میرزا احمد داواشی روانسری

پەی سەفای سوورەت زوڵف و خاڵ وێش پەی جەڵای جەمین کۆی زوخاڵ وێش چین مەدۆ وە چین ئەگریجەی چەنگش کەرۆ وە پەرچین دیدەی قەشەنگش وە پەنجەی لەنجە ئاو مەکەرۆ شەق مەشانۆش لە رووی گۆنای زەڕوەرەق میرزا ئەحمەد داواشی @dawashi

چەمەن چیمەنەن چەمەنەن باخەن کەمەرەن کاوەن شاخەن ئێڵاخەن میرزائەحمەد داواشی @dawashi

درێژەی بابەت👇 بۆ ساڵی خوێندنی 70-1369 هەتاوی مامۆستای قوتابخانەی سەرەتایی بووم لە سێ گوندی" بەنی بازان" (ملە ئاوارە - لاباخ - زلانی). منداڵەکانی زلانی بۆ خوێندن دەهاتن بۆ "لاباخ"، "ملەئاوارەش" قوتابخانەی تایبەتی خۆی هەبوو. سەری سووح بە قوتابییانی ملە ئاوارە دەمخوێند و تاقی ئێوارەش دەهاتم بۆ قوتابخانەکەی لاباخ. بەهار لە ژێرەوە خەریک بوو تەکی بە زستانی کوێستان هەڵدەچنی و کورد واتەنی: " زەوی هەناسەی کێشا بوو." چەند قوتابییەکەم خەڵکی گوندی"زلانی" بوون. زلانی لەو ناوچە و سەردەمەدا بە زلانی" کوێخا عەودڵڵا" بەناوبانگ بوو. دوو لە قوتابییەکانم بە ناوەکانی کاک" عیسا و سوڵتان" کوڕی ئەوە "کوێخا عەودڵڵا"یە بوون. زیندوو یاد "کوێخا عەودڵڵا" پیاوێکی ژیر، تێگەیشتوو و سینە خوان بوو. مرۆڤێکی دەوران دیدە و دیوەخان گەرم کەری پیاو ماقووڵانی ناوچە بوو. کورت و پوخت مروڤێک بوو پێشینە واتەنی: "وەک خوێ بۆ هەموو چێشتێ ئەشیا" واتە "ئاگای قەن بۆ چایی ئەزانی". دەمەو ئێوارەیە کە خەریک بوو ئەیڕچاند و لە گەڕانەوەی منداڵەکان بۆ ماڵ نزیک دەبوویەوە بە پاڵتۆیەکی کشمیری و گاڵۆکە تایبەتەکەی هات و تەقەیەکی هێوری لە دەرگا تەنەکەینی قوتابخانەکە بەرز کردەوە. پاش چاک و چۆنی، گوتی: " سووحا زەماوەن ئەکەین بۆ عیسای کوڕم حەز ئەکەم گەورەمان کەی". هەڵبەت کاکە عیسا لە تەمەنی خۆمدا بوو بەڵام ڕێگەم پێدابوو وەک خوێندکاری ( نهضت سواد آموزی) دەهات و لە قوتابخانە دەیخوێند. گوتم خاڵۆ عەودڵڵا خەجاڵەتت کردم هەر منداڵەکان بانگهێشتیان کردابایام دەهاتم بۆ بە ڕیشی سپییەوە زەحمەتت کێشاوە؟. گوتی: "نا قروان، هەر چتێ حەساوێکی هەس." درێژ دادڕی ناوێ، بەیانی لە ماڵی خاڵۆ عەودڵڵا لەگەڵ زۆربەی خەڵکی ئەو چەند ئاوایەیانە چێشتی زەماوەندمان خوارد و پڕ بە دڵ پیرۆزباییمان لە ماڵی زاوا کرد، پاش هیندێک قسەوباس بە دەم چای خواردنەوە خاڵۆ عەودڵڵا ڕووی کردە خەڵکەکە و چەند کەسێکی دەسنیشان کردین تا بڕۆین بۆ هێنانی بووک لە ئاوای خوارین کە بە "بڕی حاجی عەلی" بەناو بانگ بوو. کاتێک هاتینە نێو حەوشەکە، بەڵێ، ئەوەتا ماینێک زین کراوە و مەوجێکی دوولا شۆڕ بووەتەوە بەسەر زینەکەدا، لە تەنیشتی ماینەکەدا چەند هێسترێکی تێر و تەواوی دیکە جلوپۆڕە کراون واتە تەیار کراون. ئەوانەی دەسنیشان کرابووین، لەگەڵ چەند کەسێکی دیکە هەموو لە حەوشەکەدا ماتڵ بووین بزانین خاڵۆ عەودڵڵا چی ئێژێ. ڕووی کردە من و گوتی: " ئای مدیر ؟" گوتم بەڵێ کوێخا گیان. گوتی: جەنابوو حەز ئەکەی وە سواری کام لەم وڵاخانە بکەویتە بەری ئەم خەڵکە بڕۆن وە بێوەی بووک بێرن و بێنۆ؟. منیش گەنج بووم و بێ ئەزموون. بێ سێ و دوو و بێ ئەوەی تەماشایەکی ئەم لاو لای خۆم بکەم گوتم: وەڵڵا حەز ئەکەم بە سواری ئەم ماینە بڕۆم. یادی وەک شاخی بەرکوڕی بازان مانا و وێنەی  سەراوی کیکەن بە لێشاوە بێت. زەردەخەنەیەکی تێگرتم و گوتی: "نا، نەوپێکا قروان". دەم و دەس داچڵەکیام هەڵەیەکم کردووە، بڕێک بە خۆمدا شکامەوە، بەڵام فرە نەمخستە خۆم و نەشمدەزانی "چ ڕەیحانێکم کێڵاوە"؟!. گوتی: "ئەزانی بۆ؟" گوتم بمزانیایە خۆم هەڵ نەدەدێرا. گوتی: "ئەم ماینە بۆ بووک ڕازیاگەسۆ، ئەگەر تۆ بە سواری ئەم ماینە بڕۆیت ئەوێ لەو لاوە بە سواری وڵاخێ تر بێیتۆ، ئەوە بۆ شانیەتی تۆ باش تەواو ناوێ . ئەمجا ئاماژەی گرتە یەکێک لە هێسترەکان و گوتی : "ئەم قاترە زەردە ماچەکیە شەش دانگە  ئەوەسە سەر جلەکەیان هەڵگەڕانگۆ و ئامادە کریاگە بۆ جەنابت بەمە بڕۆی ما قووڵتری." گوتم دەستان خۆش تێگەیشتنم. گوتی: "بەڵێ قروان شتێ واوگەسە پێشینەی خۆمان فەرمووگیانە": <<سوار بوون عەیبێکە و داوەزین دووان>>. ئەو پیاوە ئەوەندە خانەدان بوو یارمەتی دام تا سواری هێسترەکە بووم. ئەمجا داخوڕی بە ملی هاوڕێکانمدا و گوتی: " نەکەونە بەری ئەم پیاگە و لە قسەی دەر نەچوون، دەی بڕۆن خوا ئاگادارتان وێ." کاتێک لە ئاوای دەرچووین بۆ ئەوەی هەڵەکانم پات نەبنەوە خاڵۆ موحەممەد کە لە هەموومان گەورەتر بوو خستمە پێش و هەموو ئەرکێکم ڕادەست کردەوە و بە شوێنیدا قەتارمان بەست بەرەوە ماڵی بووک. با وەک ئەمانەت دارێک ئەویشت بۆ بگێڕمەوە خاڵۆ عەودڵڵا هەمیشە دەیگوت : "ئنتحان شەرتە"[٣]واتە تاقیکردنەوە مەرجە. مەبەستی ئەوە بوو قسە حەساو نییە مرۆڤ ئەبێت بە کردار و لە ئەزموونەکاندا خۆی بسەلمێنێت. یادی هەرمان ئەنوەری وڵەدبەگی گەلاوێژی 2726 1- پەندی پێشینان، شێخ محەمەدی خاڵ، بڵاوگەی ڕەهڕەو، مەهاباد 1378، لاپەڕەی 110. 2- بەنی بازان، یان بازانی میرکی، کوێستانێکی پڕ کانی و مێرگە، لە نێوان قەڵای جوانڕۆ و قەڵای میرئاوادا هەڵکەوتووە. ، براچکۆلەی بەنیگەزە. 3ـ قسەکانی خاڵۆ "عەودڵڵا"م  لە سەر وێژەی خۆی و بە بن زاراوەی جافی ناوچەکە نووسیوەتەوە.

عەشقی نهێنی موحەمەد بەگی وەکیڵ، جوانڕۆ بە شاعیرێکے کوردستانی... پێشکەش کردنی: د. موحیەدین ئەمجەدے

وە حەڵقەی زنار گیسووی وێت قەسەم وە تاق میحراب ئەبرووی وێت قەسەم 🍀میرزا ئەحمەد داواشی @dawashi

وە کۆی ئاویەر کوردستان قەسەم وە نازکی ناز چاو مەستان قەسەم قەسەم وە پیران سەحەرخێز قەسەم وە جەوانمەردان خـۆپارێز قەسەم قەسەم وە زەردی خوەراوا قەسەم وە قـەلەندەران بـێ مـاوا قەسەم 🌸میرزااحمد داواشی @dawashi

دەوڵەمەندی زمانی کوردی 👈 وشەی پێشگری (دا،دای) لە زاری دەوڵەمەنی کوردیا کە لە هەر جێگەو ڕەستەیێکا بە ماناو واتای جۆراو جۆر دێت. دای پڵۆسان، دای مرکان، دای ڕمان، دای تریقان، دای تڵیشان دای ڕژان، دای جرنگان، دای سەپان دای سڕی، دا نەوی، دا چۆڕی. دای کەند، دای دڕی، دای هێنا، دای چۆڕاند دای دۆشی، دای کرد، دای هێڵا، دای چەماند، دای ڕزاند دای نیشاند. دای مراند دای پڵۆسی، دای شۆری، دای تاشی، دای پرواند، دای گیرساند، دای تەپاند، دای ڕشت، دای ڕماند، دای چەقان، دای مەرزان، دای تڵیشان، دای کوتا، دای ماڵی، دای مرکان، دای پووشان، دای خست،

‏فیلم از طرف He