إعدادية محمد باقر الصدر المركزية للبنين

رسالة الى ابناءنا طلبة السادس الاعدادي ... قد تكون رسالتي لكم متأخرة ، ولكن لان كثير منكم اجل مادة او مادتين ، والناجح منكم ينتظر نتيجة القبول التي قد توافق طموحه وما يتمناه او لا توافقه ... ابنائي... الحياة والنجاح فيها لا يتوقف على اختصاص معين ولا على القبول في كلية معينة. كثير ممن حصلوا على اعلى المعدلات وافضل التخصصات غير مرتاحين في حياتهم. طبيب، استاذ، قاضي، الخ بس حياته كلها ركض ما مرتاح الفلوس والرزق بيد الله تعالى وبسعي الانسان وليست متوقفة على وظيفة ... حاليا كل التخصصات تعاني من البطالة بما فيها الطب والهندسة ... نصيحتي لكم تعبوا انفسكم بالدراسة ... لكن اقبل وارضى بالنتيجة الي توصل الها ....... لان انت ما تعرف مصلحتك وين وبشنو ... ثق بتدبير الله لك بعد ان تبذل جهدك. ما اريد اسولفلك شنو كنت بشبابي اتمنى وبشنو كنت اطمح وكيف انتهت الامور بتدبير الله الى شيء مختلف ومستقبل ما متصورة ... التوكل على الله وبذل الجهد هو المطلوب لا تضيع لحظات حياتك الي ممكن تخلصها براحة ورضا ...تكعد تلوم نفسك او تقهر بروحك او تأذي اهلك وناسك. وانتم ايها الاهل لا تكعد تقارن ابنك بالاخرين ولا تلومه ... ابنك او بنتك شجعه ووفر له الي تكدر من مستلزمات ، وكرر عليه القول ابني شكد تكدر تطلع نتيجة خير من الله ، وشنو يطلع قبولك نكول الحمدلله ... وداعتكم ... كم من طبيب وطبيبة واستاذ واستاذة ونائب ونائبة وو... الخ من العناوين الكبيرة ، تجده غير مرتاح لا اكلة زينة ولا راحة ولا علاقات اجتماعية ولا (اخرة) ويمكن حتى لا دنيا ... هذا الكلام ليس لغرض الاحباط ... لكنه خلاصة تجربة #الابداع لا يتوقف على تخصص معين #والنجاح لا يتوقف على مجال محدد #والرزق_والمال ابوابه كثيره واكثر الاغنياء غير اصحاب شهادات. #والراحة_والسعادة بالقناعة والرضا ... حتى تستقر نفسيات كثير من ابناءنا وشبابنا، ولا نسمع اخبار هذا صاعد ضغطه وهذا انجلط ... ماتسوة.