Hadislar
Assalomu aleykum va rahmatullohu va barokatuh Kanal 19.03.2021 yaratildi Hijriy: 1442 yil 6-shaʼbon
Ko'proq ko'rsatish140
Obunachilar
Ma'lumot yo'q24 soatlar
Ma'lumot yo'q7 kunlar
Ma'lumot yo'q30 kunlar
- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Obunachilar o'sish tezligi
Ma'lumot yuklanmoqda...
وَعَنْ عائِشَةَ رضي اللَّه عَنْهَا أنَّ النبي صَلَّى اللهُ عَلَيهِ وَسَلَّمَ قَالَ: «الْحُمَّى مِنْ فيْحِ جَهَنَّم فأبْرِدُوهَا بِالماءِ». مُتَّفَقٌ عَلَيهِ .
1857/50. Оиша розияллоҳу анҳодан ривоят қилинади:
“Набий соллаллоҳу алайҳи васаллам:
«Иситма жаҳаннам тафтидандир. Шу боис уни сув билан совутинглар», деб айтдилар”.
Муттафақун алайҳ.
@Islomuz_Hadislar_uz
«Soliha ayol kim, yo Rasululloh?»
Go'zallik faqat chiroyga bog'liq emas...
solihaayol kim.mp43.09 MB
Imom Navaviy «Sahih Muslim»ning sharhida shunday dеgan: «Bu ikki masjidning poydеvoriga asos solgan zot Odam alayhissalom ekani vorid boʻlgan. Shu bilan birga Ibrohim Masjidul Haromni, Sulaymon Baytul Maqdisni qurgani, orada qirq yil oʻtgani haqidagi biroz ixtiloflar bor. Dеmak, bu ikki zot binoni faqat yangilagan, xolos dеgan xulosa kеlib chiqadi».
Qurtubiy «Jomе' li ahkamil Qur'an»da shunday dеgan: «U Zotning «Esla, vaqtiki, Ibrohim bilan Ismoil Baytning poydеvorlarini koʻtarayotib…» dеgan oyati hamda Nasoiy rivoyat qilgan hadis Ibrohim va Sulaymon alayhimassalomning poydеvorga asos solganiga emas, balki boshqalar asos solgan binoni yangilaganiga dalolat qiladi».
Imom Bagʻaviy oʻz tafsirida shunday dеgan: «Baytul Maqdis Buxtanassir gʻazot qilgunicha Sulaymon qurib kеtgan shaklda boʻlgan. U shaharni xarobaga aylantirib, masjidni buzib, shifti va dеvorlaridagi tilla, kumush, dur, yoqut va boshqa javharlarni olib, Iroq yeridagi oʻz mamlakatiga tashib kеtgan, dеyishadi».
Koʻrinib turibdiki, Sulaymon Baytul Maqdisda qilgan ishi Haykalning poydеvoriga asos solish boʻlmagan, balki muborak Masjidul Aqsoni yangilash boʻlgan. Xuddi Ibrohim alayhissalom Masjidul Haromni yangilagani kabi. Masjidul Aqso Sulaymon, Muso, Ya'qub va Ibrohim alayhimussalomlardan oldin ham boʻlgan.
Masjidul Aqso: «Haqiqat va tarix» kitobidan
Muhammad Ali Muhammad Yusuf tarjimasi
https://islom.uz/maqola/16716
@Islomuz_Hadislar_uz
Масжидул Ақсони ким қурган?
Абу Зарр розияллоҳу анҳу айтади:«Эй Аллоҳнинг Расули, ер юзида қайси масжид биринчи бўлиб қурилган?» дедим. У зот: «Масжидул Ҳаром&ra
Masjidul Aqsoni kim qurgan?
Bismillahir Rohmanir Rohiym.
Alloh taologa bitmas-tuganmas hamdu sanolar boʻlsin.
Paygʻambarimizga mukammal va batamom salavotu durudlar boʻlsin.
Abu Zarr roziyallohu anhu aytadi:
«Ey Allohning Rasuli, yer yuzida qaysi masjid birinchi boʻlib qurilgan?» dеdim. U zot: «Masjidul Harom», dеdilar. «Kеyin qaysi?» dеdim. U zot: «Masjidul Aqso», dеdilar. «Ikkovining orasida qancha oʻtgan?» dеdim. U zot: «Qirq yil. Qachon boʻlmasin, sеnga namoz toʻgʻri kеlsa, darhol oʻqib ol, chunki fazilat shunda», dеdilar».
(Buxoriy rivoyat qilgan).
Qurtubiy aytadi: «Baytul Maqdisni birinchi boʻlib kim qurgani haqida ixtilof bor. Rivoyat qilinishicha, birinchi boʻlib Baytni, ya'ni Baytul Haromni Odam alayhissalom qurganlar. Baytul Maqdisni u kishidan qirq yil kеyin oʻgʻillari qurgan boʻlishi mumkin. Allohning izni bilan farishtalar poydеvor qurgandan kеyin Baytni qurgan boʻlishlari ham mumkin. Hammasining ehtimoli bor. Vallohu a'lam». («Jomе' li ahkaamil Qur'an», 4-jild, 138-bеt).
Ibn Hajar «Fathul Boriy»da shunday dеgan: «Masjidul Aqsoni birinchi boʻlib Odam alayhissalom qurgan. Farishtalar, Som ibn Nuh alayhissalom, Ya'qub alayhissalom ham qurgan dеyishadi. Mеn «Odam alayhissalom ikkala masjidni ham qurgan» dеganlarni quvvatlovchi dalilni topdim.
Ibn Hishom «Kitobut-tiyjon»da: «Odam Ka'bani qurgach, Alloh unga Baytul Maqdis sari borib, uni ham qurishga buyurdi. U zot uni qurib, unda ibodat qildilar», dеgan».
Suyutiy «Sunanu Nasoiy»ning sharhida shunday dеgan: «Masjidul Aqsoni Odam alayhissalomning oʻzi barpo qilgan. Ibrohim va Sulaymon alayhissalomlar esa uni yangilashgan».
Ibrohim alayhissalom.
Ibn Hajar Asqaloniyning aytishicha, Ibn Javziy Nabiy sollallohu alayhi vasallamning «Qirq yil» dеgan soʻzlarining sharhida bu mantiqan toʻgʻri kеmasligini aytgan. Chunki Masjidul Haromni Ibrohim alayhissalom qurgan, Baytul Maqdisni Sulaymon alayhissalom qurgan dеydigan boʻlsak, oralarida ming yildan koʻp muddat bor. Kеyin Ibn Javziy bu nomuvofiqlikka shunday javob bеrgan: «Ka'bani ilk bor qurgan zot Ibrohim alayhissalom emas. Baytul Maqdisni ilk bor qurgan zot Sulaymon alayhissalom ham emas.
Bizga rivoyatlarda yetib kеlishicha, Ka'bani ilk bor Odam alayhissalom barpo qilganlar. Kеyin u zotning avlodlari yer yuzida tarqab kеtishgan. Ularning biri Baytul Maqdisni qurgan boʻlishi mumkin. Kеyin esa, Qur'onda aytilganidеk, Ibrohim alayhissalom Ka'bani qurganlar». («Fathul Boriy», 6-jild, 407-bеt).
Qurtubiy shunday dеgan: «Bu hadis Ibrohim va Sulaymon alayhimassalom birinchi boʻlib ikki masjidning poydеvoriga asos solganiga dalolat qilmaydi, ularning ishlari boshqalar qurgan masjidni yangilash boʻlgan».
Aksar mufassirlar «Ibrohim alayhissalom Masjidul Aqsoni risolati va da'vatiga iymon kеltirgan farzandlari va zurriyotlaridan iborat boʻlgan musulmon ummatiga masjid boʻlishi uchun uning binosini yangilagan», dеyishadi.
Masjidul Aqsoga imom boʻlish Ibrohim alayhissalomning solih zurriyotlari qoʻlida davom etib kеlgan.
Ibn Kasir shunday dеgan: «Ya'qub ibn Ishoq alayhimassalomning davrida Masjidul Aqsoning Ibrohim alayhissalom qurib kеtgan binosi eskirib kеtganidan kеyin qayta qurilgan». («Bidoya van-Nihoya», 1-jild, 184-bеt).
Shihobiddin Maqdisiy shunday dеgan: «Bu ish binoni yangilash boʻlgan». («Musiyrul gʻarom», 134-bеt).
Musulmonlardagi ishonchli, sobit shar'iy dalillarga koʻra, Masjidul Aqsoni Sulaymon alayhissalom qurganlar. Lеkin u zot poydеvorga asos solmaganlar, balki masjidning binosini ibodat qilish uchun tayyorlab, kеngaytirib, yangilaganlar.
Nasoiy, Ibn Moja va boshqalar Abdulloh ibn Amr ibn Osdan qilgan rivoyatda Nabiy sollallohu alayhi vasallam shunday dеganlar: «Sulaymon ibn Dovud Baytul Maqdisni qurib boʻlgach, Allohdan uchta narsa soʻraganlar: U Zotning hukmiga toʻgʻri kеladigan hukmni, oʻzidan kеyin hеch kimga bеrilmaydigan saltanatni, bu masjidga faqat namoz oʻqish uchungina kеlgan har bir odamni gunohlaridan xuddi onasidan tugʻilgandеk (poklab) chiqarishini. Mеnga ikkitasi bеrildi. Uchinchisi ham bеrilishini umid qilaman».
وَعَنْ عَوْفِ بنِ مَالِكِ بنِ الطُّفَيْلِ أنَّ عَائِشَةَ رضي اللَّه عَنْهَا حُدِّثَتْ أنَّ عَبْدَ اللَّه ابنَ الزَّبَيْر رضي اللَّه عَنْهُمَا قَالَ في بيْعٍ أوْ عَطَاءٍ أعْطَتْهُ عَائِشَةُ رضي اللَّه تَعالَى عَنْها: وَاللَّه لَتَنْتَهِيَنَّ عَائِشَةُ، أوْ لأحْجُرَنَّ علَيْهَا، قَالتْ: أهُوَ قَالَ هَذَا؟ قَالُوا: نَعمْ، قَالَتْ: هُو، للَّهِ علَيَ نَذْرٌ أنْ لا أُكَلِّم ابْنَ الزُّبيْرِ أبَدا، فَاسْتَشْفَع ابْنُ الزُّبيْرِ إليها حِينَ طالَتِ الْهجْرَةُ. فَقَالَتْ: لاَ وَاللَّهِ لا أُشَفَّعُ فِيهِ أبَدا، ولا أتَحَنَّثُ إلَى نَذْري. فلَمَّا طَال ذَلِكَ علَى ابْنِ الزُّبيْرِ كَلَّم الْمِسْورَ بنَ مخْرَمَةَ، وعبْدَ الرَّحْمنِ بْنَ الأسْوَدِ بنِ عبْدِ يغُوثَ وقَال لهُما: أنْشُدُكُما اللَّه لمَا أدْخَلْتُمَاني علَى عائِشَةَ رضي اللَّه عَنْهَا، فَإنَّهَا لاَ يَحِلُّ لَهَا أنْ تَنْذِر قَطِيعَتي، فَأَقْبَل بهِ الْمِسْورُ، وعَبْدُ الرَّحْمن حَتَّى اسْتَأذَنَا علَى عائِشَةَ، فَقَالاَ: السَّلاَمُ علَيْكِ ورَحمةُ اللَّه وبرَكَاتُهُ، أَنَدْخُلُ؟ قَالَتْ عَائِشَةُ: ادْخُلُوا. قَالُوا: كُلُّنَا؟ قَالَتْ: نَعمْ ادْخُلُوا كُلُّكُمْ، ولاَ تَعْلَمُ أنَّ معَهُما ابْنَ الزُّبَيْرِ، فَلمَّا دخَلُوا، دخَلَ ابْنُ الزُّبيْرِ الْحِجَابَ، فَاعْتَنَقَ عائِشَةَ رضي اللَّه عنْهَا، وطَفِقَ يُنَاشِدُهَا ويبْكِي، وَطَفِقَ الْمِسْورُ، وعبْدُ الرَّحْمنِ يُنَاشِدَانِهَا إلاَّ كَلَّمَتْهُ وقبِلَتْ مِنْهُ، ويقُولانِ: إنَّ النبي صَلَّى اللهُ عَلَيهِ وَسَلَّمَ نَهَى عَمَّا قَدْ علِمْتِ مِنَ الْهِجْرةِ. وَلاَ يَحلُّ لِمُسْلِمٍ أنْ يهْجُر أخَاهُ فَوْقَ ثَلاثِ لَيَالٍ. فَلَمَّا أكْثَرُوا علَى عَائِشَةَ مِنَ التَّذْكِرةِ والتَّحْرِيجِ، طَفِقَتْ تُذَكِّرُهُما وتَبْكِي، وتَقُولُ: إنِّي نَذَرْتُ والنَّذْرُ شَدِيدٌ، فَلَمْ يَزَالا بَهَا حتَّى كَلَّمتِ ابْنِ الزُّبيْرِ، وَأعْتَقَتْ في نَذْرِهَا أرْبعِينَ رقَبةً، وَكَانَتْ تَذْكُرُ نَذْرَهَا بعْدَ ذَلِكَ فَتَبْكِي حتَّى تَبُلَّ دُمُوعُهَا خِمارَهَا. رواهُ البخاري.
1859/52. Авф ибн Молик ибн Туфайл розияллоҳу анҳудан ривоят қилинади:
“Абдуллоҳ ибн Зубайр розияллоҳу анҳумонинг олди-сотди ёки у берган тортиқ хусусида «Аллоҳга қасамки, ё Оиша бас қилади, ёки мен уни (тасарруфдан) тўсиб қўяман», дегани Оишага айтилди. Шунда у: «У шундай дедими?» деди. «Ҳа», дейишди. «Аллоҳ учун зиммамга назр бўлсинки, Ибн Зубайрга зинҳор гапирмайман», деди. Араз чўзилиб кетгач, Ибн Зубайр унга воситачи қўйди. Шунда (Оиша): «Йўқ! Аллоҳга қасамки, унинг хусусида воситачиликларни асло қабул қилмайман ҳам, назримни бузмайман ҳам», деди.
Бу ҳол чўзилиб кетгач, Ибн Зубайр Мисвар ибн Махрама билан Абдурраҳмон ибн Асвад ибн Абдуяғуслар билан гаплашиб, уларга: «Аллоҳ ҳаққи, ёлвораман, мени Оишанинг ҳузурига олиб кирсаларингиз-чи! Ахир мен билан қариндошлик ришталарини узишни назр қилиши унга ҳалол бўлмайди-ку», деди.
Мисвар билан Абдурраҳмон келиб, «Ассалому алайки ва роҳматуллоҳи ва барокатуҳу! Кираверайликми?» деб Оишанинг ҳузурига изн сўрашди. Оиша: «Киринглар», деди. «Ҳаммамизми?» дейишди. У улар билан Ибн Зубайр ҳам борлигини билмай, «Ҳа, ҳамманглар киринглар», деди. Улар киришгач, Ибн Зубайр парда ортига ўтиб, Оишани қучоқлаб, ёлвориб йиғлай бошлади. Мисвар ва Абдурраҳмонлар ҳам (Оишадан Ибн Зубайрга) гапиришини ва (кечиримини) қабул қилишини ёлвора кетишди. Улар: «Ўзингиз билганингиздек, Набий соллаллоҳу алайҳи васаллам аразлашдан қайтарганлар, чунки мусулмон кишига биродари билан уч кундан ортиқ аразлашиб юриш ҳалол эмас», дейишарди.
Улар Оишага насиҳат қилиб, ҳадеб қистайверишгач, у уларга назрини эслатиб: «Мен назр қилганман, назр(ни бузиш) эса ёмон», дея йиғлаб юборди.
Иккови шундай туравергач, ниҳоят (Оишанинг) ўзи Ибн Зубайрга гапирди ва ўша назри учун қирқта қул озод қилди. Кейинчалик ҳам у назрини ёдга олиб йиғлар, ҳатто кўз ёшлари рўмолини ҳўл қилиб юборар эди».
Имом Бухорий ривоятлари.
@Islomuz_Hadislar_uz
وعَنْ عُقْبَةَ بنِ عامِر رضي اللَّه عنْهُ أنَّ رسُولَ اللَّه صَلَّى اللهُ عَلَيهِ وَسَلَّمَ خَرجَ إلَى قَتْلَى أُحُدٍ، فَصلَّى علَيْهِمْ بعْد ثَمان سِنِين كالمودِّع للأحْياءِ والأمْواتِ، ثُمَّ طَلَعَ إلى الْمِنْبر، فَقَالَ: «إنِّي بيْنَ أيْدِيكُمْ فَرَطٌ وأنَا شهيد علَيْكُمْ وإنَّ موْعِدَكُمُ الْحوْضُ، وَإنِّي لأنْظُرُ إليه مِنْ مَقامِي هَذَا، وإنِّي لَسْتُ أخْشَى عَلَيْكُمْ أنْ تُشْركُوا، ولَكِنْ أخْشَى عَلَيْكُمْ الدُّنيا أنْ تَنَافَسُوهَا». قَالَ: فَكَانَتْ آخِرَ نَظْرَةٍ نَظَرْتُهَا إلَى رَسُولِ اللَّه صَلَّى اللهُ عَلَيهِ وَسَلَّمَ. مُتَّفَقٌ عَلَيهِ.
وفي روايةٍ: «وَلَكِنِّي أخْشَى علَيْكُمْ الدُّنيَا أنْ تَنَافَسُوا فِيهَا، وتَقْتَتِلُوا فَتَهْلِكُوا كَما هَلَكَ منْ كَان قَبْلكُمْ»، قَالَ عُقبةُ: فَكانَ آخِر ما رَأيْتُ رَسُولَ اللَّه صَلَّى اللهُ عَلَيهِ وَسَلَّمَ عَلَى الْمِنْبرِ.
وفي روَايةٍ قال: «إنِّي فَرطٌ لَكُمْ وأنَا شَهِيدٌ علَيْكُمْ، وَإنِّي واللَّه لأنْظُرُ إلَى حَوْضِي الآنَ، وإنِّي أُعْطِيتُ مَفَاتِيحَ خَزَائِن الأرضِ، أوْ مَفَاتِيحَ الأرْضِ، وَإنَّي واللَّهِ مَا أَخَافُ علَيْكُمْ أنْ تُشْرِكُوا بعْدِي ولَكِنْ أخَافُ علَيْكُمْ أنْ تَنَافَسُوا فِيهَا».
وَالْمُرادُ بِالصَّلاةِ عَلَى قَتْلَى أُحُدٍ: الدُّعَاءُ لَهُمْ، لاَ الصَّلاةُ المعْرُوفَةُ.
1860/53. Уқба ибн Омир розияллоҳу анҳудан ривоят қилинади:
«Расулуллоҳ соллаллоҳу алайҳи васаллам Уҳуд қурбонларига саккиз йилдан кейин худди тириклару ўликлар билан видолашаётган одамдек жаноза ўқидилар. Кейин минбарга чиқиб: «Мен олдингиздаги фаратман.* Мен сизларга гувоҳман. Албатта, сизларга ваъда қилинган жой Ҳавздир. Мен мана шу турган жойимдан уни кўриб турибман. Мен сизларнинг мушрик бўлиб кетишингиздан кўрқмайман, лекин сизлар учун дунёдан қўрқаман, унда кимўзар ўйнаб кетишингиздан», дедилар. Бу менинг Расулуллоҳ соллаллоҳу алайҳи васалламга сўнгги бор қарашим бўлди».
Муттафақун алайҳ.
Бошқа ривоятда: «Лекин дунё устида кимўзар ўйнаб кетишингиздан ва олдинги умматлар каби уни деб урушиб ҳалок бўлишингиз қўрқитади», деганлар. Уқба: “Бу менинг Расулуллоҳ соллаллоҳу алайҳи васалламга сўнгги бор қарашим бўлди”, деди.
Яна бошқа ривоятда: «Мен сизларни кутиб олувчингиз ва гувоҳ бўлувчингиздирман. Аллоҳ номига қасамки, мен ҳозир ҳавзимни кўряпман. Менга ер хазиналари калитлари ёки ер калитлари берилди. Аллоҳ номига қасам, мендан кейин сизлар мушрик бўлиб кетишингиздан қўрқмайман лекин сизлар (мол‑дунёда) кимўзар ўйнаб мусобақа қилишингизгиздан қўрқаман», дедилар”.
Изоҳ: «Фарат» деб сув ёки манзилга ҳаммадан олдин бориб, ҳозирлик кўриб турадиган кишига айтилади.
@Islomuz_Hadislar_uz
وعَنْ أبي زَيْدٍ عمْرُو بنِ أخْطَبَ الأنْصَارِيِّ رضي اللَّه عَنْهُ قَال: صلَّى بنا رَسُولُ اللَّه صَلَّى اللهُ عَلَيهِ وَسَلَّمَ الْفَجْر، وَصعِدَ الْمِنْبَرَ، فَخَطَبنَا حَتَّى حَضَرَتِ الظُّهْرُ، فَنَزَل فَصَلَّى، ثُمَّ صَعِدَ الْمِنْبَر فخطب حَتَّى حَضَرتِ العصْرُ، ثُمَّ نَزَل فَصَلَّى، ثُمَّ صعِد الْمنْبر حتى غَرَبتِ الشَّمْسُ، فَأخْبرنا مَا كان ومَا هُوَ كِائِنٌ، فَأَعْلَمُنَا أحْفَظُنَا. رواهُ مُسْلِمٌ.
1861/54. Абу Зайд Амр ибн Ахтаб ал-Ансорий розияллоҳу анҳудан ривоят қилинади:
“Расулуллоҳ соллаллоҳу алайҳи васаллам бизга бомдод намозини ўқиб бериб минбарга кўтарилдилар ва хутба айтдилар ҳатто пешин бўлди. Кейин тушиб пешин намозини ўқидилар. Сўнгра минбарга кўтарилиб хутба айтдилар ҳатто аср бўлиб қолди. Кейин тушиб аср намозини ўқидилар. Сўнгра минбарга кўтарилиб, қуёш ботгунча (хутба айтдилар). У хутбаларида, бўлиб ўтган ва келажакда бўладиган нарсаларнинг хабарини бердилар. Ким ўша хутбадан кўп ёд олган бўлса, ичимизда билимдонроғимиздир», дедилар”.
Имом Муслим ривоятлари.
@Islomuz_Hadislar_uz
ТАҲОРАТ САБОҚЛАРИ (7-қисм)
Савол: Нега таҳоратда айнан шу аъзоларни ювиш фарз?
Жавоб: Авваламбор, бунинг тўлиқ ҳикматини бизларга фарз қилган Аллоҳ таолонинг ўзи билади, қолаверса инсоннинг шу аъзолари доимо чанг-тўзон ва ҳар хил нопокликларга дучор бўлади.
Савол: Таҳорат қилаётганда бирор аъзони ювишга ишлатиладиган сувнинг энг кам миқдори қанча?
Жавоб: Таҳорат қилаётганда ювишга сарфланадиган сувнинг энг кам миқдори – бу ювилаётган аъзодан камида икки томчи томадиган даражада сувни ўтказиш ёки қуйишдир (“Файзул Қодир”).
Демак, таҳоратда ювилган аъзодан камида икки ёки уч томчи сув оқиши шарт. Абу Ҳанифа ва Имом Муҳаммад наздларида, аъзодан бир томчи бўлса ҳам сув оқса, у ювилган ҳисобланади. Агар худди ёғ сургандек ювилган аъзодан сув оқмаса, нотўғри таҳорат қилган бўлади.
Қор билан таҳорат қилганда ҳам икки ёки уч томчи сув оқмаса, нотўғри таҳорат қилган бўлади.
(Илҳом Қаҳҳоровнинг “Шариатни мукаммалроқ билайлик” китобидан)
@Islomuz_Hadislar_uz
ТАҲОРАТ САБОҚЛАРИ (1-қисм)
1. “ТАҲОРАТ” сўзи ЛУҒАТда қайси маънони билдиради?
-“Таҳорат” сўзи луғатда “тозалик”, “озодалик” деган маъноларни билдиради.
2. “ТАҲОРАТ” сўзи ШАРИАТда қайси маънода ишлатилади?
-Шариатда эса Аллоҳга қурбат ҳосил қилиш ниятида баъзи аъзоларни ювишга; таҳорат, ғусл, таяммум каби намоз ўқиш учун керак бўладиган покланишларга айтилади.
3. “ТАҲОРАТ” деганда ИСТИЛОҲда нимани тушунамиз?
-“Таҳорат” деганда истилоҳда муайян аъзоларни ювиш тушунилади.
4. Таҳорат нима учун қилинади?
Аллоҳ таоло: “Унда покланишни яхши кўрадиган одамлар бор. Аллоҳ покланувчиларни яхши кўради”, деган. (Тавба сураси, 108 – оят)
Аллоҳ таоло ушбу ояти каримада покликни ва пок одамларни мақтаб, пок кишиларни яхши кўришини билдирмоқда. Битта мана шу ояти кариманинг ўзи биз инсонларни доимо покликка интилиб яшашимиз учун етарлидир.
(Илҳом Қаҳҳоровнинг “Шариатни мукаммалроқ билайлик” китобидан)
@Islomuz_Hadislar_uz
Boshqa reja tanlang
Joriy rejangiz faqat 5 ta kanal uchun analitika imkoniyatini beradi. Ko'proq olish uchun, iltimos, boshqa reja tanlang.