مــجَرد إحـســــاس ♬

❤️‍🩹

‏ لو ليك نصيب في حاجة حتى لو كل السكك ليها مقفوله، ربنا هيرتبلك كل الاسباب لحد ما تبقى في إيدك، ولو ملكش نصيب ربنا هيراضيك بحاجات احسن مما تتخيل.. ربك قال " لكيلا تأسوا على ما فاتكم.. ولا تفرحوا بما آتاكم " فما أصابك لم يكن ليخطئك، و ما أخطأك لم يكن ليصيبك.. وان لله عباد اذا اشتدت المصائب ازداد يقينهم في الله، هؤلاء لا يعرفون الشقاء ابد، فخليك منهم واصبر واستعين بالصبر والصلاة عشان ربنا يرضى عنك ويراضيك.

أسأل الله أن يتعافى كل حزين من حزنه الذي يكتمه عن الناس ولا يعلمه إلا الله، وأن يجبر كلّ مكسور يتظاهر بقوته لغيره، وأن يُفرّج كربة كل مكروب يدعو الله سرًا وعلانية.

خير ما تستفتح به يومك كلام اللّٰه.

يوماً ما مع عائلتي الصغيرة 🤎

مش عارفه هتفهموني ولا لا بس انا حطيت شويه الامل اللي حيلتي في حاجه وخذلتني..

‏محتاج اصارح نفسي اني عايش على إلانتظار انا منتظر فرصة معرفش هتيجي امتى او معرفش هتيجي اصلًا ولا لا، فـ يا مساء الرعب من التخيل بإنها ممكن تكون مش هتيجي اصلًا؟ ايه الرعب ده .

أتمنى لما أوصل للحظة دي أكون بشتري الدبلة وأنا كلي فرحة ومبسوطة بالراجل اللي هكمل حياتي معاه ومفيش حاجة تكسر فرحتي معاه او بيه. أتمنى إن قلبي وعقلي وأهلي وكل الظروف تكون متفقة عليه ومفيش حاجة تعكنن عليا فرحتي ولا أكون بتجوز علشان وصلت سن الزواج المناسب أو علشان كل اللي حواليا اتجوزوا. أتمنى يكون حنين وجميل علشان الأشخاص القاسية لا يطاقوا. يحاوط قلبي بحب، ودبلته تكون دافية وقلبه فاهمني وحاسس بيا و يكون صادق وبيتقي الله في تصرفاته في غيابي قبل وجودي . أتمنى أعيش معاه ليالي هادية حنينة ومليانة حب ورحمة و يكون مكتفي بيا وببشتغل دايما على استقرار حياتنا وتعزيز علاقتنا وصلتنا ببعض . يكون متزن نفسيًا، مسئول، شخصيته مستقلة، عارف أمور الدين ويعاملني بما يرضي الله. أتمنى نعيش حياة سوية، جميلة بطعم المودة والرحمة والونس . أتمنى من كل قلبي يتحقق كوبليه الست: -صالحت بيك أيامي، سامحت بيك الزمن. المهم أنه لما ييجي يكون السلام لروحي وقلبي ويعرف ازاي يطمني واقوى بيه مش يكون ضعف ليا . 🤍🤍🤍🤍🤍🤍🤍🤍

‏مهما كانت حلاوة التخطي دايماً في حاجه جوانا بتزعل عشان مش ده السيناريو اللي كنا بنتمناه حتى التخطي مكناش عايزينه بس هو اجباري .

لما تضيق عليك زياده عن اللزوم متيأسش ، إعرف إن خلاص هانت وربنا بعتلك الفرج ، خلي عندك ثقه في ربنا ، ربنا بيقول أنا عند ظن عبدي بي ، يعني لو انت ظنيت إنها هتفضل سوده يبقى مبروك عليك السواد ، طب وثقت في ربنا وظنيت الخير ؟ ، مبروك عليك الفرج ، علشان كده إتطمن ، والله هتتعدل.