مامۆستا مەولەوی

قوربان!قوربانەن ، جەژنەن ، شادیەن دەس نە گەردەنەن ، ڕۆی ئازادیەن هەی دەس بۆس دەس بۆس وەش نیگارانەن خەیر ، پا بۆس پا بۆس خاتر دارانەن کۆن کوشتی و ، باردێ گوڵ جەمینانەن هەی سەر ، هەی ئەرواح دڵ خەمینانەن هەرکەس گیان وە کەف پەی نیگارێوەن هەر یەک قوربانی وەفادارێوەن @mawlavi_kurd سیوای سەودایی هەراسانە کەت مەحرووم جە کەفتەی پای ئاسانە کەت نە پەی چەم سورمەی گەرد پاڵاتەن نە پەی گیان قوربان بەژن باڵاتەن مەرد پەی "ئۆسا دەی"بێ درێغە کەت بسم اللە تەکبیر دەس بە تێغە کەت پەی قوربان کەردەی ناڵە نەی رەنگ بەی چێش مبۆ ئەر بەی ؟ وەی پەی من ئەر نەی سا تویچ من بەرە ، وە قوربانی کە من وە قوربانی ڕای ڕەببانی کە ئەوسا تویچ پەی وێت خەیرێت کەردە بۆ منیچ کەم تەر زووخ دەردم وەردە بۆ مەعدوومی بەدبەخت نا تەمامەنی ڕاسەن بێ دەوڵەت خەیاڵ خامەنی قوربانی مشیۆ جە عەیب بەری بۆ فیدایی پەسەند ڕای دڵبەری بۆ تۆ پا شکستەی بەرد هەرد دەرد چەم کۆر مەینەت ، تەن زایف ، ڕەنگ زەرد خەیاڵێت کەردەن جە ڕووی نادانی چ لایق وە تۆن روتبەی قوربانی مامۆسا مەولەوی @mawlavi_kurd | کاناڵ مەولەوی

هەر چەند وێم زەدەی بادەی فیراقم وە دینی دیدەت خەیلێ مۆشتاقم بەڵام شیرینی جەلام تاڵیەن جات خاڵی نەبۆ جاگەت خاڵیەن ئەر وەسڵەن دادم پەرێ فێراقەن وەر هێجرەن پەی وەسڵ تاقەتم تاقەن مەولەوی

سڵام پەی شمەی ئازیزی جێژنتان پێرۆز بێ جەژنەو گردلایەتا موبارەکە بۆ.❤️ داخۆ تا ساڵێتەر کێ مەنۆ؟ کێ تا وەهاروو ڕەمەزانێتەری و وەرزوو وەهاری مەنۆ؟ یا فۆلکلۆر واتەنی: داخۆ ساڵێتەر دەورانوو کێ بۆ کێ نیشۆ بە شاد، کێ ڕەنجەڕۆ بۆ؟

🤖 دریافت شده توسط @instasave_bot

سڵام تاعەت و عیبادەتتا قبووڵ جەژنەتا پیرۆزە بۆ گەردەنیما ئازاد کەردێ. جەژنی هەمووتان پیرۆز بێ❤️ کەسێ خاترش، جە من ئێشا بۆ یا خود ڕەنجێوەش، پەرێم کێشا بۆ گەردەنم ئازاد، بکەران ئارۆ گرد وە دڵ ڕوخسەت، بدەران ئارۆ دنیا فانییەن، هەر مبۆ مەردەن لازمەن گەردەن، ئازادی کەردەن مەولەوی گیان

حەزرەت مەولەوی ئەم پارچە شێعرەی بە بۆنەی جەژنی ڕەمەزان وتوە. سەدای های هیلال، هام فەردان مەیۆ زەمزەمەی تەکبیر ، هام دەردان مەیۆ یە کێ هام ڕەفیق ، دۆس دڵ دۆزەن یەکێ مەست کەیف ، جەژن پیرۆزەن من نەبوون شادیم ، جێ بێزار بیەن گەرد، وە سەر من ، کەس دیار نیەن شەوم تاڵەی شووم ، هیلالم قامەت شەفەق هوون دڵ ، مەنزڵگە زامەت تەکبیرم نەوای ، زام مەهجووری دەسم هەم ئاغۆش،  زامی ڕەنجووری جەژن و جەژنانەم، هەریەک جەردەیێ بەردەوە پەی هەرد ، موتریب پەردەیێ لەرزەن ڕیشەی دڵ ، سەمتووری دەستوور وەزن تەبع تار ، پڕ سۆزەی سەمتوور واچە بەو مەقام ، ئەڵواناتەوە هەی داد هەی بێ داد، مەعدووم واتەوە : خەستەی خار خەم ، خەم خەیاڵ وێم وە کزەی دەروون ، تەن زوخاڵ وێم بێ ئەبرۆی هیلال ، نەو نیهاڵ وێم نیەت نادروست، عەید بەتاڵ وێم #حەزرەت_مەولەوی @Mawlavi_kurd 🌙 کاناڵ مەولەوی

🍀مەستوورە ئەردەڵان🍀 والی وەهارەن... بە تاجت قەسەم، فەسڵی وەهارەن شکۆفەی گوڵان جە دوور دیارەن ئیبتیدای فەزای گوڵ و گوڵزارەن زومەڕەد ڕەنگەن سەحرا و کەش و کۆ بە جەخت مەناڵان نە هیجرانی تۆ گوڵان و گوڵزار وە هەم جەم بەستەن بوڵبوڵ جە بادەی وەسڵشان مەستەن ژەرەژ مەوانۆ نەسەر کڵاوان مەدۆ جیلوەی وێش نە پای وەفراوان بوڵبوڵ نە سۆزش بییەن نەغمەخوان هەزار مەوانۆ بە هەزار دەستان درەختان خەڵات ئەخزەری پۆشان دڵەی دەساخان جە نەو مەخرۆشان @mawlavi_kurd دەهەن وا کەردەن شکۆفەی دڵ چاک بەرگی تاک پۆشان خەڵات وە ڕووی خاک وەنەوشە و ڕەعنا، گوڵ مینا و سۆسەن خەیمەشان پێکان زێبا و یاسەمەن بداخ و زەمەق، نەسرین و ڕێحان گوڵ سورخ و گوڵ زەرد چەنی ئەرغەوان هەر یەک بە تەورێ خودسازیشانەن ئەمما پەشێوی دووریی تۆشانەن سوپای سیسەنبەر خێزان جە باخان گوڵ مێخەک کەردەن چەمەن چراخان لالە و شەقایق سونبوڵ و شەوبۆ زار زار مەگرەوان پەرێو عەزڵ تۆ نەستەرەن نە باغ، نەیلۆفەڕ نە ئاو نەرگس نە چەمەن، سەمەن نە شەتاو پەی دووریت -قوربان- سەرحەڵقەی یاران هەر یۆ بە نەوعێ ماتەمێ داران نیمێ گەردن کەچ، نیمێ سەر نەوەر نیمێ جگەرخوون، نیمێ خاک وە سەر نیمێ سووچیان سەبوونی دووری نیمێ وا بەردەی واگەی مەهجووری نیمێ جامەی گیان وێشان کەردەن چاک نیمێ دوور جە تۆ، سەر نییان وە خاک نیمێ چەنی غەم سەر نییان وە هەم نیمێ پەی ئامات، گەرتەنی وە دەم خولاسەی کەلام: مایەی نیشاتم ڕۆح ئەفزای ڕۆحم، مایەی حەیاتم قەسەم بەو لیقای یووسف ئاسای تۆ هیچ یەک نەی گوڵان نەکەردەنم بۆ تەماشای سەحرا و گوڵانی وەشبۆ شەرتەن نەی وەهار جە من حەرام بۆ سەیری گوڵاڵان نە پای کۆساران بێ تۆ -دوور جە تۆ- سەفا نەداران ڕەزای فدەویت زویر و زارەن پەرێو مەعزوولیت جە گیان بێزارەن گەردوونی چەپگەرد چە نەردێ بازا ئەساسەی عوزلەت نیم ساعەت سازا چێش مەبۆ فەڵەک نەردێ بشانۆ دەردەکەی ئێمە بەوان بنمانۆ؟ 🌸🍃🌸 @mawlavi_kurd  کاناڵ مەولەوی

هۆنراوە: حەزرەتوو مەولەوی وەنایوە: خاتوو شەهلا فەتحی