бугун, 22 июль куни Ўзбекистон мусулмонлари идорасида мамлакатимиз диний-маърифий ҳаётидаги муҳим воқеа – Имом Бухорий номидаги Тошкент ислом институтининг илк магистрантларига диплом топшириш маросими бўлиб ўтади. 🗣 Тадбирда давлат ва жамоат ташкилотлари вакиллари, таниқли уламолар, имом-хатиблар, устоз-талабалар ва ОАВ ходимлари иштирок этади.

📢 Эътиборлиси, Тошкент ислом институти тарихида илк бор 2024 йилда ташкил этилган магистратура босқичини иқтидорли талабалар муваффақиятли тамомлади.

📍Маросим "Ҳазрати Имом" жоме масжиди ёнидаги Ўзбекистон мусулмонлари идораси биносининг катта мажлислар залида бўлиб ўтади.

💬 Тадбир тафсилотлари ва битирувчиларга кутилмаган хушхабарларни саҳифаларимиз орқали кузатиб боринг.

✅Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

ЁРУҒ КУНЛАР ОЛДИНДА Сизнинг муваффақиятсизликка учраб, умидингиз пучга чиққани сабабли, ҳаёт тўхтаб, сизни кутиб турмайди. Шундай экан, ўрнингиздан туринг-да, устингизни қоқиб, гўё ҳеч нарса бўлмагандек йўлингизда давом этинг! Ҳали олдинда ёруғ кунлар бор! “Ҳикматлар чашмаси”дан Улашинг 👇 https://t.me/joinchat/AAAAAEGj0hkBXGlopIDbXA

#xabar #kirish_imtihoni #sana #manzil 📢📍DINIY TA’LIM MUASSASALARIGA KIRISH IMTIHONLARI SANASI VA MANZILLARI MA’LUM BO‘LDI

🗣2026–2027-o‘quv yili uchun O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga kirish test sinovlari o‘tkaziladigan sana va manzillar bilan tanishing:

⏺1-NAMANGAN HUDUDI: 29-31-iyul kunlari Namangan viloyati, Namangan shahridagi “Hidoya” o‘rta maxsus islom ta’lim muassasasi binosi; 📍 JOYLASHUV. ⏺ 2-TOSHKENT HUDUDI: 2-3-avgust kunlari Toshkent shahri, Chilonzor tumanidagi “Shayx Muhammad Sodiq Muhammad Yusuf” jome masjidi Majlislar zali; 📍 JOYLASHUV ⏺ 3-QASHQADARYO HUDUDI: 5-avgust kuni Qashqadaryo viloyati, Qarshi shahridagi Olimpiya va paralimpiya sport turlariga tayyorlash markazida; 📍 JOYLASHUV ⏺ 4-XORAZM HUDUDI: 7-avgust kuni Xorazm viloyati, Urganch shahridagi Bilim va malakalarni baholash agentligi Xorazm viloyati bo‘limi binosi; 📍 JOYLASHUV ⏺ 5-BUXORO HUDUDI: 9-avgust kuni Buxoro viloyati, Buxoro shahridagi Mir Arab oliy madrasasi binosi; 📍 JOYLASHUV

❗️Ma’lumot o‘rnida, abituriyent imtihonni faqat ruxsatnomasida ko‘rsatilgan sana va hududda topshirishi mumkin. Boshqa hududlarda imtihon topshirishga ruxsat berilmaydi. Shu bois, imtihon kuni ruxsatnomada ko‘rsatilgan hududga belgilangan vaqtda yetib kelishlari lozim.

🎓Imom Buxoriy nomidagi Toshkent islom instituti magistratura bosqichi hamda Hadis ilmi maktabiga kirish bo‘yicha ijodiy imtihonlar joriy yil 11-avgust kuni Toshkent islom institutida o‘tkaziladi. 📍 JOYLASHUV

⏳Imtihon ruxsatnomasini yuklab olish va imtihon tartibi bo‘yicha qo‘shimcha ma’lumotlar keyinroq e’lon qilinadi. ❗️Hurmatli abituriyentlar! Qabul imtihonlari to‘g‘risidagi ishonchli ma’lumotlarni O‘zbekiston musulmonlari idorasi va diniy ta’lim muassasalarning rasmiy sahifalarida kuzatib boring. 📱 Qabul bo'yicha rasmiy manba: https://t.me/qabulmuslimuz ✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

САФАР ОЙИДА ТЎЙ ҚИЛСА, САФАРГА ЧИҚСА БЎЛАДИ(МИ?) Сафар ойи қандай ой? Сафар ойи ҳижрий-қамарий тақвим бўйича (муҳаррамдан кейинги) йилнинг иккинчи ойидир. Сафар қандай маънони англатади? Бу ой мевалар ғарқ пишиб, барглар сарғайган вақтга тўғри келгани учун сафар صفر – "сариқ ой" деб номланган. Агар сафар сўзидаги "сод (ص)" ҳарфи "син (س)" билан ёзилса "сафарга чиқмоқ"деган маънони англатади. Сафар ойи Исломдан олдинги жоҳилият даврида. Жоҳилият даврида "Сафар ойида янги иш бошлаб бўлмайди, сафарга чиқиб бўлмайди, оила қуриб бўлмайди" каби шумланишлар урф бўлган. Ҳатто бирор ишга киришишдан олдин қуш учириб кўришарди. Қуш ўнг томонга учса, яхшиликка йўйиб, ишга киришишар, чап томонга учса, бу ишда яхшилик йўқ экан, деб тарк этишар, борди-ю тўғрига учса, қайтадан учириб кўришар эди. Ислом дини келгандан кейин сафар ойи – "Яхшилик ойи" деб номланди. Расулуллоҳ соллаллоҳу алайҳи васалам: "Касаллик юқиши йўқ, бойқуш йўқ, навъу йўқ ва сафар йўқ", дедилар. Сафар ойи тўғрисидаги турли бидъат-хурофотлар рад этилди. Ойларнинг ҳаммаси Аллоҳ таолонинг ойлари экани эълон қилинди. Расулуллоҳ соллаллоҳу алайҳи васаллам сафар ойини қандай ўтказганлар? 1. Расулуллоҳ соллаллоҳу алайҳи васаллам Мадина шаҳридаги "Масжидун Набавий" масжидларини сафар ойида қурганлар. 2. Қизлари Фотимаи Заҳро розияллоҳу анҳони Ҳазрат Али розияллоҳу анҳуга сафар ойида никоҳлаганлар. 3. Айнан шу ойда сафарга чиқиб, Хайбар қалъасини фатҳ қилганлар. Демак, бу ойда янги иш бошлаш, оила қуриш ва сафарга қилиш жоиз экан. Аммо, ҳозирги кунда… Афсуски, бугунги кунда ҳам "сафар ойида иш бошлаш, тўй қилиш, сафарга чиқиш хосиятсиз" деган гаплар тез-тез учраб туради. Уларнинг ҳеч қандай асоси йўқ экани Пайғамбаримиз соллаллоҳу алайҳи васалламнинг ҳадислари ва суннатларидан маълум бўлди. Энг муҳими – бандага етадиган мусибат бирор ойга боғлиқ бўлмайди. Балки ҳар бир яхшилик ҳам, ёмонлик ҳам фақатгина Аллоҳ таолонинг изни билан содир бўлади. Тақдирга иймон келтириш динимизнинг асосларидан биридир. Инсон бошига тушадиган барча яхшилик ва ёмонликларни тақдирдан деб билмоғи лозим. Аллоҳ таоло: "(Инсонга) бирор мусибат етган бўлса, албатта, Аллоҳнинг изни (иродаси) билангина (етур). Кимки Аллоҳга иймон келтирса, (У) унинг қалбини тўғри йўлга ҳидоят қилур. Аллоҳ ҳар нарсани билувчидир" (Тағобун сураси, 11-оят), деб марҳамат қилган. Аллоҳ таоло ақидамизни мустаҳкам, ҳидоятида бардавом қилсин. Сафар ойини барчамиз учун хайрли ва баракали бўлишини насиб этсин. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA