zoomnews

ئێران کوژرانى ئەم چوار سەرکردەى بە فەرمى راگەیاند

شەڕى ئێران لەگەڵ ئەمریکا و ئیسرائیل بە کوێ دەگات؟

ترەمپ هێشتا هەڕەشە لە ئێران دەکات: • ئێران تازە رایگەیاند، ئەمڕۆ زۆر بە توندی گورز دەوەشێنن، توندتر لەو گورزانەی پێشتر بەر خۆیان کەوتووە، بەڵام باشترە وا نەکەن • ئەگەر بیکەن، ئەوا ئێمە بە هێزێک لێیان دەدەینەوە، هەرگیز پێشتر نەبینراوە

سوپای پاسدارانی ئێران هەڕەشە دەکات و دەڵێت، کەمێکى دیکە دەست بە ئۆپەراسیۆنێکى گەورە بۆ سەر ئیسرائیل و بنکە ئەمریکییەکان دەکەین

میدیای فەڕمی ئێران کوژرانی عەلی شەمخانی راوێژکاری باڵای خامەنەیی راگەیاند

ئێران کوژرانی عەلی خامنەیی راگەیاند.. لە کوێ کوژراوە؟ زووم.. تەلەفزیۆنی ئێران، بەرەبەیانی زووی رۆژی یەکشەممە، لە ئەنجامی هێرشەکانی ئیسرائیل و ئەمریکادا، هەواڵی کوژرانی عەلی خامنەیی رێبەری پشتڕاستکردەوە. میدیا فەرمییەکانی ئێران ڕایانگەیاند: "ڕێبەری باڵا خامنەیی کوژرا"، ئاژانسی "تەسنیم" بڵاویکردەوە: "خامنەیی رێبەر لە شوێنی مانەوەی خۆی کوژراوە، لە کاتی (کوژرانیدا) لە نووسینگەکەی خەریکی ڕاپەڕاندنی ئەرکەکانی بووە و ئەم هێرشە ترسنۆکانەیە بەرەبەیانی ڕۆژی شەممە ئەنجامدراوە". هەروەها "تەسنیم" ئاشکرایکرد، دەسەڵاتدارانی ئێران دوای پشتڕاستکردنەوەی هەواڵی کوژرانی خامنەیی، 40 رۆژ ماتەمینی گشتی و 7 رۆژ پشووی فەرمییان راگەیاندووە. پێشتریش، ئاژانسی "فارس"ـی ئێرانی رایگەیاندبوو: "هەواڵی کوژرانی کچەکەی رێبەر و زاوا و نەوەکەی لەو هێرشەدا، کە بەیانیی شەممە روویدا، پشتڕاست کراوەتەوە". دۆناڵد ترەمپ، سەرۆکی ئەمریکا، ئێوارەی شەممە بە فەرمی کوژرانی عەلی خامنەیی رێبەری ئێرانی راگەیاند. ناوبراو لە پۆستێکدا لەسەر هەژماری خۆی لە پلاتفۆرمی "تروس سۆشیاڵ" گوتی: "خامنەیی، کە یەکێکە لە خراپەکارترین کەسایەتییەکانی مێژوو، مرد". هەروەها گوتی: "ئەمە نەک تەنها دادپەروەرییە بۆ گەلی ئێران، بەڵکو بۆ هەموو ئەمریکییە مەزنەکان و سەرجەم قوربانیانی دەستی خامنەیی و باندە تاوانبار و خوێنڕێژەکەی لە سەرانسەری جیهاندا". رۆژی شەممە، ئەمریکا و ئیسرائیل هێرشێکی بەرفراوانیان کردە سەر ئێران، کە بە موشەک وەڵامی ئیسرائیل و بنکەکانی ئەمریکا لە ناوچەکە دەداتەوە. ترەمپ بەیانییەکەی رایگەیاندبوو، هێرشێکی گەورە بۆ سەر ئێران دەستیپێکردووە بە ئامانجی لەناوبردنی تواناکانی سوپای ئێران و روخاندنی دەسەڵات. خامنەیی (86 ساڵ) ماوەی سێ دەیە و نیوە حوکمی ئێران دەکات، دوای ئەوەی لە ساڵی 1989 وەک رێبەری باڵای کۆماری ئیسلامی دەستنیشانکرا.

ئێران یەکەم هەڵوێستى لەسەر هێرشەکانى ئەمڕۆ راگەیاند و بەرپرسێکى ئەو وڵاتە بۆ ئاژانسى رۆیتەرز رایگەیاندووە، وەڵامێکى توندیان بۆ هێرشەکان دەبێت

سەرچاوەیەک بۆ سی ئێن ئێن ئاشکرایکرد، هێرشەکەی ئیسرائیل بە هەماهەنگییە لەگەڵ ئەمریکادا

رۆیتەرز لە سەرچاوەیەکی ئێرانییەوە بڵاویکردەوە، خامنەیی گواستراوەتەوە بۆ شوێنێکی پارێزراو لە دەرەوەی تاران

بەیانیی ئەمڕۆ شەممە، ئیسرائیل کاتس، وەزیری بەرگریی ئیسرائیل ڕایگەیاند؛ ئیسرائیل "هێرشێکی پێشوەختە"ـی کردووەتە سەر ئێران میدیاکانی ئێرانیش بڵاویان کردەوە، دەنگی 4 تەقینەوە لە ناوەڕاستی تاران بیستراوە هێرشەکەش هاوکاتە لەگەڵ بەڕێوەچوونی دانوستانەکانی نێوان ئەمریکا و ئێران لەسەر بەرنامە ئەتۆمییەکەی تاران

دۆناڵد ترەمپ سەرۆکى ئەمریکا: • تاران ئامادە نییە ئەوەمان پێ بدات کە پێویستە دەستمان بکەوێت • ئێمە بە تەواوی لەو شێوازە ڕازی نین، کە ئێران دانوستانیان پێ کرد • ئەوان ناتوانن خاوەنی چەکی ئەتۆمی بن، بەڵام بۆ ئەنجامدانى هێرش هێشتا بڕیاری کۆتاییمان نەداوە • نامانەوێت ئێران هیچ پیتاندنێکی یۆرانیۆم ئەنجام بدات، تەنانەت بۆ مەبەستی مەدەنیش

حەنان فەتلاوى پەرلەمانتارى عێراق داواى "حکومى ژنان" دەکات و دەڵێت، "ئێوە واز بهێنن با ژن حوکمی عێراق بکات ئینجا دەبینین کێ سەرکەوتوو دەبێت ژن یان پیاو"

ئەنجومەنی وەزیرانى هەرێمى کوردستان کۆدەبێتەوە بۆ: "بارودۆخی دارایی هەرێمى کوردستان و خەرجکردنی مووچەی مووچەخۆران و بەدواداچوونی دەرئەنجامی کۆبوونەوەی تیمی هاوبەشی هەردوو چاودێریی دارایی عێراق و هەرێمى کوردستان لەبارەی پابەندیی دارایی هەردوو حکومەت لە بەرامبەر یەکتر"

دیمەنێک چاو تێر نابێت لە جوانییەکەى ئەمە تاڤگەی بێنی بێستان لە نزیک سۆران.. ببینە چەند جوانە

یەکەم وەڵامی ئێران بۆ گوتەکانی ترەمپ لە زاری گوتەبێژی وەزارەتی دەرەوەوە: هەرچی ترەمپ لە کۆنگرێس گوتی، لەبارەی پەرەپێدانی مووشەکی کیشوەربڕو و بەرنامەی ئەتۆمی و ژمارەی کوژراوانی خۆپیشاندانەکانی ئێران، هیچ نەبوون جگە لە درۆیەکی گەورە نەبێت

ئیهام ئەحمەد هاوسەرۆکی فەرمانگەی پەیوەندییەکانی دەرەوەی بەڕێوەبەریی خۆسەر رۆژهات عەفرین فەرماندەی یەپەژە (YPJ) لە پاریسن میدیاى رۆژاڤا وێنەکەى بڵاوکردووەتەوە و تائێستا زانیاریی نوێ لە بارەى هۆکارى سەردانەکەیان ئاشکرانەکراوە

ئەمە قسەکانى دۆناڵد ترەمپە لە بارەى ئێران: • لە ئۆپەراسیۆنی 'چەکوشی نیوەشەو'دا، سوپای ئەمریکا بەرنامە ئەتۆمییەکەی ئێرانی لەناو خاکی ئێراندا بەتەواوی خاپوور کرد • ئەوان هەزاران سەربازی ئەمریکییان بە بۆمبی چێندراو کوشتووە و کەمئەندام کردووە، بۆیە قاسم سولەیمانیمان لەناوبرد؛ ئەو باوکی بۆمبە چێندراوەکان بوو • تەنها لە چەند مانگی رابردوودا، لانی کەم 32 هەزار خۆپیشاندەریان لە وڵاتەکەی خۆیاندا کوشتووە و لەسێدارە داوە • ئێران خەریکی دروستکردنی موشەکە کە دەگاتە ئەمریکا؛ ئێستا لە دانوستانداین و دەیانەوێت رێککەوتن بکەن • یەک شت مسۆگەرە؛ هەرگیز رێگە نادەم گەورەترین پاڵپشتیکاری تیرۆر لە جیهاندا، ببێتە خاوەنی چەکی ئەتۆمی

هێرشکردنە سەر ئێران لە لایەن ئەمریکاوە زۆر نزیکە کەناڵی ١٢ـی ئیسرائیل: • خەمڵاندنێکی ناو دەزگای ئەمنیی ئیسرائیل پێی وایە هێرشکردنە سەر ئێران زۆر بەمزووانە روودەدات • سەرەڕای ئەوەی ئێران بەدەست قەیرانێکی ناوخۆییەوە دەناڵێنێت و لە لاوازترین دۆخیدایە، بەڵام هێشتا خاوەنی هێزێکی ئاگری گەورەیە • ئێران توانای ئەوەى هەیە وەڵامی هەر هێرشێکی سەربازیی ئەمریکا بداتەوە و زیان بە بەرژەوەندییەکانی ئەمریکا و هاوپەیمانەکانی لە ناوچەکەدا بگەیەنێت • ئێران دەتوانێت ئابووریی جیهانی پەکبخات و ببێتە هۆی هەڵگیرسانی ململانێیەکی درێژخایەن