"شوق وشقى".

كنت واقع كثر ماكنت وهم وخيال يارهين الضلوع اللي نفذ صبرها كسرة الخاطر اللي ماعليها جدال طيف ذكراك مايقدر على جبرها لو على قولك أن أحلامنا لا تزال وش موقفني البارح على قبرها ؟ المحبه ماكنت أشوفها راس مال كنت أشوف الحياه الفانيه عبرها راح منها شعور، وراح منها وصال لين دار الزمان وراحت بـ كبرها سهل ترجع على خبري هذيك الليال البلا من يرجعني على خبرها ؟

"كشح برق السحاب، وغنّت الغرا، وهب النود وبدا ليلي يرتب حفلة المشتاق كالعاده حضورك يربك اللحظه، وأنا يامترفه موعود على صبحٍ شعاعه من تحت غرتك ميلاده نهبتي من عناقيد العذيه درة العسجود ونثرتيها على لبّة نحرك نْجود وقلاده".

"فمان الله والعذر السمين أبلغ من التبرير عفى الله عن خطايا اللي خطايانا على شانه فمان الله يالغصن الليان اللي هجرك الطير هذا طيرك يبلغك السلام بروس جنحانه سمحت من المحبه وسامحني على التبرير وصلنا آخر حدود العشره اللي مالها خانه".

"عن ضيعة اللي "ماله الا وقوفه" وأن طاح مايبكي، وإذا قام مابان من يسند لـ راسي دماثة كتوفه ؟ من المحبه، أو من باب الإحسان تملأ عظامي حاجتي للمروفه ماني معرّض للبكاء مثلي الآن اللي حسبت أني قوي يوم أطوفه جردني من أبسط أحاسيس الإنسان الا من إحساس الترقّب وخوفه وْدموعه اللي مالها داعي أحيان الخوف تحديدًا لا يمكن تشوفه لكن له مخلب، وله عين، ولسان بنهش ظنوني قبل يملي ظروفه وْيدور الفرصه علي قدر الإمكان وأن أضمر إحساس التربّص بـ جوفه لا قلت له: كيف الهرب؟ قال: سيّان مع أن لـ أحزاني وجيه مْعروفه الا أن لي فتره في حالة تَوهان يملاني إحساس البكاء لين أشوفه وأن جيت ببكي كل "داعي بكاء" هان ماكل حاجه هينّه ومْخلوفه لكن القلب أن قسى جد ما لان اللي حسبت أني قوي يوم أطوفه جردني من أبسط أحاسيس الإنسان".

"يانديمه" جادت اللقيا سلام يوم صبري في تناهيدي شَرق عشت أنا لا طارت أسراب الحمام في رجاء غيمه، وبارق مابرق ! كان قلبي في دهاليز الظلام شاعر وغاوي، تدَثره الأرق وكانت أقلامي إذا كَبْر الملام تشكي "آثار الثماله" للورق وأكتبك، وأعانق حدود الغمام وأرتوي، وأظماك، وأهوى، وأغرق".

-

"‏حلّيت ليل، وعشت متبعثر شعور ‏ماجيتني عادي ولا رحت عادي ‏تيْه الدروب، أمرها ستة شهور ‏وأوجست بي غربة وطن في بلادي ! ‏ماعاد تاسعني من الضيقه صْدور ‏لو كنت أجر خْطاي في كل وادي ‏حبيبي الغايب، سنا كل ديجور ‏في غيبتك دلّ الوهم جوف غادي".

"اللهم صلِ وسلم على نبينا محمد".

"اللهم أغفر لي وللمسلمين والمسلمات والمؤمنين والمؤمنات الأحياء منهم والأموات".

"الا يالزمان المقبل إقبل علي بزين أنا سايلك بالله لا تلحق على الباقي أنا من قبل يومين وأكثر إلين الحين لا عينّت لي مخرج ولا زانت أخلاقي ! غدا كل شيء فـ العين ماعاد يملا عين ولا عاد والله عندي في لحية أرزاقي أدوّر شتات أوراق ضاعت قبل عامين وأنا يالله ألقاني قبل أدور أوراقي خريطة حياتي وقفتني على سيدين تحيّرت كن القيد فـ يدي وفي ساقي ! أنا عارف أن الصمت إبن سته وستين ما أعده من أعدائي ولا ضمن عشاقي لكن حالفٍ بالله ثلاث وقطعت يْمين ما أعوّد على دربٍ نثر صافي أحداقي أنا مامعي وجهين ولا ألعب على الحبلين واذا جيت أعاتب شخص أعاتبه بفراقي أغيب بهداوّه .. لين حتى الامور تزين مع كامل الحب ومع خالص أشواقي اذا الله كتب نرجع سوا زينٍ على زين واذا عادك بتبقى كذا كمّل الباقي".