﮼شعر

يا التاعبة كنه اطاول ليلك ويالغافله كنه ربيعك صاف ويالساكته عندي ابْما نحكيلك ليش سامعه كل الكلام اقطاف .

طول الليل ماينفع سموره ونومه خير من جبد القهاير عندي عقل كي يسهر ايفور يجبد غير فلي قبل صاير ونا من قبل لاماني صبور وديما النوم مني زايد طاير نص الليل نسبح في ابحور وباقي الليل ناخذ فيه حاير .

عدت النظر في عدة جماعه واهم كنت دايرهم أصحاب ثاريتهم كيي دوة الزعزاعه ان عليت تثوب معا التراب تراب.

راك تشحته ياعقل القدر من الناس وانت صاحبه.

لا يمر سريتي يوم يقدر قليدهم ولا ني رميه في مدافي حضانهم ولاهم اسيادن لي ولاني سيدهم ولاني رعيه ولالهم سلطانهم ولاني انزمت من لقيط حصيدهم ولاني اللي طاحن على مطحانهم والرزق بيد الله ماهو بيدهم ولامو على طيبت اثمار غصانهم ولا نزيد يوم الشيل نشحت غديدهم ولا نريد يوم الميز نركب احصانهم وانكان هم عطوني قدر قدر انزيدهم وانكان احسنوبي انزيد فوق احسانهم وان جاو مع طريق السلم خوهم عضيدهم وان جاو بالعوج نعرف جميع ارطانهم .

ماعد على روحي انفضل والِي ولاعد انسبق في القضا حاجتهم نجري على روحي وراحه بالي وكل العرب يجرو على راحتهم .

شهير صيتنا مانا عرب منياله فراسين في سوق البلا قتاله مانا عرب طرقيه شهير صيتنا هلهل ضنى بيتيه.

مغير يربحو ماني الهم في عازه عايش ابعزي فالرخاء والشده طير حر متمركز على مركازه ولي ماعرف قدري الله لاترده اللي فالمعارك مالفو حزازه واهمين يحسابو انجي نجده ماهم عباء لانا لهم دزاازه وكل حد يعرفهن صوابع يده .

ونا ميراده يريدني ونا رايد نضيف عضاده وبينا حكاوي ولهنه وقاده قدر وحرم واسلاف بتودويده امغير فالعقاب اظهرت في ميعاده نبرة الترفع زايده على الميده هناك صورت غارت على المعتادة وشانت وشان القول في توليده واجوشن ولد عقلي بصوت امجاده شهير وين صادف للعل تمريده ماهي غريبه ذبحته لفواده تصير كان خصت صوبنا القيده أمسامحين في الغله بلا حصاده دون النقابه نحرقوا الحصيده مايهدني فرقى لحيل هباده صوره الفراق بها وجوه عديده أنكان على الكفه هنا وأسعاده مبروكتين مايلحظ الا السعيده عزيز أنكان مابارك يشد جواده حمال خاطري واخذ على التبليده ايريدني عزيز ونا عزيز نزيده امغير مارضيت انكون خاتم فيده .

غلاك امخالف اموالف عليه وهو علي اموالف وانت اللي بالشوق عقلي حالف لا تهون ولا صوبك نهار انبوحه الناس يزعلوك وانت غلاك بروحه.