وحدوي

نی پەیوەستە پێیانەوە، لەگەڵ ئەوەی شایەنی جیا بوونەوەن، هەر وەك چۆن شایەنی یەکگرتن بوون، ئەمەش بۆ پەروەردگار مەحاڵە. 6 ـ وەك زانیمان لاشە لە گەردیلە پێکهاتووە، هەر دانەیەکیش سەربەخۆیە لەوەی تەنیشتی، بەمەش هەر دانەیەك دەبێت وەسف بکرێت بەو وەسفەی هەموو لاشەکەی پێ دەکرێت، ئەمەش بۆ پەروەردگار مەحاڵە و بڕیاردانی چەندین خودایە نەك دانەیەك، چونکە هەر بەشێك لە بەشەکانی دەبێتە خودا و وەسفەکانی خودا وەردەگرێت. هەر بۆیە ئەم بیر و باوەڕە خۆی جۆرێکە لە جۆرەکانی هاوەڵدانان بۆ پەروەردگار لە چەندین ڕووەوە. شوبهە: دەوترێت ئێمە هیچ شتێك شکنابەین لە بووندا لەوەی کە دەیبینین و بیری لێدەکەینەوە لە دوو بار تێبپەڕێت؛ یەکەم: یان ئەوەتا لە ئەو شتە لەناو شتێکدا دەردەکەوێت. دووهەم: یاخود دەبێت لێی جودابێت لە ئاڕاستەیەك لە ئاڕاستەکانیەوە. ئەمەش ناکرێت ڕووبدات ئەگەر بێت و ئەو شتە لاشە نەبێت، بۆیە شتێك لاشە نەبێت نەبوو(عدم)ە، وەگەر ناوشی لێنەنێین لاشە ئەوا ناکرێت لە ئاڕاستەدا نەبێت و تێکەڵیش نەبێت. پەروەردگاریش یان جیهانی لە خۆیدا دروستکردووە کە ئەمەش مەحاڵە و ڕوودانی ڕووداوە لە زاتیدا، یاخود لە دەرەوەی خۆی دروستی کردووە بە ئاڕاستەیەك، هەر بۆیە پەروەردگار لە ئاڕاستەدایە و ئەو ئاڕاستەیەش لا سەرووە. وەڵام: ـ ئەم بابەتە یان ئەوەتا بەدیهیە و پێویست بە لێکۆڵینەوە ناکات، هاوشێوەی(1+1=2)، یاخود پێویستی بە لێکۆڵینەوە و بەدواداچون هەیە. ئەگەر یەکەمیان بووایە ئەوا ژیرەکان دووبەرەکیان بۆ دروست نەدەبوو لەسەری، بۆیە دووهەمە و بەدیهی نیە و پێویستی بە لێکدانەوەی عەقڵی هەیە. ـ مەرج نیە هەرچی لە واقعی بینراودا نەبوو لە ڕاستیدا بوونی نەبێت، ئەوەتا ئێمە بیر لە خودی عەقڵ دەکەینەوە و ناشزانین لەناومانە یان دەرەوە، بەهەمان شێوە ڕووح و خەون، ئێمە ناتوانین بیر لە پیاوێك بکەینەوە نە کوڕی پیاوێك بێت و نە باوکی کەسێك، لەکاتێکدا عیسا(علیه السلام) بەو جۆرەیە"وەك ئەوە وایە باوکێتیت بە وجود چواندبێت، کردبێتت بە پێوەر بۆ هەموو مەوجودەکان یان دەبێ لەباوكبن یان دەبێت باوكبن چونکە ئەوە واقعە". بۆیە مەرج نیە بەم دوو ئەگەرە ڕازیبین و ئەگەری دیکە بوونی نەبێت لە وجوددا. ـ بیرکردنەوەی ئەوکەسە بۆ پەروەردگار بیرکردنەوەیە لە خودایەکی جسمانی ماددی کە پێویستی بە دەرەوە و ناوەوە هەیە، دەی پێش بوونی گەردوون بە کۆڕایی هەمووان نە لەدەرەوە بووە ونە لەناوەوە، تەنانەت نە ماددە و نە ئاڕاستەش بوونی هەبوو. ـ ئاڕاستە خۆی شتێکی ئیعتیبارییە نەك حەقیقی، بۆیە دەبێت سەرات بوونی شتێك هەبێت تا ئاڕاستەی لەگەڵ شتێکی دیکەدا بۆ دیاری بکرێت، وە ئێمە دەزانین کە پەروەردگار ئەزەلیە، وە شتێك نەبووە تا بەئاڕاستەی ئەو شتە لەخۆیەوە دروستکراوەکان بێنێتە بوون، واتە دەبێ سنورێك هەبوبێت بۆشاییەکی پڕکردبێتەوە تا لەکۆتایی سنوری خۆیدا دروستکراوەکانی دروست کردبێت، ئەمەش هەمووی بەتاڵە وەك لە پێشودا سەلماندمان. ـ درووستکراوەکان یان(دیارخەرن ـ العرض)کە تێکەڵی ماددەکانە، یاخود(بەشی بەش بەش نەبوو ـ الجوهر) کە ماددەکان پێکدەهێنێت، چی وادەکات کە شتێکی دیکە نەبێت جگە ئەمانە؟! هیچ هۆکارێك واناکات کە لەبووندا شتێکی دی هەبێت نە یەکەمیان بێت و نە دووهەمیان، هەروەك چۆن ئەو دوانە هیچیان ئەوی دیکەیان نین و سەربەخۆن لە زاتی خۆیاندا. ـ نەدۆزینەوەی جۆرێکی دیکە لە بوون مانای نەبوونی نیە، هەر وەك چۆن نەبوونی بەڵگە لەسەر شتێك مانای نەبوونی خودی شتەکە ناگەیەنێت، چونکە گەر وابێت بە کۆتایهاتنی جیهان کە بەڵگەیە بۆ بوونی پەروەردگار دەبێت پەروەردگاریش نەمێنێت کە خودی شتە بەڵگە لەسەر هاتووەکەیە، ئەمەش مەحاڵە. ـ ڕاستتر وایە بوترێت: هەست بەهیچ مەوجودێك ناکەین جگە ئەوەی لە ئاڕاستەدایە ـ یاخود تێکەڵی شتێکی دیکەیە!. بۆ وەڵامەکەی دەبێت بپرسین جارێ خۆی هەست بەچی هەستی پێکرا؟؟ چۆن زانرا کە تاکە کەرەستەیە بۆ زانین و درککردن بە هەموو جۆرێکی بوون؟! بۆیە ناکرێت هەست بەتەنها بکرێتە پێوەر بۆ ئەم بابەتە. ـ پاش هەموو ئەمانە، ئێمە ناتوانین درك بە زانستێك بکەین کە بەدەستهێنراو نەبێت لەجێگەیەکی دیکەوە، وە تاوەکوو شتێكی نەزانراو بەراورد نەکەین بە زانراوێك ناتوانین بیزانین، لەکاتێکدا پەروەردگار لە نەبوونەوە گەردوونی هێناوەتە بوون بەبێ ئەوەی زانستێکی لەسەر گەردوون بۆ درووست بووبێت یاخود بەراوردی کردبێت بە شتێکی دیکە لەپێش دروستبوونی گەردوندا هەبێت، ئەمەیان چۆن دەتوانیت هەستی پێبکەین؟! بۆیە شوبهەی بوونی ئاڕاستە یاخود تێکەڵبوون بە دروستکراوەکان، شوبهەیەکی نا عەقڵانیە، وە بڕیاردانی بۆ پەروەردگار تەماشا کردنیەتی بە لاشەیەك هاشێوەی لاشەکانی دیکە، مەحاڵی ئەوەشمان لە پێشودا ڕوون کردەوە کە لاشەبێت!. #عەقیدە#ئەهلی_سوننە#ماتوریدی#الفقه_الأكبر تیلیگرام: https://t.me/Turase

خوایەک کە حەق بێت محاڵە جسم بێت وە بۆچی؟! [ومعنی الشيء الثابت بلا جسم] مانای شت لاشەێتیی نیە، چونکە مەحاڵە پەروەردگار لاشە بێت چونکە: 1ـ ئەگەر پەروەردگار لاشە و ماددە بێت ئەوا ئەوەی بەسەردا دێت کە ماددەکان بەسەریاندا دێت لە گۆڕانکاری و پوکانەوە و نەمان، ئەمەش مەحاڵە چونکە ڕوداو لە پەروەردگاردا ڕونادات و ئەزەلی و ئەبەدیە و گۆڕانی بەسەردا نایات و توشی لەناوچونیش نابێت، بۆیە مەحاڵە. 2ـ لاشە و ماددە یان ئەوەتا پێکهاتووە لە گەردیلەکان و یەك بەستووە و پێکەونراوە و هەر یەکێکیان پێویستی بەوی دیکەیانە بۆ تەواوکردنی ئەوەی پێکیان هێناوە، یاخود لە یەك ناوك پێکهاتووە کە دابەش نابێت بۆ بچوکتر لە خۆی. ـ لە دۆخی یەکەمیاندا؛ مەحاڵە چونکە هەموو پێکهاتوێك پێکهێنەرێکی دەوێت، لەکاتێکدا مەحاڵە پێکهێنەرێك هەبێت بۆ پەروەردگار. وە ناشتوانرێت بوترێت خۆی خۆی پێکهێناوە چونکە مەحاڵە نەبوویەك بوون دروست بکات و بەو پێیە ڕەتکردنەوەی عەقڵ و بەڵگەی پێکهاتووی گەردوون ڕەتدەکرێتەوە کە چەسپاندنی دروستکارە بۆ دروستکراوەکان. هاوشێوەی ئەوەی بڵێین: گەردوون لە هیچەوە دروست بووە!. ـ لە دۆخی دووهەمدا هیچ ژیرێك ئەما ناڵێت کە پەروەردگار ناوکێکی بچوك بێت و لەژێر میکرۆسکۆبدا دەربکەوێت، لەکاتێکدا خاوەنی گەردون و خودی گەردیلە و ناوکە بەسەر هەموو شتێکدا بەدەسەڵاتە وسنورێك بۆ تواناکانی نیە!. 3ـ لاشە پێویستی بە پڕکردنەوەی بۆشاییە، چونکە یەکێك لە سیفەتەکانی ماددە ئەوەیە بۆشایی پڕدەکاتەوە و درێژی و پانی و بەرزی هەیە، ئەمەش مەحاڵە بۆ پەروەردگار لەبەر چەند هۆیە؛ ـ ئەگەر هاتبا و بۆشایی پڕ کردبایەتەوە ئەوا یەکسان دەبوو لەگەڵ هەموو ماددەکاندا لەڕوی چیێتیەوە، چونکە هەردوولایان پێویستیان بەو بۆشاییەیە لە بوونیاندا، گەر بۆشایی پڕنەکەنەوە ئەوا بوونیان نیە، ئەمەش مەحاڵە بۆ پەروەردگار پێویستی بە شتێك بێت جگە خۆی لەکاتێکدا خودی ئەو شتە بێ نیازبێت لە ئەو!، چونکە لێرەدا بۆشایی بۆ بوونی خۆی پێوستی بە بونی ئەو نیە. ـ وەگەر بوترێت ئەو بۆشاییە پەروەردگار خۆی بەدیهێناوە بۆ خۆی، مەحاڵە چونکە لە پێشودا بەهەمان شێوە هەر ماددە و لاشە بووە و پێویست بووە بۆ دەرکەوتنی ئەو بۆشاییە هەبێت، ئەمەش سەرئەکێشێت بۆ خولانەوەی نالۆژیك و دروستبوونی ناکۆتا لە ڕوداو کە مەحاڵە. ـ وەئەگەر بوترێت بۆشایی ئەزەلیە و لەوەڵ بوونی پەروەردگاردا هەبووە، ئەوا هاوبەشدانانە سەرەتا، چونکە باوەڕ بوونە بە ئەزەلیەتی چەندان شت، پاشان ئەو بۆشاییە لە توانای پەروەردگاردا نیە لەناوی ببات لەکاتێکدا جگە خۆیەتی و وخودی زاتەکە نییە، هەر وەك چۆن لەسەرەتاوە نەیتوانیوە بیهێنێتە بوون، ئەمەش مەحاڵە بۆ پەروەردگار. ـ وەگەر بووترێت: بۆشاییەکە سیفەتی پەروەردگارە. دەوترێ: مەحاڵە و کۆبوونەوەی دژیەکەکان ڕوودەدات... چونکە ماددەیەك نیە کە خۆی بۆشایبێت و لە بۆشایدابێت. هاوشێوەی ئەوەیە بووترێت ئێمە خۆمان بۆشاین و هەر خۆشمان مادەی پڕکەرەوەی بۆشاییەکەین، ئەمەش بە عەقڵی هیچ ژیرێکدا تێپەڕ نابێت. ـ هەروەها لە پڕکردنەوەی بۆشایدا پەروەردگار و دروستکراوەکان هەموویان یەکسان دەبن، وە لێرەدا هەموو بوونەوەرێك یان ماددەیەك دەتوانرێت بانگەشەی ئەزەلێتی بۆ بکرێت، ئەوەش مەحاڵە. ـ وەگەر پێش دروستکردنی دروستکراوەکان لە بۆشایدا نەبووە، کەواتە پێشتر ماددە نەبووە و پاش دروستکردنی دروستکراوەکان بۆتە ماددە، ئەمەش مەحاڵە چونکە گۆڕانی زات بە کاریگەریەکی دەرەکی دەبێت، چونکە قودرەتی پەروەردگار ئاڕاستەی مەحاڵ و بوونی واجبی نابن، ئەمە وەك ئەوە وایە بڵێین پەروەردگار دەتوانێت خۆی بکوژێت!، لەکاتێکدا شتی وا مەحاڵە و لەڕیزی مومکینەکاندا نیە. بەهەمان شێوە بەمە خۆی لە خۆیدا ئەمە گۆڕانکاریە لە زاتدا ڕوویداوە و هەر زاتێکیش گۆڕانکاری تێدا ڕوبدات ئەوا پێیناوترێ ئەزەلی و ئەبەدی، چونکە گۆڕانکاری بەڵگەی لەناوچون و پوکانەوەی شتەکانە. ـ هەروەها گەر زاتی پەروەردگار بۆشایی پڕ بکاتەوە ئەوا پێویستە سنوردار بێت، وە هەموو سنوردارێکیش مومکینە نەك واجب، هەموو مومکینێکیش ڕێژەی بوون و نەبوونی یەکسانە، هەر شتێکیش بەم جۆرە بێت ئەوا دروستکراوە و نابێتە زاتی واجیبی وجود، بۆیە مەحاڵە پەروەردگار وابێت، کەواتە مەحاڵە بۆشایی پڕکردبێتەوە. 4 ـ لاشە یان دەبێت وەستاوبێت یاخود جوڵاو، وە شتێکی زانراوە کە جوڵە دەستپێکی هەیە ولەزاتیشدا ڕوودەدات وەستانیش کۆتای پێهێنەریەتی، بەم جۆرە لە زاتی پەروەردگار دەستپێکێك ڕوودەدات و کۆتایشی پێدێت، ئەمەش پێچوانەی ئەزەلیەت و ئەبەدیەتە کە سەرەتا و کۆتایی لە زاتی خۆیدا قبوڵ ناکات، بۆیە مەحاڵە زاتی پەروەردگار جوڵە و وەستانی تێبکەوێت، ئەمەش وادەکات مەحاڵە لاشە بێت. 5ـ لاشەکان لە گەردیلە پێکهاتون و هەر گەردیلەیەك بەتەنها خۆی بەشێکی سەربەخۆیە و خودی لەشەکە نیە، بەڵکو جودایە و لەگەڵ هاوشێوەیەکانی یەکی گرتووە و لاشەکەی پێکهێناوە، بۆیە لاشەکە بەگشتی بۆ بوونی پێویستی بە تاك بەتاکیان هەیە، واتە بوو

تەواوی سیمینارەکەی بیرمەندی ئیسلامی سوننەی کوردی مامۆستا سەرباز....... https://youtu.be/o_7mIEro5Eo

مامۆستا و بیرمەندی کوردی ئەهلی سوننە... "مامۆستا سەرباز"

یەکەم جار لە مێژوودا ناوی ئەشعەری هاتبێت لەلای ئەحناف لە نزیکەی ساڵانی370بەرەوسەرەوە بووە، وە یەکەم حەنەفی ماتوریدیش باسی کردبن ئیمام(ابو لیث السمرندی)یە لە کتێبی(شرح فقه الاکبر)دا ناوی هێناون، تەنها ناوهێنان و باسکردنی هەندێك ڕاجیایی لەگەڵیاندا.

کاکە بەڕێزەکان و دادە ئازیزەکانم، ئێوە بیگەیەننەوە پێی لەلایەن ئێمەوە، بە تەحەدداوە ئەگەر لە "کتاب التوحید"ی ئیمامی هودا ئەبو مەنسوری ماتوریدیدا ناو یان وشەی ئەشعەری و ئەشعەریەت هاتبێت، لە پێشەکیەوە بۆ کۆتایی. خاڵێکیتر هەڵەی مێژووییە: پێویستە هەموان بزانن کە ئەبو مەنسوری ماتوریدی بەپێی دروستترین ڕیوایەت 22ساڵ پێش ئەبو حەسەنی ئەشعەری لەدایك بووە، لەساڵی238ك، چونکە یەکەم شێخی ئیمام لەساڵی248ك کۆچی دووایی کردووە، بەم پێیەش ئەبێت تەمەنی 10ساڵان و بەرەوسەربێت تا بتوانێت دەرس بخوێنێت. وە ئەبو حەسەن لە سیەکانی تەمەنیدا وازی لە ئیعتیزال هێناوە و هەتا وەفاتیشی فەرموو لە ساڵی 324ك شتێك نەبوو بەناوی ئەشعەری، بەڵکو دوای وەفاتی بە نزیکەی50ساڵ ئەم ناوە بڵاوبۆوە بە جیهانی ئیسلامیدا، واتە دوای وەفاتی ئیمامی ماتوریدی بە نزیکەی39 ساڵ، چونکە ماتوریدی لە333ك کۆچی دووایی دەکات. بەکورتی ئیمامی ماتوریدی ئەسڵەن نەیزانیوە کەسێك هەیە بەناوی ئیمامی ئەشعەری، وە مەزهەبێکیش نەبووە لەسەردەمی ئەودا بەناوی مەزهەبی ئەشعەری یان ماتوریدی. لەکۆتایدا دەڵێم لەعنەتی خوا لەدرۆزن، هیوادارم ئەویش دووبارەی بکاتەوە

بەرزترین مقامی علمی گەیشتنە بە زاتی "واجب الوجود" بەبێ ئەوەی جیتر مەخلوق ببێتە ئیشارەتێک بۆ زاتی "واجب الوجود"!. لەو مقامە بەرزەوە ئیدی زاتی خوا دەلیلە بۆ هەموو شتێک بە موتڵەقی!.. #توراس#ئیدراک لینکی تیلیگرام: https://t.me/Turase