Ибр. Рив.

ДИҚҚАТ, ЭЪЛОН! Азизлар, каналимиз ўз фаолиятини қуйидаги манзилда давом эттиради: @orifonuz Энди ибратли ривоятлар ва ҳаётий воқеаларни, қизиқарли савол-жавобларни, дунёқарашимизни кенгайтирадиган ва илмимизни зиёда қиладиган маълумотларни ушбу манзилимиздан топасиз: “Орифон. уз" : https://t.me/joinchat/AAAAAE9ZmHc7o0mJpFMlCQ

Исломда бағрикенглик. Домла Азизхўжа Иноятов. ♻️🌸♻️🌸♻️🌸♻️ “Орифон. уз" : https://t.me/joinchat/AAAAAE9ZmHc7o0mJpFMlCQ

Ота-она ҳақида ибратли маъруза. Устоз Саййид Раҳматуллоҳ Термизий ♻️🌸♻️🌸♻️🌸♻️ “Орифон. уз" : https://t.me/joinchat/AAAAAE9ZmHc7o0mJpFMlCQ

ГУЛДЕК ОНАМ ҚАРИБ ҚОЛИБДИ... Юрдим ўзим тенгсиз, зўр билиб, Кирсам давра ўрним тўр билиб. Ёлгиз, пойда дуойим қилиб, Шўрлик Онам қариб қолибди. Нафсим орти кетибман йироқ, Унутибман согинч, не фироқ. Хонасидан ўчирмай чироқ, Шўрлик Онам қариб қолибди. Бажармайин фарзандлик фарзин, Тингламабман чин, ҳақли арзин. Бир сўрамай қирқ йилда қарзин. Шўрлик Онам қариб қолибди. Бошим эгиб не бир санамга, Ўйламабман бир бор танамга. Оҳ, юрагим лим-лим аламга, Шўрлик Онам қариб қолибди. Кимлар билан бўлдим ош-қатиқ, Кимга юмшоқ, кимгадир қаттиқ. Мени кўриб дунёдан ортиқ, Шўрлик Онам қариб қолибди. Ёрим дедим, суйдим эркалаб, Пайдо этдим не қилса талаб. Суратимни суйиб, босиб лаб, Шўрлик Онам қариб қолибди. Ортмадимми рўзғор камидан? Ё боламнинг тўккан намидан? Оғиз очмай борсам ғамидан, Шўрлик Онам қариб қолибди. Борми менда виждон, иймон, ор, Йўқламабман, берибман озор. Оҳ, Отамдан қолган бир ёдгор, Шўрлик Онам қариб қолибди. Бугун ўзим ўзимга малол, Кўксим ўяр минг битта савол. Ок сочларин яшириб рўмол, Шўрлик Онам қариб қолибди. Мен бир ибрат мендайлар учун, Мени кўкка тенгларлар учун. Оҳ, аввалроқ сезмадим нечун, Шўрлик Онам қариб қолибди. Юрдим ўзим Ғулом, зўр билиб, Шоир ўрни ҳар дам тўр билиб. Мен беўйнинг дуосин қилиб. Гулдек Онам қариб қолибди. ♻️🌸♻️🌸♻️🌸♻️ “Орифон. уз" : https://t.me/joinchat/AAAAAE9ZmHc7o0mJpFMlCQ

СЕВГИ, БИЛИМ, ВАҚТ! Қачонлардир, узоқ-узоқ замонларда Ерда бир орол бор экан ва унда барча маънавиятлилар яшар эканлар. Лекин кунлардан бир куни улар эътибор беришди: орол сув тагига кета бошлабди. Барча ўз кемаларига ўтириб сузишга тушдилар. Оролда биргина Севги қолди. У охиригача кутди, лекин кутадиган нарса қолмагандан кейин, у ҳам оролдан сузиб кетишни хоҳлади. Шунда у Бойликни чақирди ва унинг кемасида кетишни илтимос қилди. Бойлик жавоб берди: – Кемамда қимматбаҳо буюмлар кўп, сен учун бу Ёнидан Ғамгинлик кемаси сузиб ўтаётганди, Севги ундан илтимос қилди, лекин у узрини айтди: – Кечирасан Севги, мен шунчалик ғамгинманки, ҳамма вақт ёлғиз қолишим керак. Ўшанда Севни Ғурур кемасини кўрди ва ундан ёрдам сўради. У кемасидаги уйғунлик (гармония) бузилишини айтиб жўнаб қолди.. Ёнидан Шодлик кемаси сузиб ўтаверди. Бироқ у шунчалик кайфу сафо билан банд эдики, ҳатто Севгининг чақириқларини эшитмадиям. Севги бутунлай умидсизланди. Шунда тўсатдан қаердандир, орқадан товуш эшитилди: - Кетдик Севги, мен сени ўзим билан ола кетаман. Севги ўгирилиб бир қарияни кўрди. У Севгини қуруқликкача олиб борди ва нарига сузиб кетди. Севги унинг исмини сўрашни унутганини эслади ва Билимга мурожаат қилди: - Айтгин, мени қутқарган ким эди? - У- Вақт! - Жавоб берди Билим. ♻️🌼♻️🌸♻️🌺♻️ ИБРАТЛИ РИВОЯТЛАР: https://t.me/joinchat/AAAAAEeuo_x35V6PUmFl8w

ҚАДР Таниқли руҳшунос семинар ўтказаётиб қатнашчиларга 5000 сўмлик қоғоз пулни кўрсатиб сўради: – Ким уни олишни хоҳлайди? Залда икки юзга яқин одам бор эди. Ҳамма бирданига қўлларини кўтаришди. – Сизлардан бир киши бу пулни олади, лекин мен уни бундай қиламан. – Руҳшунос пулни ғижимлади ва кейин сўради: – Кимдир уни олмоқчими? Яна ҳамма қўлини қўтарди. Руҳшунос қоғоз пулни полга ташлаб, оёқ кийими билан полга тепкилади ва кўтарди. Купюра эзғиланган ва кир эди. – Хўп, энди қайсиларизга бу ҳолдаги пул керак? Ва яна ҳамма қўл кўтарди. – Азиз дўстлар, – деди руҳшунос. – Ҳозиргина сизлар кўргазмали дарс олдингиз. Бу пул билан мен қилган барча амалларга қарамасдан, ҳаммаларингиз уни олмоқчи бўлдинглар, нега деганда у ўз қийматини йўқотмади, ҳалиям ўша 5000 сўмлик пул. Ҳаётда тез-тез шундай бўладики, биз улоқтириламиз, ерда оёқ ости бўламиз. Бундай вазиятларда ўзимизни нокерак сезамиз. Лекин аҳамияти йўқ, нима содир бўлди ёки бўлади, сиз ўзингизда бор фазилатларингизни йўқотмайсиз. Ҳақоратланганмисиз, эзилганмисиз, силлиқмисиз асл ҳолингизча қоласиз. Фақат сиз бунга ишонишингиз керак. Шунда о сизни севганларга бебаҳо бўлиб қолаверасиз. ♻️🌼♻️🌸♻️🌺♻️ ИБРАТЛИ РИВОЯТЛАР: https://t.me/joinchat/AAAAAEeuo_x35V6PUmFl8w

ОҚПАДАР ҲАҚИДА ҲИКОЯЛАР (3) Уламолардан бири айтади: Бир киши ўзининг кекса отасига хизмат қилишдан бош тортиб, уни саҳрога олиб чиқди. Бир харсанг тошни олдига етиб келишгач, бола отасини ўша ерга туширди. Ота сўради: -Ўғлим, нима қилмоқчисан? Ўғил жавоб берди: -Сизни сўймоқчиман. Ота айтди: -Қароринг қатъий экан, у ҳолда мени бу эмас, кейинги харсанг тош олдида сўйгин. Чунки мен ҳам отамга оқ бўлган ва уни ана шу харсанг олдида сўйган эдим. Сен учун ҳам худди шунинг ўзи бўлади, ўғлим. ♻️🌼♻️🌸♻️🌺♻️ Дўстларингизга ҳам улашинг. “Ибратли ривоят ва ҳаётий воқеалар”га уланиш: https://t.me/joinchat/AAAAAEeuo_x35V6PUmFl8w

КИМСАН АКАНИНГ ИБРАТИ (Ҳаётий ибрат) Кўпчилик ҳайрон. Бир қарич ер қўшса қувонадиган Кимсан аканинг феъли ўзгарди. Зўр ҳашамат билан тикланган уй деворини буздиришга тушди. Нима бўлди? Бир пайтлар томорқам кенгаяди, деб ариқ саҳнини қўшиб, ташқари томондан пойдевор кўтарганди. Вақти келиб, Кимсан акага инсоф берди. Кеч бўлса ҳам хатосини тузатишга киришди. –Нафс кўйида кўпчиликнинг мулки бўлган ариқни ичкарида қолдириб, девор қилганимдан афсусдаман, –деди Кимсан ака сўраганларга. –Ноўрин ишни тўғрилаб қўймасам, кўнглим тинчимайди. Яқинда имомнинг маърузасини эшитдим. Унинг айтишича, рухсатсиз қўшиб олинган ер қиёматда ғирром кишининг бўйнига тавқи лаънат каби осиб қўйиларкан. Кафтдай жойни, деб бу дунёдан инсофсиз, у дунёда имонсиз деган ном оламанми? Кимсан аканинг ибрати бошқаларга ҳам дарс бўлди. Ташқаридан ер қўшганлар деворларини ичкарига олишди. Маҳалла кўчаси кенгайиб, кўнгиллар равшан тортди. ♻️🌸♻️🌸♻️🌸♻️ Дўстларингизга ҳам улашинг Орифон. узга уланиш: https://t.me/joinchat/AAAAAE9ZmHc7o0mJpFMlCQ

БАХТЛИ ЯКУН Ҳайит намозидан чиқарканман ёнимдан ўтиб кетаётган юзларидан нур ёғилиб турган файзли отахонларни кўриб беихтиёр бундан олти йил аввал бўлган воқеа ёдимга тушиб кетди. Ўшанда мен 12 ёшда эдим. Ёзнинг жазирама кунлари ойларнинг султони Рамазон ойи эди. Ўша кун ҳеч қачон эсимдан чиқмаса керак. Жума куни эди, ҳаммамиз оилавий саҳарлик қилиб оғзимизни ёпдик, саҳарликдан сўнг бувам, отам ва мен бомдод намозини ўқишга масжидга чиқиб кетдик. Масжидга кираётганда бувам менга қараб: -Болам, ҳаммамиз бир кун бу дунёдан ўтамиз, шундай экан бу дунёда қўлингдан келганича яхшилик қил. Ана ўшанда сени инсонлар бу дунёдан ўтганингдан сўнг ҳам яхши ном билан эслашади. Албатта, барча яхшиликларинг мукофотсиз қолмайди, - дедилар. Бувамни гапларини эшитиб қандай қилиб масжидниниг ичига кириб қолганимизни ҳам сезмай қолибман. Аллақачон азон айтиб бўлинган, энди эса такбир айтилаётган эди. Бувам, отам ва мен бир сафга турдик, қулоқ қоқдик, намоз бошланди, биринчи ракат, ундан сўнг иккинчи ракат, иккинчи ракатга сажда қилиб бўлиб бувамдан ташқари ҳамма бошини кўтарди. Лекин бувам.... Аввал ўнг томонга, сўнгра чап томонга салом бериб намозни тугатишимиз биланоқ бувам томонга отилдик. Бувамнинг жони аллақачон узилиб бўлганди. Нақадар бахтли якун, Аллоҳга ибодат пайтида бандаликни бажо келтирдилар. Бувамни пешинга чиқардик. Жума намозидан сўнг бувамни охирги йўлга кузатиб қўйдик. Ростдан ҳам бу бахтли якун эди, моҳи Рамазон ойи, жума куни, Аллоҳга ибодатда, рўзадор бўлиб бандаликни бажо келтирдилар. Ҳаммага ҳам насиб қилавермайди бундай бахт. Жанозадан қайтарканмиз бир неча қадам орқада келаётган кишиларнинг гапи қулоғимга чалинди: «Раҳматли Анвар ота жуда ҳам яхши инсон эди. Тириклик чоғида маҳалладагиларга, қўни-қўшниларга беминнат яхшилик қиларди. Кексаларга соя-салқин, болаларга эса мева бўлсин деб маҳаллага анча-мунча дарахтлар экканди. Ҳеч кимдан яхшилигини аямас, қўлидан келганча яхшилик қиларди». Шу гапларни эшитарканман беихтиёр бувамнинг гаплари эсимга тушди: «Болам, ҳаммамиз бир кун бу дунёдан ўтамиз, шундай экан қўлингдан келганича яхшилик қил...» Дўстларингизга ҳам улашинг. Orifon.uz га уланиш: https://t.me/joinchat/AAAAAE9ZmHc7o0mJpFMlCQ