ايلُِوُلُِ..."🌸

سمعت د.ياسر الحزيمي بيقول إن سيدنا علي بن أبي طالب لما كان شاب طلب من النبي ﷺ يعلّمه دعاء يَكُن خيرًا له فَقال له النبي ﷺ : "قُل اللهُم اهدِني وسَددني". لأن فترة الشباب كلها لغبطة؛ فأنت محتاج ربنا يهديك للطريق الصح المُناسب ليك؛ ويوفقك ليه .. وكمان يسددك في الطريق ده عشان انت ممكن ربنا يهديك الطريق بس متقدرش تكمل فيه، أه عارف إن ده طريقك بس مش قادر تحقق فيه حاجه .. وادعي كمان إن ربنا يرضيك بيه عشان ماتفكّرش إن أي طريق تاني كان هيبقى خير ليك أكتر منه؛ فَكده انت في الطريق الصح ومُسَدد فيه وراضي بيه. ♥️

ربنا يجعلها جمعة سكون، وسَكينة وطمأنينة وتفريج هموم على بيوتنا كلها♡︎.

- ايه أفضل عمل نقدر نختم بيه السنة الهجرية ونبدأ بيه سنة جديدة ؟؟ "التوبة النَصوح، إنك تقول اللهم إنّي أستغفرك مما أعلم ومما لا أعلم ومما أنت به أعلم إنك أنت الأعز الأكرم .. يعني أستغفرك يارب من ذنوب عملتها وعارفها وفاكرها، وأستغفرك من ذنوب أنا عملتها ونسيتها، وأستغفرك من حاجات أنت تعلمها عنّي وإدراكي من كُتر ماهوّ ضعيف ما أدركتش أصلا إنها حرام". ♥️ اللهُم إن كُنا مُحسنين فَزِد في حسناتنا، وإن كنا مُسيئين فتجاوز عن سيئاتنا.

‏- ليلة جُمعة أكثِرو من الصّلاة ع النبي 🤍 اللهمُ صل وسلِم على نبيّنا مُحمدﷺ 🤍

تذكير ليلة الجمعة : كثرةُ الصَّلاةِ على النَّبيِّ ﷺ تفتَحُ المَغَالِق وتُخفِّفُ المتاعِب ♥️

العُمر ما بقاش فيه وقت تضيَّعه في التركيز مع الناس. سيب اللي يبعد عنّك بمزاجه يبعد. واللي ينشغل عنّك بمزاجه هو حُر. واللي يبطّل يسأل عليك بمزاجه بردو هو حُر. ما تستناش من حد إعتذار ولا حتى تقدير. من هنا ورايح حُط ربنا سُبحانه وتعالى قُدامك في كُل تعامُلاتك وإعمل اللي يرضيه ويريَّح ضميرك وبس.

أغلبنا في السجود بنقول "سبحان ربي الأعلى ، سبحان ربي الأعلى ، سبحان ربي الأعلى" فيه حاجه مهمة جداً نقدر نضيفها وهي سنة مهجورة عن النبي صلى الله عليه وسلم ويا بخت الي يحيي سنة عن النبي وهو دعاء جميل جداً "اللهم لك سجدت ، وبك آمنت ، ولك أسلمت ، سجد وجهي ، للذي خلقه وصوره ، وشق سمعه وبصره ، تبارك الله أحسن الخالقين" فـ ياريت تحفظه وتدعي بيه في سجودك ♥️

﴿فِي جَنَّةٍ عَالِيَةٍ﴾.. كل بيت فيه شخص عزيز غاب بس مكانه ومكانته في القلب زى ما هما.. ربنا يرحم كل الطيبين اللي غابوا عن العيون بس غلاوتهم فضلت، واللي كراسيهم فضيت بس ريحتهم لسه فيها، واللي صوتهم اختفى بس صداه لسه في القلب.. ربنا يديم سيرتهم الحلوة وسطنا، ويقدرنا نكون امتدادهم الطيب، ويجعلهم فخورين بينا من مكانهم في الجنة.

يحدُث أن تُغلق أمامك كُل سُبل النجاة في الدُنيا، لم يعد لديك أحد تلجأ إليه، لا يوجد أمامك كتف تتكئ عليه، ولا توجد أيادي ممدودة إليك، ضاقت الدُنيا وأُغلقت أبوابها وذهبت ناسك .. لم يبقى لك سوى باب (الله) وحتى ذلك الباب تشعُر بالخجل وأنت تطرُقه .. تشُعر أنّك مُقصر ولا تستحق حتى رحمة الله وعفوه.