Piskent jome masjidi | Rasmiy kanal

#muftiy_minbari ДИНИМИЗ ТАЪМАГИРЛИКДАН ҚАЙТАРАДИ 🎙 Шайх Нуриддин Холиқназар ҳазратлари 🌐 https://t.me/+ZgkOZopwJwc3ZWEy

Фарзандларингиз орасида адолат қилинг Нўъмон ибн Башир розияллоҳу анҳу ривоят қилади: «Отам менга совға берди. Амро бинти Равоҳа: “То бунга (совғага) Расулуллоҳ соллаллоҳу алайҳи ва салламни гувоҳ қилмагунингизча рози бўлмайман”, деди. Отам Набий алайҳиссаломнинг ҳузурларига борди ва: “Мен Амра бинти Равоҳадан бўлган ўғлимга совға бердим. Ё Расулуллоҳ, Амра сизни гувоҳ қилишимни буюрди”, деди. Набий алайҳиссалом: “Бошқа фарзандларингга шу каби бердингми?!” деб сўрадилар. Отам: “Йўқ”, деди. Набий алайҳиссалом: “Аллоҳ таолога тақво қилинглар ҳамда фарзандларингиз орасида адолат қилинглар”, дедилар. Ровий айтади: “Отам келиб ҳадясини қайтариб олди”». БАТАФСИЛ Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР Тахоратни 2 жойда одо этиш САВОЛ: Ассалому алайкум! Шароит бўлмаса 1. Тахоратни бир жойда олиб, оёқларни 2-қаватга чиқиб яъни бошқа жойга чиқиб ювиб тахоратни якунлаш мумкинми? 2. Бир тахоратни икки жойда олиш мумкин бўлса оралиқдаги вақти қанча бўлиши керак? ЖАВОБ: Ва алайкум ассалом! 1). Мумкин. 2). Таҳоратда пайдарпайлик, яъни таҳорат асносида бошқа ишлар билан машғул бўлмаслик суннатдир. Оёқни бошқа жойда ювмоқчи бўлса ва суннатнинг ҳам савобини олмоқчи бўлса ювилган аъзо мўътадил ҳавода қуриб қолишига қанча вақт кетса ўшанча вақтдан ошириб юбормасин. Ундан ошиб кетса суннатни тарк қилган бўлади, аммо таҳорати дуруст бўлаверади. Валлоҳу аълам! «Зикр аҳлидан сўранг» ҳайъати Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Видео ШАЙТОННИНГ ВАСВАСАСИ Жасурбек домла Раупов Тошкент вилояти бош имом-хатиби Ижтимоий тармоқлардаги саҳифаларимиз: Facebook|Youtube|Telegram|  Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Ҳадис Абу Саид розияллоҳу анҳу ва Абу Ҳурайра розияллоҳу анҳумолардан ривоят қилинади. Расулуллоҳ соллаллоҳу алайҳи васаллам: «Агар уч нафар киши сафарга чиқса, ичларидан битталарини амир (бошлиқ) этишсин», дедилар. Абу Довуд ривоятлари. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

НАМОЗ, НАМОЗ, НАМОЗ... Аллоҳ таоло Исо алайҳиссаломни бешикдалигида намозга буюрди. Бешикда ётган боланинг: “Раббим менга намозни буюрди” (Марям сураси, 31-оят), деганини Кўз олдингизга келтинг. Шуайб алайҳиссалом ўз қавмини ширк ва ўзгаларнинг ҳаққини уриб қолишдан қайтарганларида, улар: “Эй Шуайб! Сенга буни намозинг буюряптими?” (Ҳуд сураси, 87-оят), деганларига эътибор қаратинг!!! Иброҳим алайҳиссалом ўз оиласини саҳрога ташлаб кетаётганида: “Эй Раббим! Мен зурриётимдан (бир қисмини – ўғлим Исмоил ва унинг онаси Ҳожарни) Сенинг ҳурматли Байтинг ҳузуридаги экин ўсмайдиган бир водийга жойлаштирдим. Эй Раббим! Улар намозни баркамол адо этсинлар деб (шундай қилдим)” (Иброҳим сураси, 37-оят), деганини эсланг!!! Мусо алайҳиссалом Аллоҳ билан ваъдалашилган жойга (Тур тоғига) борганларида у кишига бўлган нидо: “Дарҳақиқат, Мен – Аллоҳдирман! Мендан ўзга илоҳ йўқ! Бас, Менгагина ибодат қил ва Мени эслаш учун намозни адо эт!” (Тоҳо сураси, 14-оят) эди. Ушбу ваҳий ҳам намознинг нақадар муҳим эканлигига далилдир: «Мусо ва унинг биродарига ваҳий орқали: “Қавмингиз учун Мисрда уйлар ҳозирланг ва уйларингизни қибла (намозгоҳ) этиб, намозни баркамол ўқингиз!” – деб айтдик» (Юнус сураси, 87-оят). Сулаймон алайҳиссалом аср намозидан чалғитиб қўйгани учун отларини сўйдириб юборганлар: “Бас, у деди: “Дарҳақиқат, мен Парвардигорим зикридан (яъни намозимдан қолиб) бу яхши (от)ларга кўнгил қўйишга берилиб кетибман. Ҳатто, (қуёш) парда билан беркинибди (ботибди)” (Сод сураси, 32-оят). Закариё алайҳиссалом кексайиб қолган ҳолларида ўғил фарзандли бўлишлари ҳақидаги суюнчли хабар у кишига қаерда келган эди?! “Сўнгра, масжидда туриб намоз ўқиётганида, фаришталар унга нидо қилиб, дедилар: “Аллоҳ сенга Яҳё (исмли фарзанд) хушхабарини бермоқда” (Оли Имрон сураси, 39-оят). Расулуллоҳ саллаллоҳу алайҳи васалламнинг сўнги нафасларида умматларига қилган васиятлари: “Намозга, намозга эҳтиёт бўлинглар”, эди. Қанийди, биз ҳам ўз аҳли оиламизга, уларнинг таълим-тарбиясига, соғлигига эътибор қаратганчалик намозга эътибор қаратсак эди. Мустафо МАҲМУД Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР Дўстининг хатини ўқиш САВОЛ: Ассалому алайкум! Расулуллоҳ соллаллоҳу алайҳи васаллам: "Ким биродарининг мактубига унинг изнисиз назар солса, ҳудди дозах оташига назар солгандек бўлади" (Абу Довуд ривояти) шу гапга бир дўстдим ишонмаётган эди шу тўғрими? ЖАВОБ: Ва алайкум ассалом! Ҳадисда қуйидагича келади: حَدَّثَنَا مُوسَى بْنُ إِسْمَاعِيلَ، حَدَّثَنَا حَمَّادٌ، عَنْ سُهَيْلٍ، عَنْ أَبِيهِ، حَدَّثَنَا أَبُو هُرَيْرَةَ رَضِي اللهُ عَنْهُ: أَنَّهُ سَمِعَ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ: مَنْ اطَّلَعَ فِي دَارِ قَوْمٍ بِغَيْرِ إِذْنِهِمْ فَفَقَئُوا عَيْنَهُ فَقَدْ هَدَرْتُ عَيْنَهُ Абу Ҳурайра розияллоҳу анҳу айтади: «Расулуллоҳ соллаллоҳу алайҳи васалламнинг шундай деганларини эшитганман: «Ким бир қавмнинг ҳовлисига уларнинг изнисиз назар солса, уларга унинг кўзини ўйиб олишни ҳалол қилдим». (Сунани Абу Довуд). Имом Абу Довуд ҳазрати Абдуллоҳ ибн Аббос розияллоҳу анҳудан ривоят қилган бошқа ҳадисда Расули акрам соллаллоҳу алайҳи васаллам: مَنْ نَظَرَ فِي كِتَابِ أَخِيهِ بِغَيْرِ إِذْنِهِ فَإِنَّمَا يَنْظُرُ فِي النَّارِ؛ «Ким биродарининг мактубига унинг изнисиз назар солса, худди дўзах оташига назар солгандек бўлади», деганлар. Ушбу икки ҳадиси шарифдан Исломда шахснинг дахлсизлиги ниҳоятда юқори даражада ҳимоя қилиниши кўриниб турибди. Бировнинг уйига рухсатсиз кириб бориш у ёкда турсин, рухсатсиз қараш, кўз ташлаш ҳам мумкин эмас. Чунки кўз ташлаган одам ичкарида уй эгаси, унинг аҳли аёлини ҳар хил ҳолатда кўриши, бошқалардан сир тутган нарсаларидан воқиф бўлиб қолиши мумкин. Яна бошқа кўпгина ноқулай ҳолатлар вужудга келиши эҳтимоли бор. Валлоҳу аълам! «Зикр аҳлидан сўранг» ҳайъати Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Ҳадис Амр ибн Шуъайб оталаридан, оталари эса боболаридан қилган ривоятларида Расулуллоҳ соллаллоҳу алайҳи васаллам: «Бир йўловчи битта шайтон, икки йўловчи икки шайтон, учтаси эса ҳақиқий йўловчидир», дедилар. Абу Довуд, Термизий ва Насаийлар ривоятлари. Бу ҳадисдан сафарда бир ва икки киши бўлса, шайтоннинг ёмонлигидан омон бўлмасликлари мумкинлиги, агар уч ва ундан кўп бўлса, ҳақиқий йўловчи бўлиб, шайтоннинг ёмонлигидан, иншоаллоҳ, омонда бўлишлари тушунилади. Валлоҳи аълам. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2023/1444 Ҳ. ЙИЛ, 15 - ДЕКАБР КУНИ УЧУН НАМОЗ ВАҚТЛАРИ ТАҚВИМИ ⏱ТОНГ - 06:17 ⏱БОМДОД - 07:00 (ўқилиш вақти) ⏱ҚУЁШ - 07:41 ⏱ПЕШИН - 13:00 ⏱АСР - 15:20 ⏱ШОМ - 17:01 ⏱ХУФТОН - 18:40 🔗 Улашинг: @diyonatli

АССАЛОМУ АЛАЙКУМ, ЯХШИЛАР! Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин! Янги кунга, Яратганнинг розилиги йўлидаги солиҳ амалларга БИСМИЛЛАҲ!.. @fitratuz

🐝 Мўмин мисоли – асалари каби 🌙 Расулуллоҳ соллаллоҳу алайҳи васаллам: “Мўминнинг мисоли асалари кабидир. У фақат покиза нарсаларни ейди ва (ўзидан) пок нарсаларни қолдиради”, дедилар. 🍯 Асалари фақат покиза нарсага қўнади ва ўзидан фақат пок нарса қолдирар экан, Сиз ҳам асалари каби бўлинг. Сиздан фақат яхшиликлар қолсин! @diyonatli

ЖУМАНИНГ СУННАТЛАРИ: 1. Жума учун ғусл қилиш. 2. Хушбўй нарсалар суртиш. 3. Чиройли кийимлар кийиш. 4. Жумага виқор ва сакина билан эрта бориш. 5. Жума куни баданни тозалаб, ҳайъатни гўзал қилиш. 6. Жума куни Каҳф сурасини қироат қилиш. 7. Жума куни ва кечаси дуони кўп қилиш. 8. Жума куни ва кечаси Расулуллоҳ соллаллоҳу алайҳи васалламга кўп салавот айтиш. 9. Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш. 10. Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир. 11. Жума намозининг фарзидан аввал ва кейин тўрт ракъатдан суннат намози ўқиш. 12. Жумада мудраган одам бошқа ерга ўтиб олиши. "Кифоя" китобидан. Дўстларингизга ҳам улашинг @diyonatli

ЕҲСОННИНГ МУКОФОТИ - ФАҚАТ ЭҲСОНДИР Аллоҳ таоло Қуръони Каримда шундай марҳамат қилади: “Еркакми, аёлми-ким мўмин бўлган ҳолида яхшиликлар қилса, ана ўшалар жаннатга кирурлар ва уларга қилча ҳам зулм қилинмас” (Нисо сураси 124-оят). Эй инсон! Умр жуда қисқа, вақт ҳеч қачон ортга қайтмайди. Жон вужудни тарк этмасдан олдин ҳаракат қилиб қол! Охиратда мукофот ёки жазо олишингга қилган амалларинг сабаб бўлади. Бу дунё – бир имтиҳон, синов майдонидир. Беш кунлик дунё дейдилар! Аллоҳ таоло барчамизни яхшилик қилувчи бандаларидан қилсин, кўзлаган яхши ниятларимизни амалга оширишга муваффақ айласин! @diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2023/1444 Ҳ. ЙИЛ, 13 - ДЕКАБР КУНИ УЧУН НАМОЗ ВАҚТЛАРИ ТАҚВИМИ ⏱ТОНГ - 06:15 ⏱БОМДОД - 07:00 (ўқилиш вақти) ⏱ҚУЁШ - 07:40 ⏱ПЕШИН - 13:00 ⏱АСР - 15:20 ⏱ШОМ - 17:01 ⏱ХУФТОН - 18:40 🔗 Улашинг: @diyonatli

#muftiy_minbari МЎЪМИННИНГ БУРЧИ 🎙 Шайх Нуриддин Холиқназар ҳазратлари 🌐 https://t.me/+ZgkOZopwJwc3ZWEy

#tafakkur Бойлик мол-дунёнинг кўплигида эмас Исломда инсоннинг дунёга нисбатан позицияси қандай бўлиши кераклиги борасида ниҳоятда гўзал таълимотлар мавжуд. У аввало инсоннинг қалбига юзланади ҳамда унга иффат ва улуғворлик туйғусини ўрнаштиради, очкўзлик ва баднафсликнинг ёмон эканини уқтиради. Мол-дунёга бўлган муҳаббат бу – виждонни ҳам, танани ҳам парчалайдиган касаллик бўлиб, ўзининг ортидан шармандалик ва хорлик қолдиради. Келинг, мол-дунёга нисбатан ҳаддан зиёд муҳаббат ва уни қўлдан бой бергандаги қаттиқ қайғу ҳолати нимага сабаб бўлишини ушбу сўзлардан билиб оламиз: "Маълум фактлардан бири шуки, фонд биржасида акция баҳоси пасайганида унда иштирок этувчиларнинг қони ва пешобидаги қанд миқдори сезиларли даражада ошиб кетади". Бу ҳолатга Расулуллоҳ соллаллоҳу алайҳи васалламнинг сўзларидан кўра яхшироқ даво бўлиши мумкинми? У зот алайҳиссалом айтадилар: "Бу мол ёқимли ва ширин. Ким уни нафс сахийлиги билан олса, унга барака берилади. Ким уни нафси интилиши (очкўзлик) билан олса, унга барака берилмайди. У ейди, лекин тўймайди…" (Имом Абу Довуд ривояти). Мол-дунё гўзал рангли ва таъми ширин мевага ўхшайди. Бундай ширин ва ёқимли нарсага инсон табиати мойил бўлиши эса маълум нарса, лекин баъзи одамлар уни шунчалик истеъмол қиладики, охири ҳазм қила олмай қолади. Улардан баъзилари бошқаларнинг қўлидаги нарсаларни тортиб олиб ўз улушига қўшиб қўяди. Яна баъзилари тўплайдию, лекин оч яшайди, емайди. Баъзиларини қашшоқлик қўрқуви ташвишга солса, бошқаларини кўпроқ нарсага эга бўлиш истаги қийнайди. Одамларнинг энг фазилатиси – бойлиги билан бирга саховат ва шараф соҳиби бўлганларидир. Улар мол-мулкини йўқотганда на кўз ёш тўкадилар ва на маҳзун бўладилар. Чунки уларнинг нафслари очкўзлик ва мол-мулк кўпайтиришдан йироқ. Расулуллоҳ соллаллоҳу алайҳи васаллам айтадилар: "Эй одамлар! Бойлик молнинг кўплигидан эмас, (ҳақиқий) бойлик – нафснинг бойлигидир. Аллоҳ азза ва жалла бандасига ёзилган ризқни беради. (Уни) яхшилик ила изланг. Ҳалолни олинг ва ҳаромни тарк этинг" (Абу Яъло ривояти). ©️ Шайх Муҳаммад Ғаззолий 🌐 https://t.me/+ZgkOZopwJwc3ZWEy

#Ҳадис Ибн Умар розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Агар инсонлар якка юришнинг зарарини мен билганчалик ҳис қилишганида эди, бирор йўловчи кечаси ёлғиз ўзи юрмас эди», дедилар. Имом Бухорий ривоятлари. @fitratuz