Endi mavjud! Telegram Tadqiqoti 2025 — yilning asosiy insaytlari 
Tech Xtream
Kanalga Telegram’da o‘tish
موقع تيك إكستريم عبارة عن منصة تقنية نقدم من خلالها مقالات ومقاطع فيديو تقنية مميزة، بالإضافة إلى أحدث أخبار المجال. ▪️ رابط موقعنا الإلكتروني 👇 https://www.netaawy.com ▪️ صفحتنا على فيسبوك 👇 https://www.facebook.com/TechXtream
Ko'proq ko'rsatish📈 Telegram kanali Tech Xtream analitikasi
Tech Xtream (@techxtreamx) Arab til segmentidagi kanali faol ishtirokchi. Hozirda hamjamiyat 12 843 obunachidan iborat bo'lib, Texnologiyalar & Aralashmalar toifasida 9 831-o'rinni va Misr mintaqasida 1 985-o'rinni egallagan.
📊 Auditoriya ko‘rsatkichlari va dinamika
невідомо sanasidan buyon loyiha tez o‘sib, 12 843 obunachiga ega bo‘ldi.
29 Iyun, 2026 dagi oxirgi ma’lumotlarga ko‘ra kanal barqaror faollikka ega. Oxirgi 30 kunda obunachilar soni 4 ga, so‘nggi 24 soatda esa 2 ga o‘zgardi va umumiy qamrov yuqori darajada qolmoqda.
- Tasdiqlash holati: Tasdiqlanmagan
- Jalb etish (ER): Auditoriya o‘rtacha 33.63% darajada jalb etiladi. Nashrdan keyingi dastlabki 24 soatda kontent odatda umumiy obunachilar sonining 7.40% ini tashkil etuvchi reaksiyalarni to‘playdi.
- Post qamrovi: Har bir post o‘rtacha 0 marta ko‘riladi; birinchi sutkada odatda 950 ta ko‘rish yig‘iladi.
- Reaksiyalar va o‘zaro ta’sir: Auditoriya faol: har bir postga o‘rtacha 0 ta reaksiya keladi.
- Tematik yo‘nalishlar: Kontent شَرِكَة, نَمُوذَج, بَيَان, جِهَاز, دُولَار kabi asosiy mavzularga jamlangan.
📝 Tavsif va kontent siyosati
Muallif resursni shaxsiy fikrni ifoda etish maydoni sifatida ta’riflaydi:
“موقع تيك إكستريم عبارة عن منصة تقنية نقدم من خلالها مقالات ومقاطع فيديو تقنية مميزة، بالإضافة إلى أحدث أخبار المجال.
▪️ رابط موقعنا الإلكتروني 👇
https://www.netaawy.com
▪️ صفحتنا على فيسبوك 👇
https://www.facebook.com/TechXtream”
Yuqori yangilanish chastotasi (oxirgi ma’lumot 30 Iyun, 2026 da olingan) sababli kanal doimo dolzarb va katta qamrovli bo‘lib qoladi. Analitika auditoriya kontent bilan faol hamkorlik qilishini, uni Texnologiyalar & Aralashmalar toifasidagi muhim ta’sir nuqtasiga aylantirishini ko‘rsatadi.
12 843
Obunachilar
+224 soatlar
-77 kunlar
+430 kunlar
Postlar arxiv
12 848
شركة سامسونج عاملة بدعة جديدة في موبايل جلاكسي Z Fold 3 وهي إنك لو عملت روت للموبايل الكاميرا بتعطل 😠
اللي بيحصل إن لما المستخدم بيعمل فتح للـBootloader عشان يبدأ يعمل روت للجهاز بيعمل تنشيط لميكانيزم حماية في نظام الحماية الخاص بسامسونج Knox وبيظهر تحذير للمستخدم إن فتح البوت لودر هيعطل عمل الكاميرا.. يعني الموضوع مش مشكلة تقنية في الموبايل.. لا دي حاجة متعمدة من الشركة.
البوت لودر عبارة عن سوفتوير بسيط لكنه مهم جدا لأنه هو اللي بينقل نظام التشغيل والبرامج المطلوبة من ذاكرة الموبايل للرام عشان يقدر الموبايل يشتغل، وطبعا دي الوسيلة اللي من خلالها بيتعمل روت للأندرويد.
بعد فتح البوت لودر الكاميرا هتعطل تماما هي وكل الوظائف اللي بتعتمد عليها زي قفل الموبايل ببصمة الوجه على سبيل المثال.
الجدير بالذكر إن الموبايل سعره بيوصل 1900 دولار للنسخة 512 جيجا.. وبالرغم من كدة الموبايل بيتباع من غير شاحن ولا إيربودز !
12 848
لحظة اختراق سجن إيفين Evin الإيراني سيء السمعة، وتسريب لقطات حيّة من داخل السجن..
جروب هاكرز اسمه "عدالة علي" Edalat-e Ali نجح إنه يخترق كاميرات السجن وسرب مقاطع فيديوهات بتواريخ قديمة لعمليات تعذيب سجناء.
رئيس مصلحة السجون بإيران "محمد مهدي حاج" أكد صحة الاختراق واعتذر عن الانتهاكات داخل السجن وأعلن تحمله للمسئولية.
12 848
شركة سامسونج تقدر تعطل أي شاشة ذكية من إنتاجها في أي مكان في العالم 😯
الشهر اللي فات كان فيه أعمال شغب ومظاهرات في جنوب أفريقيا، وحصلت عمليات تخريب وسرقة لبعض المتاجر والمستودعات الكبرى منها سرقة لبعض مستودعات ومخازن سامسونج.
بعدها سامسونج كشفت إنها تقدر تعطل الشاشات المسروقة بشكل تام عن بعد من خلال تقنية اسمها TV Block مدمجة في جميع الشاشات الذكية اللي اللي سامسونج بتنتجها.
الشاشات اللي اتسرقت من سامسونج تم وضع أرقامها التسلسلية في القائمة المحظورة على سيرفرات سامسونج، بعد كدة أول ما الشاشة تشتغل وتكون متصلة بالإنترنت بتبدأ تبحث عن رقمها التسلسلي لو كان موجود في القائمة المحظورة، في حالة عدم وجود الرقم الشاشة بتشتغل بشكل طبيعي، لو الرقم موجود الشاشة بتدخل في حالة إغلاق لجميع وظائفها بشكل كامل ❌❌
12 848
النظام ده كان معمول خصيصا عشان يمنع استغلال النوع ده من الثغرات، من خلال إنه بيفحص الرسائل المستلمة في بيئة معزولة SandBox عشان يمنع أي أكواد خبيثة من التفاعل مع أجزاء أخرى من نظام التشغيل أو استخراج بيانات منه.
➖➖➖➖➖➖➖➖➖➖➖➖➖➖
اللي متابع الصفحة أكيد شاف منشورات كتير عن مشاكل آبل الأمنية، وإن حرفيا شركة NSO Group واخدة الآيفون ورا مصنع الكراسي..
لسه الشهر اللي فات بردو كنت نشرت بوست عن استغلال ثغرات في الآيفون لاختراق أكثر من 600 سياسي ومسؤول حكومي منهم 14 رئيس دولة!
شعورك إيه عزيزي مستخدم الآيفون وانت محشور في الإيكو سيستم بتاع آبل، وبتدفع أسعار مبالغ فيها في أجهزة تصميمها حقير عويل ذليل بالنسبة لأجهزة الأندرويد، وكمان بقت لا بتوفر لك خصوصية ولا بتوفر لك حماية؟
12 848
امبارح كنت نشرت بوست عن انتهاك آبل لخصوصية المستخدمين وتفتيشها في محتويات إيميلاتهم بدون علمهم.. وكالعادة جزء كبير من الفان بويز دخلوا يزيطوا على البوست ويدافعوا عن الشركة.. وإن المهم إنها بتحميهم من الاختراق مش زي الأندرويد اللي أي حد ماشي في النت ممكن يخترقه..
سبحان الله في نفس اليوم الجماعة بتوع Citizen Lab وده مختبر في جامعة تورنتو الكندية متخصص في أمن المعلومات، وليه باع طويل في اكتشاف عمليات التجسس خصوصا على الساسيين ونشطاء حقوق الإنسان نشروا مقال مفصل عن عملية تجسس على نشطاء في البحرين اعتمدت على اختراق موبايلاتهم من نوع آيفون 👈👉
الثغرة كالعادة من تطوير شركة NSO Group الصهيونية، ونوعها Zero-Click & Zero-Day يعني ثغرة غير مكتشفة ومش بتحتاج أي تفاعل من المستخدم عشان يتم الاختراق كانت موجودة في تطبيق iMessage تطبيق التراسل الافتراضي على الآيفون.
➖➖➖➖➖➖➖➖➖➖➖➖➖➖➖
الثغرة دي خطورتها مش بس إنها بتخترق الضحية بمجرد إرسال رسالة بدون حاجة منه إلى الضغط على رابط أو أي شيء آخر، دي كمان شغالة حتى على آخر إصدار من إصدارات نظام تشغيل الآيفون iOS، وكمان بتتجاوز نظام حماية متطور عملته آبل في بداية السنة اسمه BlastDoor
12 848
هبوط اضطراري لرحلة جوية في أمريكا بعد اشتعال النار في هاتف أحد الركاب بدون حدوث إصابات خطيرة.
الهاتف كان سامسونج جلاكسي A21 😬
12 848
فيه نسخة معدلة من تطبيق الواتساب اسمها FMWhatsApp أو واتساب فؤاد زي ما ناس بتسميها..
شركة كاسبرسكاي نشرت النهاردة مقال عن إصدار من التطبيق ده 16.80.0 الإصدار ده كان بيستخدم خدمة إعلانات مصابة بتروجان اسمه Triada.
المهم يعني التطبيق ده يقدر يعملك شوية مشاكل في الموبايل زي عرض إعلانات بحجم الشاشة بالكامل، الاشتراك في خدمات مدفوعة بدون موافقتك، قراءة الرسائل ومنها طبعا الرسائل اللي بيكون فيها أكواد مصادقة، وأخيرا ممكن يتم السيطرة على حسابك واستخدامه في عمل هجمات باستخدام الهندسة الاجتماعية.
زي ما كررت الكلام ده كتير.. جميع نسخ الواتساب المعدلة غير آمنة، واستخدامها بيعرضك لخطر كبير، وعاجلا أو آجلا هيحصلك مشكلة في موبايلك بسببها.
12 848
في سنة 2019 عملت مقال عن العملات الرقمية اللي أنا متوقع إن يكون لها مستقبل كويس وسعرها يزيد.. بعد سنتين من كتابة المقال بفضل الله كل العملات اللي ذكرتها بلا استثناء سعرها زاد وفي عملات سعرها اتضاعف.
في عملة مخصوص ذكرتها في المقال اسمها "كاردانو".. العملة دي وقت ما كتبت المقال سعرها كان 3 سنت 0.03$ النهاردة سعرها قرب يوصل 3 دولار يعني سعرها اتضاعف حوالي 100 مرة خلال سنتين ↗️↗️
اللي مقرأش المقال ده فايته كتير 👇
https://bit.ly/2RroCqh
12 848
كنت اتكلمت في بوست سابق عن نظام آبل الجديد CSAM اللي طبقته بالإكراه على العملاء عشان يكون عندها سلطة تبحث في صورهم على الآي كلاود قال إيه عشان لو فيه صورة فيها إساءة للأطفال.
المهم في تقرير نزل من شوية وأكدته آبل إن بقالها سنتين بتفتش في صور المرفقات اللي بتتبعت من خلال إيميلات الآي كلاود سواء الإيميل ده كان مرسل أو مستلم لنفس السبب الغريب بردو !
آبل كمان قالت إنها بتفتش في بيانات تانية خاصة بالمستخدمين لكن رفضت الإفصاح عن نوعية البيانات دي !
بقالها سنتين بتعمل الموضوع ده ومفكرتش تعرّف المستخدم إلا لما الموضوع اتكشف، وبعد كدة تلاقي واحد جاي يقولك أصل أنا بشتري آبل عشان الحماية والخصوصية 🙄
12 848
شركة Cloudflare نجحت في صد هجوم DDoS على أحد عملائها بمعدل 17.2 مليون HTTP ريكوست في الثانية 😯
هجوم Distributed Denial-Of-Service هو هجوم بيتم بغرض حجب الموقع عن المستخدمين من خلال إرسال عدد ضخم من طلبات الاتصال بالموقع في وقت قصير، ده بيؤدي إلى عدم قدرة سيرفرات الموقع على التعامل مع العدد ده من الطلبات وفي النهاية عطل الموقع.
ده بنشوفه بشكل عملي على مواقع زي مواقع نتائج الثانوية العامة على سبيل المثال وقت ظهور النتيجة.. عدد كبير من الناس بيدخلوا للموقع في نفس الوقت.. ده بيؤدي في النهاية لتوقف الموقع عن الاستجابة.
خدمة كلاود فلاير دي يمكن تكون شوفتها قبل كدة لما تدخل لموقع ويعرض لك شاشة انتظار لمدة 5 ثواني قبل ما يحولك للموقع، وممكن كمان تلاقي كود تحقق (كابتشا) عشان تدخل للموقع.
هجوم DDoS في الغالب بيعتمد على نشر برمجيات خبيثة بتصيب أي جهاز يقدر يتصل بالإنترنت خصوصا أجهزة إنترنت الأشياء، وبعد كدة بيتم استخدام جيش الأجهزة دي في إغراق موقع الضحية بسيل من الطلبات بهدف استنزاف سعة بيانات السيرفر وإيقاف الموقع عن العمل ⛔️⛔️
12 848
فيديو للشرطة الإسبانية أثناء مداهمة مزرعة لتعدين العملات الرقمية ⚒
دول لو هاجمين على ناس بتصنع نووي مش هيهجموا كدة !
12 848
بنك مصر اتسرق منه 2.7 مليون جنيه من مجموعة من العملاء، ومسئولين البنك من امبارح على التليفزيون وعلى الفيسبوك نازلين لوم في أصحاب الحسابات اللي اتسرقت!
بعد ما شوفت كلام بعض الناس اللي اتعرضوا لعملية السرقة لقيت إن الحرامية كان معاهم كل بيانات العملاء بالتفصيل لدرجة بيانات البطاقات البنكية المرتبطة بالحساب.. وكل اللي كانوا محتاجينه كود مصادقة بيتم إرساله للعميل عشان ينفذوا السرقة، وأي حد عنده بربع جنيه معرفة بالهندسة الاجتماعية هيكون من السهل بالنسباله خداع صاحب الحساب والحصول على الكود منه، خصوصا إنه معاه كل البيانات بتاعته.
هل هنشوف حد من البنك يطلع يعرّف الناس ازاي الحرامية وصلوا لكل بياناتهم؟ هل قاعدة بيانات عملاء البنك اتسرقت؟
الناس اللي ليها حساب في بنك مصر تاخد بالها.. حاول تشوف لو البنك بيوفر عمل ليمت يومي للسحب من الحساب، أو عطل الفيزا لو مش بتستخدمها، وامتنع نهائيا عن الرد على أي شخص يتصل بيك ويقولك إنه من بنك مصر أو البنك المركزي.
12 848
حيلة بسيطة ممكن تحميك من الإصابة بفيروس الفدية 👌
كنت اتكلمت في بوست امبارح عن حوار موقع The Record مع جروب الهاكرز المتخصص في هجمات الفدية REvil، وذكرت إنهم في الحوار قالوا إنهم مش بيستهدفوا المستخدمين في دول الاتحاد السوفيتي سابقا زي روسيا وبيلا روسيا وأوكرانيا بغرض عدم لفت نظر الأجهزة الأمنية ليهم بما إن أغلب المجموعات في المجال ده روسية.
مجموعة من محللي فيروسات الفدية اتكلموا إن أغلب الفيروسات دي بيكون فيها ميكانيزم حماية بيمنع الفيروس إنه يصيب الجهاز في حالة تحقق شرط معين.. الشرط ده هو وجود لغة زي الروسية أو الأوكرانية أو غيرها من لغات رابطة الدول المستقلة على الجهاز المصاب.
أول ما الفيروس بيصيب جهاز بيبدأ يفحص اللغات الموجودة عليه، في حالة وجد لغة من اللغات دي بيعمل إيقاف تلقائي لنفسه بدون أي تأثير على الجهاز المصاب.
من خلال الحيلة البسيطة دي تقدر إنك تحمي نفسك بشكل جزئي وتقلل من احتمال إصابتك بفيروس فدية. كل اللي هتعمله إنك هتنزل اللغة الروسية أو الأوكرانية للجهاز.. عشان تضمن إن لو جهازك اتصاب بفيروس فدية روسي بنسبة كبيرة مش هيضر الجهاز.
12 848
مجموعة كورسات شبكات من الكورسات الأكثر مبيعا في المجال على يوديمي مجانية لفترة محدودة 🔥
كورس Cisco CCNA كامل 27 ساعة 👇
https://bit.ly/3ya1oEe
كورس CCNA Packet Tracer كامل 21 ساعة 👇
https://bit.ly/3sDjoFO
كورس Cisco CCNA 200-301 بلابات عملية 79 ساعة 👇
https://bit.ly/3D3kC26
كورس CCNP كامل 28 ساعة 👇
https://bit.ly/3kfPwM2
كورس CCNP ENARSI كامل 16 ساعة 👇
https://bit.ly/3z6iwME
12 848
الرجل الذي سرق حياتك
هذا الوجه البريء في الصورة هو "أزا راسكين" مبتكر تقنية Infinite Scroll أو التمرير اللانهائي، وهي التقنية المستخدمة بشكل مفرط في مواقع التواصل الاجتماعي لعرض محتوى متجدد بدون توقف.
هذه التقنية حولت الكثير من المستخدمين إلى مدمنين لمواقع التواصل، وهي في الغالب أكثر شيء يضيع لك وقتك كل يوم.
راسكين نشر بيان منذ سنوات أعلن فيه أنه يشعر بالذنب والأسف الشديد بسبب ابتكاره لهذه التقنية التي تم إساءة استخدامها.
12 848
مجموعة من علماء البيانات في سويسرا قدروا يحسبوا قيمة الثابت الرياضي باي (ط) بطول 62.8 ترليون رقم 😯
القيمة الشائعة عن باي هي "3.141592653" واللي احنا بنختصرها إلى 3.14 لكنها لغاية امبارح كان معروف أقصى طول لها بعدد 12.8 ترليون رقم.. دلوقتي أصبح معانا رقم باي بامتداد 62.8 ترليون رقم.
كل ما الأرقام العشرية كانت متوفرة كل ما كانت نتيجة الحسابات الرياضية أكثر دقة، خصوصا في أمور زي الفيزياء والسفر للفضاء، لكن حسب العلماء إن 39 رقم بعد الفاصلة العشرية من "باي" كافية للوصول لناتج دقيق.
قيمة باي بطول 62.8 ترليون رقم احتاجت مساحة تخزين 63 تيرابايت، واستغرق الوصول للرقم ده باستخدام حاسوب فائق لمعالجة العمليات الحسابية مدة 108 يوم.
12 848
منصة Poly اللي اتسرق من 600 مليون دولار قررت إنها مش هتقاضي الشخص اللي عمل الاختراق (بعد ما رجع جزء كبير من المبلغ حتى الآن) وعرضوا عليه وظيفة "كبير مستشاري الأمن" وكمان مكافأة 500 ألف دولار 💲💲
12 848
تقديرات مجلة Forebs الأمريكية لخسائر الولايات المتحدة في أفغانستان:
▪️ 2,500 جندي أمريكي قتيل
▪️ 4,000 مواطن أمريكي متعاقد قتيل
▪️ 20,000 جريح ما بين مواطن وجندي
▪️ 800 مليار دولار نفقات مباشرة على الحرب
▪️ 85 مليار دولار تم إنفاقها لتدريب 300 ألف جندي أفغاني
▪️ 300 مليار دولار تكلفة رعاية أكثر من 20 ألف من ضحايا الحرب (متوقع ارتفاع الرقم ده إلى 800 مليار خلال السنوات القادمة)
➖➖➖➖➖➖➖➖➖➖➖➖➖➖➖
▪️ إجمالي الخسائر المالية المبدئية تم تقديرها بـ 2.2 تريليون دولار، بخسائر تزيد عن 300 مليون دولار يوميا من بداية الحرب.
▪️ الحرب على أفغانستان تم الإنفاق عليها من أموال اقترضتها الحكومة.. الأموال دي اتدفع عليها 500 مليار دولار فوائد حتى الآن.
▪️ جامعة Brown الأمريكية في تقرير لها ذكرت إن عدم دفع الأموال المقترَضة حالا (وده شبه مستحيل بسبب عجز الميزانية الحالي) يمكن أن يؤدي إلى وصول تكاليف الحرب بعد دفع الأموال المقترَضة وفوائدها بحلول عام 2050م إلى 6.5 تريليون دولار !
