د.تَيسِير الصّادِق🔻|مُمكن نصلّ على الحبيب!

السلام عليكم ورحمة الله وبركاته 🎊بشرى سااااارة🎊 إليك عزيزتي المكبوتة الدافنة جوّاك كتير وحابة تعبّري عنه، وإليك غاليتي المتضايقة من سكوت زوجك وما قادرة تتعاملي معاه وقِنِعتي من الحياة الزوجية والتزمتي الصمت . 🍃وردنا البيان الآتي🍃 🍃🍃د.تيسير الغالية جاءتنا بالمفيد كعادتها والوصايا الجميلة🍃🍃 كونوا قريبين عشان نعرف نحل الأمور العالقة ونطلق العنان لمشاعرنا المكبوتة للوصول ل 🥀بيوت متطمنة🥀 .. 🥀عنوان اللقاء🥀 الصمت والسكوت بين الزوجين(كبت المشاعر) .. 🥀موعد اللقاء🥀 يوم الاثنين الساعة 2 بتوقيت السودان على مقرأتنا 🍃رواء الروح🍃 https://t.me/+uJzB8UNqhfoyYzhk

عارفين يوم الثلاثاء في شنو ؟♥️ يوم الثلاثاء هو يوم عاشُوراء = اللي صيامُه يكفّر ليك ذنوب سنة كاملة .. ده اليوم اللي ربنا سبحانه وتعالى نجّى فيهُ سيدنا موسى عليه السلام وقومه من ظُلم وطُغيان فرعون! ده اليوم اللي سيدنا موسى في عِز إنقطاع الأسباب قال بِيقين : ( كَلَّا إِنَّ مَعِيَ رَبِّي سَيَهْدِين) الحصل شنو ؟! ربنا جلّ جلالُه شقّ ليهُ البحر ونجّاهُ ونصرُه 💕 ده اليوم اللي ربنا قال فيه لسيدنا موسى عليه السلام : (قَد أوتيتَ سُؤلَكَ يا مُوسى) 🥹 حنصوم كيف ؟! نصومه ومعاهُ يوم قبله = يعني بكرة والثلاثاء ليه ؟ لمُخالفة اليهود . أو ممكن نصوم الثلاثاء واليوم اللي بعده يعني الأربعاء .. ما بتقدر تصُوم يومين ؟! صُوم يوم واحد اللي هو الثلاثاء ♡ خلّيها على صفحتك ،، ذكّر غيرك ،، في ميزان حسناتك #عاشوراء فاللهم كما آتيت موسى سُؤله آتِنا سؤلنا ويسّر أمرنا واجبُر خواطرنا إنك على كل شيء قدير . #أوتروا ممكن نصلّ على الحبيب!♥️ #تيسير_الصادق 🌿

بدأ البث يا جميلات .. وأي وحدة ضحكت في الإسم ما حتحضر نصف اللقاء 😁😜 ..

اَلسَّلَامُ عَلَيْكُمْ وَرَحْمَةُ اللّٰـهِ وَبَرَكاتُهُ‎ تدعوكم 🍃 مقرأة أخذها بـركة 🍃لحضور محاضـرة 🏷 العنوان : الزوجة النقناقة الشكّاية 😁🙊 مع التذكير بِفَضل عاشُوراء 💛 🏷 مع الجميــلة : د. تيسيـر الصادق 🎀 🔮اليــوم : الأحد 14/7/2024م ⏰الســاعة: 9:00 م توقيـت مكـة 8:00 م توقيـت السودان 🔗 تُنقل في مقرأة أخذهـا بـــركة عبر الرابط: https://t.me/+LXDuswq1rPc5NTQ0 💌 يُنزّل تسجيل اللقاء في قناة بيوت متطمّنة: https://t.me/+s91S3b6i0jE1ZGRk 🚫 يمنع التسجيل، وحضور الرجال. •┈•✿•┈••┈•✿•┈•

.. بتونس مع صحبتي عن جَبر الخاطِر 💕 قالت لَي : أختي لمّن انفصَلت عن زوجها كانت مُحتاجة زول يكون جنبها طُول الوقت . ف أنا أخدتَ إجازة من الشغل عشان أكون معاها في البيت اليوم كلّه وأحاول أطيّب خاطرها ♡ و أبوي الله يديهُ العافية عندُه ساعة راحة في نُص الدوام، بِقى يجي فيها البيت يشوفها ويتطمّن عليها ويرجع تاني يلحَق دوامُه . أمي بتحاوِل تونّسها بالقِصَص اللي فيها تفاؤل وكل يوم لازم تعِيد ليها : أمر المؤمن كله خير ،، و ربنا كريم حيعوّضك بإذنه تعالى ♡ حالياً أختي ليها ٤ سنين مما انفصَلت! الحمدلله ربنا أكرَمها واتزوّجَت وسعيدة شديد في حياتها ماشاء الله 😍 لكن كلما تجي سيرة جَبر الخواطر بتقول لينا : وقفتكُم معاي = هي اللي خلّتني أتخطّى الفترة الصعبة بسُرعة! الحمدلله على وجودكُم معاي ♡ وكما قِيل : " ‏أبداً لم ننسَ مَن هرولَ إلينا فى ظُلمتِنا "✨️ فاللهمّ طيِّب جرح القلوب واغمرها بالأمان والسعادة، أسألك قادِماً مُستحِقاً للصّبر ومُطَمئناً للروح والفؤاد، أن تدثّرني نعمائك وتستجيب بكَرمِك ما تمنّيته في رِضاك . ممكن نصلّ على الحبيب!♥️ #تيسير_الصادق 🥀

🌹.. الحمدُلله 😍 الكهرباء رجعت في بُري، والموية رجعت في شمبات بعد إنقِطاع طويل! بإذن الله يرجع سوداننا آمِن ومُستَقِر ♡ نرجع كُلّنا بيوتنا ونعيش سعيدين وخواطِرنا مجبورة . أبشِروا ♥️ ..

واحد فاضي برسّل لَي كل يوم في الماسنجر : توووتة ، تيسير رُبطة الجرجير 🙄 يا عسل يا وردة منورة ، الحلو مالو رافع قِزازو ردّي ليهُ ولغيرُه من النوعية دي : اللي ما بترضاهُ لاخواتك = ما ترضاهُ لبنات الناس! وهذه الفتاة غير صالحة للعلاقات المُحَرّمة . غير مُؤهَّلة للإختلاط بالرجال، الحمدُلله الذي رزقني هذا ومَنّ علَيّ بفضله ♡ فاللهم احفظني واستُرني وجميع المُسلمات، اجعلني ممّن صلّت فرضَها وقامَت ليلَها وأرضَت ربّها، أسألك يارحمن أن أعيش أيّامي في سعيٍ لِنَيلِ مرضاتك، فتُحسِن خاتِمتي وتكتُبني من أهل الجِنان . ممكن نصلّ على الحبيب!♥️ #تيسير_الصادق 🥀

يارب أي زول يعمل شير للمُبادَرة تجبُر خاطره تيسّر أمره وتنوّر دربُه، وتسعدُه في الدارين 😍 في القضارف .. مُبادرة شباب حي أركويت . الهدف : عمل وجبة راتبة للنّازحين بالإضافة لمُبادرة مُصاحبة تهدف لتوزيع الملابس وحملات رش مُكافحة الذباب والبعوض بِمراكز الإيواء . للمُساهمة : 1567394 مصعب إبراهيم #أوتروا ممكن نصلّ على الحبيب!♥️ #شير #السودان

قالت : من يوم عرِفنا عن ساعة الإستجابة يوم الجُمعة، بِقينا نتحرّاها أنا وزوجي . دعِيت ربنا يوفّق أخوي ويلقى بِت حلال ويتزوّج .. أخونا واحد عايزين نفرَح بيهُ!🥹 ماشاء الله تبارك الله أمبارح سَدّ مالُه على بنوتة زي العسل، وعقدهُم بعد شهر إن شاءالله ♡ وزوجي كان ما لاقي شُغل بعد الحَرِ ب، بعد بدينا الدعوات بِشهر ونُص بس جاهُ عقد عمل بالدولار في دولة أفريقيّة وحياتنا إتغيّرت كُلها اللهم بارِك 💕 ده غير دعوات كتيرة تانية إتحقّقَت . يوم الجُمعة ده بالعصر ،، ما بنفرِّط في ساعة الإستجابة نهائي ،، كان عندنا مُشوار بِنأجِّلُه 😁 وكل جُمعة = بنذكّر أهلنا وأصحابنا في المجموعات من جمال العطايا اللي عِشناها وشايفِنَّها الحمدُلله 😍 #ساعة_إستجابة فاللهُم مافي الفؤاد وأكثر، آتِنا ما تراهُ خيراً لنا ويسّر أمرنا، فتُسعِد قلوبنا بإستجابةٍ نخِرُّ لها حَمداً ساجِدين . ممكن نصلّ على الحبيب!♥️ #تيسير_الصادق 🌿

صحبتي خليجيّة أختها ماشاء الله تبارك الله عليها زولة طيبة وجميلة ومُحترمة جداً ♡ اتزوّجت وبعد ما طفلها الأول تمّ سنتين، عملوا حادث وزوجها اتوفّى ربنا يرحمه . مرَّت بلحظات صعبة شديد ،، أغلب اللي حوليها ضايَقوها وأقرَب الناس اتخلّوا عنها يوم رسلت لي تسجيل بتبكي قالت لَي : البنات في عُمري بِقوا يقولوا لَي عديل نحنا خايفين أزواجنا يعرّسوكِ! سبحان الله الفترة دِيك بدَت تحفظ قرآن، وكانت بتقرأ سُورة البقرة يوميّاً اللهم بارِك ♡ و عندها وِرد للصلاة على الرسول ﷺ بالصيغة الإبراهيميّة 💕 بتقول الصلاة الإبراهيميّة دي كل يوم بالآلاف ،، وقبل الفجر بعد تصلّي القيام بتقعُد تقولها . إتخيّلوا الحصَل شنو ؟🥹 ربنا أراد ليها تسافِر قطر ويقابلها واحد من المشايخ الكبار في البلد، ويطلُب يدّها من أبوها..! ماشاء الله تبارك الله الليلة هي وولدها عايشين في قصر، وزوجها شايِلها جُوّة عيونُه . وسعيدة سعادة ما بتقدر توصِفها ☺️ وبتقول لَي : ربنا جبَر خاطري جبر إتعجّبوا ليهُ كل الناس💕 .. كيف لا وبالصلاة عليه = يُكفى همُّك ويُغفَر ذنبُك! فاللهمّ صلّ على محمد وعلى آل محمد كما صليت على إبراهيم وعلى آل إبراهيم، وبارِك على محمد وعلى آل محمد كما باركتَ على إبراهيم وعلى آل إبراهيم إنك حميدٌ مجيد . #أوتروا ممكن نصلّ عليه!♥️ 🥀