وانای
کاناڵەو "وانای" پَی اعتلاو فرهنگو هۆرامانی هرمانه کرۆ. "وانای"، کاناڵێوەی فرهنگیەنه و به ڕانویسو زوانەکەیما که تقلیدو ڕانویسو سۆرانیا، انتقادش هن و گرکشا جه حدو تاوای وێشەنه ڕا بنیۆره پَی اصڵاح کردٚەیش. اَرەمرزیای: ـ۱۳۹۹/٤/۱٥ ادمین: @AminpourAhmad
Ko'proq ko'rsatish415
Obunachilar
+1224 soatlar
+147 kunlar
-2230 kunlar
- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Obunachilar o'sish tezligi
Ma'lumot yuklanmoqda...
بعضێو هنێ که قسێ یک نفری مژنەوا جه بارەو نفرێوتَری و قضاوتی خراب کرا و به اصطڵاحو وێما پَڕێ کریا.
من به ای نەفامه بێعقڵا ماچو:
نەفاما! قسێ طرفیچ بژنەودێ و ژیرانه قضاوت کردێ و میانجیگری ژیرانه کردێ و یکسره مەتروشقندێنه هرمانەکێ.
ای بُمبەکاو انرژی منفی!
اَی خرابکَراو هرمانەکا!
اَی دنیا جه شمه بێزار!
اَی تێکدَراو نظمو دنیای!
اَی آشوبا!
آیا خوای "کلام" ، "زوان" و قسێش پَی چشی نیەنێ؟
پَی آنەیه که قسێ کریا و اڵبته بژنەویا.
به قۆڵو "سعدی" گیانی:
"تو را دو گوش و یک زبان دادەاند"
شمه گرکتانه ، هر قسێ فڕه دَیدێ و قسێ نەژنەودێ؟!
دَی مەژنەودێ، با جه جهلی مرکبەنه ماندێوه و جه غیظ و تعصبو وێتانه، گردٚەخل کردێ.
ـ(١٤٠٣/٢/٣٠)
وانای⬅️ @waanaay
👆کُڵەداستانێوه بواندێوه.
بێدنگ و فنگ
و بێ قاڵ و قیل
و بێ همامه و بێ ممامه
هراڵەو هڵبجەی
✍احمد امین پور
ـ(١٤٠٠/١٢/٢٦)
(10و مارسو 1988ی جه ڕاو باخیەنه)👇
دنگ: "تعالی افتحی یدیک بسرعه! یاڵڵا"
هراڵه: "وی تاته گیان آنه چێش ماچۆ؟"
تاته: "کناچەکێم اینه سیطرەن٭، عسکرەکه ماچۆ، دست واز کره بزانو چێشا چنەش؟"
هراڵه: "تاته وڵڵا حر وێوڵەکێمەنه دسمەنه."
تاته: "دی ڕۆڵه نیشانەش ده خۆ نمەوَرۆش."
کناچێ وێوڵێش نیشانه دا و نجاتشا بی.
(15و مارسو 1988ی جه باخەنه):👇
اَدٚا: "دا باره دسەکەیت، هۆرزه با بلمێوه پی یانەی."
هراڵه: "ادٚا گیان تۆخوا جارێو با نان دەو به وێوڵەکێم آوراشا."
(دماو چوار پنج دیقا):
ادٚا: "هۆرزه دَی دێرا."
هراڵه: " آنا آمانێ، نانم دا وێوڵەکێم. بلمێ ادٚا گیان."
(16و مارسو 1988ی؛ دوێ یرێ ناڵێ آمێ و دنیا بی قاڵ- هراڵه اینا کوجیەنه چنی ڕفێقاش)👇
دنیا بی گاڵەگاڵ و هراهرا و تپ و تۆز. کس کسی نەژناسێ. هراڵه و زارۆڵەکێ گردٚ تاته تاته ادٚا ادٚاشا بێ. تاته و ادٚا ڕۆڵه ڕۆڵەشا بێ. دماو ماوێویەره:
دنگ: "بیا دختر، دستتو بده من، بیا بالا..."
دنگ: "زوو که هەتیو، ڕاکه. بێ بێ سەر کەوه با جێ نەمێنی، زوو."
هراڵه: "باچاندێ، شمه کێندێ؟ لا پشدێ. تاتەم کۆن؟ ادٚام کۆنه؟"
ساحیبو دنگەکا به بۆڵەبۆڵ و پلەپل هراڵەشه گێرته و فڕەشا دانه دلێ ماشینێوی خاوری. ماشینەکه پڕ بێ نظامیێ و وێمانێ......
وێمانه: "ڕۆڵه مەگرەوه قێدٚش نیا. دماوه ملمێوه لا تاتەیتو آدٚیشا. آها شار کیمیا واران کریان. گردٚکس برمشۆ. اگر نەی چنیما مری....."
(16و مارسو 2003ێ):
ڕۆزگار(دسگیرانو هراڵەی): "هراڵه تماشه کره آها مۆنێمێنتو٭٭ شهیدا هڵبجەیشا وش کردٚەن."
هراڵه: "کُره مۆنێمێنتم پی چشی تۆخوا....."
ڕۆزگار: "بدٚیه وێنەو شهیدەکاچشا نیانەره."
(هراڵه انّه گێڵا تا عکسو ادٚا و تاتەیش اێسشۆ و شیونش نیا.)
هراڵه: "آخ ادٚالێ گیان، تاتەله گیان، هۆرزدێوه، حفتێوتَر زماونەمانه. آنا چنی ڕۆزگاری آمەینمێ شۆنیتا. تۆخوا بەیدێ. تۆخوا بەیدێ. تۆخوا بەیدێ........"
چی بینەنه دنگێوی زل جه بڵێنگوەکاوه هۆرس، ماچۆ:
"هر اێستا ڕێوڕەسمی بەرز ڕاگرتنی ساڵیادی شەهیدانمان به ڕێوه دەچێت......"
دنگێوتَر ماچۆ: "الآن تقام ٳحیاء ذکری الشهداء حلبجه......."
دَنگێوتر ماچۆ: "هم اکنون مراسم سالگرد شهدای حلبچه، در حال برگزاری است....."
(هراڵه به چمێ هرسینێوه):
"ڕۆزگار گیان، بزیەیمێره، فقط بزیەیمیره، زو زو با اێگەیه بازمێ جیا، بس بزیەیمێره......"
ـــــــــــــــــــــــــــــــــــ
٭سیطره = دیژبانی
٭٭مۆنێمێنت: یادمان
ــــــــــــــــــــــــــــــــــــ
وانای⬅️ @waanaay
یۆ واچێ ماڵما، یۆ واچێ میراثما
👆ای مثلێ پَی آرۆو زوانو اێمه و ادبیاتی کلاسیکو اێمه، فره صدق کرۆ.
به دلیلەو بێعرضگی فرهنگی خڵکو اێمه و به دلیلەو جهالتی فرهنگی، متٲسفانه ادبیاتی اصیلو زوانو اێمه، به نامێ ادبیاتو زوانەکاتَری چاپ کریان.
مشۆ ڕۆشنویری هۆرامی، اگر ڕۆشنویر بۆ، وختێو ای چێوا وینۆ، قڵم و زوانش جۆش بارۆ و خرۆشیۆ.
مشۆ مرگش پنه وشتر بۆ، تا دیەی ای وضعیتیه.
مثلێوه تَرەما هنه ماچۆ:
"کُڕی آزا ماڵت پَی چێشی؟ و کُڕی حیز ماڵت پَی چێشی؟"
منظور آنەنه که یۆ اگر آزا و چنه آما بۆ، جه هیچی سرمایه وش کرۆ و اگر حیز بۆ، حتا اگر سرمایێوی فرەش بۆ، جه دَسش مدٚۆ و هاڵی منۆوه.
چێگەنه منظورو اێمه سرمایەی فرهنگیا.
سرمایەی فرهنگی اێمەی هۆرامی، پێسەنه اقیانوسی.
جغرافیاو هۆرامانی و ای سرزمینه یکپارچه، سرمایەن که اقلیمێوی قَومی و زوانیا و موجودیتێوی قومیش پارێزنان.
مفهومو "گۆران"ی، سرمایەن که اێمه پێوَن مدٚۆ به میراثێوی گۆرەی ادبی که متعلق به زوانو اێمەن و هرپاسه پێوَنما مدٚۆ به گسترێوی وسیعی جغرافیایی که جه ویەردەنه و جه باستانەنه بیەنما.
دگاکێما سرمایێنێ که پێسه قڵای هویتو اێمەشا پارێزنان.
معماریما، سرمایەن.
صنعتگری و ژیریمحوری و شێوازو ژیوایما سرمایەن.
عرفانی تایبتی هۆرامی-اسلامی و مفهومو "حجره"ی سرمایەن.
مفاهیمێ قۆرسێ، پێسە "ژیرلاو مرێ"، "سیاوچمانه" و.... سرمایێنێ.
و سَرتَر و مهمتر جه گردٚو اینیشا، "زوان"ی غنی، ڕێخەدار و قاعدەمندو اێمه، سرمایەن.
اگر ڕۆشنویرێندێ، ای سرمایا بنەڕَت قرار دَیدێ، پَی ژیوای سربرزانەو آرۆی و گێڵدێ پَی همتر سرمایا و پارێزندێشا و واچدێ و بنویسدێ جه بارەشاره.
و اگر تاریکویرێندێ، ای سرمایێچه که هَنێما، کۆدێشاره و سوکێشا کردێ و مصداقو آنەیه بیدێ که:
"کُڕی حیز ماڵت پَی چێشی"؟
و اربابەکێتا بانێ به "کُڕی آزا"!!
ـ(١٤٠٣/٢/٣٠)
وانای⬅️ @waanaay
یۆ واچێ ماڵما، یۆ واچێ میراثما
👆ای مثلێ پَی آرۆو زوانو اێمه و ادبیاتی کلاسیکو اێمه، فره صدق کرۆ.
به دلیلەو بێعرضگی فرهنگی خڵکو اێمه و به دلیلەو جهالتی فرهنگی، متٲسفانه ادبیاتی اصیلو زوانو اێمه، به نامێ ادبیاتو زوانەکاتَری چاپ کریان.
مشۆ ڕۆشنویری هۆرامی، اگر ڕۆشنویر بۆ، وختێو ای چێوا وینۆ، قڵم و زوانش جۆش بارۆ و خرۆشیۆ.
مشۆ مرگش پنه وشتر بۆ، تا دیەی ای وضعیتیه.
مثلێوه تَرەما هنه ماچۆ:
"کُڕی آزا ماڵت پَی چێشی؟ و کُڕی حیز ماڵت پَی چێشی؟"
منظور آنەنه که یۆ اگر آزا و چنه آما بۆ، جه هیچی سرمایه وش کرۆ و اگر حیز بۆ، حتا اگر سرمایێوی فرەش بۆ، جه دَسش مدٚۆ و هاڵی منۆوه.
چێگەنه منظورو اێمه سرمایەی فرهنگیا.
سرمایەی فرهنگی اێمەی هۆرامی، پێسەنه اقیانوسی.
جغرافیاو هۆرامانی و ای سرزمینه یکپارچه، سرمایەن که اقلیمێوی قَومی و زوانیا و موجودیتێوی قومیش پارێزنان.
مفهومو "گۆران"ی، سرمایەن که اێمه پێوَن مدٚۆ به میراثێوی گۆرەی ادبی که متعلق به زوانو اێمەن و هرپاسه پێوَنما مدٚۆ به گسترێوی وسیعی جغرافیایی که جه ویەردەنه و جه باستانەنه بیەنما.
دگاکێما سرمایێنێ که پێسه قڵای هویتو اێمەشا پارێزنان.
معماریما، سرمایەن.
صنعتگری و ژیریمحوری و شێوازو ژیوایما سرمایەن.
عرفانی تایبتی هۆرامی-اسلامی و مفهومو "حجره"ی سرمایەن.
مفاهیمێ قۆرسێ، پێسە "ژیرلاو مرێ"، "سیاوچمانه" و.... سرمایێنێ.
اگر ڕۆشنویرێندێ، ای سرمایا بنەڕَت قرار دَیدێ، پَی ژیوای سربرزانەو آرۆی و گێڵدێ پَی همتر سرمایا و پارێزندێشا و واچدێ و بنویسدێ جه بارەشاره.
و اگر تاریکویرێندێ، ای سرمایێچه که هَنێما، کۆدێشاره و سوکێشا کردێ و مصداقو آنەیه بیدێ که:
"کُڕی حیز ماڵت پَی چێشی"؟
و اربابەکێتا بانێ به "کُڕی آزا"!!
ـ(١٤٠٣/٢/٣٠)
وانای⬅️ @waanaay
01:57
Video unavailableShow in Telegram
👆ماچانێ ای فیلمه مربوط به زارۆڵێوی نەوَشینیا جه آڵمانەنه که آواته موازۆ و ماچۆ:
"شَڵڵای مۆترێ فرێ وَرو یانەکەیمانه ویەردٚەیانێ و گردٚ مارکەو "هارلی" بیەیانێ."
تاتەش جه تلگرام و اینستاگرامەنه ای آواتەو زارۆڵەیشه مطرح کرۆ و باسش کرۆ.
ڕۆی سَواینش، حدودو ویسهزار مۆترسوارێ هارلی هماهنگ کرا و پێوَره لاو یانەیشانه به سڵام و احترام ویەرا.
لحظێوی انسانی و احساسیا.
وانای⬅️ @waanaay