💠fakkii qulqullootaa jalqaba eenyutu kaasee❓❓❓❓
✝ Jalqaba waa’e fakki qulqullu gabaabati mee haa ilaalu. Fakki qulqullun akka seeratti kan kenne waaqayyoo dha. Kunis waaqayyo qulqullu taabota isaa yeroo museetti kennu, cina isaatti akka fakkiin kiruubeel kaafamu ykn boche ol kaa'u itti himeera (
s.ba’u 25:18; 1mootota 6:33;
s.ba’u 37:7).
✝ Waaqayyo raajicha isqii’eelin fakki magaala iyeeruusaalem akka kaasu itti himeera ( izqi’eel 4:1-3). Kanaaafu fakkin qulqullota kan egaalchiise waaqayyoo akka ta’e caqaasa armaan oli irra hubachun ni danda'aama.
💠kanaafu fakkiin qulqulloota haala Adda addatin ni kaafama. Bareefamoota irrati hunda'un fakki kaafamu. Fakkenyaaf qabsuura qulqullu giyoorgis irrati wa'een mucaa mooticha biruuktaayiti jedhamtu qulqulluun giyoorgis akka afaan jawwe keesa baase ni dubbata. Qabsuura Jechaan barra'e kana fakkin ka'un immo salphaa dha. Inni biroon immo waaqayyoo namoota ogumma fakki kaasu qaban kanati itti agarsisuun kan isaan bocan ta'a. Kunis mul'ata ykn abju arguun Kan raawatu dha. Akkasumas namoota yeroo taaten kun raawatu argaan ergaa gaafatani booda irra hubachuun yaadicha fakkin ibsuun Kan tau dha.
❤️ Fayiidan fakki qulqulloota keesa muraasni:-
1⃣ittin barsiissuuf keessumati iyyu namoota dubbisu hin dandeenyef,
2⃣abba qulqullun fakki sun bochamef jaalala ykn kabaja ittin keenuf, fi
3⃣abbotin akkamiti akka isaan amanta isaani eegani darbaan irra hubachun faana isaani akka buunuf.
⏪Fakki kakuu moofa keesssati ( s. lakk 7:89; s.lakk. 23:19;
s.ba’u 21:1; 1mootota 6:21-29; 2seena baraa 7:11-12; s.lakk 27:8-9; r.izqi’eel 4:1-3; r. izqi’eel 9:3; r. izqi’eel 10:1) dubisaa. Caqasoota armaan oli kun kakuu moofa keessatti waqayyo akka fakki qulqullun nuu barbaachisu fi itti fayyadamnuuf abbota keenyaaf kenne nuti himani dha.
⏩Kakuu haara keessati: gooftan keenya wagga 33 fi ji’a 3 addunya kana irra foon dhala nama uffatee yeroo deddebi’a turetti mana qulqullumma kan kakku moofa isa fakkin kiruubeel keessa jirutti deddebi’e barsiisaa, raajiwaan raawacha dha kan inni ture. Maarre ega osso fakkin hin barbaachisu ture fakkiile quqlulla’oo dura mana qulqullmma keesa jiran baasa jedha ture (mate 5:17 "seera Fi dubbi raajota diguufan dhufe miti kan hafe xumuruuf male" jedhe akkuma dubate).
💠Caqaasota kan me hayaatan haa dubisnu.
#Ergaa dhalate guyya 40 tti Gara mana qulqulluma deemera( luqaas 2:22-24);
#wagga 12 yeroo ta’uti ayaana faasika kabajuf gara mana qulqulluma deemera (luqas 2:41-50);
#guyya guyyan mana qulqullumati barsisa ture(mateyo 26:25);
#dukkubsatoota mana qulqullumati faayyiser (mat 21:12). Yeroo kana hunda raawatu fakkin qulqullun mana qulqulluma keesa ture baasa hin barbaachisu hin jenne. Yeroo warra mana amanta keesati sharaafan turan, qabeenya isaani gadi baase male fakki qulqullutti hin hin baasne.
⏫Fakki qulqulloota fuula dhabatani kadhachu:-
‼️ fakki qulqullotaf kabaja kennun waaqayyoof kabaja kennu dha. Sabaabin isaas Qulqulloni mana ykn bulto waaqayyo waan ta’ani (1 qor 6:19-20). fakkin qulqullota hin waaqefanna miti fayiida iaa akka arman oliti ilaaletti fayyadamna male. Fakki qulqullota fuula yeroo dhabbanne kadhaannu eebi isaani akka nurra bullu fi yaadni kenya akka hin tamsaanef nu gargaaru. waaqayyo kara tokko qofa fayyisa jedhani yaadun kenna waaqayyo xiqeesu dha.
#Me kana hubachuuf caqasa arman gaadi ha hubannu.
1⃣Uleen musee bishaan bakka lamatti yeroo hiru (
s.ba’u 4:17);
2⃣uffaatni eeliyaas yordaanosin bakka lamati qoode (2mootot 2:8);
3⃣gaadiddu pheexiroos dhukkubsatoota fayyiseera ( h.ergam 5:15-16);
4⃣uffatni phaawuulosi dhukkuubsaata fayyisa ture (h.ergamoota 19:12).
Egaa fakkin qulqulloota immo raaji kana oli hin rawwaturure? Kanaafu fakki qulqullu kan akka ka'u eyame waaqayyo dha, kan yeroo jalqabaaf kaase immo musee dha(
s.ba’u 25:18;
s.ba’u 37:7).
©Dn. Daniel M.
Chanalii kan join godhaa
https://www.youtube.com/channel/UCixJsjfc0bNNt9N3cpsm40Q?sub_confirmation=1
Galatoomaa.
https://youtu.be/_2FiVA_rBzE?si=aSkBTpo0v8ZsTRVQ