Жаңалықтар - Stan.kz

Ақтөбеде балаларға бұрыш баллонын шашқан жасөспірім ұсталды Жасөспірім Қазақстан мен Ресей шекарасынан өтпек болғанда ұсталған. «Жедел іздестіру шараларының нәтижесінде Ақтөбе облысының полицейлері шекарадан өтпек болған күдікті жасөспірімді ұстады», - делінген хабарламада. Полиция мәліметінше жасөспірімді бұзақылық дерегі бойынша іздестірген. t.me/stankznews

Ал Жамбыл облысындағы Сарысу ауданында нөсерден кейін тау бөктерінде орналасқан 200-ден астам үйдің ауласы мен 21 үйдің ішін су алды Қазіргі таңда тұрғындарға көмектесу және су айдау жұмыстары жүргізіліп жатыр. "Жаңатас-Саудакент" тас жолы су басу қаупіне байланысты жабылды. Саудакент елді мекенінде арнайы техникалардың көмегімен бұрылыстағы суды тоқтату, бағытын бұру жұмыстары жүргізілген. Адам, мал шығыны жоқ. Кейін су басқан ауылға Жамбыл облысының әкімі Ербол Қарашөкеев барып, ахуалмен танысты. t.me/stankznews

Астана қаласындағы халықаралық әуежайдың төбесінен су кетіп жатыр Әуежайдың баспасөз қызметі бұл жағдайға түсініктеме берді. "Жөндеу жұмыстарын жүргізу барысында мердігер құрылыс компаниясы Астана әуежайының халықаралық терминалында су құбырына зақым келтірді. Қазіргі уақытта зақымдануды жою бойынша қажетті жұмыстар жүргізілуде", - деді әуежайдың баспасөз қызметі.

"Алматы-1" вокзалының басшысы жеке кассада заңсыз билет сату фактісіне қатысты тергеу басталғанша қызметінен уақытша шеттетілді “Қазақстан Темір жолы" жолаушылардан билеттерді заңсыз қайта сату туралы бірнеше рет шағым түскендіктен, өз бетінше тексеру жүргізген. Нәтижесінде теміржол билеттерінің жасанды тапшылығын туғызу фактілері анықталды.

"Билеттерді қайта сату схемасына жеке касса қызметкерлері мен олардың делдалдары тартылған. Жеке кассаның жұмысы тоқтатылды", – делінген хабарламада.

Нақты кімнің ұсталғаны белгісіз. 2022 жылдан бері станция басшысы қызметін Айдын Жамансаринов атқарып келе жатқан.

Әнші Әбдіжаппар Әлқожаның ұсталған сәтінің видеосы тарады Видеоны Алматы облыстық полиция департаментінің бастығы Бауыржан Әленов өзінің Instagram-дағы парақшасында жариялады. Еске сала кетсек, Әбдіжаппар Әлқожаның тәртіп сақшыларына қысым көрсетіп, ұсталған болатын. Сонымен бірге, әнші мас болған. Ол 10 тәулікке қамалды. Сондай-ақ Роза Әлқожаның ұлы Бейбарыс мас күйінде көлік жүргізіп ұсталып, 10 күнге қамауға алынды.

Желіде жасөспірімді "тәрбиелеймін" деп аяусыз ұрған шымкенттіктің видеосы тарады Кадрларда күзетшіге немесе полицейге ұқсайтын ер адам жасөспірімді ұстап алып, ұрсып, ағашпен бірнеше рет ұрғанын көруге болады. Ер адам бұнымен қоймай балаға балағат сөздер айтып, айғайлайды. Видеодан жасөспірімнің “Аға, кешіріңіз! Ойбай! Кешіріңіз, өтінемін!" деген дауысын естуге болады.  Шымкент полиция департаменті бұл дерек бойынша қылмыстық іс қозғалғанын хабарлады.

Тоқаев қазақстандықтарды Ұлттық домбыра күнімен құттықтады. "Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін!" – деп жазды президент.

🎾Юлия Путинцева Уимблдонда сенсация жасап, әлемнің 1-ракеткасын жеңіп кетті Қазақстандық теннисші польшалық әлемнің бірінші ракеткасы Ига Швентекті жеңіп, Уимблдонның төртінші айналымына шықты. Юлия мансабында алғаш рет "Үлкен Дулыға" турнирінің төртінші айналымында ойнайды. Матч ұпайы: 3:6, 6:1, 6:2. Тағы бір қазақстандық теннисші Елена Рыбакина да Уимблдонның төртінші айналымына шықты. Қазақстанның үздік теннисшісі даниялық Каролин Возняцкиді 57 минут ішінде 6:0, 6: 1 есебімен жеңді.

Еуроның жартылай финалына шыққан соңғы құрама анықталды 🇳🇱Нидерланды құрамасы 2:1 есебімен Түркияны жеңді. Енді жартылай финалда Англиямен финалға жолдама үшін таласады. t.me/stankznews

Англия құрамасының қақпашысы Пикфорд Швейцарияға қарсы ойынға арнайы "дайындықпен" шыққан Қақпашының бөтелкесінде әр ойыншыға қатысты деректер бар. Мысалы, «Аканджи – солға секір» деген жазуды байқауға болады. t.me/stankznews