Buxoro viloyati bojxona boshqarmasining rasmiy axborot kanali

🎞📺Bojxona tizimida tadbirkorlar uchun yaratilgan imkoniyatlar

Temir yoʻl vagonlariga ortilgan yuklar hujjatlarga mos kelmadi. Buxoro viloyatda faoliyat koʻrsatuvchi MChJ lardan birining nomiga yuborilgan yuklar Buxoro viloyati bojxona boshqarmasining “Xoʻjadavlat” chegara bojxona postida tegishli bojxona nazoratidan oʻtkazildi. Dastlab, temir yoʻl chegara bojxona postiga kirib kelgan vagonlarning rentgen tasvirlari hamda yuk kuzatuv hujjatlari tahlil etildi. Tasvirlar va hujjatlar oʻrtasida yuzaga kelgan tafovut esa, bojxona koʻrigidan oʻtkazish lozimligini koʻrsatdi. Xolislar ishtirokida amalga oshirilgan bojxona koʻrida esa, yuk kuzatuv hujjatlarida qayd etilmagan koʻp qavatli binolar qurilishida foydalaniladigan yigʻma narvonlar borligi aniqlandi. Hozirda umumiy qiymati 300 mln. soʻmni tashkil etuvchi mazkur tovarlar vaqtincha saqlovga olingan boʻlib bojxona organlari tomonidan tergovga qadar surishtiruv ishlari olib borilmoqda.

Buxoroda bojxona organlari tomonidan tadbirkorlik subyektlari faoliyatini oʻrganishga qaratilgan sayyor uchrashuvlar davom etmoqda. Buxoro viloyati bojxona boshqarmasi boshligʻi B. Muratov oziq-ovqat sanoati va qishloq xoʻjaligi mahsulotlarini qayta ishlash sohaga ixtisoslashgan “BCT Cluster Fat and Oil” MChJ faoliyati bilan yaqindan tanishdi. Sayyor oʻrganishlar avvalida, bojxona organi mutaxassislari tomonidan “Bojxona hududida qayta ishlash” bojxona rejimi hamda “Eksport uch qadamda” tizimining afzalliklari korxona vakillariga yaqindan tanishtirib borildi. Eʼtiborlisi, korxonaning yogʻ-moy mahsulotlari ishlab chiqarishga ixtisoslashganligi inobatga olinib, aynan zaytun yogʻi ishlab chiqarish va uni eksportga yoʻnaltirish borasida muhim tavsiyalar berildi. Bojxona organi masʼullari Respublikamizda yogʻ-moy ishlab chiqarish yoʻnalishida yetakchi korxonalardan biri boʻlishi kutilayotgan ushbu korxona faoliyati bilan yaqindan tanishishi barobarida, tadbirkorlik subyektiga bojxona bilan bogʻliq masalalarda amaliy koʻmak berishga hamisha tayyor ekanliklarini taʼkidlashdi. Maʼlumot uchun aytadigan boʻlsak, “BCT Cluster Fat and Oil” MChJ joriy yilning sentyabr oyiga qadar ishga tushirilishi rejalashtirilgan boʻlib, 150 nafar fuqaroni doimiy ish bilan taʼminlashi koʻzda tutilgan. Jahon bozoriga Oʻzbekistonda ishlab chiqarilgan yorligʻi ostidagi sifatli yogʻ mahsulotlarini yetkazib, mamlakatimizning xalqaro savdo maydonidagi oʻrnini yuksaltirish maqsadida boʻlgan ishlab chiqaruvchilar 50 % mahsulotlarini ichki bozorda sotish orqali narx va sifat uygʻunligini taʼminlash niyatidalar.

🎞📺Buxoroda tadbirkorlar uchun tashkil etilgan ochiq muloqot tafsilotlar bilan tanishing

Ўзбекистон халқига Қурбон ҳайити табриги — Поздравление народу Узбекистана с праздником Курбан хайит Prezident.uz|Facebook|Instagram|YouTube|X

Божхона ходимлари байрам арафасида хизмат вақтида вафот этган сафдошларининг оила аъзоларидан ҳамда фахрий устозларнинг ҳолидан хабар олдилар. Навоийлик божхоначилар божхона тизимида узоқ йиллар намунали хизмат қилган, божхона фахрийcи Озода Джураеванинг хонадонида бўлишди. Сирдарё вилояти божхона бошқармаси томонидан Қурбон ҳайити байрами арафасида хотирлаш тадбирлари ўтказилди. Сурхондарё вилояти божхона бошқармаси ходимлари марҳум ҳамкасбларини ёд этишди. Бухоро вилояти божхона бошқармаси томонидан ҳам хотирлаш тадбирлари бўлиб ўтди.

Yaqinlashib kelayotgan Qurbon hayiti arafasida Buxoro viloyati bojxona boshqarmasi xodimlari vafot etgan hamkasblari xotirasini yod etishdi. Dastavval, uzoq yillar bojxona organlarida xizmat qilgan, sobiq bojxona xizmati mayori, marhum Shuhrat Inoyatovning xonadoniga tashrif buyurishdi. Bir piyola choy ustida hamkasblarining hayotlik yillarini va ezgu amallarini xotirlab, uning oila aʼzolari holidan ham xabar olishdi. Shuningdek, xotira tadbirlari marhum, bojxona xizmati podpolkovnigi Shuhrat Ashurovning xonadonida ham boʻlib oʻtdi. Unda koʻplab bojxona xodimlariga ustozlik qilgan bu insonni yaxshi xotiralar bilan yod etishdi. Uning farzandlariga otasi ne chogʻlik kasbga fidoiy, maqsadda sodiq va eng muhimi halol inson boʻlganligini aytib, hamisha otasiga munosib farzand boʻlishlari lozimligini taʼkidlashdi.