National Meanchey University-NMU News

ថ្ងៃចន្ទ ៨កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែមិថុនា ឆ្នាំ២០២៦ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

រសៀល នាថ្ងៃទី១៨ ខែមិថុនា ឆ្នាំ២០២៦ គណៈប្រតិភូសាកលវិទ្យាល័យជាតិមានជ័យ ដឹកនាំដោយឯកឧត្តម ជា សឿន សាកលវិទ្យាធិការនៃសាកលវិទ្យាល័យជាតិមានជ័យ ចូលរួមកម្មវិធី សិក្ខសាលាអន្តរជាតិ,ពិធីចុះហត្ថលេខា MoU, MoA និងការបង្កើតសម្ព័ន្ធសាកលវិទ្យាល័យសម្រាប់អាស៊ានផ្អែកឧត្តមសិក្សាមានប្រទេសកម្ពុជា ឥណ្ឌូនេស៊ី នៅសាកលវិទ្យាល័យ MNC University, នៅទីក្រុងហ្សាកាតា ប្រទេសឥណ្ឌូនេស៊ី ក្នុងនោះ មានការចុះហត្ថលេខាលើកិច្ចព្រមព្រៀងសហប្រតិបត្តិការនិងការប្រកាសជាផ្លូវការ ដើម្បីចូលរួមការបង្កើតសម្ព័ន្ធសាកលវិទ្យាល័យដែលមានស្ថាប័នឧត្តមសិក្សាអាស៊ានសរុបចំនួន ១៥ និងចុះហត្ថលេខាលើអនុស្សរណៈនៃការយោគយល់គ្នា (MoU) សម្រាប់ការផ្លាស់ប្តូរនិស្សិត និងសាស្ត្រាចារ្យ ការស្រាវជ្រាវរួមគ្នា និងកម្មវិធីសញ្ញាបត្រ។ #សាកលវិទ្យាល័យជាតិមានជ័យ

នៅវេលាម៉ោង៩.០០ ព្រឹក នាថ្ងៃទី១៨ ខែមិថុនា ឆ្នាំ២០២៦ បានរៀបចំកម្មវិធីពិធីចុះហត្ថលេខា MoU និង MoA នៅ សាកលវិទ្យាល័យ Universitas Muhammadiyah Jakarta (UMJ),នៅទីក្រុងហ្សាកាតា ប្រទេសឥណ្ឌូនេស៊ីមានសាកលវិទ្យាល័យដូចខាងក្រោម៖ 1. Universitas Muhammadiyah Jakarta 2. STIE Ganesha 3. Universitas Yarsi Pratama គំនិតសំខាន់ៗនៃការចុះហត្ថលេខា MoU និង MoA ដែលបានលើកឡើងរួមមាន៖ - ការបង្កើតគណៈកម្មាធិការប្រតិបត្តិរយៈពេលប្រាំឆ្នាំ ដែលផ្តោតលើឧត្តមភាពផ្នែកសិក្សាធិការ ការស្រាវជ្រាវ និងការអភិវឌ្ឍន៍សហគមន៍។ - គំនិតផ្តួចផ្តើមស្រាវជ្រាវ និងលើការរៀបចំសន្និសីទរួមគ្នា - ការផ្លាស់ប្តូរសម្រាប់និស្សិត សាស្ត្រាចារ្យ និងអ្នកស្រាវជ្រាវមកពីស្ថាប័នពាក់ពន្ធ័ដើម្បីចូលរួមក្នុងកិច្ចសហការ រួមទាំងកម្មវិធីផ្លាស់ប្តូរនិស្សិត និងកិច្ចសហការផ្នែកវប្បធម៌។ #សាកលវិទ្យាល័យជាតិមានជ័យ

ប្រតិភូជាគ្រូបង្រៀននិងនិស្សិតជំនាញភាសាចិននៃសាកលវិទ្យាល័យជាតិមានជ័យ បានចូលរួមក្នុងកម្មវិធីផ្លាស់ប្តូរនិស្សិត រយៈពេល១៤ថ្ងៃ នៅសាកលវិទ្យាល័យដុងថាប់ នៃសាធារណៈរដ្ឋសង្គមនិយមវៀតណាម។ កម្មវិធីនេះមិនត្រឹមតែជំរុញទំនាក់ទំនងកិច្ចសហប្រតិបត្តិការភាពជាដៃគូ និងបង្កើតបរិយាកាសសម្រាប់ការផ្លាស់ប្តូរការសិក្សាប៉ុណ្ណោះទេ តែជាឱកាសមាសសម្រាប់និស្សិតផ្នែកភាសាចិនក្នុងការអភិវឌ្ឍសមត្ថភាពទំនាក់ ទំនង ពង្រីកចំណេះដឹងផ្នែកភាសានិងឱកាសការងារ ថែមទាំងជាស្ពានចម្លងដ៏សំខាន់ ក្នុងការរឹតចំណងមិត្តភាព និងកិច្ចសហប្រតិបត្តិការអប់រំអន្តរជាតិរវាងគ្រឹះស្ថានឧត្តមសិក្សាទាំងពីរឱ្យកាន់តែរឹងមាំ និងរីកចម្រើនថែមមួយ កម្រិតទៀត។ 国立棉芷大学中文专业的师生代表团赴越南同塔大学， 参加了为期14天的学生交流项目。该项目不仅促进了双方的伙伴合作关系，为学术交流营造了良好氛围，更是中文专业学生提升沟通能力、拓宽语言知识的黄金机会。同时，本次活动也成为了深化两所高等学府之间友谊与国际教育合作的重要桥梁，推动双边关系迈上新台阶、 取得新发展。

អបអរសាទរ ព្រះរាជពិធីបុណ្យចម្រើនព្រះជន្ម គម្រប់ ៩០ យាងចូល ៩១​ ព្រះវស្សា របស់ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និង​សុភមង្គល។

គណៈប្រតិភូសាកលវិទ្យាល័យជាតិមានជ័យ ដឹកនាំដោយឯកឧត្តម ជា សឿន សាកលវិទ្យាធិការនៃសាកលវិទ្យាល័យជាតិមានជ័យ ធ្វើដំណើរទៅកាន់ក្រុង Jakarta និងទីក្រុង Bekasi ប្រទេសឥណ្ឌូណេស៊ី ដើម្បីចូលរួមក្នុងកម្មវិធីចុះហត្ថលេខា MoU និង MoA ជាមួយសាកលវិទ្យាល័យដៃគូដើម្បីពង្រីកកិច្ចសហប្រតិបត្តិការ ថ្នាក់អន្តរជាតិ។ 🇰🇭🤝🇮🇩 នៅថ្ងៃទី១៧ ខែមិថុនា ឆ្នាំ២០២៦ បានរៀបចំកម្មវិធីពិធីចុះហត្ថលេខា MoU និង MoA នៅ Bina Insani University ជាមួយសាកលវិទ្យាល័យជាសមាជិកនៃ Kopertrip Indonesia នៅទីក្រុង Bekasi ដែលនឹងបើកឱកាសសម្រាប់៖ - ការផ្លាស់ប្ដូរអ្នកបង្រៀន និងនិស្សិត - កម្មវិធីសិក្សាអន្តរជាតិ (3+1, 2+2) - កម្មវិធីសិក្សាអនឡាញ សិក្ខាសាលា និងកិច្ចការស្រាវជ្រាវ។

ថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

ថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែមិថុនា ឆ្នាំ២០២៦ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

សាកលវិទ្យាល័យជាតិមានជ័យ សហការជាមួយក្រុមការងារ ស.ស.យ.ក. អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្នុងវិស័យមហាផ្ទៃ និងក្រុមប្រឹក្សាយុវជនគ្រឹះស្ថានឧត្តមសិក្សា បានរៀបចំវគ្គបណ្តុះបណ្តាលស្តីពី «មូលដ្ឋានគ្រឹះបច្ចេកវិទ្យាឌីជីថល សុវត្ថិភាពសាយប័រ និងការប្រើប្រាស់ឧបករណ៍បញ្ញាសិប្បនិម្មិត (AI)» នាថ្ងៃទី៣០ ខែឧសភា ឆ្នាំ២០២៦។ កម្មវិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា សឿន សាកលវិទ្យាធិការនៃសាកលវិទ្យាល័យជាតិមានជ័យ លោក រិន រ៉ាវុធ ប្រធានផ្នែកយុវជន និងជាតំណាងក្រុមប្រឹក្សាយុវជនគ្រឹះស្ថានឧត្តមសិក្សា និងលោក សេង វិសិទ្ធិ អនុប្រធានក្រុមការងារ ស.ស.យ.ក. អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្នុងវិស័យមហាផ្ទៃ។ សិក្ខាកាមចំនួន ២១០ នាក់ បានទទួលចំណេះដឹង និងជំនាញសំខាន់ៗលើបច្ចេកវិទ្យាឌីជីថល សុវត្ថិភាពសាយប័រ និងការប្រើប្រាស់ AI ប្រកបដោយប្រសិទ្ធភាព និងទំនួលខុសត្រូវ ដើម្បីត្រៀមខ្លួនសម្រាប់សង្គមឌីជីថលនាពេលអនាគត។

សាកលវិទ្យាល័យជាតិមានជ័យ និងសាលាវិជ្ជាជីវៈឡាយអ៊ូ ចុះអនុស្សរណៈពង្រឹងកិច្ចសហការបណ្តុះបណ្តាលធនធានមនុស្ស កម្ពុជា-ចិន ភ្នំពេញ៖ ថ្ងៃទី២៩ ខែឧសភា ឆ្នាំ២០២៦ ពិធីចុះអនុស្សរណៈនៃការយោគយល់រវាង សាកលវិទ្យាល័យជាតិមានជ័យ និង សាលាបណ្តុះបណ្តាលវិជ្ជាជីវៈ និងបច្ចេកទេសឡាយអ៊ូ បានប្រព្រឹត្តទៅយ៉ាងអធិកអធមនៅរាជធានីភ្នំពេញ ក្រោមបរិយាកាសស្និទ្ធស្នាល និងពោរពេញដោយស្មារតីមិត្តភាព កិច្ចសហប្រតិបត្តិការ និងការប្តេជ្ញារួមគ្នាក្នុងការលើកកម្ពស់វិស័យអប់រំ និងការបណ្តុះបណ្តាលធនធានមនុស្សរវាងកម្ពុជា និងចិន ក្រោមកិច្ចសម្របសម្រួលពីសមាគមអ្នកស្រាវជ្រាវវឌ្ឍនភាពកម្ពុជា-ចិន។ https://m.facebook.com/story.php?story_fbid=pfbid022rak4kXSRrkZqwH4kJfPBxuMHJQAAo9Ah5xurquZpeDamBV76a2hBqshsmkxuamTl&id=100064363314926

ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ លោកគ្រូ អ្នកគ្រូ បុគ្គលិកនិងនិស្សិតទាំងអស់នៃសាកលវិទ្យាល័យជាតិមានជ័យ ចូលរួមគោរពទង់ជាតិនៃព្រះរាជាណាចក្រកម្ពុជា។

ការអនុវត្តកសិកម្មល្អ(CamGAP) មិនមែនគ្រាន់តែជាប្រព័ន្ធធានាសុវត្ថិភាពចំណីអាហារប៉ុណ្ណោះទេ ប៉ុន្តែវាក៏ជាឱកាសសេដ្ឋកិច្ចសម្រាប់កសិករខ្នាតតូចផងដែរ។ ការស្រាវជ្រាវថ្មីៗនៅកម្ពុជា បង្ហាញថា កសិករដែលអនុវត្ត CamGAP អាចទទួលបានប្រាក់ចំណេញខ្ពស់ជាងកសិករមិនអនុវត្ត CamGAP ជិត ២ ដង ព្រមទាំងមានឱកាសទីផ្សារល្អប្រសើរ និងបង្កើនទំនុកចិត្តអ្នកប្រើប្រាស់លើបន្លែសុវត្ថិភាព។ ទោះជាយ៉ាងណា ការអនុវត្ត CamGAP នៅតែប្រឈមនឹងបញ្ហាជាច្រើន ដូចជា ថ្លៃវិនិយោគខ្ពស់ ការគាំទ្របច្ចេកទេសនៅមានកម្រិត និងទីផ្សារមិនទាន់រឹងមាំ។ 📌 តើអ្វីជាឱកាស បញ្ហាប្រឈម និងដំណោះស្រាយសម្រាប់កសិករក្នុងការអនុវត្ត CamGAP? វេទិកាពិភាក្សាតុមូល “From Field to Fork” នឹងលើកយកប្រធានបទទាំងនេះមកពិភាក្សាជាមួយវាយគ្មិនមកពីពហុវិស័យ ដោយផ្អែកលើភស្តុតាងពីការស្រាវជ្រាវចំនួន ២ ពី CamGAP។ កិច្ចពិភាក្សារតុមូលនេះ នឹងប្រព្រឹត្តទៅនៅថ្ងៃទី ២៦ ខែឧសភា ឆ្នាំ២០២៦ វេលាម៉ោង ៨:០០ ព្រឹក នៅសាកលវិទ្យាល័យជាតិមានជ័យ (NMU)។ សូមរង់ចាំតាមដាន និងចូលរួមទាំងអស់គ្នា!