اسمريات ❤

كمية الوجع اللي جوانا كمية الهموم اللي على اكتافنا كمية الحزن اللي مالي نفوسنا كلووو حيزول وكأنو ماكان😍 عارف كيف ؟ لما تقوم اسي تصلي ليك ركعتين كدا وابكي واحكي واشكي لربنا كل حاجة جواك💙

حسبنا الله في كسرنا ووجعنا💔 حسبنا الله ونعم الوكيل

يارب لهم مثل ما كانو لنا به سببا💔

يا احمد سامع قالو في حاجة اسمها اليوم العالمي لل DNA البرنامج دا شنو وال DNA دا زاااتو شنو ؟ يا محمد تعال اقعد لي هنا براااحة افهمك واحدة واحدة ✋🏻 اولا ال DNA دا اختصار لي حاجة اسمها DeoxyriboNucleic Acid وبالعربي الحمض النووي الريبي منقوص الاوكسجين والDNA دا هو اساس تركيب جسمك من شعر واظافر ولون واي حاجة اي حاجة فيك اساسها الزول دا✋🏻 شفتو خطير كيف😏 اها يلا قالو شكلو حلزوني .. ومكون من حاجات اسمها النيوكليوتيدات ... الحاجات دي هي اربعة انواع وهي ال (الأدينين)، و (الثيمين) و (السايتوسين) و (الجوانين). وبيختصرو اسمائهم ب اربعة حروف بس A T C G (ادينين – A- adenine) (ثيمين – T- thymine) (سايتوسين – C – cytosine) (جوانين – G – guanine) متخيل معاي انت كلك كدا ع بعضك بتساوي 4 احرف فقط😂✋🏻 يلا يوم من الايام زماااان في واحد اسمو فريدريك ميسشر كان بفتش في ال DNA دا وبيحاول يعرف دا شنو ويعتبر اول زول لاحظ ليو لحدي ما دخلنا في الخمسينات كدا كان في فريقين كل واحد قال داير يعرف الشي دا شنو وشكلو شنو وبيتكون من شنو ويفتشو عنو اكتر 🤔 واحد كدا اسمو جيمس واطسون وواحد تاني اسمو فرنسيس كريك وديل الاكتشفوهو وعرفوهو انو شكلو حلزوني وعرفو تركيبتو ديل الفريق الاول والفريق التاني كانو روزاليند فرانكلين وموريس ويكلنيز وديل ساعدو كتييير في الموضوع دا وجيمس وناسو ديل اخدو جائزة نوبل في اكتشافاتهم دي💙💙💙 اها يلا شفت الDNA دا بيعمل عمايل في جسمنا اولا هو المسؤل من انو اولادك يطلعو شبهك ولا لا من خلال انو بينقل كل المعلومات الفي جسمك لي ولدك وتاني حاجة هو البدي تعليمات لاي حتة في جسمك انها تشتغل وتعمل دا وتطلع هنا وتزبط اي شي ✋🏻 وماكدا وبس .. كمان حاليا في حاجات وتطورات حاصلة في البلد زي مثلا يفحصو ليك الDNA حقك وحق ولدك عشان تثبت انو ولدك .. وزي مثلا يعالجو ليك امراض زي الكانسر بالعلاج الجيني وزي مثلا الهندسة الوراثية دي كمان عالم براو وحاجات تانية كتيييرة 🥰 يلا قالو من يوم الاكتشاف العملوهو جيمس واطسون وجماعتو داك بقو بحتفلو باليوم دا لانو سبب في حاجات سمحة كتيرة حصلت في العالم واكتشافات تانية وتجارب تانية اتعملت ولو ما عمك جيمس وجماعتو ماكان حصل كل الحاجات السمحة دي 🥰 يلا في ناس بيقرو حاجة اسمها biotechnology ديل بيقرو ال DNA دا زاتو وتركبيه والعلوم المتعلقة بيو وبيطوروها وبيطبقوها على الواقع .. وبيحتفلو بتاريخ اكتشاف ال DNA دا في السودان زيهم زي باقي العالم❤️✋🏻 بس ليهم سنتين ما احتفلو بيو بسبب الثورة وكرونا .. السنة دي وقع في رمضان فقرروا يحتفلو بيهو عن طريق السوشل ميديا🥰 مجانين الناس دي ياخ😂✋🏻 اليوم دا بيصادف يوم 25 ابريل❤️✋🏻 مع تحيات جامعة امدرمان الاسلامية 💙

قبل ماتنوم ... اتذكر انو ربنا شايفك .. حاسي بيك .. عارف العليك ..ربنا رحيم بعبادو ومابيزعل حد منهم❤️

كفاك ذبولا ..فرهدي❤️

قبل ماتنومي ... اعرفي انك ماهينة ابدا ابدا .. ❤️

حب نفسك شديييد دلعها .. حاول لما تزعلها تراضيها ..حاول دايما ماتعصر عليها شديد .. اديها كل السلام المحتاجة ليهو .. حسسها بالامان ابقي لي نفسك الاب والام والاخ والاخت والصديق والحبيب وكل شي حتعيش احسن زول في الدنيا دي❤️

يليق بك كل جميل ... لا شئ غير ذلك بتاتا❤️

تترنح يمنى ويسرى , جسدك منهار تماما , رموش عينيك تتلهف شوقا لحضن بعضها البعض وانت تمنع ذلك اللقاء فقط لكي تستطيع ان تصل الي فراشك خوفا من تقع , رغم انك وقعت قبل ساعات في حبها الا انها استقبلتك ببسمة ونظرة خجل وحنان ودفء في آن واحد ليس كما تستقبلك تلك الارض الصلبة القاسية هاقد وصلت الان .. استلقيت .. وفجاءةظهر اسمها على شاشة الهاتف .. زال كل ذلك واصبح طفلا يركض حبا في سماع صوت امه❤️