نُود.

"لقيت إن العيون أقوى من الشلف ومضاربها" – محمد السلطان

في كنف بشت الطواري والسهر واللّوعه ‏عشت ياحزن الضمير اللي ماهوب هْويّن ‏ ‏البدايه ضيق بال وضحكةٍ مصنوعه ‏والنهايه وقعها تحت المحاجر بيّن ‏ ‏من حوالي حول وطعون الشقى متبوعه ‏مايعالجها طبيب .. ولا تلاوة ديّن ‏ ‏ناهبٍ جور الزمان حقوقي المشروعه ‏وفاقدٍ وجه السماحه والجناب الليّن ‏سجّة القلب القديمه كنّها مقطوعه ‏ولذّة النوم الحقيقيّه ماعاد تْعَيّن

وجهي من الطيّب ماغير إيتواكل ‏وشلون أجازي محزمي فالمواقيف ‏أرمي على كتفه كبار المشاكل ‏ويرمي على كتفي كبار المعاريف – عناد القثامي

"لو تنام الجفون مْن التعب جفن الوله ما نام" – سعود مهدي

‏ليا صار وجه الليل كنه جناح غراب ‏وطاب السمر للعالم الاكترونيه ‏خذيت الخوي الي مراكاً على الدولاب ‏وسريت وتنحرت الفجوج الخلاويه ‏ادل الديار النازحه دون قوقل ماب ‏وقبل تعرف كشوت البلاد الحداثيه ‏لا راحت خطوط البر كنّها مساحب داب ‏وضفا دون نور البدر سحبٍ ركاميه ‏ماضيعت مدهال الغلا واخر الاحباب ‏لو ان جيتي لـ الدار ماهي ضروريه ‏آمر الاماكن دون موعد ودون اسباب ‏ولا زلت احلف ان بعدها ماثني الجيه ‏انا شاعرٍ لو تخطف ابياته الالباب ‏ترى كل بيت ينقض جروحه الحيه ‏يجيني شعور اللي ورى قفل بابه باب ‏لاناحت على غصن الوله كل قمريه ‏عسى الداجي اللي تومي بـ نوده الاطناب ‏يحول على جرد الديار السناويه ‏تتابع لياله فوق وجه الثرى صباب ‏ويقلب شهاب فجوجها لون زوليه ‏سعة خاطري جوٍ شماله ثلاث هضاب ‏واعدوده قرااااح وعزبة الذود شرقيّه ‏القى في نسيمه سلوة الخاطر الي طاب ‏من المدن واجراءاتها الاعتياديه – عابر

صباح الخير، للأوفياء 🤍

مرحبا جميعاً 🤍 https://twitter.com/shmarx?s=21&t=XF2BZqfesLw9soJOxMMTJw

تعالوا شاركونا 🤍