محاسب قانونى ومستشار مالى : محمد صابر بكر

٢ جروب جداد ؛===========؛ ١- جروب محاسبة التكاليف - لمتخصصى التكاليف https://www.facebook.com/groups/448366979195131/ ٢- جروب التحليل المالى - متخصص للمحللين المالين https://www.facebook.com/groups/1291851784351723/

- لما بحس بأحباط = بشغل سورة البقره وبستريح وبيرجعلى التوازن الفكرى - لما بحس بحسد = بشغل سورة البقره فربنا بيبعد عنى اى عين - لما بحس بكسل = بشغل سورة البقره فالشيطان بيبعد عنى والنشاط بيرجع ليا انصحكم بسماعها والتركيز معاها اخوكم : محمد صابر بكر

مشكلة المحاسبين مع التحليل المالى ؛=======================؛ ☜ ان المحاسب بيشوف القوائم والبنود بفكر التصنيف والمعايير ☜ انما المحلل المالى بيشوف القوائم والبنود من فكر : ١- هل يوجد تلاعب او استراتيجية مطبقه لاخفاء الخسائر ٢- او هل تم استخدام المحاسبه التجميليه فى اقفال القوائم لاخفاء الخسائر ٣- ثم يسعى لاكتشاف طريقة ادارة الشركه للشركه ثم يبدأ فى كتابة تقريره ومازالت مقتنع ان المحاسبين اولى بهذا المجال لانهم هيكونوا اقوى من غيرهم لان مجال التحليل المالى فى الاصل مجالهم .... والله المستعان محمد صابر بكر محاسب قانونى وخبير مالى

اهمية تحليل مراكز التكلفه ؛=================؛ مراكز التكلفه بيتم العمل عليها اثناء انشاء قيد اليوميه وهى تعتبر خريطه للتكاليف للمنشأه ومهمه جدا ايضا فى التحليل المالى (تحليل الايرادات والمصروفات) وانا شخصيا بشتغل بيها بطريقتين :- - الاولى هو مركز تكلفه عام للمنشأه فى البنود العامه - الثانيه فى العمليات ودى اجملهم بصراحه لانى بحمل على العمليه ايرادتها ومصروفاتها ولما تخلص العمليه بعملها كشف حساب بمركز تكلفتها واحلل فيه علشان اعالج العيوب ومتتكررش تانى محمد صابر بكر محاسب قانونى وخبير مالى

من وجهة نظرى اهم حاجه تعملها لو ناوى تفتح مصنع (انك تتأكد ان المكن والمعدات هيتباعوا بسعر معقول لو انت حبيت توقف مشروعك)

لكل خريجى تجاره ٣ مواد تهتم بيهم لو حابب تكون مميز ولك مستقبل : ١- محاسبة التكاليف ٢- دراسات الجدوى ٣- التحليل المالى (ومابينهم) ومش من كتب الجامعه ... تشتغل بنفسك

نصيحة اهتموا بالأتى جدا : ١- محاسبة التكاليف ٢- دراسات الجدوى ٣- التحليل المالى وتحليل البيانات ٤- معايير المحاسبه + معايير المراجعه علشان لما تبص فى القوائم تبقى عارف هى صح ولا غلط ٥- الاكسيل طبعا اساسى ؛ بس المميز انك تتعلم اكسيس بكره غير امبارح ؛ خلى بالكم اخوكم محمد صابر بكر محاسب قانونى وخبير مالى

بأذن الله رب العالمين هعمل ورشة عمل " بعنوان كيف تحلل شركتك مالياً " - هيكون فيها الأتى : ⬅️ تحليل القوائم الماليه ⬅️ تحليل النسب والمؤشرات ⬅️ أسس القياس وكيفية التعليق على النسب ⬅️ حاله عمليه لشركه حقيقيه قائمه ⬅️ فى نهاية الورشه بعطى المتدرب حاله عمليه لشركه اخرى مختلفه يحللها وانا بتابعه علشان اتأكد انه وصل لمستوى جيد ✅ سعر وتكلفة الورشه بسيط جدا يعتبر رمزى لكل ماسأقدمه للمتدربين ✅ الورشه يوم واحد وهيكون يوم جمعه ✅ الورشه 5 ساعات متواصل + نصف ساعه راحه ✅ هتاخد كتيب كيف تحلل شركتك مالياً ✅ هتاخد شهادة حضور من مكتب المهندس المالى - المكان هيكون - عمارات العبور - مدينة نصر - القاهره - التسجيل بالابليكشن وسيتم التواصل معكم وتحديد المواعيد https://forms.gle/ew4kQwoyHca74R8e6 المحاضر : أ/ محمد صابر بكر محاسب قانونى - خبير مالى

الحمد لله حمدا كثيرا طيبا مباركا فيه - انهيت تأليف كتابى الجديد : كتاب كيف تحلل شركتك مالياً - وسجلته فى دار الكتب المصريه

تحميل سيفهات جاهزه وقابله للتعديل للمحاسبين شير x الخير https://www.financialengineeroffice.com/2019/11/cv.html

فيديو جديد بتكلم فيه عن الفرق بين الكورسات والدراسات العليا والشهادات المهنيه ؛===============================؛ ✅ ميزة الفيديو انه هيوفر عليك سنين هتجرب فيها تطوير نفسك وهيخليك تختار الطريقه الانسب لشخصيتك وعمرك المهنى هدف الفيديو انك تعرف الاتى : - انواع الكورسات والمدربين وايه المناسب ليك لو انت حديث التخرج ؛ او لو انت خبره فى حدود ٥ سنوات ؛ او لو انت خبرتك اكبر من ٥ سنوات - انواع الدراسات العليا وهل هى مفيده لكل الناس - مميزات وعيوب الشهادات المهنيه الدوليه وهل هى مناسبه لكل الناس ولا لا https://youtu.be/Ya5sxMohSW0

من اكبر اسباب فشل المشروعات عدم الفصل بين موارد المشروع والموارد الشخصية❎ المشروع الناجح يتطلب إدارة مالية وفق أسس سليمة. وغالبا ما يخلط أصحاب الاعمال والمشاريع الصغيرة بين مواردهم الشخصية و موارد المشروع، فلا يفصلون بين نفقاتهم الشخصية ومصروفات المشروع.. وهكذا يعتبر سوء الإدارة المالية والمحاسبية من اسباب فشل المشاريع الصغيرة أيضا.

الى عايز يسئل عن فكرة مشروع وعايز ياخد رأى حد ... يتفضل هنا https://www.facebook.com/groups/foraccountants/

الى المحاسبون الى بيبدأو حياتهم المهنيه وانت بتتعلم ازاى تسجل الايرادات اتعلم كمان هى اتعملت ازاى فى السوق

الفكر/الفكره اهم من رأس المال ؛====================؛ هتكلم فى الموضوع فى نقط مختلفه : ١- فى قاعدة فى الاستثمار اسمها لاتسثمر برأس مالك ٢- مشكلة المحاسبين ان شغلهم الشاغل القيود وعمليات التسجيل ودا مهم جدا انك تعرف تعمله ولكن فى فترة العشرينات ٣- فترة التلاتينات هى فترة فكر الادارة المالية لازم تتعمق فيها بكل طاقتك ٤- المشكله عمرها مكانت فى انك تجمع فلوس علشان تشغلها المشكله هل هتعرف تديرهم وتكتسب عائد مربح ولا لا يعنى مثلا لو رجل اعمال اعطاك مليون جنيه وقالك هتعمل بيهم ايه طبعا حضرتك هتتحمس وتقول افكار كتير جدا ولكن كلها افكار مميزه بالنسبه لعقلك ولكن ليس لعقل رجل الاعمال او السوق وهنا تكمن المشكله وهى (الفقر الابداعى) نستنتج من النقاط السابقه الاتى : ؛==================؛ ١- حضرتك محتاج تغير فكرك وعقليتك من موظف يعتمد على مرتب الى عقلية بيزنس مان ٢- حضرتك لازم تستغل شغلتك وهى فى ادارة الحسابات انك تفهم فكر الادارة المالية وازاى شركتك بتكسب مش ازاى شركتك بتسجل مكاسبها فى الدفاتر ٣- حضرتك محتاج تنشط جزء الابداع عندك بقراءة قصص نجاح رجال الاعمال ٤- حضرتك محتاج تعود نفسك على انك تفكر بابداع وقت المصائب ، والاحباط ميكونش فى قاموسك ٥- حضرتك محتاج تحط لنفسك مبادئ تجاريه مبنيه على الاخلاق وحب الناس وحب نفسك برده ٦- حضرتك محتاج تحط خطه لنفسك علشان تعمل كل ماسبق ولازم تعرف حاجه ان التأجيل عدو الناجحين فابدأ فورا بأكتساب كل ماسبق ٧- اخر حاجه تفكر فيها هى رأس المال لان حتى لو محوش مليون ج وليس معك كل الاسلحه السابقه فصدقنى هيضيعوا منك فى ٦ شهور وهتلاقى نفسك على الابيض منتظر ارائكم فى الكومنتات محمد صابر بكر محاسب قانونى وخبير مالى

نصيحه