Рэсурсны цэнтр Беларускай Рады культуры

🌿 Канец вясны і пачатак лета — час, калі прырода квітнее, лясы і паркі поўняцца п’янкімі пахамі, зёлкі маюць надзвычайную сілу, пад дрэвамі з’яўляюцца першыя грыбы 🍄. Да Купалля дзень ідзе ўгару, а ў паветры разліваецца чыстае чараўніцтва. У якасці лога на гэты час мы выкарыстоўваем фрагмент работы “Вядзьмарчына вячэра” беларускай мастачкі Наталлі Бяляевай. Цяпер Наталля жыве ў Польшчы і ладзіць заняткі па маляванні онлайн. Час ад часу мы мяняем фрагменты мастацкіх работ у нашым лога. Бо нават лагатып Рэсурснага цэнтра — прастора для мастацкага выказвання беларускіх творцаў, то бок, для вашага выказвання. 📌 Калі вы — мастак і хочаце, каб на нашым лога з’явілася вашая работа, — пішыце на [email protected]. ❗️Памятайце, што Рэсурсны цэнтр Беларускай Рады культуры — частка экстрэмісцкага фармавання. Беражыце сябе, клапаціцеся пра ўласную бяспеку ў сеціве.

🔥 Кіраўнік @radakultury Сяргей Будкін — госць шоу “Ноч з Чалым”. Падчас інтэрв’ю гаворка ідзе пра: 🔺бюджэты на культуру і якіх грошай было б дастаткова, каб забяспечыць усе патрэбы беларускіх творцаў; 🔺строгія іерархіі ў кіраванні культурай і чаму Рада — не мінкульт; 🔺#ArtPowerBelarus як нашую візітоўку на сёння, але не адзіны праект, якім мы можам ганарыцца; 🔺важнасць культурніцкай дыпламатыі і поспехі нашай іміджавай кампаніі #art_born_Belarus; 🔺новы Клуб беларускіх мецэнатаў, які падчас праграмы публічна прадстаўлены ўпершыню. Па меркаванні Сяргея, нацыянальная культура беларусаў і беларуская мова — моцны сродак яднання, крыніца эмпатыі, абарона ад жорсткасці і прышчэпка ад таталітарызму. Ці згодныя вы з ім? 📺 Глядзець выпуск цалкам

🔥 Раскажыце пра свой самы вялікі правал у рэалізацыі праекта, станьце пераможцам галасавання ў чаце і атрымайце распрацоўку візуалу ад дызайнера Уладзіміра Маляўкі ў якасці прызу. Супольнасць “Культурны Код” запрашае на “Пітчынг бліскучых правалаў, або FuckUP event”. ⏰ Калі: 16 траўня 17.00 (Варшава) / 18.00 (Мінск-Вільня) Дзе: Zoom Фармат: 5 хвілін пітча плюс 5-7 хвілін на абмеркаванне. Пераможцу вызначаць галасаваннем у чаце. “Мы не верым у памылкі і дакладна ведаем, што кожны правал можна ператварыць у важны крок на шляху да поспеху. Таму прапануем у гэты чацвер шчыра падзяліцца сваім карысным, а часам і вясёлым досведам фатальных памылак”, — заклікаюць арганізатары. 🎁 Прыз — распрацоўка візуалу для вашага праекта ад стваральніка брэнда Znivien (https://www.instagram.com/znivien_2020/) дызайнера Уладзіміра Маляўкі. 👉 Зарэгістравацца (да 15 траўня 23.59 CET) Праект “Культурны Код” фінансуецца Еўразвязам у межах праекта EU4Culture, які рэалізуецца Інстытутам імя Гётэ.

Акторы-купалаўцы Алег Гарбуз, Сяргей Чуб і музыка Уладзімір Пугач прадставілі ў варшаўскім Teatr Dramatyczny спектакль “Зэкамерон”. У яго аснове — кніга палітвязня Максіма Знака. Стваральнікі вызначаюць жанр спектаклю як “турэмны кватэрнік”. Гэта замалёўкі з-за кратаў, дапоўненыя песнямі на вершы іншых палітзняволеных, якія Уладзімір Пугач напісаў для дзеі. Да каманды далучыўся польскі рэжысёр Войцех Урбаньскі, які дапамог аб’яднаць усе элементы канц. “Гэта вельмі патрэбны спектакль тут і цяпер. Ён пастаўлены далікатна, без надрыву, але праз дэталі пра павучкоў і снегавічкоў распавядае пра той жах, які адбываецца зараз у турмах Беларусі”, — дзеліцца ўражаннямі кіраўнік Беларускай Рады культуры Сяргей Будкін. Падрабязней пра пастаноўку Квіткі на прэм’еру разышліся літаральна за содні, а новыя паказы запланаваныя на 21-23 чэрвеня. Сачыце за афішамі! Праект падтрыманы праграмай #ArtPowerBelarus, што ладзіцца @radakultury i Дацкім інстытутам культуры пры фінансавым спрыянні Еўразвязу. 📷 Купалаўцы

⚡️Навучальная праграма #ArtPowerBelarus запрашае на адкрыты экспрэс-курс “Сам сабе SMM”. Спікер — спецыяліст па медыйнай камунікацыі Раман Абрамчук. ⏰ Калі? 10 траўня, 17:00 (Варшава) / 18:00 (Менск, Вільня) Дзе? Zoom Падчас лекцыі, якая будзе доўжыцца 3 акадэмічныя гадзіны, гаворка пойдзе пра: ▪️асаблівасці працы розных сацыяльных сетак і месенджараў; ▪️найлепшыя практыкі стварэння эфектыўных публікацый у розных фарматах; ▪️танальнасць камунікацыі і як яе правільна выбіраць у залежнасці ад сеткі, кантэксту, аўдыторыі; ▪️сторытэлінг і яго элементы, якімі можна эфектыўна карыстацца ў сацсетках. Вы навучыцеся: ▪️самастойна ствараць паблікі і рабіць іх эфектыўнымі; ▪️знаходзіць інфанагоды для пастоў у моманты, калі посціць, здаецца, няма чаго; ▪️ размаўляць з падпісантамі на зразумелай ім мове. Далучыцца да онлайн-сустрэчы можа кожны! Пабачымся!

💥 Беларускія пісьменнік і пісьменніца Альгерд Бахарэвіч і Юля Цімафеева, перакладчык Сяргей Шупа і выдавец Андрэй Янушкевіч едуць у турнэ! Маршрут пралягае праз 5️⃣ гарадоў Еўропы. Пачатак – 9 траўня ў Вільні, а завяршэнне – 19 траўня ў Празе. Літаратары завітаюць таксама ў Рыгу, Талін, Уроцлаў. “Нашае турнэ важнае трыма аспектамі, – кажа Альгерд Бахарэвіч. – Гэта “пашырэнне прасторы барацьбы”. Геаграфічнай, культурніцкай, прасторы новых знаёмстваў. Гэта магчымасць вельмі каштоўнага жывога кантакту з беларускімі чытачамі. І я, і Юля ведаем, як жыва беларусы ў розных краінах адгукаюцца на магчымасць задаць пытанні пісьменнікам. Гэта цудоўны шанец паказаць новыя кнігі і зацікавіць імі ўсіх, хто чытае па-беларуску. А яшчэ для мяне асабіста гэтае турнэ — яшчэ адно пацверджанне паслання, што я нясу свету ўжо даўно: Беларусь — гэта Еўропа”. Расклад выступленняў, навіны з вандроўкі *Пры падтрымцы праграмы мабільнасці #ArtPowerBelarus @radakultury і Дацкага інстытута культуры і фінансавым спрыянні Еўразвязу.

Плануеце сустрэчу працоўнай каманды, навучальны семінар ці стратэгічную сесію арганізацыі? Запрашаем правесці ваш прафесійны івэнт у нашай Гасцёўні. Што мы прапануем: 🔸 утульнае і прасторнае памяшканне ў гістарычным цэнтры Вільні (Šv. Ignoto g. 5), дзе змесціцца да 30 удзельнікаў; 🔸 відэаабсталяванне для сустрэчы ў гібрыдным фармаце (камера, вялікі манітор, мікрафон); 🔸 мэбля, посуд для кава-паузы; 🔸 дапамога ў агранізацыі і інфармацыйная падтрымка ў нашых каналах (на запыт). Падрабязней пра прастору Зарэзерававаць памяшканне Уважліва чытайце ўмовы карыстання, запаўняйце форму і #сустрэнемся_ў_гасцёўні.

🗣 У эфіры навіны #ArtPowerBelarus. Каманда праграмы падтрымання беларускай культуры завяршыла прыём і першасную праверку заявак на міні-гранты, а таксама гатовая падзяліцца вынікамі пасяджэння адборачнай камісіі, прысвечанай апошнім грантам мабільнасці. Такім чынам, камісія прыняла рашэнне аб падтрыманні 1️⃣0️⃣ заявак на праграму мабільнасці. Атрымальнікі грантаў у хуткім часе здзейсняць вандроўкі з мэтай прафесійнага развіцця. За міні-гранты ArtPower Belarus у межах бягучага туру будуць змагацца 1️⃣0️⃣0️⃣ заявак. Канкурэнцыя абяцае быць напраўду моцнай, бо ўжо традыцыйна годных праектаў пададзена шмат. Адборачная камісія, якая вырашыць лёс заяўнікаў, збярэцца напрыканцы траўня. Тады і будуць абраныя праекты, што атрымаюць апошнія міні-гранты нашай праграмы. ❤️ Зычым поспехаў кожнаму праекту! Застаемся на сувязі! ArtPower Belarus рэалізуецца @radakultury і Дацкім інстытутам культуры пры фінансавым спрыянні Еўразвязу.