NDPI.UZ

⚡️Xosh xabar! NMPI studenti Bekbergen Ádilbaev «Úmit ushqını» kókirek belgisi menen sıylıqlandı Ájiniyaz atındaǵı Nókis mámleketlik pedagogikalıq institutı Fizika-matematika fakultetiniń studenti Bekbergen Ádilbaev 27-iyun – Baspasóz hám ǵalaba xabar quralları xızmetkerleri kúni múnásibeti menen Qaraqalpaqstan Respublikası Joqarǵı Keńesi Prezidiumınıń tiyisli qararına muwapıq «Úmit ushqını» kókirek belgisi menen sıylıqlandı. Maǵlıwmat ornında atap ótiw kerek, institutımız studenti Bekbergen Ádilbaev házirgi waqıtta oqıw menen birgelikte respublikalıq «Qaraqalpaqstan jasları» gazetasınıń xızmetkeri, sonday-aq, Telegram tarmaǵındaǵı «Bilimlendiriw jańalıqları» kanalınıń shólkemlestiriwshisi hám Jaslar isleri agentligi Qaraqalpaqstan Respublikası basqarması media orayınıń reportyorı sıpatında xızmet atqarmaqta. 🎉NMPI rektoratı hám miynet jámááti Bekbergen Ádilbaevtı búgingi erisken tabısları menen shın júrekten qutlıqlaydı.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

Náshebentlik – ómir zawalı Ájiniyaz atındaǵı Nókis mámleketlik pedagogikalıq institutınıń barlıq fakultetlerinde 26-iyun – Xalıqaralıq náshebentlikke qarsı gúresiw kúni múnásibeti menen professor-oqıtıwshılar hám studentler arasında bul illettiń zıyanlı aqıbetleri haqqında túsindiriw jumısların alıp barıw maqsetinde ushırasıwlar shólkemlestirildi. Atap aytqanda, Túrkiy tiller, Shet tilleri, Baslawısh tálim hám Fizika-matematika fakultetlerinde ótkerilgen usınday ushırasıwlarda instituttıń profilaktikalıq inspektorı, kapitan Ádilbay Mámbetsheripov hám fakultet dekanları, dekan orınbasarları, hayal-qızlar máseleleri boyınsha másláhátshiler, sonday-aq, tyutorlar basshılıǵında jaslarǵa náshebentlik hám psixotrop zatlardan paydalanıwdıń ayanıshlı aqıbetleri tuwralı úgit-násiyat ilajları ótkerildi. Ótkerilgen profilaktikalıq ilajlarda bunday illetlerdiń awır aqıbetleri haqqında sóz etilgen videorolikler jaslardıń názerine usınılıp, tarqatpa materialları arqalı túsindiriw jumısları alıp barıldı.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

🎉Baspasóz hám ǵalaba xabar quralları xızmetkerleri kúni keń túrde belgilendi Búgin Berdaq atındaǵı Qaraqalpaq mámleketlik akademiyalıq muzıkalı teatrında «27-iyun – Baspasóz hám ǵalaba xabar quralları xızmetkerleri kúni» múnásibeti menen bayram saltanatı bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, búgingi bayram múnásibeti menen jıynalǵanlardı qutlıqladı. Atap ótilgenindey, sońǵı jılları elimizde húrmetli Prezidentimizdiń basshılıǵında málimleme hám sóz erkinligin támiyinlew, ǵalaba xabar quralların hár tárepleme qollap-quwatlaw, taraw pidayıların múnásip xoshametlew, xalıqqa qalıs hám isenimli málimlemelerdi jetkeriw, barlıq tarawlarda ámelge asırılıp atırǵan reformalardı xalıq arasında keńnen úgit-násiyatlaw baǵdarında keń kólemli jumıslar ámelge asırılmaqta. Mámleketimizdiń jámiyetlik-siyasiy, sociallıq-ekonomikalıq turmısında júz berip atırǵan ózgerisler hám jańalanıwlardı, ásirese «Insan qádiri ushın» ideyası astında islenip atırǵan jumıslardı keń jámiyetshilikke jetkeriw, xalqımızdıń turmısında ushırasıp atırǵan mashqalalardı úyreniw, olarǵa unamlı sheshim tabıw jolında taraw xızmetkerleri tárepinen alıp barılıp atırǵan dóretiwshilik miynet joqarı bahalanadı. Dóretiwshilerdiń kásiplik bayramı múnásibeti menen baspasóz hám ǵalaba xabar quralları tarawı xızmetkerlerine «Qaraqalpaqstan Respublikasına miyneti sińgen jurnalist», «Watan pidayısı», «Úmit ushqını» ataq hám kókirek belgileri, ózleriniń yubiley sánelerin belgilep atırǵan gazeta-jurnallar redakciyalarına, televedenie hám radio jámáátlerine kompyuterler, bir topar taraw xızmetkerlerine hám blogerlerge Húrmet jarlıqları menen bahalı sawǵalar tapsırıldı. Ótkerilgen bayram saltanatı mádeniyat hám kórkem óner xızmetkerleri tárepinen tayarlanǵan koncert baǵdarlaması menen dawam etti. ©️Qaraqalpaqstan Respublikası Joqarǵı Keńesiniń Málimleme xızmeti

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Bayram_qutlıqlawı 🎉27-iyun – Baspasóz hám ǵalaba xabar quralları xızmetkerleri kúni Baspasóz hám ǵalaba xabar quralları xızmetkerleri, jurnalistler hám blogerlerge bayram qutlıqlawı Jurnalistika – qıyınshılıǵı kóp, mashaqatlı, sonıń menen birge, hár tárepleme bilimli bolıwdı, turmıslıq tájiriybeni talap etetuǵın taraw bolıp esaplanadı. Sońǵı jıllarda mámleketimizde bul tarawdı haqıyqıy «tórtinshi hákimiyat» dárejesine kóteriw, sóz, málimleme alıw hám tarqatıw erkinligin támiyinlew baǵdarında keń kólemli, tariyxıy jumıslar ámelge asırıldı. Bunıń nátiyjesinde 2016-2024-jıllarda respublikamızda dizimnen ótken ǵalaba xabar qurallarınıń sanı birneshe esege kóbeydi. Ásirese, dástúriy hám audiovizual ǵalaba xabar quralları menen birge, onlayn basılımlardıń kóbeygenligi, olardıń jámiyetlik turmıstıń belsendi qatnasıwshıları bolıp, mámleket hám jámiyet arasında shın mánisindegi kópir wazıypasın atqarıp atırǵanlıǵın ayrıqsha atap ótiw orınlı. Óz dóretiwshilik jumısları arqalı xalqımızǵa da, jámiyetimizge de ayanbay xızmet etip kiyatırǵan, bárqulla qıraǵı, óz ústinde tınımsız izlenip, ádiwli minnetin orınlap kiyatırǵan húrmetli baspasóz hám ǵalaba xabar quralları xızmetkerleri, jurnalist hám blogerlerdi búgingi kásiplik bayramı menen shın júrekten qutlıqlaymız. Bárqulla jańalıqtıń jaqlawshısı, qollawshısı bolǵan sizlerdey pidayı insanlardıń dóretiwshilik jumıslarıńızda tabıslar, shańaraǵıńızǵa amanlıq, ózlerińizge bekkem densawlıq, kúsh-ǵayrat tileymiz. Ájiniyaz atındaǵı Nókis mámleketlik pedagogikalıq institutı rektoratı hám jámiyetlik shólkemleri.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#tabrik Prezident 27-iyun – Matbuot va ommaviy axborot vositalari xodimlari kuni munosabati bilan soha xodimlariga tabrik yo‘lladi — Президент направил свои поздравления работников отрасли с 27 июня – Днем работников печати и средств массовой информации

Bizni kuzating

Facebook | X | YouTube

#Rektor_kubogi #NMPI 🏆NMPIde «Rektor kubogi» ushın ótkerilgen intellektual turnirler óz juwmaǵına jetti 🫡Ájiniyaz atındaǵı Nókis mámleketlik pedagogikalıq institutında «Bilimler estafetası» jarısları sheńberinde «Rektor kubogi» ushın ótkerilgen «Zakovat», «Jeke oyın» hám «Erudit-kvartet» intellektual turnirleri óz juwmaǵına jetti. 🆙Solay etip, «Zakovat» intellektual turniri boyınsha: 1-orın – «Dominators» (Tariyx 121 ball); 2-orın – «Marilyn» (Túrkiy tiller 117 ball); 3-orın – «Runglish» (Shet tilleri 99 ball) komandaları 🆙«Jeke oyın» intellektual turniri boyınsha: 1-orın – Maqset Saparov (Shet tilleri 58 ball); 2-orın – Orınbasar Paxratdinov (Tariyx 38 ball); 3-orın – Nurjan Bayniyazov (Pedagogika 30 ball) 🆙«Erudit-kvartet» intellektual turniri boyınsha: 1-orın – «Runglish» (Shet tilleri 68 ball); 2-orın – «Marilyn» (Túrkiy tiller 62 ball); 3-orın – «Dominators» (Tariyx 48 ball) komandalarına nesip etti. Jeńimpaz komandalardıń hár bir aǵzası sáykes túrde bazalıq stipendiya muǵdarınıń eki hám bir esesi muǵdarında sıylıqlanadı. ©️NMPI baspasóz xızmeti. ▪️ YouTube arqalı tamasha etiń 👇 https://youtu.be/2GMGdvrELtw

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Qabıllaw_2024 #NMPI 🫡 NMPIde qabıllaw procesine arnalǵan baspasóz konferenciyası bolıp ótti 25-iyun kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın qabıllaw procesine arnalǵan baspasóz konferenciyası bolıp ótti. Ilajda institut qabıllaw komissiyasınıń juwaplı xatkeri Janjayxan Dármenov ǵalaba xabar quralları wákilleri – jurnalistler hám blogerlerge bıyılǵı qabıllaw procesindegi áhmiyetli jańalıqlar haqqında maǵlıwmatlar berdi. Institut rektoratı hám kásiplik awqamı komiteti wákilleri sózge shıǵıp, barlıq qatnasıwshı jurnalist hám blogerlerdi 27-iyun – Baspasóz hám ǵalaba xabar quralları xızmetkerleri kúni kásiplik bayramı menen qutlıqladı hám dóretiwshilik jumıslarında tabıslar tiledi. Ilajda mámleketimizde joqarı bilimlendiriw tarawında, sonıń ishinde, institutta ámelge asırılıp atırǵan jumıslar, tarawdaǵı reformalardıń nátiyjelerin xalqımızǵa joqarı dóretiwshilik sheberligi menen jetkerip beriwde ayanbay xızmet etip atırǵan jurnalistler, texnikalıq xızmetkerler, blogerlerge institut rektoratı hám kásiplik awqamı komiteti arasında dúzilgen jámáátlik shártnama tiykarında bayram sawǵaları hám húrmet jarlıqları tapsırıldı. ©️NMPI baspasóz xızmeti. ▪️ YouTube arqalı tamasha etiń 👇 https://youtu.be/MVN10-0KTsc

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#ǴXQ_NMPI_haqqında #Jaslar_TV #Qaraqalpaqstan_onlayn 📹Institutta «English Access» baǵdarlamasınıń jabılıw máresim bolıp ótti Ájiniyaz atındaǵı Nókis mámleketlik pedagogikalıq institutında Amerika Qurama Shtatlarınıń Ózbekstandaǵı elshixanası tárepinen ámelge asırılǵan «English Access» baǵdarlamasınıń jabılıw máresimi bolıp ótti. Ilajda instituttıń inglis tili hám ádebiyatı kafedrasınıń docenti, «Access» baǵdarlamasınıń koordinatorı Dina Mamırbaeva sózge shıǵıp, AQSh Elshixanasınıń «Access» baǵdarlaması sheńberinde 2022-2024-jıllar dawamında «English Access Microscholarship Program – STEM» grantı tiykarında Nókis qalası hám Xojeli rayonındaǵı ulıwma bilim beriw mektepleriniń 8-9-klass oqıwshıları ushın inglis tilin úyretiw boyınsha jumıslar alıp barılǵanlıǵın atap ótti. Sonday-aq, elshixananıń Aymaqlıq inglis tili bóliminiń (The Regional English language Office – RELO) baslıǵı Kevin MakKoy hám «The Access Microscholarship program» baǵdarlaması boyınsha koordinator járdemshisi Umida Boltaeva, «English Language Fellow Program» joybarınıń qánigesi, institutta 2023-2024-oqıw jılında studentlerge inglis tilinen sabaq ótken AQShlı oqıtıwshı Greys Kudlak, «Access» baǵdarlamasınıń koordinatorı Gózzal Ótemuratovalar institutta grant tiykarında ámelge asırılǵan jumıslarǵa joqarı baha berdi. «Jaslar TV» telekanalı «Qaraqalpaqstan onlayn» informaciyalıq baǵdarlaması ▪️ YouTube arqalı tamasha etiń 👇 https://youtu.be/ZthGQMkPBBU

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

❗️DÍQQAT, DÍQQAT! 🎉Búgin, 26-iyun kúni saat 19:00 de Nókis qalasındaǵı Jaslar orayı imaratı aldında «26-iyun – Xalıqaralıq náshebentlikke qarsı gúresiw kúni» múnásibeti menen gala-koncert hám DJ shou baǵdarlaması bolıp ótedi. 🔘Barlıq jaslardı gala-koncertte kútip qalamız! ©️Jaslar isleri agentligi Qaraqalpaqstan Respublikası basqarmasınıń málimleme xızmeti

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

Nukus garnizonida ilmiy-nazariy konferensiya ishida vatanparvarlik haqida batafsil maʼlumotlar berildi “Vatanparvarlik oʻzi nima? Uning aniq shakli, tamoyillari bormi? Vatanparvar inson qanday fazilatlarga ega boʻlishi lozim? Biz haqiqiy vatanparvarmizmi?” kabi savollarga Shimoli-gʻarbiy harbiy okrug qoʻshinlari qoʻmondonligi tomonidan “Yangi Oʻzbekiston rivojlanishida vatanparvarlikning oʻrni va roli” mavzusida oʻtkazilgan ilmiy-uslubiy konferensiyada atroflicha maʼlumotlar berib oʻtildi. Nukus garnizoni Maʼnaviyat va maʼrifat markazida oʻtgan konferensiyada harbiy okrug qoʻmondoni general-mayor Farhodjon Shermatov, Nukus harbiy prokurori adliya polkovnigi Ulugʻbek Abdirahimov, Ajiniyoz nomidagi Nukus davlat pedagogika instituti rektori v.b. Quvondiq Qodirov, Berdaq nomidagi Qoraqalpoq davlat universiteti professor-oʻqituvchilari, kuch tuzilmalari vakillari, Qoraqalpogʻiston Respublikasi hamda Xorazm viloyati mudofaa ishlari boshqarma va boʻlimlari boshliqlari va ularning oʻrinbosarlari, maktablardagi chaqiruvga qadar boshlangʻich tayyorgarlik fani oʻqituvchilari, harbiy xizmatchilar va Oʻzbekiston Respublikasi Ichki ishlar vazirligi Nukus “Temurbeklar maktabi” harbiy-akademik litseyi oʻquvchilari ishtirok etdi. Konferensiya ishida “Vatanparvarlik tushunchasi, uni shakllantirishda tarixiy, maʼnaviy va madaniy merosimizning oʻrni va roli” mavzusi koʻtarilib, atroflicha tushuntirildi. Batafsil ma’lumot 👇👇👇 https://ndpi.uz/uz/2024/06/26/29775/

Bizni kuzating

📱 Telegram | 📱 Instagram | ▪️ Facebook | ▪️ YouTube