Ўзбекистон тумани ҳокимлиги

“Беш ташаббус олимпиадаси”нинг республика босқичида совриндор бўлган деҳқонободлик ёшларнинг маҳалласида спорт майдончаси қурилади Аввал хабар берилганидек, “Беш ташаббус олимпиадаси” доирасидаги спорт мусобақаларининг ҳудудий босқичларида Ўзбекистон туманилик ёшлар фаол иштирок этиб, Республика финал босқичи йўлланмасига эга чиқишган эди. Ана шу спортсеварлар орасида “Деҳқонобод” маҳалласи ёшлари пойтахтда бўлиб ўтган якуний финал босқичи мусобақаларида ҳам салмоқли натижаларга эришди. Жорий йилнинг 3-5 июл кунлари Тошкент шаҳрида олимпиаданинг енгил атлетика бўйича финал босқичи баҳслари бўлиб ўтди. Мусобақаларда Қорақалпоғистон Республикаси, барча вилоятлар ва Тошкент шаҳридан сараланган, ҳудудий босқичларда ғолиб чиққан йигит-қизлар беллашдилар. Муросасиз кечган баҳсларда деҳқонободлик ёшлардан иборат жамоа 2-ўринни қўлга киритди. Эндиликда Деҳқонободда 270 миллион сўм маблағ эвазига замонавий спорт майдончаси барпо этилади. @uzbaxborotxizmati

“Энг ёш маънавиятчи” кўрик-танлови бўлиб ўтди Маънавият ва маърифат маркази Ўзбекистон тумани бўлими томонидан “Энг ёш маънавиятчи” кўрик-танловининг туман босқичи ўтказилди. Ушбу танлов Давлатимиз раҳбарининг “Маънавий-маърифий ишлар тизимини тубдан такомиллаштириш чора-тадбирлари тўғрисида"ги қарори ижросини таъминлаш, давлат идораларига маънавий-маърифий ишларни тизимли йўлга қўйиш бўйича ҳар томонлама кўмаклашиш ҳамда уларнинг соҳадаги фаолияти самарадорлигини ошириш мақсадида ташкилланди. Тадбирда бу каби танловларнинг мунтазам ўтказилиши ҳудудларда ижтимоий-маънавий муҳит барқарорлигини мустаҳкамлаш, аҳоли, айниқса, ёшлар онги ва қалбида маънавий фазилатларни юксалтиришда муҳим омил бўлиши таъкидланди. Якуний натижаларга кўра, “Даштчўлпон” маҳалла фуқаролар йиғини ёшлар етакчиси Исфандиёр Зокиржонов ғолибликни қўлга киритиб, танловнинг вилоят босқичига йўлланма олди. Танлов ғолибларига ташкилотчиларнинг ташаккурнома ва эсдалик совғалари тақдим этилди. @uzbaxborotxizmati

Тинч масканда тараққиёт бўлади Ўзбекистон туманида “Хавфсиз шаҳар-осойишта маҳалла” махсус профилактик тадбирлари уюшқоқликда ўтказилмоқда. Эл тинчлиги, юрт осойишталигини таъминлаш йўлидаги ана шундай профилактик тадбирларнинг навбатдагиси 2-сектор ҳудудидаги маҳаллаларда ташкилланди. @uzbaxborotxizmati

❔ Telegram аккаунтингизни қандайдир онлайн-савдо дўконлари ёки турли хизматлар таклиф қилинадиган гуруҳлар, умуман шунга ўхшаш ўзингиз истамаган каналларга қўшиб қўйиш ҳолатлари кўпаймоқдами?

✈️ Медиасаводхонлик бўйича навбатдаги видеолавҳада Telegram аккаунтларини ташқи хавфлардан ҳимоялаш қоидалари ҳақида батафсил маълумот берилган.

Ҳарбий қисмда “Маънавият соати” бўлиб ўтди Республика Маънавият ва маърифат маркази Ўзбекистон туман бўлинмаси ҳамда туман ҳокимининг чегара масалалари бўйича ёрдамчиси ташаббуслигида тумандаги ҳарбий қисмда ҳарбий хизматчилар иштирокида маънавий-маърифий учрашув бўлиб ўтди. Учрашувда Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев томонидан таъкидланганидек, ҳарбий-жанговар салоҳият ва юксак маънавий салоҳият Ўзбекистон Қуролли Кучларининг икки буюк таянчига айланиши зарурлигига тўхталинди. Ўз ўрнида маънавий-маърифий озуқа ҳарбийлардаги ватанпарварлик ва жанговорлик руҳни юксалтиришда энг муҳим омил ҳисобланиши ҳақида сўз борди. Бугун юртимизда маънавий етук, баркамол авлодни тарбиялаш, таълим-тарбияни ривожлантириш, маърифатли жамиятни барпо этиш, инсон манфаатларини таъминлаш борасидаги ислоҳотлар ва уларнинг жойлардаги самарали ижроси тўғрисида мулоқотлар қилинди. @uzbaxborotxizmati

Ҳурматли хотин-қизлар! Ўзбекистон туман ИИБ даги “Тўмарис издошлари” жамоавий гуруҳига аъзо бўлишга таклиф этамиз! Вазирлар Маҳкамасининг қарорига асосан республикамиз бўйлаб “Тўмарис издошлари” жамоавий гуруҳлари фаолияти йўлга қўйилган. Қарорга кўра, 2023 йил 1 июндан: ёши 18 дан кичик ва 30 дан катта бўлмаган, умумий ўрта ёки ўрта махсус маълумотли, бириктирилган ҳудудда доимий яшовчи ҳамда мулоқотга киришувчан ва ташкилотчилик қобилиятига эга хотин-қизлар кўнгилли асосда жалб қилиш орқали “Тўмарис издошлари” жамоавий гуруҳлар фаолияти ташкил этилиши белгиланган. Мазкур гуруҳларнинг асосий вазифаларидан бири ўрта, қизларнинг хулқ-атворига салбий таъсир кўрсатаётган ҳамда уларнинг ҳуқуқ ва манфаатлари бузилиши билан боғлиқ масалаларни аниқлашда кўмаклашиш ҳисобланади. “Тўмарис издошлари” жамоавий гуруҳи туман ИИБ хотин-қизлар масалалари бўйича бўлинмаси ҳузурида 2 нафар аъзодан иборат таркибда шакллантирилади. Мурожаат ва батафсил маълумот учун: +998906273418 @uzbaxborotxizmati

Хотин-қизлар фаоллари “Заковат”да жам бўлди Ўзбекистон тумани маҳаллаларида фаолият кўрсатувчи хотин-қизлар фаоллари ўртасида “Заковат” интеллектуал ўйини ўтказилди. Туман оила ва хотин-қизлар бўлими ташаббуси билан ташкилланган танловда иштирокчилар секторлар кесимида тўрт гуруҳга бўлинган ҳолда ўзаро беллашдилар. Таъкидланишича, ўйинда мантиқий, тарихий ва бошқотирма саволлар билан бирга ходимларнинг соҳага оид қонунчиликдан қанчалик хабардор экани ҳам синовдан ўтказилди. Беллашувлар якунида 1-сектордан тузилган “Тараққиёт" жамоаси ғолибликни қўлга киритди. @uzbaxborotxizmati

Такрорий экин қўшимча даромад, тўкинлик манбаи: Ўзбекистон туманида ғалладан бўшаган майдонлардан унумли фойдаланиш чоралари кўрилмоқда Ўзбекистон туманида жорий йил ғалла ҳосилидан бўшаган майдонларда сабзавот, полиз, картошка, дуккакли ва бошқа экинларнинг тезпишар навларини қисқа муддатларда экиш, парваришлаш ҳамда аҳоли бандлигини таъминлаш бўйича зарур чора-тадбирлар кўриляпти. Хусусан, аҳолининг эҳтиёжманд қатлаби ва ишсиз ёшларга деҳқончилик қилиши учун ўз яшаш ҳудудларига яқин бўлган фермер хўжаликларидан такрорий экинлар экиш учун ҳар бир фуқарога ўртача 15-20 сотихдан ер майдонлари ажратиб берилмоқда. Бугун “21 аср хирмони” фермер хўжалиги дала майдонида ўтказилган учрашув ана шу тадбирлар самарадорлигини ошириш масалаларига бағишланди. Унда туман сектор раҳбарлари, Республика ишчи гуруҳи вакиллари, туман ҳокими ўринбосарлари, тегишли ташкилот ва муассасалар, экспортёр корхоналар вакиллари, маҳалла раислари ва жамоатчилик вакиллари иштирок этди. Учрашувда туман ҳокими Шерзоджон Юлдашев маҳалла ва ММТПлар кесимида айни йўналишда ташкилланаётган ишларнинг таҳлилини қилиб, сусткашликка йўл қўяётган масъулларнинг фаолияти танқид остига олинди. Такрорий экин экаётган фуқаролар билан “Томорқа хизмати” ҳамда экспортёр корхоналар ўртасида шартнома тузилиши, уларга сифатли уруғлик етказиб бериш чоралари муҳокама қилинди. Бириктирилган мутасаддиларга ўрим якунланган майдонларда тез ва қисқа муддатларда экин экиш, бўшаган ер майдонларини асосан “дафтар”лар рўйхатида турадиган, миграциядан қайтган ва ишсиз аҳоли вакилларига берилишини тўғри ташкиллаш бўйича аниқ топшириқлар берилди. Шу куни фермер хўжалик дала майдонларидан “Қудашобод” маҳалласида яшовчи 24 нафар ана шу тоифадаги аҳоли вакилларига 15 сотихдан ер майдони ажратиб берилди. Учрашув давомида қишлоқ хўжалигида фойдаланиладиган маҳсулотлар ярмаркаси ҳам ташкил қилинди. @uzbaxborotxizmati

Ғалла ўрими отрядлари масъулларининг меҳнат ва ташаббускорлиги эътироф этилди Аввал хабар берилганидек Ўзбекистон туманилик миришкор ғаллакорлар жорий йил ҳосилидан давлат хариди учун 14,8 минг тонна дон сотиш бўйича шартномавий режани бажариб, шу кунгача жами 50 минг тоннага яқин улкан ғалла хирмонини уюшни уддаладилар. Тумандаги 170 та фермер хўжаликларида етиштирилган ҳосилни нес-нобуд қилмасдан, ўз муддатида ва уюшқоқлик билан йиғиштириб олиш, натижада эса ёруғ юз билан ғалаба маррасини эгаллашда ташкилланган 20 та терим отрядлари масъулларининг ҳиссаси улкан бўлди. Бугун Қудашдаги пахта қабул қилиш масканида ўтказилган учрашувда ана шу терим отрядларининг ҳам меҳнати муносиб эътироф этилди. Туман сектор раҳбарлари томонидан уларга эсдалик совғалари топширилиб, фидоийлик, жонкуярлик ва юртга дахлдорлик ҳеч қачон тарк этмаслигига тилаклар билдирилди. @uzbaxborotxizmati