صـــ أبـــــــــي 💕 ـــديقة

و انا مطلعةة مناخيري من البطانيه عشان اتنفس اكسجين لانو الغداء كان بي فاصولياء :🌚

لما تكون ما عارف تسوي شنو بتسوي شنو🙂

في واحده ربنا حارمها من الإنجاب سمعت سماية جارتها فسرحت وقعدت تتخيل انها الأم وشايله ولدها وبتقول يابختها وياريتني مكانها و فى نفس اللحظه اتصلت امها بيها قالت ليها عاملة شنو يا بنتي صراحة كدة قلبي اكلني عليكي انتي كويسه ؟ راجلك مزعللك في حاجة ؟؟ بعد اطمنت عليها قالت ليها اعملي حسابك أنا جاياك بعد ️شوية وعاملة ليك أكلة السمك اللي بتحبيهو وحنجي ناكلو سواا انا واخواتك عندك الليلة ابتسمممت ومسحت دموعها و حمدت ربنا وقالت #الحمدلله على كل شيء ... في جانب تاني جارتها الكان عندها سماية شايله ولدها وسط صحباتها و عيلة راجلاااا وسرحت بعيد شديد في انو ( امها وابوها الله يرحمهم ) كان نفسهم يشيلو اول مولود لي بنتهم ودايما كانو بقولو ليها اتزوجي بدري عشان نلحق نشوف أطفالك !!!! وفجاءة عاينت فى وش ولدها الرضيع وتدمع عيونها وتقول #الحمدلله على كل شيء 💔 #خليكم عارفين انو كل زول في الدنيا دي شايل حقو بشكل عادل جدااااا والله.. #في الشايلو قروش وفي الشايلو بنون وفي الشايلو صحة وفي الشايلو ام لسه صوتها مبارك البيت وفي الشايلو انو ابوهو لسه على وش الدنيا سند ليهو في عز محنتو وفي الشايلو انو عندو ولد باااار ، وفي الربنا اداهم القناعه بالرزق وفي الربنا قسم ليهم النجاح وفي الشايلاهو في شكل زوج حنين عليها ، و في الشايلنووو سعاده و قناعه وراحة بال #الحمد_لله 💛 #احمدو ربنا يا جماعة ربنا ماااا بينسى زول ابداً و ليهو حكمه فى كل حاجه بتحصل لينا ، و خلوا عندكم يقين إنها بتكون خير لينا مهما كانت واوعكم تعاينوا فى حياة زول تاني .! يمكن إنت شايف إنو ربنا مديهو حاجه معينه بس والله انت ماااااا عارف هو ربنا حارمو من شنو .. صدقوني مافي زول بياخد كل النعم كامله والله !! #أحمدو_ربنا على الإنتو فيهو عشان يزيدكم وما تعاينو فى حياة زول تاني ابداً .. صدقوني ح ترتاحو 💛 فالحمد لله على كل حال. # فطووومه✍️

الزول الصنع البطانيه دا بخسر شنو لو كتب عليها: كدا الطول 🐸وكدا العرض 🐸 بدل الواحد يقعد يدور فيها الليل كلو تقول بعمل في فطيره بشتنه شديده يااخ 🐸🐸 🤣🤣🤣😹😹😹😹

يا جماعة موجة الخطوبات الحاصلة دي ما ناوية تلفحنا معاها ؟🌚🚶‍♀🚶‍♀🚶‍♀🚶‍♀

دعاء المُذاكرة : بسم الله اللهُم زوجاً تقياً نقياً صالحاً عاجلاً غير اجلاً ...🌚

تتذكرو زمان لما يتشاكلو اتنين ويدقو الفصل كلو 🙂 بس دا الحاصل لينا حالياََ🙂💔🤣🤣🤣🤣

فوق ما انا مساهره وعيني طالعه.. رسائل ال other في عالم موازي💔

ما لازم تلمع وتزهو كل يوم.. عادي لو يوم وقعت.. عادي لو طاقتك قلت او بنزينك خلص.. عادي لو الحمل زاد عليك وكان اكبر إنجاز في يومك انك قادر تقيف وتكمل🩷😇

تقريبا انا الوحيدة الما انبهرت بجمال هند مرت مأمون عشان شايفاها عادية جدآ واي واحدة لو ف مكانها وكانت عروس واتمكيجت عند سماح ولا اي ميكب ارتيست تانية حتطلع بنفس الجمال الانتو شايفنه ف هند، فبطلو تستهترو بملامحكم.🙂❤️🚶‍♀