Gʻurbatda Gʻarib

Фараз қилинг, бир ҳовузга сузишни билмайдиган одам тушиб кетди ва ёрдам деб бақирмоқда. Атрофда сузишни биладиганлар бор, сузишни билмайдиганлар ҳам бор. Сузишни биладиганларнинг баъзиси индамай қараб турибди , айримлари эса " бу вазиятдан бағоят хавотирдамиз" деяпти холос, сал инсофлироқлари эса сузишни билмайдиганлар билан биргаликда дуо қилмоқда. Эй Аллоҳ мана шу ғарқ бўлаётган бечорага нажот бер, деб дуо қилмоқда. Чўкаётган одам эса, "Эй нодонлар, Аллоҳ менга нажотини сенлар орқали жўнатиб турибдию, сенлар ёрдам беришинг керак эмасмиди?!" демоқда. Аммо ҳамма оҳ-воҳ қилиш, аза тутиш ва дуо қилиш билан банд. Аллоҳ аҳволимизни ислоҳ қилсин, мазлумларга нажот берсин. https://t.me/ghurbatda_gharib

Фотиҳа тўйларини кўриб, бунча харажатга бемалол 5-6 йигитнинг никоҳ валимасини ўтказиб юборса бўларкан дейман. Халқимиз ниҳоятда исрофгар, арабларни гапиришига ўлайми. Араблар бизчалик исроф қилмайди. Буларда фотиҳа тўй деган бемаънилик йўқ. https://t.me/ghurbatda_gharib

Баъзиларга ҳайрон қоламанда. Ўзи ўзга юртда ҳужжатсиз муҳожир бўлиб яшайди, у жамиятда ҳеч қандай ўрни йўқ. Аммо шунда ҳам бошқаларга кибр ва манманлик билан муомала қилади, гўёки ўша жойда яшаш билан қандайдир мақомга кўтарилиб қолгандек. Агар буларда ҳужжат жойида бўлса, юқори даромад келиб турса ҳаммани оёғида кўрсатарканда деб қоламан. Муҳожирлик кўпчиликни синиқ қилиб қўяди, тавозеъли бўлиб қолади. Аммо букрини гўр тўғриларканда. Ўзбекнинг қонига сингиб кетган маҳаллийчилик ва айирмачилик охирги нафаси билан чиқиб кетса керак. https://t.me/ghurbatda_gharib

Негадир бизда ёлғон гапириш, иккиюзламачилик қилиш ва ноинсоф муомала қилиш ота-оналар томонидан содир бўлса ярашаверади, индамай кетилаверади деган ақида шаклланган. Бошқа халқларда ёлғон гапириш ҳамма учун бирдек ёмон деб болаликдан ўргатилади. Ота-онаси боласига нотўғри деб ўргатган ишни ота-оналар ўзи қилса бола ўшани ота-онасига айтади, нотўғри қилдингиз, адолатсиз иш қилдингиз дейди. Бизда ўзбекона андиша деб ҳар қандай нотўғри ишга сукут сақлаймиз. Ота-онамиз ва раҳбарларимиз қилаётган хатоларга жим бош эгиб туриш бизга шарқона одоб деб ўргатилган. Майли индама у аканг, индама қўявер у опанг, хўп деб қутулавер дейилади. Ноҳақликка сабр, адолатсизликка сукут сақлаш қон-қонимизга сингиб кетган, етти аждодимизнинг етти аждоди шу руҳда тарбияланган. Шу зеҳният ўзгармагунча катта ўзгариш кутмасак бўлаверади. https://t.me/ghurbatda_gharib

НОМИ УЛУҒ СУПРАСИ ҚУРУҚ МАСКАН Университет таълимига ортиқча қиймат берамиз. Аслида кириш учун кетказилган вақт, меҳнат ва пулга арзимайди, у ерда 4 йил ўқиб дипломли бўлиш учун кетган вақт ва харажатларига арзимайди . Университет инсон сифатида сизни яхшилайдиган жой эмас. У ерда ўқиш сизни сахий, сабрли, шукрли,меҳрибон, ижтимоий адолатга ҳассос , ҳақиқатпарвар, шижоатли, журъатли, изланувчан , меҳнаткаш қилиб қўймайди, тамоман аксия бўлиши кўп кузатилади. Нари борса тафаккурингизни кенгайтириши мумкин энг яхши сценарияда. Аммо тафаккури кенг инженер ҳали яхши инженер дегани эмас агар у кўприк қуролмаса. Дунёқараши кенг доктор яхши доктор дегани эмас агар у нўноқ инкомпетент доктор бўлса. Ўзбекистон уқувсиз, нўноқ, виждонсиз, ғирром ,пасткаш , қўрқоқ университет битирувчилари билан лиммо-лим тўлиб кетган. Мустақилликдан кейин фақат диплом учун ўқиган чалачавод инкомпетентлар тиқилиб кетди. Университетга нажот йўли, моддий фаровонлик учун ягона эшик деб қараш ғирт аҳмоқона фикр. Айниқса ҳозирги замонда агар асосий мақсадингиз моддий бойиш бўлса сиз университетга киришингиз энг нотўғри қарор бўлади. Ўзбекистонда заррача аҳамияти бўлган ҳар қандай лавозимда университет битирувчилари ўтирибди. Қайси соҳани қараманг хоҳ у таълим, соғлиқни сақлаш, адлия,суд, ички ишлар, қурилиш ёки транспорт бўлсин ҳаммасида дипломлилар ўтирибди. Шундан билсангиз бўлади университетда нималарни ўрганишганини ва улар нақадар лаёқатсиз ва малакасиз эканини. Ҳозирги аҳвол ана шу кадрларнинг савиясини акс эттиради. Тўрт йил университетда ўқиш умр заволи, айниқса Ўзбекистонда ўқиш. Хусусий университетларни яхши деб гумон қилсам давлат университетларидан баттар экан. Агар илмга қизиққан тиришқоқ бўлсангиз университет кириш сизга ўргатадиган ягона нарсаси, университетда ўқиш сиз ўйлагандек эмас экан. Ҳафсалангиз пир бўлади. Эй ёшлар, университетга киролмасликни фожеа санаманглар, бу сиз учун содир бўлган энг яхши ҳодиса бўлиб чиқиши мумкин. https://t.me/ghurbatda_gharib

Мабодо Никарагуа,Гватемала,Сомали, Афғонистон ёки Камбожа каби давлатларга айланиш учун бормоқчи бўлсам ундан кўра Ўзбекистонга боришни афзал кўрардим. Чунки Ўзбекистон туристлар учун хавфсиз давлат ҳамда тили ўзимизники, таомлари ўзимизники, одамлари озми кўпми таниш, нима кутишни биласиз, ҳайрон қолмайсиз. Ўзбекистонга турист бўлиб бориб туринглар, болаларни олиб боринглар иложи бўлса. Бизга ҳам бориб кўриш насиб қилсин. Туристлар бахтига тинч бўлсин.

Ҳозирги даврда фарзанд тарбияси ҳам мураккаб бўлиб кетди. Олдин одамлар уйланарди, болали бўларди, бола ўзи катта бўлаверарди. Ҳозир эса саволлар кўп : болани уриш керакми, неча ёшдан смартфонга рухсат бериш керак, кунига қанчадан кўп экранда вақт ўтказса носоғлом, болани руҳий зўравонликлардан қандай сақласа бўлади, бола билан ҳиссий боғланишни қандай ҳосил қилиш мумкин, болам қизғончиқ нима қилай, болам инжиқ нима қилай, болам одамови нима қилай, болам агрессив нима қилсам бўлади, болам талтайиб кетяпти маслаҳат беринг каби саволлар жуда кўп. Бу саволларга жавобларни илмий асосда ўрганиш ва бошқа оналар билан кенгашиб фикр алмашиш учун яхши имконият бор сизда. Тирикчиликдан ортмайдиган аммо айни пайтда боласининг тарбиясига бефарқ бўлмаган оталар ҳам рафиқаларини шу курсга тарғиб қилишлари мумкин.👇 ⚡️START 13 SENTYABRDA! ⚡️ 📢Ko'pchilikning talab va istaklariga binoan, FARZANDIM-JIGARBANDIM farzand tarbiyasi kursining navbatdagi guruhiga siz azizlarimizni taklif etamiz 🌹 📚 Tajribali pedagog Iroda Ahmed va  vrach-psixoterapevt Gavhar Darvish hamkorligidagi mualliflik kursi sizni onalikka butunlay boshqacha yondashishga undaydi! Mualliflar haqida: 1⃣Iroda Ahmed -  ta’lim  sohasida yuqori malakali mutaxassis, konsultant, tajribali pedagog. Angliyadagi bakalavr va magistrlik diplomini olgach bir muddat o'qituvchilik qilgan va hozirda Saudiya Arabistonidagi Jidda  universitetida faoliyatini davom ettirib kelmoqda. Qolaversa, olti farzandini tarbiya qilish, ularga uyda ta’lim berish - Homeschooling  bilan shug‘ullanadi. Uy ta’limi -  Homeschooling  bo‘yicha 15 yillik tajribaga ega. Gʻarbda yashayotgan musulmon bolalarni diniy qadriyatlarimiz asosida tarbiyalashga qaratilgan "Raising Yong Scholars" platformasi asoschisi.  2⃣Gavhar Darvish - 17 yillik tajribaga ega, psixoterapiya va bolalar, o‘smirlardagi xulq-atvorni  pedagogik korreksiyasi bilan shug‘ullanib, Islomga integrasiya qilgan holda qo‘llab keladi. Aynı paytda 3 farzandning onasi, ularining taʼlimi va tarbiyasi bilan band. ❓Kurs kimlar uchun: ✅ Farzandini Islom qoidalari asosida to‘g‘ri tarbiyalashni istagan muslima onalar. ✅Muslima murabbiyalar va o‘qituvchilar. ✅Yoshlar bilan ishlovchi barcha opa-singillar. ⏰Kurs qachon boshlanadi: 13 Sentyabr 2023. Darslar jonli efir orqali haftaning chorshanba va yakshanba kunlari O‘zbekiston vaqti bilan 20:30da bo'lib o'tadi ❓Kursda quyidagi savollarga javob olasiz: - Farzandingiz psixotipini bilasizmi? - Psixotipga qarab tarbiyalashnichi ? - Islomda 5 xil tarbiya turini bilasizmi? - Bolalikdagi xotiralaringiz tarbiya qilish uslubingizga va onalik tajribangizga kanday ta’sir ko‘rsatadi? - Sokin onalik sirlari - Bosh miya qanday rivojlanadi va bolalikning ilk ehtiyojlari qanday? 📍Kurs 12 ta darsdan iborat + 2ta bonus darslar va jonli savol-javoblar ✍Kursga 2 hil uslubda yozilishingiz mumkin. 1⃣Jonli guruxga ro'yxatdan o'tish narxi 600.000 sum. Jonli guruxdagilar darslarga jonli qatnashib ustozlar bilan jonli muloqot olib boradilar, kurs davomida barcha savollariga javob oladilar. 2⃣ Tinglovchilar guruxiga ro'yxatdan o'tish narxi 300.000 sum. Tinglovchilar guruxidagilar darslarni yozib olingan holatda o'zlashtirib boradilar. Barcha talabalar mavzu yuzasidan savollariga javob olishi uchun tinglovchilar guruxidagi onajonlarimiz bilan haftada bir ustozlar bilan jonli savol-javob bo'lib o'tadi. 📱 Kursga haqida to‘liq ma’lumotga ega bo‘lish uchun linkka bosing  👇🏻 🔗https://raising-scholars.com/courses/parenting/farzandim-jigarbandim-islomda-farzand-tarbiyasi/ 💭Kurs haqida bitiruvchilarimizning fikr-mulohazalarini bilish uchun ushbu linkka bosing 🔗 https://t.me/+UoNVevcoT0JlYmUy ✍Kursga onlayn ro‘yxatdan o‘tish qulay va oson, chet elda farzand tarbiya qilayotgan onalarimiz dunyoning istalgan yeridan link orqali to‘lovni amalga oshirish mumkin Ro'yxatdan o'tish uchun @Yaqin1Bot ga murojat qiling Kanalimiz https://t.me/DrGavharDarvish https://t.me/YaqinOzbek

Во ажаб, бу не парадокс бўлдики,бир диёрда сиёсий -иқтисодий ва ижтимоий вазият издан чиқса энг биринчи бўлиб ул диёрни сарватмандлар,ўзига тўқлар ва зиёлилар тарк этишни бошлар эмиш. Ҳолбуки, раиятдан кўра қийинчиликларни кўтаришга ва туриб беришга айнан ўшалар кўпроқ қодир эди ва чидашга қурби ва қўри етарди. Айланиб ҳам ўргулиб ҳам оддий мардумга қийин эканда. Бечораларнинг қочатурғон маъволари йўқ, уларда хориж паспўртлари ҳамда визалари йўқ, чиптага ақчалари йўқ. Бу фуқаро бошига нима келса чидашга мажбурдир. Бир пайтлар Ҳинд мамлакатидан ажралиб чиққан ва эзгу ниятларда Покистон деб аталган аммо ҳозир бари чиркинликларга ботган ўлкада айнан шундай бўлаётирмиш.

Ўқишга ўтганлик билан табриклаш эриш туюлади аммо ўзим бир пайтлар қанчалик орзу қилганимни ва ўқишга ўтганимда қанчалик хурсанд бўлганимни эслаб тўғри тушунаман. Бизга ўша пайтда тўғри маслаҳат берадиган одам бўлмаган. Ҳозирги ёшларга ҳам афсуски тўғри маслаҳат беришмаяпти. Ҳамма университетида ўқиши шарт эмас. Университетга кириш энди бошланиши, ҳали олдинда узоқ машаққатли меҳнат турибди. Чиройли либосларда бежирим портфелни кўтариб ўқишга бориб келиб юрган билан иш битмайди, жиддий ўқиш керак. Диплом асосий мақсад бўлмаслиги лозим.

Баъзилар бу дунёда қўриқчи итдек яшаб ўтади. Ўлиб йиққан мол-мулкини меросхўри учун қўриқлаб, нест-нобуд қилмай етказиб беради холос. Ўзи учун ишлатмайди, дам олмайди, даволанмайди, саёҳат қилмайди, Охирати учун захира қилиб садақа ва хайри эҳсонлар бермайди. Унинг ўлимидан сўнг меросхўрлари тайёрига айёр, ўроқда йўқ машоқда йўқ хирмонда ҳозир бўлишиб осон келган бойликни истаганича ишлатади, кайфу сафо ва айшу ишрат қилади. Ҳисоб китобини эса мерос қолдирган беради. Ҳақиқий маҳрумлик шу бўлса керак. Наузу биллаҳи мин залик. https://t.me/ghurbatda_gharib